心散到咁，仲可以預習下年課程嗎？

little_yolky

conniecheung 發表於 20-8-25 21:19
其實我只係想 ，佢第時唔使做B3生，之前補習（一至五功課班，星期六專科英），而家停哂，學校連暑期作業都 ...

阿大唔好提，我阿細P3時都只係B2尾，只係補數，練習都無做，不過就有睇書。P4仲變埋B3⋯⋯你無見我前大半年周圍問人邊間B2尾B3頭學校好咩？我直資都幫佢搵埋喇。時勢造英雄，無端端停課網上教學，佢如魚得水，咪叮咗囉。要把握時機呀。

今次呈分，我中、英、常、音樂、視藝全部跟到足，真係好D喔！

little_yolky

S-Kwok 發表於 20-8-25 21:32
本帖最後由 S-Kwok 於 20-8-25 21:33 編輯

如果要提高成績，其實要針對性先至能發揮效用㗎喎。

係。阿大時只做重組句子同標點符號。

Jane1983

little_yolky 發表於 20-8-25 21:02
睇嚟我兩個都算乖了。

你都唔係善男信女啊

亞媽放工幫佢對功課和溫習，佢竟然大發脾氣！細路哥夠膽咁放肆，真係縱出來的。

Jane1983

回覆 ar_mak 的帖子

係ga。士丹利個仔day1同我講，返咗6個鐘學，放學要打6個鐘機先得。我諗佢講完呢句話，有排後悔

S-Kwok

ar_mak 發表於 20-8-25 22:45
你講呢個閱讀理解，我見過有Ｄ題目真係出神入化到你根本冇可能係文章直接搵到答案。

以一年班程度為例，文 ...

咁呢啲題目 好明顯係出版社嘅錯
不過其他大部分係可以揾到嘅。

至於我，我係要我嗰仔喺文章裡面揾可以支持佢答案嘅句子，佢揾揾下，就知自己衰，衰求其

Pigdripy

Jane1983 發表於 20-8-25 13:26
阿女唔發脾氣已經當果日贏左 －－－－ 點解你係屋企棟樑，又係佢亞媽，但比一個咁既下把位自己？

你要返 ...

你講得好啱。令我好慚愧。罵又試過，佢就喊同埋更反感, 更加唔鐘意做功課和溫習。試過語重深長地講，佢好似受D, 但佢都係未「叮」，都係唔多願做功課和溫習。反而我唔喺屋企，交低 d 功課或練習俾佢，話我放工前要做完，佢都做到8成。但無可能成日唔睇佢。有時都諗係咪自己太心軟，唔夠硬，所以佢唔聽我講，定係真係唔識教女。唉～

Jane1983

回覆 Pigdripy 的帖子

唔使慚愧啊！呢一代人錫仔女，對小朋友心軟係好正常。但大道理要搞清楚，所謂「教仔要有義方」，否則你為佢付出再多，都未必有成效，佢亦未必會感恩，加油！

little_yolky

ar_mak 發表於 20-8-25 22:45
你講呢個閱讀理解，我見過有Ｄ題目真係出神入化到你根本冇可能係文章直接搵到答案。

以一年班程度為例，文 ...

其實係關事既，睇你理解有幾多囉。最慘係，睇完一篇文，問你小明咩性格，選擇入面又好似有幾個都啱咁。

little_yolky

Jane1983 發表於 20-8-25 23:14
回覆 ar_mak 的帖子

係ga。士丹利個仔day1同我講，返咗6個鐘學，放學要打6個鐘機先得。我諗佢講完呢句話， ...

但係我覺得自己好善良喔我本善良呀！佢哋做好自己本分，其實我係唔會發火的

Jane1983

回覆 ar_mak 的帖子

佢計數可能錯，但佢同父母對弈，真係每戰必勝。
十幾二十年前，紅籌公司賴債，中國官員王x山青筋暴現話「誰家孩子誰抱」。到今日香港，變成「誰家孩子誰養....過世」。真係literally 養兒100歲呀！

Jane1983

回覆 little_yolky 的帖子

哈哈，key words係「做好本份」。

qpalzm

Pigdripy 發表於 20-8-26 02:59
你講得好啱。令我好慚愧。罵又試過，佢就喊同埋更反感, 更加唔鐘意做功課和溫習。試過語重深長地講，佢好 ...

好明白你的心情, 真係要自身經歷過先知有幾無奈。
我大個個都係成日要拉佢去做野(係physically咁拉), 監佢做功課練習=同佢鬥長命, 所有方法用盡都係咁。當然間唔鐘有日會突然好乖, 做得又快又令又準, 但呢D日子唔多。

重有寫D字, 真係慘不忍睹。細個個學寫字幾個月之嘛, 都就黎令過佢, 你話點算？