拿著擦字膠的呀媽的手

retriever

little_yolky 發表於 17-11-13 12:23
你都知我又係好懶唔睇功課。阿細舊年班主任教數, 正常小朋友功課都係100分, 無乜好多錯, 阿細就睇心情, 有 ...

難得好老師。

咩嘢叫NORM？ 多人咁做就係NORM。

變成唔幫細路功課係怪獸。

retriever

scgift 發表於 17-11-13 11:56
可能幼稚園(特別係劵校)老師就係咁？我都有同老師講阿女由K1開始就已經係自己做功課。我認為上堂留心，老 ...

咁你唔好理老師點諗。

而家唔放手，上到小學空間仲少。始終幼稚園係過眼雲煙，唔駛咁怕佢哋。放手俾細路，佢哋先會進步。

小學如果老師表介意你錯得多，好難唔做野。

little_yolky

retriever 發表於 17-11-13 12:34
咁你唔好理老師點諗。

而家唔放手，上到小學空間仲少。始終幼稚園係過眼雲煙，唔駛咁怕佢哋。放手俾細路 ...

我阿細做功課D字真係衰到好似打風咁。有次默書高分, 佢叫爸爸whatsapp我, 我問佢係咪攞錯同學本默書簿, 因為D字好靚。阿細話默書要寫靚D, 因為寫得衰老師當錯扣分。一去到分數, 小朋友都份外醒定。

ABC-DAD

用成年人的標準，去要求小朋友練硬筆字，係錯配。
太綳緊了。

HaYi

我大仔字体靚，因紹跟過書法家家人学，但越大越潦，細的其實字体一般，但一筆一劃好整齐，大的擦他也無渭，细佢自己覺得要擦，我反而叫佢快D，太慢讀上去實寫吾切.

由大人動手的肯定個小朋友已反感，女仔表面吾大反应可能pear左？

babywoman

回覆 ABC-DAD 的帖子

我只要求 我仔寫對筆順。我中學先練硬筆字及寫毛筆字。

babywoman

有啲女仔都唔受教。身邊有一個，亞媽講乜都唔聽，你試擦下佢啲功課？
小一時，我經常陪仔去圖書館做功課，當時已見多了，大多數小朋友都不喜歡被不斷擦，無論男女。

retriever

HaYi 發表於 17-11-13 13:58
我大仔字体靚，因紹跟過書法家家人学，但越大越潦，細的其實字体一般，但一筆一劃好整齐，大的擦他也無渭， ...

什麼 “啤梨” 左？

HaYi

retriever 發表於 17-11-13 14:18
什麼 “啤梨” 左？

哈哈，音譯啦..."撇唉"左

1234ats

孩子字寫得不好，教他在下面重新寫一個漂亮的作比較，可讓他更了解之前所寫的字哪裡寫得不好。

對於怕寫字的孩子，每擦掉他一個字都是個打擊，只會讓他越討厭寫字，對協助他提升寫字能力沒有幫助。

如果真的要子女做功課寫得漂漂亮亮，建議花時間教他寫好每一筆。
就算要擦，最好在他某一筆寫得不好時馬上擦掉重寫，相比起寫完整個字才被擦掉，孩子心理上較容易接受。

Felix223

其實我好感激阿仔今年的K3中文老師，之前仔寫字打風咁，又依賴大人捉住手仔寫，早一個月，老師察覺生字不是阿仔寫，第二天仔要在休息時段在課室重做（佢當然唔like 啦！其他同學仔有得玩！）試過連續兩、三天這樣子，而家阿仔放學後好乖自動自覺坐定定寫好生字功課，不假手於人、不打風式寫字，算是一大進步！

retriever

Felix223 發表於 17-11-13 15:50
其實我好感激阿仔今年的K3中文老師，之前仔寫字打風咁，又依賴大人捉住手仔寫，早一個月，老師察覺生字不是 ...

