有無06年會在元朗區讀K1, 入來傾下 ^_^ ...

longheibaby

BabyKC：

係喎！肖珍表格內有"備註"欄，填咩架？
我仲想問吓，佢話要交兩張相，咁貼係表
格上個張計唔計架？

BabyKC 寫道:
我今天去了莢茵取表, 覺得地方都幾好, 佢地話主流班的上午班仲有位, 希望我個仔考到啦.

另外我見肖珍的表格有一"備註"欄, 想問下你地會填什麼?

Yumiyu

想問天水圍天主教聖葉理諾係唔係無普通話同埋英文(外籍
老師)?
我仔仔讀過激活學前班(2歲以前),玩得開心,學校教師好nice,地方大,我幾鍾意呢間學校(不過可能2歲前班関係,學唔到野.)
之後係英藝讀N1,學到英文字同數目字,但學校較商業化,學校好少同家長溝通,同地方細.
但以上兩間都有普通話同埋英文(外籍老師).

我想同仔仔轉讀天主教聖葉理諾,因方便返學(住天盛),師資好,學費平,地方大,你地有乜意見?

BabyKC

Sorry, 我對天主教聖葉理諾沒有什麼認識 @@

BabyKC

真係無人知道肖真表格"備註" 一欄填什麼?
定係留空佢.....

BabyKC

longheibaby,
咁我又唔知表格上那張計唔計wor. sorry.

肖真今又點半鐘開始收表, 但係唔夠2點鐘已經有人在排隊交表

longheibaby

BabyKC：

我今日都交咗表啦！表格上貼果張相係計在內，所以交多一
張比佢就得。我囝囝11月12日(10:00am)面試呀！你呢？

仲有表格上備註欄唔一定要填架，我都留空咗無填。

BabyKC 寫道:
longheibaby,
咁我又唔知表格上那張計唔計wor. sorry.

肖真今又點半鐘開始收表, 但係唔夠2點鐘已經有人在排隊交表

longheibaby

報咗肖珍嘅媽咪，你地d囝囝囡囡幾點面試呀？
睇吓到時可唔可以見吓面，交流吓。

BabyKC

我會係明天交表, 所以未知面試時間, 不過, 真的估唔到會有人排隊交表, 反而我曾經聽過真光係有倥排隊取表格..

我仲以為備註一欄係俾學校填面試時的comments.keke

all,
咁你地選了上午定下午班? 我會選1.am 2. either 3. p.m

evitalcm

hi hi   我都昨天填完交o左啦 ! 我12號 9:30 a.m. ｉｎｔｅｒｖｉｅｗ呀 ?  個個老師話佢會真係一對一喎. 哎 ? 慘啦 我真係怕佢crying　呀　？　係呢．你幾號房呀　？　我好似　４號房等．　７號房　ｉｎｔｅｒｖｉｅｗ 呀   係呢, 你地O的小朋友會唔會成日想出手打人嫁 ? 我地都冇試過咁對佢, 唔知點解呢掛一唔LIKE　就打人．　昨天佢係學校就係咁，　一唔ＬＩＫＥ 就想打人.   如果下個星期INTERVIEW　係咁就慘啦

evitalcm

我上星期同朋友食飯，　佢係ＴＵＥＮ MUN 教幼稚園O既, 佢話元朗係真光好O的, 其次係肖珍之喎 !  我聽朋友講話佢O的功課少O的, 上到小學就比較辛苦O的. 哎 ???  所以我心水都係真光行先, 如果佢唔收我先考慮肖珍.  肖珍佢收我都一定留O左位先LU !

RINGO

唔知肖珍面試時會點呢？假如「肖珍」「真光」「生命」三間都唔收你地會報邊間呢？

chaichai

longheibaby ,

我囝囝同你一樣都係12號朝早10am interview 呀! 1號房等, 6號房in, 唔知到時見唔見到你呢?

死啦! 一對一in, 我都驚放底個仔, 佢見唔到我會喊!

