仔仔中文唔好，驚DSE肥佬

熙媽媽

loved 發表於 16-2-3 14:07
老師話佢少留意身邊時物，不太懂人情世故

完全同意。

考試技巧係其次，立意唔深刻，內容一般，只係扣題，或許合格，但一定唔會高分。

熙媽媽

聽過一個校長講：
如果學生中文唔合格，一對一補習或者可以幫到學生合格。
如果學生中文合格，但唔高分，補習或者可以幫佢拎高分一等。
老師/補職老師有方法教學生拎高分d，但拎到5或5*,5**的學生，自己一定愛閱讀，自己一定有自學能力，level 5 以上係補唔到返黎，係個學生自己付出幾多。

我完全同意仍睇法。

更有學生以為補習係萬靈之藥，去左就以為自己叻左，就算補習派d論據資料都係用黎「擁有」而唔係「閱讀」，最後反而成績跌左。

所以我反而好欣賞我仔仔學校個中文老師，教佢點思考，點解說，要求佢地討論，睇美文，片段寫作……唔係單純技巧。一日，仔作文時突然問我：「媽媽，點樣可以睇野仔細d？」，我好欣賞，因為主動、思考係學習的第一步。

yovin

Thank you very much.

Hihababy

文言文拉高到分～

DDDDDDDDa

出去補習，或者自己操多啲past paper!
其實睇報紙都冇咩用

熙媽媽

Hihababy 發表於 16-2-6 02:30
文言文拉高到分～

純粹因為操文言文閱讀理解，個人覺得「文言文拉到分」係聊勝於無，「文言文拉高到分」係一個迷思。


以2016DSE為例，
卷一閱讀理解佔中文科成績24%，
而如果出卷同以往無咩分別，白話文會佔分多D，文言文只佔卷一35-40%分數，
而過去3年，考生係文言篇章平均拎個部分總分的30%。
如果你比人叻，係文言文部分拎夠50%得分，
將呢多左的分數計番比重，你中文科全卷(計100分為底分)多左1.X分(即唔夠2分)。
(http://www.hkeaa.edu.hk/DocLibrary/HKDSE/Subject_Information/chi_lang/2017hkdse-c-clang.pdf)

當然，拎多1分得1分，特別係唔知自己係咪CUT OFF邊緣。如果係，或者1分已可以令你拎高一個LEVEL。

不過過份吹捧文言文有D簡化左件事。

白話文只係近百幾年的事，中國人點思考，價值觀點黎，二千年嘅文化就係文言文度。
如果學生真係用心學文言文，真係可以幫佢地拎分。點拎？
卷一，閱讀理解對白話文言均有利。
卷二(作文)、卷四(說話)，會有文化元素，亦懂得恰當引句、引古例。

咁就涉及要多花時間，多D睇書至得，因為唔單止係字、詞，答題技巧，而係點思考，了解點解古人咁思考。
只操文言閱讀理解，唔係無幫助，不過只係聊勝於無。

熙媽媽

除左睇書，可以睇下考評局「考生表現」呀！

好多人買左本PAST PAPER剩係做前面題目部分，不過我讀書時ECON老師已教我地睇後半部分。個度會講考生出現咩問題，以ECON為例，我讀書個個年代，呢年話學生做咩題目做得唔好，下年好大機會會再出。

講番中文，「考生表現」都有用，未至於重覆出近似型題，但你知道考評批評咩。
考評局之前有話考生唔夠事例，於是學生猛背事例，可惜背左例，卻無論證個例子點樣解釋到論點係成立，於是例多，個人感覺良好，但其實無助於說理，得分自然欠佳。

所以，我覺得睇報紙好有用，問題係用咩心態。
我真係好欣賞仔仔老師，要佢地用近日新聞例子解說某個概念的重要性(如堅持等)，等佢地「運用」，解到老師明點解個例「說明」呢個概念，而呢樣，就係考評局話考生做得唔好的地方。

Mimi_Ma

原帖由 cow 於 15-09-26 發表
中文預左無3都可以係香港讀大學，如轉唔到讀IB，GCE，可以自收考GCE。有3個E大學就(可以)收。 ...

