送自己個仔女去普教中學校究竟係咩心態？

judy

人地印度大把方言，話學英文，人人講得流利。新加坡人又係普通話英文皆精。

唔信！

akys

Busybody! 發表於 16-3-29 12:26
人地印度大把方言，話學英文，人人講得流利。新加坡人又係普通話英文皆精。係香港人學外語方面咁大障礙，連 ...

我諗你有啲混淆。英文，法文，韓語，日語係外語，大把人好叻。粵語中文係母語。外國學英文先學講，講講下就可以寫，再配合閱讀，文法就可以了。

因為不是母語，依家學中文要先睇個字學發音拼音四聲，再記用途用法，有點像學半科外語。效益如何？無共識咪睇研究報告囉! 諗得太多會失去判斷力。

judy

你實在太義氣用事了。請你冷靜

咩叫太義氣用事？冷靜甚麽？

sheffield

回覆 greivas 的帖子

咁香港好多人都送孩子去國際學校讀書，希望學得一口流利英語啦，咁你唔問下佢地咩心態？咩心態也好，冇對錯吧…人人心目中都會有自己認為重要的，有乜問題？！你唔喜歡咪唔好揀囉，仲乜要去challenge人地嘅選擇喎…

lailaie

其實你唔支持普教中, 都唔洗用質疑的口吻去話人地, 可以尊重下別人嗎? 所謂的民主自由, 就係咁嗎?

有人信佛教, 有人信天主教, 有人信基督教, 大家都有選擇的自由, 你又洗咩理人地信咩教呢? 唔通人地同你個教派唔同, 就係信左邪教?

我知大家都對依家的教育制度好多不滿, 大家都係坐同一條船, 希望唔好做到有一日, 要令依家讀緊普教中的學生同家長, 變成你地口中的怪獸家長或親中人事.

我比我女去讀普教中, 唔係想贏在起跑線, 只係自己的人生路上, 因為普通話唔好而比好多人笑同失去左好多工作機會. 去到外國, 外國人同我講普通話, 我要用英文回答, 我當時覺得好羞; 我唔想個女同我一樣, 所以我好注重英普. 我知道好多人用 “吹屎安” 式普通話通行全世界, 通行無阻, 但我唔想囉.

普通話除左大陸可以用, 全世界都可以用. 我唔鍾意返大陸, 回鄉咭過左期都冇續期; 在可以選擇的情況之下, 唔會選擇食中國製的食品; 好鍾意去迪士尼, 但對於上海迪士尼一點興趣都冇, 所以又點會想佢變大陸仔呢?

我個人都唔讚成如果父母都係講廣東話, 但要响屋企同仔女用英文溝通, 但有人的ranking 覺得英文重要些, 咪由得人地囉, 每個人都有自己的ranking 同選攞的自由, 我會尊重的.

MASAYA

//送自己個仔女去普教中學校究竟係咩心態？//

回應返個主題，睇返之前d留言，應該就係要學好普通話，that's all

我想小朋友學好中文，所以用返母語學就可以了

talknwrite

粵語早就到了只懂講, 不會寫的瀰留狀態, 大家只是送佢一程.

無謂作最後爭扎了, 投降吧.

ABC-DAD

如果粵語定義為方言，咁會否以廣州話作標準？

文章以粵語以為書面語嘅實用性有待引證，可以當作興趣去鑽研，如提出刻意在學校要求教授"書寫粵語"，未免有點刻舟求劍、膠柱鼓瑟，劃虎不成反類犬。

ABC-DAD

厚住面皮又問一問﹐普教中前，大家所學所寫嘅書面語算是什麽？

mother904

judy 發表於 16-3-29 11:40
普教中，不會提高中文能力，最大的作用，就是提高普通話能力。當家長認為普通話能力重要，自自然然爭着送子女到普教中學校。正如skkeung的講法：人望高處，水向低流！

你說出重點來， 由我讀書直至如今，三數十年來香港何曾重視中文？從前是英文為主，現在所謂兩文三語，所重視的，亦不外是普通話和英文。

香港人務實，語言也要求實用性高，中文修養其實根本沒有多少家長在意。