有無人成功叩門叩到喇沙小學或聖若瑟小學

Nbranson

公道啲講，sjps SJC 收生主旋律都係舊生d仔為先，未有學之園根德園呢啲新派谷嘅幼稚園之前，啲舊派私立幼稚園好似維多利亞直情一年幾十人入聖若瑟小學添。遠古時代，全香港得一間維多利亞，校舍喺維多利亞住宅大廈一樓，三班高班可以有成20個以上男仔入聖若瑟小學添。根本決定因素就係大部份聖若瑟嘅舊生阿爸佢讀啲乜嘢幼稚園，多阿爸簡學之園咪學之園收得多啲囉，根本都唔關間幼稚園嘅教學理念同方法。

jbbmom

回覆 Nbranson 的帖子

同意

Nbranson

回覆 fasola 的帖子

Sjps 點會唔著重運動，港島區每年足球籃球游水田徑乒乓球唔係冠軍就係亞軍。DBS 就每年都叫sjps 小六游泳隊轉校。至少三年免學費，此消彼長為中學游泳比賽搶人。依家DBS游泳隊主力都係聖若瑟小六轉校la.... 頭幾名嘅男校中學校際運動嘅佈局由小學已經開始

Lotsomom

大數法則，同意的。但學之園面試叻，根德園做卷勁，個人認為亦都有機會令小朋友多d機會收到叩門offer (不限於SJPS)。

有少少野需要更正下，學之園無疑是較為新派，但根德園應是屬於舊派，同Victoria應是差不多同期開校的。

PTL_L

蛋白超人 發表於 23-6-10 01:35
本帖最後由 蛋白超人 於 23-6-10 01:35 編輯

口講無憑，讓數據說話

你嘅數據都係2022年一年數據？咁就可以用嚟說話？hkpapa用嚟10年7年數據咪應該好大聲說話？其實我只係想知嘅自行、叩門、大抽獎比例，如果（唔係只睇份表喎）知1x個都係叩門入，你上年嘅數據可以反映到，但都要留意基數700人左右，一般幼稚園都係1xx人或少過100人，有啲不爭嘅事實係，叩門位最多20個左右，點可以呢到又大戶果到又大戶呢？好似另一網友話齋，old boy爸爸揀讀學之園又有機會㗎喎，哥哥讀緊必收生都有機會，唔係想特登拗，只係想知道情況。

Nbranson

平常心，扣唔到門，真係想讀嘅，繼續努力小二至小四五都大把機會。不過記住灣仔st joe 後年會重建新校舍。

Lotsomom

是啊！聽講後年會重建，請教有冇消息話有機會臨時搬去邊呢？謝謝。

gabejang

PTL_L 發表於 23-6-10 10:37
你嘅數據都係2022年一年數據？咁就可以用嚟說話？hkpapa用嚟10年7年數據咪應該好大聲說話？其實我只係想知 ...

LH 每年做兩次統計，上年度自行階段入SJPS 係4個，最後九月真係入讀有16個，但唔清楚係經大抽獎定叩門，只知來自港九新界分校都有。

PTL_L

gabejang 發表於 23-6-10 17:19
LH 每年做兩次統計，上年度自行階段入SJPS 係4個，最後九月真係入讀有16個，但唔清楚係經大抽獎定叩門，只 ...

謝謝資訊！其實一間700幾人嘅學校中有16人讀sjps一啲都唔奇，奇係奇在網友好似講到全部叩門入咁，呢到有少少誤導，16個入面，得4個叩門入/7xx 人，即有12個唔肯定途徑入喎。sjps收155人一級，有16個經大抽獎、自行、叩門入讀，其實係咪好多呢？我會覺得因為基數大7xx人，睇落好似好多咁，咪同100人左右嘅其他幼稚園入2-3個，條數咪差唔多囉。