好老師。普通老師只會話：成班28個，有27個都做到。。。

little_yolky

retriever 發表於 17-11-13 18:21
好老師。普通老師只會話：成班28個，有27個都做到。。。

講開好老師, 又要講下阿妹今年個中文老師幾衰。佢仲要係教務主任嚟。有一日, 阿女話佢小息俾佢罰企, 原因係無做網上閱讀練習。無? 有做喎。原來佢話做唔夠, 要做25篇, 阿女做得20篇。咁我問阿女, 老師有無同佢講做25篇? 阿女話無, 老師只叫做, 做一半喎。咁我就火嚟喇, 手冊無寫做幾多, 同小朋友又講唔清楚。小朋友未教除數, 點知你一半有幾多。D網上閱讀理解一星期5篇, 即係要小朋友將全部週數先X5, 然後再除2。真係咁多人死唔見佢死。

跟手C6打電話去了解啦, 點解呢D原來係自願既網上功課, 變咗做必須做, 仲要唔講請楚做幾多, 又罰人。大家都知C6無鬼用既, 老師話唔想限住同學做幾多篇, 所以話做一半喎, 同埋最把火, 就話班入面個個同學都知, 都明白, 係得佢唔明。真係火都嚟埋。真係唔知點解佢做教務主任做得咁白痴, 連校內小朋友基本上都係媽咪跟功課都唔知。學校password 9月底派, 一個weekend兩日, 已經有小朋友做好20篇, 媽咪唔督住, 佢會覺得係咩結果呢? 根本小朋友就乜都唔知, 只係個個禮拜媽咪督住做, 先做到咁多。

retriever

little_yolky 發表於 17-11-13 18:33
講開好老師, 又要講下阿妹今年個中文老師幾衰。佢仲要係教務主任嚟。有一日, 阿女話佢小息俾佢罰企, 原因係 ...

請教你呀妹幾年級？

你講梯階果D？

我哋長年唔多做，會在手冊夾張紙仔提下，問你係咪有問題唔識用可以搵佢幫手。咁耐無罰喎。

我最怕D 老師剩係話其他人無問題云云。好彩係K2 遇過一次咁樣既老師。

話時話，其實網上教育平台是否有QUOTA 要 MEET 架？

ABC-DAD

講下寫字，我以前係咁樣嘅。

一啲佢地寫嘅字，每次都請佢揾自己最滿意嘅三個字，久而久之，字體就慢慢工整起上嚟。過程中係有玩下寫意水墨畫，我覺得對指掌手腕嘅肌肉發展比較全面。

日子有功，就會有改善。

1998Ruby1998

回覆 Felix223 的帖子

我之前個補習幼稚園妹妹寫英文字都係打打地風，“b”、“p”、“s”、“m”、“n” 寫到三尖八角，好鬼樣衰。最後我先抄寫字詞，畀佢睇，跟住寫，之後寫到好靚，同我 d 「罰抄」一個模咁，再唔洗我同佢媽媽輪流擦。佢見到我寫潦草，覺得好靚，想跟我學，我話等你讀小學我就教你啦。

Felix223

1998Ruby1998 發表於 17-11-13 22:18
回覆 Felix223 的帖子

我之前個補習幼稚園妹妹寫英文字都係打打地風，“b”、“p”、“s”、“m”、“n”  ...

你手字梗係靚啦！咁我哋都冇要求要擦曬佢D字，好彩老師諗到一個辦法，比阿仔明白如果唔盡力寫好自己D功課，咪休息時間要留課室重寫那幾個生字，老師說唔想上小一時，同學們會被罰，因此今年儘量幫同學仔跟緊D！

brother4

Felix223 發表於 17-11-13 22:39
本帖最後由 Felix223 於 17-11-13 22:40 編輯

你手字梗係靚啦！咁我哋都冇要求要擦曬佢D字，好彩老師諗 ...

唔寫好字要留堂好可憐！

Felix223

brother4 發表於 17-11-13 23:00
唔寫好字要留堂好可憐！

都係15分鐘，老師肯犧牲自己時間，只是一兩次咁就教好了，好過我喺屋企喊打喊殺都未必有咁嘅效果！

capricornbb

個女由幼園到現在，我嘗試擦過5個字左右，其他佢唔願意擦的，我無迫佢擦 所以而家佢d字都會錯，唔靚