小學請事假

JessicaElla

我不會說謊, 小朋友會學, 之前請了兩天, 我按程序寫信給校長, 說明原因, 因為理由充分, 所以校長批准了.
如果理由不充分, 即小朋友可請可不請的話, 那我就不會請假了, 因除影響小朋友學習外, 亦會讓小朋友以為可以為一些不重要的事隨便請假.
以上純粹個人想法, 不喜勿炳.

崆峒絕學

我有四條問題想問。第一，樓上眾多回覆，有無人係老師？第二，學生有事假呢樣嘢？第三，如果學生係有事假，咁一年有幾多日？第四，我唔申請事假但又無返學，學校會罰人？

kenwong888

There is no causal leave!
Only sick leave, that's why I say apply sick leave in all circumstances!
It is simply a rule of thumb just like something understood implicitly but cannot speak out by teachers right???

marcuscyrus

原帖由 kimberlybaby 於 15-03-15 發表
即返鄉探親都ok？or 親戚有喜，需回鄉兩日？

如果非去不可，我會照實請假，補返封信解釋，希望老師體諒。不過有必要去2日?

崆峒絕學

據我所知，學生係無事假呢樣嘢。無，唔代表就只有病假可請，只係代表無人諗過。成績表上，只會記錄學生缺席日數，只唔會細分病假、事假。

我唔贊成用病假呃學校，因為大人可以呃學校，但小朋友返到學校，好容易講出真相，到時仲煩。

我因事而令小朋友唔返學需要請假，我會預早補信通知學校。有時，有突發事而需要請假，尤其係白事(TOUCH WOOD)，就可能先電話聯絡，後補書信。學校唔批，難道學生缺席之後秋後算帳？如果會，我一定投訴！

只係為人父母，自己都有責任教小朋友，亦有需要為小朋友嘅學習著想。唔係因為機票平D就提早飛去旅行。

一年兩日事假，其實係規管老師、校長，特別係官立學校。如果間學校連「一年兩日事假」係規管老師校長都唔知，反而用嚟管學生。我一定會覺得間學校行政混亂，咁我亦會開始考慮要唔要轉校。

因為如果校長都唔熟識行政，而升到校長呢個位之前，佢係應該因為教學、行政都做得好至升上呢個位，即是呢間學校亂咁升人？唔熟識行政嘅行政層，又有能力睇到佢嘅下屬老師嘅做嘢能力？

little_yolky

崆峒絕學 發表於 15-3-26 18:16
我有四條問題想問。第一，樓上眾多回覆，有無人係老師？第二，學生有事假呢樣嘢？第三，如果學生係有事假， ...

1. 我哋學校講明有事假, 用嚟分別病假。因為考測默病假補唔駛扣分, 事假計八折。
2. 唔係病無事前申請, 叫曠課, 係會扣操行分。

gloria2347

我會如實請假

kimberlybaby

UP

大件仔

老師的孩子因為要考試, 同學校請3天假回家幫自己小朋友溫習, 但佢自己教緊間學校仲有唔夠一個月要考試, 連續3日全班同學上堂只是睇ETV都係咁啦, 老師又一樣會請事假, 學生要請事假, 大前題不應講大話炸病, 老老實實都叫有個交代.

kimberlybaby

你又知嘅？？

叮噹小孩

現在学校這樣嚴，請假都要想過？

wan_sosin

原帖由 叮噹小孩 於 15-04-20 發表
現在学校這樣嚴，請假都要想過？

咁你真係要好好準備上小學啦！唔好將幼稚園嘅想法放係小學！

HMmummy

除非大事，不宜隨便請假。

little_yolky

wan_sosin 發表於 15-4-21 11:44
咁你真係要好好準備上小學啦！唔好將幼稚園嘅想法放係小學！

唔好話請假呢D間唔中發生既事。我响興趣班有位媽咪仲激, 佢哋小學冬天如果天氣凍可著羽絨褸, 咁已經好nice啦, 因為聽聞有D學校唔可以。點知, 學校規定要著深藍色(同校褸一樣), 位媽咪就去學校鏟老師, 話唔通無端端要買件深藍色羽絨褸著返學, 唔通平時去街都要著深藍色咁核突。小朋友上課室都唔駛著褸啦, 又唔係咁凍。我理鬼得佢一於著返去街件羽絨返學。佢要扣操行分就扣操行分啦。

我哋各家長都O咗咀, 真係天外有天, 人外有人。所以, 有D家長堅未做好升做小學生既準備。

wan_sosin

原帖由 little_yolky 於 15-04-21 發表
唔好話請假呢D間唔中發生既事。我响興趣班有位媽咪仲激, 佢哋小學冬天如果天氣凍可著羽絨褸, 咁已經好nice ...

我聽聞過有一個升小家長講座，個社工問家長們，邊樣事情最擔心？有家長答，擔心小朋友第日返學無人幫佢攝條毛巾係背脊，個社工想O咀，但佢好專業，即刻安慰返個家長！

little_yolky

wan_sosin 發表於 15-4-21 18:22
我聽聞過有一個升小家長講座，個社工問家長們，邊樣事情最擔心？有家長答，擔心小朋友第日返學無人幫佢攝條 ...

我當時只係擔心個廁所板汚糟多D

hobby

回覆 little_yolky 的帖子

我都係最擔心個廁所, 平日已經教囡囡如見濕要先抺乾, 再用濕紙巾消毒, 再用乾抺乾先坐得, 但囡話麻煩, 我講極都唔聽;


而蹲廁, 來緊見小一那間沒扶手, 阿囡又超細粒, 著裙去怕佢會跌落屎坑, 而見佢2腳擘到盡都放唔到蹲廁2邊仲有幾個月, 要特訓


至於事假, 我小學事因白事(出殯)要請事假, 我是考試那天提早返學考完先走, 不過考試時間縮短, 和只給8折分數

Yanamami

little_yolky 發表於 15-4-22 08:18
我當時只係擔心個廁所板汚糟多D

呀~禁我地学校个厠所好乾淨、空気流通、厠紙优質、地面乾爽、照明充足~

little_yolky

Yanamami 發表於 15-4-22 16:17
呀~禁我地学校个厠所好乾淨、空気流通、厠紙优質、地面乾爽、照明充足~

你就好啦, 我哋學校真係幾十年校舎, 係咁上下囡囡話, 有同學仔大大完唔沖廁, 又有同學仔成包紙巾丟入馬桶。

Yanamami

little_yolky 發表於 15-4-22 16:19
你就好啦, 我哋學校真係幾十年校舎, 係咁上下囡囡話, 有同學仔大大完唔沖廁, 又有同學仔成包紙巾 ...

呢d情况应該会係学校月訊俾校長全校告戒~