學琴只操考試歌？

galleria

考完之後就換老師😉

LeeCC

wlmingbb 發表於 22-1-13 23:29
多謝大家的意見。其實這個已經係我轉的第二個老師。第一個在琴行學，發現佢係咁，於是轉一個上門教，最初有 ...

考試歌練到七七八八，點解老師又唔肯考試呢？

七七八八系咩意思呢？四首歌已經分別練熟，但未可以連貫一次過彈曬？還是只係學左3首歌，未有第四首？

如果前者，同老師講，話想試錄影，叫老師幫你排歌曲次序，計下自選歌曲時間是否達到考試要求，自己系屋企叫小朋友練習一次過彈四首，可以先練頭兩首，過幾日再加第三首，再第四首

YouTube有好多考試錄影示範，可以俾小朋友睇，已經10歲，應該可以跟住做


但如果系後者，只學左3/4的考試範圍，轉老師，唔好俾佢再拖落去

Azzurro

作為家長，每天聽小朋友（入門，咩證書都未有）練習同一首比賽歌我聽到好煩。。
彈下之前簡單一點歌曲放鬆一下沒壞。。
可能小孩心思不在鋼琴，我作為家長唔應該強行加速啦。。

Momobaba012

Azzurro 發表於 22-1-20 09:32
作為家長，每天聽小朋友（入門，咩證書都未有）練習同一首比賽歌我聽到好煩。。
彈下之前簡單一點歌曲放鬆 ...

有家長同我講佢仔仔首考試歌極難聽，聽到全家精神分裂

LeeCC

Momobaba012 發表於 22-1-20 11:45
有家長同我講佢仔仔首考試歌極難聽，聽到全家精神分裂

鋼琴都好過D，小提琴就……

Azzurro

Momobaba012 發表於 22-1-20 11:45
有家長同我講佢仔仔首考試歌極難聽，聽到全家精神分裂

再好聽都唔好重複幾十次啦每天。。

如果小朋友本身享受練習就除外

wlmingbb

最終同老師溝通了，3月會考，現在開始拍，得唔得都好，考咗佢。

LeeCC

wlmingbb 發表於 22-1-22 06:52
最終同老師溝通了，3月會考，現在開始拍，得唔得都好，考咗佢。

加油

ho_yan2406

Momobaba012 發表於 22-1-15 20:06
好多人考完聖三一文憑之後，考皇家幾次都不合格

因為abrsm考2parts,要考埋對曲既認識,仲要2parts都pass先得
聖三一齋彈

ho_yan2406

LeeCC 發表於 22-1-13 15:38
確實有一類老師系這樣安排，佢地通常都同人講，佢學生幾多個月由五級跳八級/六級跳演奏級等等，YouTube都 ...

我覺得呢d 老師好勁,我真係唔識教,有d係完全未學過既,一黎就話考2級,有d學左2,3年就話考5級,跟住就話操8級

我都收過呢d學生,好惡教佢地都唔識睇譜既

LeeCC

ho_yan2406 發表於 22-1-31 02:22
我覺得呢d 老師好勁,我真係唔識教,有d係完全未學過既,一黎就話考2級,有d學左2,3年就話考5級,跟住就話操8級
...

通常呢D小朋友都係靠聽力記憶去記考試歌，考試歌以外的就唔識
我小朋友細個時就有這類老師approach過我，話如果跟佢，我小朋友可以幾多年內考八級，但我無轉去跟佢

好彩遇到另一位老師，知道小朋友擁有好的聽力和記憶力，就非常嚴格的訓練他的視譜，aural,和樂理，讓他更全面

Momobaba012

ho_yan2406 發表於 22-1-31 02:22
我覺得呢d 老師好勁,我真係唔識教,有d係完全未學過既,一黎就話考2級,有d學左2,3年就話考5級,跟住就話操8級
...