我女問過考GCE, 香港大學會收足分數， 但其他中大， 城大好似收一半分。 問職員好多都唔清楚?   

Hihababy

我第一屆Dse ,其實想要及格 文言文好分分鐘可以升一個grad

Miffieee

真係要去補習同埋set好時間表溫書

alex0209123

外面嘅補習班以技巧性為主，對有一定程度底子的學生較有效
反而趁現在多閱讀，因為中文很講求底子，本身少閱讀的很難掌握文章意思，文筆亦難以通暢

熙媽媽

Hihababy 發表於 16-2-19 13:03
我第一屆Dse ,其實想要及格 文言文好分分鐘可以升一個grad

死因不在文言文
http://www.pentoy.hk/%E6%99%82%E4%BA%8B/c686/2016/03/15/%E6%AD%BB%E5%9B%A0%E4%B8%8D%E5%9C%A8%E6%96%87%E8%A8%80%E6%96%87/
2016 年 03 月 15 日作者：陳漢森
文章短網址：  



分享




自從2012年第一屆文憑試成績公布之後，便有傳媒稱中文科為「死亡之卷」，因為不少成績好的學生只由於中文科達不到第三級而未夠資格入大學。但亦由那時起，「死因在文言文」之說竟然不脛而走，於是很多校長便給中文科壓力，要加強文言文教學，這是文言導讀和操練材料如雨後春筍般出現的背景。


中文科令部分考生死於大學門檻是事實，但「死因在文言文」是斷錯症，所以根據這個判斷落的藥——加重藥力攻文言文——對改善現狀，幫助不大，甚至引起不良後果。由會考到文憑試，閱讀卷都有考文言篇章，文言篇章這部分考生都答得最差，數十年來沒有多少改變，而這部分佔整份卷成績不及百分之八，怎會成為死亡主因？

有老師指出，文憑試閱讀卷的擬題有問題，不少題目是考邏輯思維，有部分題目的答案連原文的作者也答不到。我認同這點值得考評局執事者參考。但閱讀卷只佔全份中文卷約四分一，只閱讀一卷，就能成為死亡主因？

我認為，中文科自2007年起，考評局把過去閱讀和寫作兩卷，增加至閱讀、寫作、聆聽、綜合、說話、校本評核六張卷，是摧殘中文教學最大禍根！中學老師要用大量課堂時間操練聆聽、綜合和說話，尤其聆聽和綜合卷，老師無法自行製作，只能由出版社提供，這些材料質素很多平庸甚至粗劣，多做無益。取消聆聽、綜合、校本評核吧！只有多讀多寫才能夠提高語文水平。中文科的死因不在文言文，在考卷設計。

原文載於2016年3月15日《明報》副刊

simonwan

熙媽媽 發表於 16-3-17 17:56
死因不在文言文
http://www.pentoy.hk/%E6%99%82%E4%BA%8B/c686/2016/03/15/%E6%AD%BB%E5%9B%A0%E4%B8%8D%E ...

有道理！
中文考聆聽及説話根本系多餘！
其實，綜合卷系考什麽？

^曾小姐^

說話最易死,當你遇著啲唔出聲或唔識分配俾他人講嘅隊友,咁就死梗

Marians

校生們都話 ... ... 吾怕神一樣的對手, 只怕豬一樣的隊友

快樂鳥

回覆 ^曾小姐^ 的帖子

還有遇到唔識解題的古文

Marians

但是亞女今次的mock paper 有好多死在白話文的閱讀理解, 魯迅的, 所以. 不一定文言文最深

虫虫主人

請問DSE考到幾時？

Marians

睇你考咩科, 亞女的主科, 考到19/4, 她有些同學考理科去到28, 29 號, 另外, 今年Eng Oral 包尾, 5月頭開考, 考10日到