資優一定會有自學能力？

lillymarie

S-Kwok 發表於 15-7-15 19:27
臨門一腳識諗都已經好好。
我諗呢度好多媽媽都好心急/擔心唔知自己嘅小朋友究竟幾時會開竅，見住小朋友唔係 ...

其實我本身讀中學時目標都係將成績維持係B，有一兩個A就已好滿足，到中四才來發力。因為無摘A的壓力，中學生活是我人生中最無憂無慮的日子。現在阿仔中一已開始話科科都要考A，成日話自己仲有好多地方需要進步，我是有點兒担心的。一開始就給自己咁大壓力，可以堅持到幾時？我自己認為成績只是達成目標的工具，例如入心目中的大學和學系。最開心係見到阿仔走去畫畫、睇雜誌、嘗試設計遊戲程式或做其它他喜歡的事，總覺得這些才是他學習和運用創意的時候。不過，我好抗拒仔仔打機和睇電視，放假才可以一日打機一個鐘和睇電影的。

S-Kwok

原帖由 lillymarie 於 15-07-15 發表
其實我本身讀中學時目標都係將成績維持係B，有一兩個A就已好滿足，到中四才來發力。因為無摘A的壓力，中學 ...

真係未發力既又擔心，發力過度又擔心。

唔知係咪仲算細（升小二），我仔暫時仍然係嗰種有長遠目標（如想做研發藥物），但未係能時刻提醒自己嘅人。但如果嗰樣嘢係短線嘅，就可以自動波努力（如放假時想有好長時間睇書，就會自動波做功課先）

我自己會擔心自己唔識引導小朋友點行，怕浪費了他的能力，唔想佢好似資優表哥咁浪費天資。

S-Kwok

原帖由 lillymarie 於 15-07-15 發表
其實我本身讀中學時目標都係將成績維持係B，有一兩個A就已好滿足，到中四才來發力。因為無摘A的壓力，中學 ...

我都好鍾意睇住自己嗰仔畫畫同寫故事，會睇到佢腦袋裡裝什麼，諗什麼

lillymarie

回覆 S-Kwok 的帖子

講真，點先叫做唔浪費？

S-Kwok

原帖由 lillymarie 於 15-07-15 發表
回覆 S-Kwok 的帖子

講真，點先叫做唔浪費？

如果好似表哥咁，係資優兒童，但偏偏不讀書，以致喺中學時留級，出年考DSE, 依家先諗到自己想做咩，開始發奮讀書。喺我眼中，我會覺得如果作為家長，能好好的指導，或能令佢早點開竅，起碼，唔會浪費一年時間，若能好好的利用資優生比別人學得快這優點，就能令自己學習得更多更好。

lillymarie

S-Kwok 發表於 15-7-16 06:59
如果好似表哥咁，係資優兒童，但偏偏不讀書，以致喺中學時留級，出年考DSE, 依家先諗到自己想做咩，開始發 ...

一個資優兒童要成績差到留級其實好不容易的喎！咁即表示他沒盡好學生的本份，上課沒留心沒交齊功課，又或者考試時不用心作答啦。這和開竅有些不同，是否他父母見到滿缸紅的成績表也沒甚麼反應，一心要讓他自由發展呢？父母對他沒有要求？他個性很反叛不受教？有另外的學習或情緒問題？家庭不和諧？背後原因耐人尋味。

MASAYA

S-Kwok 發表於 15-7-16 06:59
如果好似表哥咁，係資優兒童，但偏偏不讀書，以致喺中學時留級，出年考DSE, 依家先諗到自己想做咩，開始發 ...

有時父母太在意小朋友有能力學得快學得深學得好，唔覺意畀小朋友知道自己既能力或高估自己既能力，會覺得唔駛盡力都做得好過人，或者遲d先發力都追得上人，慢慢就疏於學習，然後發現事實上唔係話追就追到，失敗感 (尤其原本係優越感) 會令佢地最後放棄，我覺得呢d就係浪費，小朋友有冇能力都應該知道自己既責任，進步比成功更有助令人成長

lillymarie

其實「自學」會否成為資優兒父母的包袱呢？

如果單靠小朋友按興趣自學，他有可能只學自己喜歡的，覺得悶的就跳過不看，結果懂的只是片面。

好似我細仔學琴咁，鍾意的歌就一直練，又難又悶的歌就成日「唔記得練」。老師成日勸他，個腦好聰明但手指唔聽話，次次都叫他練音階，他就天天失憶。每次他向我報告練完琴，我都要問：「練咗音階未？」學琴咁多年，我都仲要留心聽佢練琴，以防他「偷工減料」。有朋友不以為然話我太辛苦了，但唔係咁，怎會有如今的進度？

