(新手一問 )請問直資小學優點?(甚麼比津校吸引)

fwstides

chitchit0520 發表於 22-8-23 11:22
本帖最後由 chitchit0520 於 22-8-23 11:25 編輯

如果確定自己和孩子係遇強越強就係

同意

小朋友係有資質，升中自然考乜名直津都做到。而升小時5歲人仔的”實力”有幾多水份，相信大家都很清楚….

考直資小學只會造成家長過早催谷，為求一條龍名直資位…就算家長求到，但讀上去會點，始終要睇小朋友夾唔夾到間學校，否則只是家長自我感覺良好。

Marris

點解家長催谷小朋友考入直私，其中一個最大理由係希望小朋友能夠有選擇自由入讀家人及小朋友心儀既學校，唔需要要單靠運氣聽天由命讀那一間小學，考直私獲得學額係一個保障，係一個保險.
唔係個個小朋友都有抽獎運，唔係個個小朋友都住喺有一線中小校網好嘅地區，唔係個個小朋友都係一線學校必收生，香港教育機制及課程唔係個個小朋友及家庭都合適的，就係因為每個小朋友也有不同需要，所以就產生了私校及直資學校

Jean1769

Marris 發表於 22-8-23 17:13
點解家長催谷小朋友考入直私，其中一個最大理由係希望小朋友能夠有選擇自由入讀家人及小朋友心儀既學校，唔 ...

直私一條龍或一條龍津小（唔熟，唔知有無）可以免卻學生跑業績（呈分試，課外活動考級考證書參加比賽拎獎），在我角度係最大優點。

Poyau

Jean1769 發表於 22-8-23 18:25
直私一條龍或一條龍津小（唔熟，唔知有無）可以免卻學生跑業績（呈分試，課外活動考級考證書參加比賽拎獎 ...

一條龍津小越來越少 只餘17間

https://www.edb.gov.hk/tc/edu-system/primary-secondary/applicable-to-primary-secondary/through-train/sch-list.html

「一條龍」學校名單

2021/22 學年「一條龍」學校名單

學校名稱
區域

(1)
 
天水圍循道衛理小學
天水圍循道衛理中學
元朗
 
(2)
 
順德聯誼總會伍冕端小學
順德聯誼總會翁祐中學
元朗
 
(3)
 
靈糧堂秀德小學
靈糧堂怡文中學
離島
 
(4)
 
中華基督教會灣仔堂基道小學(九龍城)
中華基督教會基道中學
九龍城
 
(5)

東涌天主教學校
離島

(6)
 
金巴崙長老會耀道小學
金巴崙長老會耀道中學
元朗
 
(7)

嗇色園主辦可譽中學暨可譽小學
離島

(8)
 
西貢崇真天主教學校(小學部)
西貢崇真天主教學校(中學部)
西貢
 
(9)
 
香海正覺蓮社佛教黃藻森學校
香海正覺蓮社佛教正覺中學
西貢
 
(10)
 
香港教育工作者聯會黃楚標學校
香港教育工作者聯會黃楚標中學
離島
 
(11)

天神嘉諾撒學校
嘉諾撒聖瑪利學校
嘉諾撒聖瑪利書院
九龍城
油尖旺
油尖旺

(12)
 
伊利沙伯中學舊生會小學
伊利沙伯中學舊生會小學分校
伊利沙伯中學舊生會中學
伊利沙伯中學舊生會湯國華中學
元朗

(13)
 
新會商會學校
新會商會陳白沙紀念中學
中西區
南區

(14)
 
佛教黃焯菴小學
佛教黃鳳翎中學
灣仔
 
(15)
 
港九街坊婦女會孫方中小學
港九街坊婦女會孫方中書院
大埔
 

以上名單的結龍學校均屬資助中學和小學。有關直資和私立學校「一條龍」辦學的具體安排，家長須直接向個別有關的直資或私立學校查詢。

 ( 更新日期：2021 年 9 月)

imokifurhapi

我考直資純為好啲既peer group, 及一條龍直升中學。唔想咁谷，希望班家長唔好咁chur啦。

Raccch

回覆 imokifurhapi 的帖子

能考入直資，感覺都係資源較多，肯投入培養小朋友的家庭，應該多數都比較chur。就算唔係chur學術，都會chur體藝。

C9Ma

Jean1769 發表於 22-8-23 18:25
直私一條龍或一條龍津小（唔熟，唔知有無）可以免卻學生跑業績（呈分試，課外活動考級考證書參加比賽拎獎 ...

