家長需要抽多少時間陪小學仔女學習？

Jane1983

YanKanMom 發表於 18-1-3 12:45
又不至於全個假期冇抽時間出去玩，但時間唔算多及唔係連續幾日咁去玩囉。我兩個已經中二及中四的了，attent ...

原來咁大個了，佢地肯跟足你指示温習，和聽爸爸訓話，都好乖ga

1998Ruby1998

回覆 little_yolky 的帖子

我之前有個小一男仔，佢真係暑期作業得幾頁都唔願意做，就算我份練習只係填色都唔肯做，係度扭扭擰擰，嗲我嗲媽咪。仲有另一個小一妹妹，明明每日功課得一兩份，返到屋企唔願做，要玩要訓覺，軟硬兼施佢都唔肯，搞到 10、11 點鬧先做。佢媽媽問我有咩方法，我都冇曬辦法，未遇過咁唔願意做野嘅小朋友，完全係零責任零良心，完全唔怕欠交畀人鬧，衰在佢地讀直屬／一條龍，只要成績唔咁差就唔存在升中問題，冇得用升中去恐嚇佢地。
所以你阿妹應該可以放心，山外有山 要多 d 睇 EK 同 BK，就會發現自己仔女好彩冇咁差。

retriever

little_yolky 發表於 18-1-3 11:02
3課咁好? 我哋8課呀！用最多時間係溫常識同聖經, 因為要記嘢、背嘢, 其他就考天才。 ...

聖經都要溫？

retriever

1998Ruby1998 發表於 18-1-3 12:52
回覆 little_yolky 的帖子

我之前有個小一男仔，佢真係暑期作業得幾頁都唔願意做，就算我份練習只係填色都 ...

你梗係無辦法啦。

呢D 一來係家教培養，二來係積落來的，多年的積非成是。

1998Ruby1998

回覆 retriever 的帖子

要背聖經架，唔係點考試？我仲記得 哥林多前書 「愛是含忍的，愛是慈祥的，愛不嫉妬，不誇張，不自大」。要背 20－30 句左右，有 d 係短句（好似我個例子咁），有 d 長到係成段，好攞命架。
有時候係填充，有時候係成句寫，聖經堂仲有默書添！我呢 d 基督教人讀天主教學校就更麻煩，一來兩個宗教本聖經用字唔同，彼得 寫錯做 伯多祿 就成題冇分；二來阿媽想同我溫都無能為力，佢對天主教零認知，只睇過基督教聖經。

中英數可以靠平日功力考天才，常識都可以勉強用 common sense 應付。聖經呢科完全考唔到天才。

retriever

1998Ruby1998 發表於 18-1-4 07:38
回覆 retriever 的帖子

要背聖經架，唔係點考試？我仲記得 哥林多前書 「愛是含忍的，愛是慈祥的， ...

我哋呢D 老牌，當年只要穩守講天主既慈祥，一味唱好，基本會力補不失。

SWtwins

1998Ruby1998 發表於 17-12-28 21:01
要睇你小朋友間學校是否谷、資質，有冇中學聯繫、直屬、一條龍。如果有的話，可以輕鬆 d。

教過好多個小朋 ...

我對仔女依家小一, 試過比英文老師鬧佢地D英文功課做錯, 話人人都無錯, 你呀媽點教你架?

呢D係我響兩個仔女口供聽返來, 你話呀, 睇少眼都唔得呀!

little_yolky

retriever 發表於 18-1-4 07:12
聖經都要溫？

點解唔駛溫? 要背金句, 要記故事入面D內容同識寫D字, 高年班連金句出處都要考。呈分係呈2的。

MrBeast

retriever 發表於 18-1-4 07:12
聖經都要溫？

初小唔使高小要

little_yolky

SWtwins 發表於 18-1-4 13:02
我對仔女依家小一, 試過比英文老師鬧佢地D英文功課做錯, 話人人都無錯, 你呀媽點教你架?