我唔覺得呢D老師有什麼勁。正統老師唔會這樣宣傳。

Momobaba012

ho_yan2406 發表於 22-1-31 02:18
因為abrsm考2parts,要考埋對曲既認識,仲要2parts都pass先得
聖三一齋彈

演奏要求也不一樣

LeeCC

Momobaba012 發表於 22-1-31 07:46
我唔覺得呢D老師有什麼勁。正統老師唔會這樣宣傳。

有朋友仔跟過這類老師，媽媽當初都係因為老師話佢個小一小朋友可以小三考到五級，小六考中學前可以考到八級

但小朋友考到五級，媽咪轉左老師，因為小朋友由小一至小三只係彈過三首五級考試歌，已經對練琴好厭倦

結果新老師由二級基本野由頭教起

964000

LeeCC 發表於 22-1-31 12:43
有朋友仔跟過這類老師，媽媽當初都係因為老師話佢個小一小朋友可以小三考到五級，小六考中學前可以考到八 ...

大把人話8級，但我見3级歌都sight read 唔到，走哂音又唔覺，拍子都未識數，所以如果一要audition咪見真章。
仲有好多都話一考完話就好憎件樂器根本成件事錯哂

ho_yan2406

Momobaba012 發表於 22-1-31 07:46
我唔覺得呢D老師有什麼勁。正統老師唔會這樣宣傳。

我指佢真係教到個學生考到，我真係唔知點教

LeeCC

ho_yan2406 發表於 22-1-31 22:50
我指佢真係教到個學生考到，我真係唔知點教

首先佢地系揀學生收

有人只肯收佢需要的天份的哥哥，點都唔肯收無呢種天份的弟弟，天份就係記性好，唔識睇譜都可以彈曬成首歌

ho_yan2406

LeeCC 發表於 22-2-1 07:26
首先佢地系揀學生收

有人只肯收佢有需要的天份的哥哥，點都唔肯收呢種天份的弟弟，天份就係記性好，唔識 ...

原來係咁

964000

LeeCC 發表於 22-2-1 07:26
首先佢地系揀學生收

有人只肯收佢需要的天份的哥哥，點都唔肯收無呢種天份的弟弟，天份就係記性好，唔識 ...

背譜都係一個天份，唔係人人背到，有啲人要九牛二虎之力，同讀書背書無關。

甜甜人妻

睇到呢個post我都想分享吓自己嘅經驗，因為我係成人學琴，亦都有去考過級（2級，5級，2 級merit, 5級pass).

我19歲至學琴，學得唔快，學第二年考二級，好似係學咗第四年到就開始預備5級試。

以前跟過兩個老師，而家諗返起呢個都係馬馬。幫我操5級試嗰個，我好似用左9個月去預備，堂堂只操考試歌，完全唔開新歌。係好悶，好悶，非常悶。又無傾學習目標。同時個老師教琴真係教琴，樂理又冇乜講，所以我自己嘅音樂知識基本上非常缺乏。23/4歲考完5級我停學左琴。我覺得我第二個老師係消磨左我對學琴嘅興趣。

之後我係十幾年無彈過，直至而家40歲，想培養個仔音樂興趣，拎返封咗塵10幾年嘅數碼琴出嚟彈。反而燃點左我對學琴嘅興趣，我啱啱開始學返。我嘅目標係彈三四年其他歌，然後考八級，完滿我嘅學琴生涯。

我嘅key takeaway 係：

1. 鋼琴老師都真係好參差，唔夾唔啱其實都應該轉老師

2. 如果只係為咗考琴，其他歌咩都唔彈，我覺得overall 彈琴嘅能力應該係好一般。因為每一個譜要嘅技巧風格都唔同, 每一個譜都係要練習，同埋好老師幫助指導至有良好效果。

3. 培養一種興趣，如果真正愛上，一生受用。唔開心嘅時候彈吓琴，非常抒發到情緒。開心嘅時候嘅時候彈又會覺得開心。我諗住比我個仔學琴，但又唔急住俾佢學，聽下歌先，上吓d 親子音樂班先。培養到興趣，就唔使迫佢練琴咁辛苦。

4. 我啱啱學番琴跟咗個新老師，純粹地點時間方便去就去學，細琴行。呢個老師反而幾好，會同我講個piece 嘅起承轉合，有咩要留意，亦嚴格，又會同我講d歌嘅風格。我而家至知原來學琴係咁。

5. 學習目標真係要溝通下，有啲家長只為考級老師就會focus 考級。我識嘅大部份周圍嘅人，考完八級鋼琴，就放低個琴，之後一世都唔彈。咁樣嘅其實我覺得好嘥。可能係因為由始至終都冇培養興趣。