唔補習可以入到大學嗎？

csbaik

JustAParent 發表於 18-6-8 13:33
讀書好似進食，學校老師補習老師係廚師。 需唔需多個補習廚師？ 抑或學校廚師已經夠， 好睇同學自己口味、 ...

    

Duffy727

samer 發表於 18-6-6 20:27
今時今日補習成風，成績差固然要補，成績好都要補，究竟仲有無學生可以完全唔補習而順利入到大學？大家有無 ...

有，我老公姪女，冇補過習入左U, 佢好自動自覺好獨立

October.

有，－個，從未補過－日習，本身數理資優，A仔，佢係連學都唔想返，時不時逃學，佢本身有學習天賦，對科學極之興趣，自已讀。
我覺得既使－個學生是有過補習，但都唔可以證明係補習幫到佢入大學，因為香港補習實在太 跟風了

1998Ruby1998

回覆 JustAParent 的帖子

我有另一比喻。
讀書同打機一樣，有 d 人可以無師自通，有 d 玩極都唔掂，不過大多都係玩得多就容易上手 d。有 d 睇一睇遊戲本身個 tutorial（學校老師）就可以玩到尾，有 d 人玩同一個關卡都不斷 game over，諗極都唔知可以點樣過關，所以要睇遊戲攻略。再有 d 人係睇完攻略都唔明，要睇 Youtube 其他玩家嘅 playthrough 先可以過關。再有 d 係睇曬都搞唔掂，要人幫一幫。所以需要幾多幫手，真係因人而異。

不過如果個學生係唔肯打機，連開機都懶，咁神仙都幫唔到佢啦

LingChiBaBa

我諗去補習同打機/進食唔同嘅地方，係有家長呢個因素。父母唔會理你打機過唔過到關，亦都唔會關心你煮得好唔好食。但大部分父母期望子女入到大學，覺得俾錢子女去補習可能係最直接幫到子女嘅成績嘅方法，達成父母嘅心願。否則，如果考DSE失手，父母可能會自責之前無安排補習 (當然這不是有絕對關係的)，代價係要浪費一年或要讀一些唔想讀嘅課程.........
其實，學校嘅拔尖補底，師兄/姊指導及父母親自教不也是補習嗎？可能一般人覺得俾錢補習先夠專業啩，而且乾手淨脚。
我不反對補習，因為我也是一個一般的家長，不過我會同亞女傾實際需要及有多大幫助。

hksarhksar

friend's son is admitted into medic, HKU. not extremely good result but recommend by his school. poor. no tutorial

Acatmom

October. 發表於 18-6-8 13:58
我倆個小學補習老師係我呢道家長咁犀利，仔女都去俾人補，睇返轉頭，一額汗
...

Same here

結結巴巴

補習是應試制度催生的產物。應試制度一日不廢除，補習風氣只會越來越盛行。在人有我有的心態下，不少家長都選擇比子女補習，不管是否必要，哪怕節衣縮食。若然不想從眾，又不能回避制度，最好就是調整心態，抛開必須考入大學的枷鎖。

autumnshoulder

調轉想, 係咪全科補習之後, 一定入到大學?

Kittymummy

呢個問題⋯⋯留返7月中答你，因為我女都都冇補習。好緊張

一家三口

Kittymummy 發表於 18-6-22 00:15
呢個問題⋯⋯留返7月中答你，因為我女都都冇補習。好緊張

好厲害，預祝成功，

妳囡囡報了邊間大學和那個學系？

Yanamami

autumnshoulder 發表於 18-6-19 02:40
調轉想, 係咪全科補習之後, 一定入到大學?

底子唔好、無心向学者，天皇補习唔能夠起死回生。去補习，都係為求答題技巧，知多d点答先攞得到分，点先高分d，唔係会增進学識｡所以入到U同学本身有能力都去補，係心理上安全感多过真係要補｡當然，知道marking scheme, 多－两分都好重要，有时入唔入到心儀学系可能就靠果少少difference。要入神科更－分都不能少……上到中学，应該比較少係家長要仔女補，多係学生自己要去補，被逼去既多会逃補，有無去上堂都唔知……補習似搽神仙水，本身天生丽質就話佢有用，本身皮膚麻麻，搽左心理上觉得有幫助，会話唔搽可能仲差……真係who knows....

Kittymummy

一家三口 發表於 18-6-22 06:01
好厲害，預祝成功，

妳囡囡報了邊間大學和那個學系？

佢報左CU, UST, Poly 主力呢3間，報既科目都同science 有關既野。希望佢成功啦

一家三口

Kittymummy 發表於 18-6-23 18:22
佢報左CU, UST, Poly 主力呢3間，報既科目都同science 有關既野。希望佢成功啦
...

等妳報喜，祝成功

Kittymummy

一家三口 發表於 18-6-23 18:39
等妳報喜，祝成功

多謝你既祝福，亞女依家返緊PT, 教小學興趣班，奧數咁。

natnatbaby

個人不反對補習，但不是盲目補。個人認為要入大學，工作順利，激發小朋友的自信和能力更重要，不能依賴補習，不能一世有人跟着比佢問，幫助佢學習，要有自學精神及追求知識興趣。過份補習可能令孩子失去學習興趣，討厭操練，害怕考試。這不是一下子能建立的事，故可適當時候比孩子引導，不要怕放手就成績跌，要他們慢慢領略自己個人學習的方法，多嘗試和檢討考不好原因。初中是好時機，不怕成績跌，比他們自主多一些，多鼓勵，要學習自律。如成績沒進步，可跟孩子商量各種方案，如找同學問功課，放學問老師，要求老師補課，Google 下資料，找参考書，去補習班等……

洋蔥頭媽咪

natnatbaby 發表於 18-7-7 01:05
個人不反對補習，但不是盲目補。個人認為要入大學，工作順利，激發小朋友的自信和能力更重要，不能依賴補習 ...

同意家長要放手同引導，但培養良好學習態度/自學能力/自律性，唔明白要主動問，呢啲小學時期就要做，通常孩子高小後性情已定型，等到升中先培養同放手已太遲，孩子小學倚賴開家長嘅升中後通常都继續倚賴，懶惰開嘅會继續懶惰，初中定型後才去改绝不容易吧！

brother4

小朋友Ｄ時間著重補習／上興趣班，家長只重成績，小朋友慢慢冇動力及失興趣主動學習，多同孩子有商有量，找自己的讀書之路！

mansdom

hksarhksar 發表於 18-6-11 16:51
friend's son is admitted into medic, HKU. not extremely good result but recommend by his school. poor ...

why use " poor " to describe