係呢! 我見張紙仔有行寫住, 只可一個大人帶小朋友去學校! mug 唔係父母一齊去咩?

chaichai

我唸住報埋珈琳!

RINGO 寫道:
唔知肖珍面試時會點呢？假如「肖珍」「真光」「生命」三間都唔收你地會報邊間呢？

longheibaby

chaichai：

我同你一樣喎！地下1號房等，二樓6號房interview，
到時可以一齊等囝囝，有個伴。係喎！我地點樣相認
好呢？

chaichai 寫道:
longheibaby ,

我囝囝同你一樣都係12號朝早10am interview 呀! 1號房等, 6號房in, 唔知到時見唔見到你呢?

死啦! 一對一in, 我都驚放底個仔, 佢見唔到我會喊!

係呢! 我見張紙仔有行寫住, 只可一個大人帶小朋友去學校! mug 唔係父母一齊去咩?

longheibaby

evitalcm：

到時我都要早10分鐘到，唔知到時會唔會見到你呢？

係個老師話一對一架？屯門果D幼稚園好多都係小組形式
見，幾個小朋友為一組，用手偶公仔黎豆D小朋友講野。
如果一對一見，老師會問咩問題呢？我怕囝囝唔答佢，咁
就死得。

evitalcm 寫道:
hi hi   我都昨天填完交o左啦 ! 我12號 9:30 a.m. ｉｎｔｅｒｖｉｅｗ呀 ?  個個老師話佢會真係一對一喎. 哎 ? 慘啦 我真係怕佢crying　呀　？　係呢．你幾號房呀　？　我好似　４號房等．　７號房　ｉｎｔｅｒｖｉｅｗ 呀   係呢, 你地O的小朋友會唔會成日想出手打人嫁 ? 我地都冇試過咁對佢, 唔知點解呢掛一唔LIKE　就打人．　昨天佢係學校就係咁，　一唔ＬＩＫＥ 就想打人.   如果下個星期INTERVIEW　係咁就慘啦

evitalcm

係啦 !　哎　 我估好多小朋友都會喊都似 　我諗到時個仔問完 AH 之ＡＨＯ左都可能仲見到你掛　？　睇Ｏ下到時係　１號房見唔見到你先 　個老師話順利Ｏ既話　１０分鐘左右就得啦喎　？

BabyKC

ALL,

我終於交了表格, 要成11點先見, 我最怕到時囝囝唔肯跟姐姐上樓  

另外, 我都有想過肖真, 真光同生命都唔收會點, 所以又交了萊茵的表格, 不過萊茵只係叫我放低表格, 收信等通知面試時間.  

另你地會唔會報三育, 而茜菁街同大橋街市後面的珈琳, 邊間好D?你地又會唔會報, 我去過大橋街市後面的珈琳, 雖然係細D, 但係帶我行幼稚園的主任都OK, 而且佢地話係佢地個度讀N1, 會易D收讀K1

longheibaby

共實出生率唔高，而(生命)無(肖珍&真光)咁多人報，
生命都應該會收，睇到時係上午or下午班姐，如果到
時三間都唔收先去搵第二間囉。大家唔好咁緊張！

BabyKC

我剛無做野, 目的係為了全職係屋企湊仔, 如果連同個仔找學校都做唔好, 我都唔知點交代... 所以先咁緊張, 加上人人都係咁問我, "點呀,孫仔讀邊間學校呀, 仲唔同佢找學校會遲啦, 如果唔得我都識得d人, 駛唔駛我幫下" 你話成日俾人咁問點唔緊張, 加上我大部份的親戚(指老公的)係元朗, 同有好多係差唔多年紀, 仲唔俾人問到我暈 :cry:

不過我都聽過生命係易入的

chaichai

longheibaby,

你唸住果日幾點會到? 我唸住9:45am到, 比囝囝適應下環境!
你老公會一齊去嗎? 係喎! 我地點相應好呢?