Band1學校的老師會hea教？！

Band5

bluestar3000 發表於 16-12-23 22:06
大家有冇以上的經驗？

一個令學生滿意嘅老師係可遇不可求，既要有心有料有辦法，仲話要同學生夾！一班之中有尖子有慢熱，如何兼顧，只見佢聲嘶力竭！

今日遇到一個滿意嘅老師，明日可能受唔住壓力，放棄理想，轉咗去補習社搵真銀！

現時好多香港人，對己寬容，對人嚴格，問阿仔有幾多合格老師，佢話一半都冇！兼且佢年年讀果班都遇上唔合格嘅老師最多，唔係話hea教，就話唔識教，今年中四，即係六環彩佢都中晒！

所以我同佢講，讀書點都要靠自己，中學後更需要學懂如何自學。如果要靠老師，邊間學校可以保證六年每一科都能遇到你覺得合格嘅老師？遇到嘅，只可以當係bonus！

王家爸爸

YolandaTam 發表於 16-12-24 14:01
仲要係數學死未？所以小女咁大個人都要問阿爸數。

咁又奇怪，教女校數學其實一啲都唔可以hea，原因係唔少女仔對數學信心唔大，只有細心地、用多角度、加上唔同既例子去教識佢哋啲基本概念，先至可以令佢哋有信心。

王家爸爸

Yanamami 發表於 16-12-24 14:14
我亦有朋友有同一埋怨……阿女今年F5了~

講真，好多老師因為經驗不足，假設學生一定明，所以只用好少時間講概念，然後直接做題目，咁樣教其實最少有半班唔明。

scooper

IloveJJ 發表於 16-12-24 14:35
明白。因為我哋呢區多數係男校，而男校就係數理好，但我仔對文科又好有興趣，咁如果搵文理都好既學校，就 ...

同我當年面對的問題相似，小學時阿仔語文能力強，數較弱。老師認為他應該選擇男女神校，但阿仔堅持要入數理極強的男校，最終如他所願，初初我也很擔心，F1上學期數學被同學遠遠拋離，激起他的鬥心，同時好彩一路都遇著好的數學老師，讀讀下他對數理非常有興趣，成績亦理想。所以一個數弱的人入了數理強的學校未必一定蝕底，反為有機會推動到他發展數理方面呢。

bluestar3000

即是說上到中學，自主學習唔少得。所以在小學時，真的要好好培養孩子自主學習的能力。

siden

有些真係hea教，有些老師直情係唔識教。

我當年讀band 1中學，撞正主科老師唔識教書，急得大家如熱鍋上的螞蟻，同學聯袂出去搵補習

optman88

其實 hea 唔 hea ,唔單只係睇老師，學生都有啲責任。試問老老師要備課，其實學生都要。另外，中學同小學唔同嘅，就係唔係就咁睇本書，要多角度思考下。我仔仔啱啱有兩次通識 test,有幾題問題比老師揀嘅答案出黎做全 form 嘅 reference,其實就係因位佢自己有搵課外嘅資料補完。

既然都去到中學，真係要稔多啲啲，唔好一味係自己嘅角度出發，可能有新發現 ^_^

peggy

YolandaTam 發表於 16-12-24 12:28
小女覺得係。主科嗰位，每課都好概略咁教，剩餘時間多到學生可以做功課同傾閒偈。副科嗰兩位，照書讀一次 ...

阿女個數學老師又係hea 教，每課講幾題example便算，返到來要daddy由頭教過

scooper

IloveJJ 發表於 16-12-24 21:13
阿仔當年為乜要堅持入數理強的學校呢？咁現在數學好了，語文又會否差了呢？
...

佢一早表明想讀男校，話女仔好嘈。但唔知點解佢對呢間男校情有獨鍾，數理科好了，並不代表語文會差了，他英文的進度尤其令我驚喜，現在的他比較全面，對自己更充滿信心。

KK07

Band1學校的老師會hea教？！

其實好正常吧!

等於話一間歷史悠久, 出名又賺錢的大公司, 你總不會相信公司裡冇人hea做吧?

進爸爸

YolandaTam 發表於 16-12-23 22:13
小女受緊  讀書靠自己

認同。

chun媽

樹大有枯枝，無論什麼banding的中學都有hea教的老師，睇你好唔好彩

daisy17772

王家爸爸 發表於 16-12-24 17:08
咁又奇怪，教女校數學其實一啲都唔可以hea，原因係唔少女仔對數學信心唔大，只有細心地、用多角度、加上唔 ...

本帖最後由 daisy17772 於 16-12-28 15:37 編輯

如果你係女校嘅數學老師，你話幾咁好呢!

我女嘅數學老師 , 基本上八成係要佢地自學。開頭我都明白 ，中學生要慢慢培養出自學嘅能力。 但女仔嘅maths concepts 未必咁穩陣.佢老師上堂就係跟住本書嘅內容 講啲啲，然後 就俾功課佢哋自己做。 做完， 自己對 答案 ，錯咗嘅又要自己去嘗試做到啱嘅答案。真係做唔到 ，想問老師， 就要畀老師睇到你有working，show 到真係嘗試過。如果佢覺得你冇嘗試過，又好似話要扣 功課分數 。 所以佢好多同學 ，包括佢自己每日都用好多時間做數學功課。

阿女話同學都好多舉手問問題，但係上堂通常只係搭一至兩題，跟住又做其他嘢啦。 其實記得以前嘅中學老師係會抽啲難的題目 ，講下點樣做 ，咩方法 ， steps 做.而家要你自己學, 大部分 都係要靠屋企人或者自己出去補習囉 , 老師邊理得的你咁多喎.

daisy17772

peggy 發表於 16-12-24 22:19
阿女個數學老師又係hea 教，每課講幾題example便算，返到來要daddy由頭教過

我女學校都差不多了。

LingChiBaBa

daisy17772 發表於 16-12-28 15:34
本帖最後由 daisy17772 於 16-12-28 15:39 編輯

本帖最後由 daisy17772 於 16-12-28 15:37 編輯

其實老師要學生做workings係無可厚非。我教我女數學我都要佢地做，咁先知佢地唔識乜嘢。

daisy17772

LingChiBaBa 發表於 16-12-28 17:05
其實老師要學生做workings係無可厚非。我教我女數學我都要佢地做，咁先知佢地唔識乜嘢。
...

我講既係佢地自已對答案後，錯左要再做番working 去做番正確答案。都知要做working係make sure 佢地有嘗試，但再做唔代表一定可以做到正確答案，唔通唔可以唔識? 佢地走去問老師，老師會話佢working 唔好，扣分。咁米唔鼓勵你問?。上堂舉手問，又只限解答一，兩題。

mcl203

王家爸爸 發表於 16-12-24 17:08
咁又奇怪，教女校數學其實一啲都唔可以hea，原因係唔少女仔對數學信心唔大，只有細心地、用多角度、加上唔 ...

教數 hea5hea就唔知...我小朋友上年就有位新老師...俾D同學仔圍左幾次~~~

我小朋友都被迫外求...講佢又D唔明...舉手都仲係未明
學期尾段問佢...2位內外老師如何...答我話無得去比較
佢話若校內老師唔用英文教...又或校外老師都用英文教...有可能差唔多...現在係大家唔同 ~~~