越看越迷惘，究竟點知......

flones5

回覆 Charlotte_mom 的帖子

甘我要再重新思考了，更加上你是當事人的經驗

但是我也認同講同做係兩樣，都覺得間間都話自己什麽理念，什麽自主似乎好多是人云亦云，看得多，聽得多好像有些麻木了

其實看報告有用嗎，重點看什麽呢？
因爲報告都好像千篇一律

flones5

回覆 KBoyboy 的帖子

介意透露下邊7間，當一個參考，因爲我也認同“吳係有錢”
如果錢多好像選擇也多，但是有限制又加上自己未開竅就希望參考下

如你不介意，也可以PM的

Charlotte_mom

flones5 發表於 19-11-27 13:08
回覆 Charlotte_mom 的帖子

甘我要再重新思考了，更加上你是當事人的經驗

好多野睇
學生退學數字，如果年年都多，要唸下咩原因
升學數字，升中去邊
老師數字、年資、學歷，師生比例
學校攪左咩培訓交流，both for學生及老師，特別係對拔尖補底支援
D錢用左去邊
學生攞咩獎，參加過咩比賽
家校合作，家長參與過d咩，有咩俾家長嘅培訓（係一年一個親子旅行，定一年n咁多次工作坊講座，係有分別）
學校擺咩材料落去report，亦直接反映學校著重d咩

tummypooh

龍校或者有聯繫中學的學校當然係好選擇，好多人想去，因為唔想六年後再煩過。

但你又要睇下所謂的龍校，你要付出幾多心血是可以令佢可以keep住係個度升班喎。
算不求最叻，但都要達到最低要求嘛。

其實學習的路好長，而家唔得，唔代表之後唔得。我讀書個陣都係小五先突然開著個腦。(當然我地個陣同而家的競爭又係兩回事）。只係想指出，而家入唔到某啲學校，只要間學校係正常（最好就係適合你小朋友而又不太差），保持住佢的學習興趣，可能中途會有驚喜。

做人父母係好慘，船頭驚賊、船尾驚鬼，未發生已經驚一餐。好似我咁，明知活動、創意高的教學會適合小朋友多啲，但如果入唔到個的學校（仲要有啲好貴嘛），而要係傳統學校中揀，我都會揀一間辛苦少少的龍校...........

Vividada4472

karllambb 發表於 19-11-27 12:20
但我仔係私幼，所以亦有可能咁唔需要補英文普通話

如果你小朋友係學卷而無教phonics, 咁可能要補下phonic ...

好多津幼都有教phonics架喇

flones5

本身有phonics，不過未十分掌握

flones5

回覆 Charlotte_mom 的帖子

甘我要去睇下點寫先，你的了解好深入

yeeyee0112

tummypooh 發表於 19-11-27 13:49
龍校或者有聯繫中學的學校當然係好選擇，好多人想去，因為唔想六年後再煩過。

但你又要睇下所謂的龍校，你 ...

完全認同依家做家長的確好大壓力，我女明年升小一仲頭痛緊揀傳統谷 / Happy School，當有選擇時仲煩惱。。

tummypooh

回覆 yeeyee0112 的帖子

而家可以係咁易諗一諗或觀察下。到真係有時先再煩。

yeeyee0112

tummypooh 發表於 19-11-28 09:19
回覆 yeeyee0112 的帖子

而家可以係咁易諗一諗或觀察下。到真係有時先再煩。

依家要諗呀。。分別兩種學校都收，真係好難抉擇。。Happy School 自主權同開心D，但阿媽荷包就苦D。。唉

jstarry

karllambb 發表於 19-11-27 01:00
我選校標準同你9成似！

我都好堅持唔補中英數cambridge etc, 唔太谷佢，因為靠谷至考到學校，好大機會上 ...