自學的能力這問題我都諗咗好耐。阿仔甚少自動去練琴，咁係咪叫做無自學呢？係咪表示他不喜歡學琴呢？我的結論是：阿仔缺乏的是「自律」能力。

S-Kwok

原帖由 lillymarie 於 15-07-16 發表
其實「自學」會否成為資優兒父母的包袱呢？

如果單靠小朋友按興趣自學，他有可能只學自己喜歡的，覺得悶的 ...

這個“自學”能力我都思考緊，尚未諗通。有時見到呢類小朋友會自動波睇知識性嘅書，越睇越起勁，說實，除了羨慕，亦會諗自己仔究竟欠缺什麼? 還是我唔識引導? 還是我貪心? 唔理解? 還是仔本質僅只於此?  係要再高啲智慧，先會自學?

仔2歲時，冇需人教，自己學識abc, 123，串字，計數 ……，依家一些簡單嘅代數，唔洗教，自己解釋到，明白概念，但有時佢又唔係想像中咁醒。而且，最大問題係佢好怕失敗，我覺得呢樣嘢係其中一塊絆腳石。 總之， 我有好多嘢想唔通。

順便發吓牢騷

lillymarie

回覆 S-Kwok 的帖子

可能我大仔有學習困難，令我覺得只要孩子身心健康地成長，將來衣食無憂，我心已經好安落。現在要他們努力學習盡學生本份，期望將來工作上亦是一個盡責的人。做個忠誠可靠的人，對我說已算成功，不必太聰明。

lillymarie

MASAYA 發表於 15-7-16 11:52
有時父母太在意小朋友有能力學得快學得深學得好，唔覺意畀小朋友知道自己既能力或高估自己既能力，會覺得唔 ...

我一直假設父母說孩子未開竅的意思是成績只是B，未能名列前茅罷了。若去到僅僅合格甚至不合格的地步，就肯定有態度或能力的問題。這種成績確實很難追上。
我有位朋友的孩子小學初中一直考第一，到青少年期突然說要好好享受人生不想將精神時間花在讀書上，結果成績一落千丈，去到為考試合格而感到鬆一口氣的地步。雖然臨考大學前兩年終於醒覺，但只能追回中上的成績。感恩是夠分數入讀理想學系。

我聽完朋友的故事就覺得最理想還是享受人生之餘，仍有過得去的成績。有時去得太盡會有反效果。

beastiebistro

我覺得資優小朋友一定有自學能力。問題是他是否找到自己喜歡的「研究題目」。但如果家長的期望是資優小朋友全方位自學，考試讀書自動波搞掂，這只是一個不合理的奢望。例如一個數學資優小朋友，不代表對中文有興趣，分分鐘成績比正常小朋友還差。我覺得家長還是應該接受資優不等於績優；資優可以好specific，唔一定全面。個人認為家長的首要責任是調節資優小朋友的心理質素（聰明不代表不需要努力）。

S-Kwok

原帖由 lillymarie 於 15-07-17 發表
我一直假設父母說孩子未開竅的意思是成績只是B，未能名列前茅罷了。若去到僅僅合格甚至不合格的地步，就肯 ...

我自己覺得未開竅嘅意思係指學習態度上。希望多講、多解釋能令小朋友知道凡事都係要學習，要認真、努力學習。我仔以前會以為佢什麼事都係天生識，其實佢忘記了佢係透過閱讀而學習，由於佢愛閱讀，所以佢係不知不覺地學了，佢唔覺得呢個係一個學習過程中。
自從我諗得明佢呢樣嘢之後，我就要成日解釋，要佢明白人天生除了呼吸，食奶、行路都係要學，佢所識嘅，其實係從閱讀中學習，（可能只係佢學得快，或唔需要別人特別解釋就明白而矣），依家，仔比以前較好，但有時遇著佢係需要別人特別解釋嘅，佢就會覺得自己好蠢，從而誘發情緒問題

MASAYA

S-Kwok 發表於 15-7-17 13:09
我自己覺得未開竅嘅意思係指學習態度上。希望多講、多解釋能令小朋友知道凡事都係要學習，要認真、努力學習 ...

