一線小學，全級應在頭十，但操行C，可以點做？

bhamcy

IloveJJ 發表於 18-7-6 11:33
我哋學校操行唔係班主任一個俾分，係分五份:中英數常+班主任，咁班主任就佔2份。
...

相信好多學校都唔會單一由班主任一個人去決定操行分，只是不會咁高透明度去話俾家長知。

subb

jumphigh 發表於 18-7-6 11:40
我孩子小學話就話其他科老師都一齊評操行， 但最後決定都係班主任到，而且细項更加係全部由班主任一個人比 ...

假民主　！　

我朋友個仔又係咁，老師成日小事，投訴去家長，操行當場比得唔好啦
最後加上見校長傾，老師叫做收歛番Ｄ　！　

mimi222shi

如果小孩咁識討人歡心, 相信唔會有依家呢個問題

問題係好多老師都麻麻地...明知呈分都玩野!

仔仔錫錫你

其實當初你發現班主任有問題應第一時間搵校長。無錯，搵完後“可能”會報復。咁如果無呢？你小朋友就可安 穩渡過。你唔搵高層處理，佢會得閒整鬼你，最後受苦都係小朋友。
其實搵高層處理係百利無一害，高層會觀察小朋友/老師行為，有咩事你可以話老師“報復”，操行一定可討回。

Yanamami

仔仔錫錫你 發表於 18-7-6 13:14
其實當初你發現班主任有問題應第一時間搵校長。無錯，搵完後“可能”會報復。咁如果無呢？你小朋友就可安  ...

如果高層“默許”班主任咪捉蟲？

JustAParent

世上，沒有無緣無故的愛，亦沒有無緣無故的恨。操行C，作為家長，點可以唔搵學校搞清楚？一切豈能一句老師玩野、針對、不近人情作罷。

比如一個自信DSE5**學生，放榜得個3，你估佢查唔查卷？唔出聲，即係默認老師評價，去問去爭取，你可能會得知一些你冇諗過嘅事。

有人話中學收生重成績，操行次要，真？常人認知係操行既野，升中喎，小學會鬆Ｄ手咪令學生麻煩，唔Ａ都比個Ｂ。你 C，如果我係收生老師，我會好有興趣小朋友係小學發生乜事。我仔女升中時，大大話話都去過十幾間中學升中簡介會，間間都話操行要Ｂ以上。唔理操行？我未見過一間B1學校係咁，當然大抽獎乜都無所謂。

WinnieCatCat

shuaimei 發表於 18-7-5 23:27
有直屬中學，但唔想原校升，自行想搏出面更好的学校。呈一大概頭十，4主科都係A，但操行唔理想，五個操行細 ...

你擔心下年又對住佢，操控住操行加作文口試分，真係不得了！搵班主任傾下，唔係質問或投訴，係要誠懇（即使係扮既）。係人都鍾意人氹、讚美自己，尢其那些鍾意掌權既人。你扮晒知衰，多謝班主任今年教導，想了解下點樣幫女女，話阿女其實好鍾意班主任教云云。必要時灑幾滴眼淚，話好擔心阿女去左差既學校。班主任條氣順晒，又覺得自己做緊救世主，知道家長亦緊張，應之後手鬆點吧！呢d禁虛偽既野梗係唔好要阿女做，做阿媽真係好偉大的，為仔女甚麼事也可做，包括放低樽鹽。條氣好唔順要忍忍忍，最多之後食buffet鬧老公發洩返。到阿女派到心儀學校，你返轉頭串爆班主任是後話啦

猴子爸

WinnieCatCat 發表於 18-7-6 14:11
你擔心下年又對住佢，操控住操行加作文口試分，真係不得了！搵班主任傾下，唔係質問或投訴，係要誠懇（即 ...

好有宫心计feel, 好正题外话：如果学生家长一直都参与学校义工，跟学校校长老师熟络，是否比较容易避免类似被班主任针对的情形出现？

仔仔錫錫你

Yanamami 發表於 18-7-6 13:37
如果高層“默許”班主任咪捉蟲？

其實老師有問題你估高層唔知？只係無人投訴就由他吧！搵過高層，老師點都會收斂吓！我仔從小1開始操行不嬲都係b+，小4唔知咩事最尾果次得個c,我即刻搵副校問咩事！2次家長日都話阿仔無問題，只係上堂有點不專心，手冊無寫堂上有問題，從來無收過電話，有咩原因比c,你話係主科老師決定？！好，我叫阿仔問主科老師，中文老師話我比b唔係c,英文老師話我係想嚇你等你出年做好d。副校都知出事，我再問同班同學打交，剪人頭髮都係c，校方比c我接受！但唔該校方比返資料我同級無事無乾有多少個b，麻煩全部改返比c佢地。最後校方解釋文書出錯，比返個b了事。