我都係唔贊成外補，幼稚園果陣淨係補英文，平時都會同小朋友伴讀，唔係讀私幼。

分享下今年考小一既感受，就係競爭好激烈，未到你考果陣可能會唔知咁難考，仲會有少少冀盼間學校會睇性格，結果考6間只有1間waiting（因為有back up所以只考心儀）。

如果真係好想考入好學校，學術方面一定要夠先穩陣，同埋要培養小朋友說話能力（講野有條理）。雖然就算重來一次我都未必會出去補，但如果你目標係直私，感覺唔補就有d難考到心儀學校。

hideseek

jstarry 發表於 19-11-28 09:46
我都係唔贊成外補，幼稚園果陣淨係補英文，平時都會同小朋友伴讀，唔係讀私幼。

分享下今年考小一既感受 ...

我唔太同意，我小朋友都無補，但考直資結果幾好，所以外補非必須，主要睇下父母用幾多力同小朋友性格

flones5

回覆 yeeyee0112 的帖子

是不是兩邊都有學校收？甘真係好煩惱
以爲邊種學校收就幫你決定，點知兩邊都收，甘就吳知點算
坐吳定又想被約束下，文靜又想他外向些

jstarry

hideseek 發表於 19-11-28 09:51
我唔太同意，我小朋友都無補，但考直資結果幾好，所以外補非必須，主要睇下父母用幾多力同小朋友性格
...

我係在職父母，番到屋企淨係夠時間睇下書，跟下功課，如果父母可以自己教咁又可以自己跟既～

同埋我果間幼稚園學術比較淺，淨係靠學校學術真係唔夠考。同埋小朋友性格都有關係，所以淨係學術ok都唔係一定成功。

我唔係鼓吹要外補，只係過內人有感而發。

karllambb

jstarry 發表於 19-11-28 09:46
我都係唔贊成外補，幼稚園果陣淨係補英文，平時都會同小朋友伴讀，唔係讀私幼。

分享下今年考小一既感受 ...

我會自己教，所以無外補你可以當有內補

中英我因為自小有和佢伴讀，我又鐘意多口開下其他野（例如問佢你留唔留到他她它牠都係他，點解唔同寫法？）好多時呢啲傾計都令佢吸收左但又唔辛苦。我是working mum, 通常都係每日15-30min

呢啲父母可多花思諗諗計，小朋友自己嘅，無人俾你更了解咩可引起佢興趣

只是小小睇法，為的只是唔想每年更多更多小朋友過著補齊中英數普通話，一日補兩樣嘅生活.. 當然如果你覺得個科好令你嘔血擔心唔安心，外判啦，只是外判前諗一諗父母盡左力未？將外判科目減少

karllambb

hideseek 發表於 19-11-28 09:51
我唔太同意，我小朋友都無補，但考直資結果幾好，所以外補非必須，主要睇下父母用幾多力同小朋友性格
...

一樣，暫時還可以，不過最心儀兩間未有結果

flones5

覺得小朋友性格好重要，
有時會想，學校見到下列類型會點選？

A: 外向好動性格衝動，不能與人協作，學術好
B: 外向斯文有禮貌，能與人協助，學術一般
C: 斯文有禮不説話，不能協作，學術好
D: 樣子美有禮不説話，能協作，學術一般

當然不同學校選校標準不一，個人覺得與人協作溝通是非常重要的選項

hideseek

karllambb 發表於 19-11-28 10:10
一樣，暫時還可以，不過最心儀兩間未有結果

祝好運(emoji)(emoji)我唔係今年(emoji)

karllambb

jli008 發表於 19-11-27 13:01
先唔好太怕功課多，正常都唔會日日都咁多功課，會否遇到好同學睇緣份，個人覺得入那一間都一樣有好與唔好同 ...

同意，見到為升中好煩個啲，都係自小阿仔唔急阿媽急，阿仔無鬥心，結果當然係一直拉牛上樹到中學..

我都諗緊點將仔女變成co-worker而不是下屬，學習中