呢D係我響兩個仔 ...

乜你間學校老師衰成咁架！

舊年阿妹小二, 功課就緊係佢哋自己做啦, 咁, 就緊係有錯啦。班主任教數既, 見佢做乜成日咁多錯, 同學仔無乜錯, 小息時問阿女：功課錯咁多既? 係咪你自己做架? 阿女話係呀, 我自己做既。老師仲讚佢好叻。同埋知我衰, 唔教小朋友, 見阿妹錯得多既地方, 會用功課堂再教識佢。


你話選校幾重要呢。

1998Ruby1998

回覆 little_yolky 的帖子

好多老師都會用呢招「羞恥心」去令個學生上進認真，其實作用不大。佢地都係繼續錯，所以對多我只會鬧本身真係叻但係成日唔上心果 d，本身真係明顯唔識，我會認為係自己未教得好，會再教返。

little_yolky

1998Ruby1998 發表於 18-1-4 16:02
回覆 little_yolky 的帖子

好多老師都會用呢招「羞恥心」去令個學生上進認真，其實作用不大。佢地都係繼續 ...

今年阿妹中文俾教務主任教, 做到主任唔知係咪都係old seafood, 話說網上練習平時無乜強迫, 今年佢班無端端要迫人做, 又唔講要做幾多篇, 只同同學仔講做一半。佢哋未學除數, 理論上唔知咩一半。有一日突擊檢查, 阿妹差3篇, 小息要罰企。返嚟同我哋講。爸爸打電話去「了解」。主任仲話佢講得好清楚, 個個同學都知道, 得佢唔明。呢位主任真係未死過, 未領教過C6個大悲咒, 係咁鬼食泥, 係咁哦佢..............最後, 主任頂唔住：我明白你既意思了。收線。

1998Ruby1998

回覆 little_yolky 的帖子

大悲咒

我以前小學都會咁，明明話唔係強制，但係會檢查，做唔過一半／低分會抽果 d 同學出去鬧，話唔認真做，浪費學校資源。

bobbob

MrBeast 發表於 18-1-4 15:04
初小唔使高小要

可能你哋讀名牌小學，我仔同我都讀教會學校直頭唔洗考聖經

little_yolky

bobbob 發表於 18-1-4 16:31
可能你哋讀名牌小學，我仔同我都讀教會學校直頭唔洗考聖經

我哋唔係名牌都考得好杰, 仲要D男仔真係好神奇, 考前老師通晒水, 話要考章節, 真係唔背就唔背。

greentea000

little_yolky 發表於 18-1-3 09:43
............其實係咪我唔啱呢? 我太嚴格嗎? 印象中我是好寬鬆既象媽嚟喎。點解我對兩個小朋友仲係唔滿意.. ...

當然大把人比你兩個女差，但咁唔會令你釋然，除非佢兩個拍得住你甚至靑出於藍。

little_yolky

greentea000 發表於 18-1-4 17:43
當然大把人比你兩個女差，但咁唔會令你釋然，除非佢兩個拍得住你甚至靑出於藍。
...

唔係既, 見到佢原來都唔係咁差, 個心係會舒服D既。

greentea000

little_yolky 發表於 18-1-4 17:47
唔係既, 見到佢原來都唔係咁差, 個心係會舒服D既。

咪安樂一陣囉，無幾日你又返！

little_yolky

greentea000 發表於 18-1-4 17:49
咪安樂一陣囉，無幾日你又返！

咁咪隔幾日上嚟一次EK囉。

greentea000

little_yolky 發表於 18-1-4 17:54
咁咪隔幾日上嚟一次EK囉。

上個月我俾人仔投訴，佢話我唔好用"你都唔係咁差／你已經算唔錯"呢Ｄ hea佢。好就係好，差就係差，佢唔鍾意用比佢差／慘既人去安慰佢。如果佢無達到我標準應該直接話佢知，達到就要讚下佢。
你話啦，想輕鬆Ｄ都唔得。