有d小朋友係好容易學左都唔知，有時我見我女識左d新野，我會問佢點知，邊度學返黎，佢答到既話，久而久之佢有問題就識得去邊度搵答案，當然有時都會答唔知點知，話自己諗到，咁就算，有時d野唔駛太清楚

idy926

beastiebistro 發表於 15-7-17 09:58
我覺得資優小朋友一定有自學能力。問題是他是否找到自己喜歡的「研究題目」。但如果家長的期望是資優小朋友 ...

Yes，我女正是如此，math吾洗理都好成績，但中文就...佢小一無溫書中英數都係A，咪以為吾洗溫書囉，結果中文每況越下，到升小四我先開始插手，因為佢小二巳經吾比我同佢睇功課&溫書，但成績咁仲點有借口吾比我理呢，呢兩年中文好吾容易先由吾合格邊緣上返最近嘅B+, 老師都當全班同學前讚佢，嘗到少少甜頭，佢好開心，...最近佢仲開始訓醒，同我講溫習用拖字訣係無用嘅，反而夜晚無得睇電視，不如拿拿林溫晒先（因為條友成日拖同閃，而我堅持吾溫書夜晚就無TV time，都好多爭拗㗎），而且佢開始接受努力同成績係掛勾嘅，仲肯跟time table做嘢，主動做補充練習..... ok, 睇下我可吾可以慢慢放手先


其實我同daddy都無嘜學識，我地係管多於敎，吾識答佢嘅唯有叫佢問老師或者上網，齊齊查字典咁囉，自學精神，人人都應該培養，佢學校都提倡，有這精神就有能力，係多少問題啫。

beastiebistro

我自己的做法是Feed the knowledge BUT NEVER feed the ego。對我兒有興趣的科目，買書我絕不手軟。同一時間，我由一開始從來不曾讚他聰明，亦嚴禁身邊的人（包括老人家，熟朋友，甚至老師）讚他聰明。我給他灌輸的概念就是一山還有一山高，世上叻人比比皆是。而每個individual的強項是不同的。所以比別的小朋友懂多一點某方面的知識沒甚麼大不了，亦不值得沾沾自喜或睇小別人（因人家的另一方面可能比他強得多）。這方面我是非常嚴格執行的。個人覺得正因為我兒沒有一個inflated ego，他從來對自己的智力不以為然，對贏輸並不十分執著（輸了不怕沒面子），會全力以赴但不會對結果太着緊。

S-Kwok

原帖由 MASAYA 於 15-07-17 發表
有d小朋友係好容易學左都唔知，有時我見我女識左d新野，我會問佢點知，邊度學返黎，佢答到既話，久而久之佢 ...

其實我只想仔知道，凡事都係要學，如果唔糾正，久而久之，佢會一直以為咩都唔洗學就識，要學就係蠢

lillymarie

S-Kwok 發表於 15-7-17 16:12
其實我只想仔知道，凡事都係要學，如果唔糾正，久而久之，佢會一直以為咩都唔洗學就識，要學就係蠢:igiveup ...

你仔現在似乎是覺得若他學得慢，不能一下就明白就是好蠢。我細仔也在學類似的功課，就是學懂欣賞自己的優點和接受自己的限制。
他們的心靈好脆弱，自我價值低，稍有挫折就會好灰心沮喪。他們不是不知道，而是未能接受。
我都在想辦法幫阿仔。Clinical psychologist就話要他爸爸多點讚賞個仔，不停地給他肯定。我老公都好努力。有時我覺得阿仔是在試我地，為少少挫折不停地罵自己蠢，我地有時會答佢：唔識都好正常啫！

S-Kwok

原帖由 lillymarie 於 15-07-17 發表
本帖最後由 lillymarie 於 15-7-17 17:42 編輯

很好嘅提醒，要令佢有肯定嘅價值。
我依家都會講比佢聽“唔識係好正常”

scyauchris

自學相信只限於她喜歡科目,  不過我覺得是要有人引導佢。如果小朋友無良好學習態度,  無論是否資優, 大人都要出手。