面試後,大家分享下啦!

PIGPIGMA

小寶媽

hi  我都係咁話 聖心收我 都係下午班 ,因為當日先生話我個女細喎讀下午班時間長d 我都唔明佢為什麼咁講 , 唔通全部細女細仔讀下午 , 大仔讀上午 咁樣好唔平均,反而田家炳我問過in我個位先生佢話大仔細仔 混合 的而細仔學野快d , 小寶媽你為什麼, 有什麼原因喜歡田家炳 因為我而家田家炳收我讀上午 但我吳多泰 都收上午 所以我都唔知選邊間好d , 但田家炳不用坐校車 ,因奶奶住附近 而吳多泰要 所以都好煩惱

2boysmum

我都有同大家一樣的煩惱。田家炳而家收左我囝囝上午班,聖心又未有消息又要等到12月初先知。我稔都要比500 蚊留定位先。田家炳究竟好唔好?  可否告我都要搭校車架!

ccdccl

請問各位知唔知大約幾時有結果?
我頭先去圖書館睇幼稚園博覽2001, 聖心除左書簿費約1500/半年, 重要收800茶點, 各位媽咪有冇UPDATE資料?

小寶媽

PIGPIGMA ,
我都聽講過話聖心會把細仔細女編下午班但唔知係咪真呢!
吳多泰&田家炳,我選田家炳主要係因為佢近d,我住車公廟果頭,兩間都要搭車,但田家炳就有車直到可以自己送返校,而吳多泰方面,聽佢的教學模式就真係好似幾好,而我個仔面試左咁多間就在這一間表現最好但可惜我無車直到就一定要搭校車...問過老師起碼要45分鐘...咁太耐啦!咁細過,加上奶奶極力反對搭校車.
咁聖心收下午班你地讀唔讀呢?

tiffany_wong23

我要聽日先問讀吳多泰旣朋友！

我識親讀旣聖心朋友，全部都讀下午校！
但佢地全部都唔係細仔！
有四個剛剛今年畢業！
有一個今年k2，有一個今年k3！
k3果個本來讀下午校，
因為家姐剛派好返聖心小學，
但聖心小一係返上午校，
所以今年轉讀上午校！

不過你地問我田家炳或吳多泰好？
我覺得吳多泰會好過田家炳！
因為保良局好過救世軍！
同埋我之前行街時，
都有問開人佢地的仔女讀緊或打算讀邊間？
我都聽過有人講吳多泰，
但冇聽過有人講田家炳！

蔚晴

tiffany_wong23,
唔該哂!我等你消息,今日終於收到吳多泰的信,都係11號就要俾留位費,都唔知係唔係夾埋架!我諗我都要俾500 蚊留定位先,但都唔知兩間都俾定只俾一間好,好鬼煩呀!

小寶媽

tiffany_wong23

我之前睇過親子網頁&雜誌有家長來信問沙田幼稚園那間好都有推薦吳多泰的,而田家炳就係聽姑奶介紹的.
麻煩你問左讀吳多泰旣朋友後話埋我知呀,thank you

咁其實沙田係咪最好係聖心呢?其實我都唔係好清楚聖心的教學係掂,因為睇書上網都搵唔到介紹聖心的資料,只係知道人人都講話讀聖心好,奶奶又話沙田最出名係聖心.

tiffany_wong23

如果幼稚園就應該聖心在沙田最出名旣！
我估應該可能在沙田區最耐旣幼稚園，
應該有四十年！

人地話：
小學就第一城呂明才同聖心齊名！
中學就呂明才叻過聖心！


不過聖心好嚴！
我朋友個女返學遲左少少，
仲係睇住鐵門關緊果隻！
都冇情講！
如有下次，要記缺點！

同埋聖心小學好似係一、四、五年級上午校，
二、三、六年級下午校！
小學係冇冷氣！

chingko

tiffany_wong23 and all

其實我個女係比較好動,聖心咁嚴,會唔會唔係咁適合呢?
你D朋友對聖心有咩評價呢?

thank you!

tiffany_wong23

我朋友個女今年先讀k2聖心。
因為佢上年k1讀戴安娜幼稚園 ！
因為摺左，所以今年報聖心！

如果講小學，
其實我反而覺得女仔適合讀聖心好d！
男仔就適合讀呂明才！

小寶媽

堯堯豬媽,
我個仔返緊係沙角幼兒園,同新翠幼兒園同一機構,
因為我識人在沙角任教,咁細個有熟人睇住會安心d!
不過現在仍是返半日(暫托)
你仔仔返緊新翠?

tiffany_wong23 ,
你話返學遲到記缺點 ,係小學定中學?
幼稚園都係咁嚴??

PIGPIGMA

小寶媽

你仔仔在沙角幼兒園暫托 我想我女下個月返 佢到下個月夠2years 你可以pm 一些資料給我嗎

tiffany_wong23

小寶媽：

佢今年小一！


小寶媽、蔚晴、PIGPIGMA、Priscilla：

我問左我朋友啦！
佢話其實吳多泰都唔差！
老師都幾有愛心！
不過佢好遲先敎寫字，
同埋好多功課！
因為個年沙士，
唔知是否因為沙士所以先遲敎寫字？
因為大仔k1唔係讀吳多泰，
係讀馬鞍山綠茵！

同埋吳多泰什費唔多！
每半年交一次什費千幾蚊連書薄費！

我朋友同我都有同感係保良局點都好過救世軍！

Priscilla

Tiffany,

Thank you!

我就無同個仔報聖心, 係知道聖心好同出名, 但就係驚佢嚴同功課多.

我個仔較活潑, 所以係沙田我報左三間活動教學的, 最先收到信的係碧濤, 亦係個人覺得最好的, 因為佢管理同安排最有系統, 校舍較新, 係教育署點名稱讚的幼稚園之一, 沙田區好似只有佢上榜. 但係只收我個仔讀下午班, 已申請轉讀上午班, 如果收, 一定讀佢, 係首選.

對吳多泰的印象亦唔錯, 面試時, 老師都好認真觀察小朋友, 的老師個個都幾靚女, 而且教學理念唔錯, 有辦學的熱誠, 缺點是校舍略舊, 交通極唔方便.

田家炳就交通好方便, 面試時較為簡單同快趣, 並無向家長介紹學校, 係一個缺點, 但都幾多人報讀.

而家吳多泰同田家炳都收上午班, 聽完 Tiffany 講, 會揀吳多泰為次選, 碧濤唔收上午班, 就讀吳多泰. 有無意見?

janet

我上年都有幫囡囡考聖心,收左上午班,佢係大女,但我覺得唔關大細事,係睇佢問你想讀上午或下午時你點答,上年有媽咪話如果答話冇所謂,佢多數收你下午,如果你話上午,佢又會問你點解,但一定唔可以話小朋友要訓晏覺,如果唔係又會收你下午~~我上件就答,因為要囉飯俾哥哥,同埋哥哥放三點三,你地下午放四點,我唔想哥哥一個係屋企,再加上我話要揍bb,跟住佢就話我地會寫低做參考~~

tiffany_wong23

Priscilla：

係米碧濤浸信會？

Priscilla

Tiffany,

全名係: 真理浸信會碧濤幼稚園.

蔚晴

tiffany_wong23,
好多謝妳的提供,我會首選聖心,第二吳多泰!

PIGPIGMA

而家得一日時間 , 我後備都報住吳多泰先 , 係就係遠D ,其他MAMA 你地決定未呀