shuaimei

回覆 JustAParent 的帖子

上學期紀律同禮係C時，已找班主任傾過(低聲下氣)，佢比我嘅理由一直只係話小朋友上堂傾偈，沒有其他。點知下學期又係咁，又無記過，仲有5個優點，咁叫人點接受呢！

mcl203

仔仔錫錫你 發表於 18-7-6 14:36
其實老師有問題你估高層唔知？只係無人投訴就由他吧！搵過高層，老師點都會收斂吓！我仔從小1開始操行不嬲 ...

咪以為高層真會出手去處理。我小朋友試過某訓練完後，老師捉住佢鬧左1堂時間，問佢乜咁無禮貌’廟，佢，全程佢係被威脅下認左，因佢係老師。但佢返家後致電我家負責人講左件事，咸到豬頭，佢根本唔知乜係，廟，，更加無做過。負責人致電班主任問乜事，班主任唔肯處理，駁線去該老師，老師話佢已認左，處理合適～～～

豈料，明早副校捉住我小朋友，話佢昨日全程在場觀看，根本無甚麼‘廟’老師出現過，望住佢俾人出氣狂鬧～～～

Yanamami

仔仔錫錫你 發表於 18-7-6 14:36
其實老師有問題你估高層唔知？只係無人投訴就由他吧！搵過高層，老師點都會收斂吓！我仔從小1開始操行不嬲 ...

我意思係：高層為留成績好既学生上中学部，默許老師係操行分手紧，甚至不合理……所以告上校長处都未必有用｡

仔仔錫錫你

mcl203 發表於 18-7-6 14:57
本帖最後由 mcl203 於 18-7-6 14:57 編輯

咪以為高層真會出手去處理。我小朋友試過某訓練完後，老師捉 ...

你呢啲口同鼻拗好難贏。 我在校方唔知 情下叫小朋友直接去搵主科老師問過究竟。 我係有足夠證據去講道理。 你個case要搵証人去support，如果唔係最後都係官官相衛自己硬食。 我投訴到校長處有3次，每次我都搵足3個証人先去投訴，基本上校方搵咩藉口我都諗埋，最後雖然迫唔到老師道歉，但校長都代為道歉 承認處事不妥。事後小兒 都叫做安穩度過到今天畢業。

little_yolky

mcl203 發表於 18-7-6 14:57
本帖最後由 mcl203 於 18-7-6 14:57 編輯

咪以為高層真會出手去處理。我小朋友試過某訓練完後，老師捉 ...

咁你都唔處理? 我阿大俾班主任狂閙咗10分鐘, 因為話佢唔食盒飯, 浪費。其實皆因佢果日照顧嘔同學, 聞到嘔味, 自己都想嘔, 無胃口。班主任無問原因, 總之係狂鬧咗10分鐘。不過, 我知個班主任係好有教育熱誠, 只係呢個位處理得有D問題, 所以無寫信去高層鬧爆佢, 只係直接寫信俾佢。之後佢打電話俾我承認咗處理失當, 無俾機會阿大解釋, 亦有當面同阿大道歉。呢D都係年青老師至有咁既胸襟, old seafood就一定死不認錯。

mcl203

仔仔錫錫你 發表於 18-7-6 15:19
你呢啲口同鼻拗好難贏。 我在校方唔知 情下叫小朋友直接去搵主科老師問過究竟。 我係有足夠證據去講道理。  ...

成件事係副校自己親口講目暏成件事喎，只係佢完全無去處理～～～

mcl203

little_yolky 發表於 18-7-6 15:37
咁你都唔處理? 我阿大俾班主任狂閙咗10分鐘, 因為話佢唔食盒飯, 浪費。其實皆因佢果日照顧嘔同學, 聞到嘔味 ...

9X9老師間私人恩怨，捉個學生出氣～

beagoodman

Yanamami 發表於 18-7-6 06:02
哦~有联糸中学……正常吖~唔想俾你女走吖嘛，你搵校長都無用……唔会係衣車吧…… ...

唔會啦，你講嗰間操行無細分。樓主，可否提示下邊間？好似操行有細分的唔多

shuaimei

揸住咁嘅操行係咪到此為止，乜都唔駛玩，乜嘢直資、自行、扣門都唔再有份，好灰，小五就玩完！而我更唔想升佢嘅中學。