joyce2015

在我認識的家長群，入學之園最主要就係考神校，一線直私(學校都係呢個理念)。好多家長本身已經有一線津校打底。最後如果入官津對佢地來講係失敗。

學之園嗰班自行，統一或叩門有大部分都係學校入面“二線“學生。事實上佢地“二線“學生都比好多其他幼稚園“一線“學生強。

好多學之園家長同EK家長一樣，直私 always > 官津。

Lotsomom

唔好意思，我有感而發，「失敗」、「一線」、「二線」呢種字眼，真係唔應該標籤響小朋友度⋯講真K2、K3小朋友，潛力無限，係咪需要用一次升小嘅interview、入學試來定奪叻定唔叻，我非常之有保留。小朋友嘅壓力，好多時唔係來自學校、同學，而係來自家長⋯。學之園所謂「二線」係咪真係「二線」？所謂「二線」係咪真係比「其他」幼稚園「一線」強？同埋真係要咁樣比較嗎？

Adelpiero

直私always>官津？？那你要看看係邊間官津。除咗聖保羅男女、男女拔，我未諗到邊間直私好過st joe

aaa28

meke 發表於 23-6-7 11:46
請問有無考卷？有無講故事？thank you

筆試、面試，吾考講故事這些咁淺易的題目吧

meke

回覆 Adelpiero 的帖子

spb?

adriantai

joyce2015 發表於 23-6-10 19:29
在我認識的家長群，入學之園最主要就係考神校，一線直私(學校都係呢個理念)。好多家長本身已經有一線津校打 ...

乜鬼一線二線，完全吾同意。

利申：前幾年學之園家長

gabejang

joyce2015 發表於 23-6-10 19:29
在我認識的家長群，入學之園最主要就係考神校，一線直私(學校都係呢個理念)。好多家長本身已經有一線津校打 ...

笑而不語

Adelpiero

meke 發表於 23-6-10 22:34
回覆 Adelpiero 的帖子

spb?

我覺得呢兩間同一級數

Nbranson

回覆 Adelpiero 的帖子

其實好多家長都係神化咗直資私校嘅effect.... 港島區...轉左直資嗰兩間男校高記羅記又或者私校玫記lou記...20年前同st joe距離都冇咁遠, 轉完直資la 任你小學中學任揀特異功能天才，畀你一年三考四考任谷好未，運動奧數辯論公開試成績.... 咪又係一樣..反而有啲拋離㖭。你估喇沙st joe冇能力轉直資咩,十年前兩間嘅舊生會直情做曬研究日日sell學校轉，brother 一錘定音重申辦學宗旨就係真正嘅有教無類，唔係好似有啲學校好搞笑嘅話收幾皮學費反而係令到窮困嘅學生更加容易得到好嘅教育？？？？haha... 之後兩間學校嘅舊生冇人再提過！ 好欣賞啲舊生係真正尊重同愛間學校.... 我相信喇沙亦都係一樣，九龍轉左直資嘅學校又有幾多間進步拋嚟喇沙瑪利諾運動學術嘅水平呢

Nbranson

另一個直資私校嘅家長謬誤，就係話直資私校啲resources好啲，無可否認學校可以出bonus畀老師或者請啲星級教練教體育，不過我都請佢哋去睇下而家政府同資助學校嘅新校舍.... 我參觀完一間港島區新裝修小學校舍發覺原來依家課室每間都有100吋電視做教學用途，steam 房有200吋投影器vr眼鏡幾部3d打印機都已經係標準。講有錢你唔係同香港政府鬥多啊？

Nbranson

Lotsomom 發表於 23-6-10 21:41
唔好意思，我有感而發，「失敗」、「一線」、「二線」呢種字眼，真係唔應該標籤響小朋友度⋯講真K2、K3小朋 ...

Cant agree more.... 估唔到依個年代都仲有人以為喺間幼稚園識多你100個英文生字，唸多你十首唐詩會好勁。入到小學佢應該會幾沮喪，呢個世界天外有天人外有人，我就見過啲六年從來未試過考第二以下嘅同學仔，我都見過啲矮一個頭都夠膽打籃球沖撞重佢30磅嘅同學仔.... 呢啲學生都唔係啲乜鬼名牌幼稚園嘅畢業生law...