同意！入咗一條龍學校，可以向興趣發展。唔需要迫去學同考唔同嘅證書傍身。

lot888

如果選直資，有幾個問題要考慮。首先這直資是否你及你小朋友喜歡？如以為可以發展其他專項，不須追成績是不正確。如成績差，學校一樣會叫你走，可從小一收生人數及小六昇中人數多作分折。有些直資中學已或計劃断龍，需多留意。如一些直資冇呈分試更要小心，無論外出挑戰或未能升讀原校張會更麻煩。明白很多EK（家長)很喜歡直資，可能忽略一些實際問題。準用家必要獨立思巧。

cat20203

老實講，現在嘅一線官津，考得級十以內，除了學術，體/藝發展一樣全面。
Peer group, 精英班入面幫你group咗，唔需要太擔心
以前也有直資vs官津嘅迷思，睇完今年派位，放心曬
條條大路通羅馬，最後都會中學見。


同埋中學有更好更多選擇，咁早決定，其實又係限制進步空間。

piglover

lot888 發表於 22-8-25 21:19
如果選直資，有幾個問題要考慮。首先這直資是否你及你小朋友喜歡？如以為可以發展其他專項，不須追成績是不 ...

嗱，EK金句，收得你入直資，小朋友一定讀得上㗎。

但而家移民潮，係唔係所有學生都一定係合資格呢？
仲有，考小太多變數，有時係小朋友乖巧，咁啱合眼緣就收。乖巧又係唔係代表能力夠呢？

fwstides

cat20203 發表於 22-8-26 01:32
老實講，現在嘅一線官津，考得級十以內，除了學術，體/藝發展一樣全面。
Peer group, 精英班入面幫你group ...

一線津小也有活動教學，加上移民潮，一班可能只得<25人。高小跟程度分班，有家長想要的peer group。津小大家住得近，平日容易約玩做功課，而直私多來自跨區….

體藝可參考校際比賽成績，直私是否一面倒。如港島西，st jo/ 軒小/聖提女vs spc/ spccps/ 聖私

凡事無絕對

renaya

個人認為，一條龍嘅直資學校性價比較高，當然大前提係要認同佢哋嘅教學理念，都要滿意直上嘅中學啦。

當初我哋都有直私offers，而官津制度下可以保障埋siblings，考慮埋家庭因素後，覺得津校對我哋嚟講係好嘅backup。

其實官津小學冇大家想像中咁不濟，教學課程都有與時並進，一樣會遇到好老師。就算欠缺運氣，如果有嘗試叩門、插班等，一樣有機會入讀心儀且免費嘅學校。

Gud567567

津小最差就係個呈分試, 好大壓力!

ok3

其實除左自己考直私外，官津中小應該全部採取就近入學，取消所有小1計分同制同小6分banding先派學校嘅做法。咁就大家都冇壓力，長遠亦可拉近各校水平，大家唔需再為爭入名校而辛苦。

lot888

有一個疑問，冇壓力學習是否對小朋友最有利？早點學習，早點習慣，跌低也較容易服完，重新上路，可能更好。也可讓小朋友多明白自己。是成長必經階段。

hha

ok3 發表於 22-8-26 15:34
其實除左自己考直私外，官津中小應該全部採取就近入學，取消所有小1計分同制同小6分banding先派學校嘅做法 ...

咁就會變咗有錢有得揀，有錢嘅人可以隨時搬屋貼近心儀名校入學。

fwstides

Gud567567 發表於 22-8-26 15:16
津小最差就係個呈分試, 好大壓力!

也有不少龍津，如不是band3基本上都可直升
壓力不是那麼大

lopoto

Gud567567 發表於 22-8-26 15:16
津小最差就係個呈分試, 好大壓力!

呈分試唔係津小先要考喎，無一條龍的直私咪一樣要考

e.g. 油尖旺區，讀 油天 同 讀陳守仁 都一樣要考呈分試，壓力其實差唔多