你們點樣為ADHD既小朋友簡小學

wan_sosin

回復 家希媽媽 的帖子

快d知道點做好,對你都會好好多!嗰d心情我好明白,唔上唔落!

我個仔而家都仍然係唔上唔落,太細個又做唔到d乜,今日都激到我cc下,我同我仔今日出街,我仔係我住嗰層樓,踢甩隻鞋係電梯大堂飛落街,好在下面好少人會行!

活躍就係活躍,唔通綁住佢d手腳咩!而家個社會,又唔可以放個細路通山跑就算!

小草王道

原帖由 家希媽媽 於 13-05-17 發表
我已經約左醫生，因為我都想快對症下藥！

早對症下藥都好。知道點幫佢都安心。加油呀。前面既路難行，做家長既就做開路先鋒。幫小孩開好條路，再陪佢行。

小草王道

原帖由 wan_sosin 於 13-05-17 發表
回復 家希媽媽 的帖子

快d知道點做好,對你都會好好多!嗰d心情我好明白,唔上唔落!

唉。有時激氣過頭真係忍唔住打仔，打完又心痛。

小草王道

原帖由 wan_sosin 於 13-05-17 發表
聽聞有d話有support嘅學校,都係無乜support!是嗎?我諗真係要有家長話間學校ok,先係真嘅.真係要查清楚! ...

係呀。有些學校明呃政府津貼，但又唔係真心想幫佢地。

external

學校好鍾意叫你做評估，　因為一證明到你係Ａ仔，每個都有津貼，　但會唔會support 你又另一回事。不過，　唔係個個都要食藥架，　其實係睇幾方面，　家長的接受能力，學校的接受能力，　學術上，社交上，小朋友自我的價值觀。以前邊有咁多呢Ｄ病，　個個都掛住揾食，　宜家個個都咁緊張。醫生同藥廠掛鈎都係某個程度上多咗人要食藥。

家希媽媽

我對住佢我都嘔血！我真係唔知任性硬頸好勝係咪ADHD症狀，下下都挑戰緊我咁！亦唔知係我鈍定係佢早熟，7歲仔可以反叛到咁，叫佢做一樣嘢叫好幾次，係唔做就唔做，眼定定咁望住你，挑戰你底線，之後見我想就嚟鬧佢先郁。我已經係咁叫自己冷靜，但有時頂唔順真係會打佢，打完又心痛

家希媽媽

我諗遲啲到我要睇醫生，因為湊佢真係好大壓力，但叫我放鬆真係好難，其他事我可以放底就放，唯獨佢嘅事就好上心，同各位家長一樣

wan_sosin

回復 家希媽媽 的帖子

其實要去做正式評估,因為有部份ADHD仔,加埋有對立反抗症(ODD),我仔評了有活躍之外,醫生寫時,也加上了反叛!
還好反叛方面,我覺得佢無嚴重落去,只係係學校明顯D,係屋企還可以,反叛嘅小朋友反而更要比愛心,小朋友覺得得到父母真正的關愛,可以援衝一下佢哋嘅極端!唔好同佢硬碰,會兩敗俱傷,還會加強佢哋嘅反叛!呢D我從心理學家,姑娘等等口中都聽唔少!其實唔一定ADHD就會任性!有時關乎本身小朋友性格!亦可能因為成日受管,壓力太大,產生反叛!
佢唔聽你講時,試下比佢坐埋一邊冷靜幾分鐘!溫和咁叫佢,唔好喝佢!佢反感的話,好難會合作!

wan_sosin

回復 external 的帖子

我都聽過人咁講D學校係咁!
我有個朋友話我知,佢有個朋友個小朋友有D活躍,見了醫生,醫生話唔係ADHD,唔需要寫紙,返到學校,老師竟然叫個家長,一定要醫生寫佢係ADHD,叫個家長再搵返個醫生,醫生都話唔係!家長點要求到醫生!點可以無病話有病,而家D學校唔知攪乜!

wan_sosin

家希媽媽 發表於 13-5-18 01:08
我諗遲啲到我要睇醫生，因為湊佢真係好大壓力，但叫我放鬆真係好難，其他事我可以放底就放，唯獨佢嘅事就好 ...

加油呀!唔好迫自己咁緊要,影響唔大嘅問題,有時隻眼開,隻眼閉,小朋友一次過你要佢樣樣都好,唔多可以,處理問題大嗰D先,其他再慢慢來!

家希媽媽

多謝你意見及支持！我真係對ADHD知識仲好貧乏， 當醫生話我知囝囝有懷疑係ADHD，我仲一頭霧水。呢段時間多上網搵相關資料同留意各位媽媽有用嘅討論，才有多少少概念！我相信囝囝自己都唔想咁活躍，不過任性我就相信係佢性格！

wan_sosin

回復 家希媽媽 的帖子

唔洗客氣,大家支持嗟!雖然我個仔只係剛5歲,但條路我已走咗幾年啦!我仔幾個月大,我已覺得佢似過度活躍,有d做咗媽媽嘅朋友,都同我講笑咁講,話佢過度活躍,所以很早就搵d嘢睇,但太細個,醫生都講唔埋!一直等到4歲去CAC....
一直以來,身邊識同唔識嘅人,都會比好多說話我聽!講都講唔晒!
但到而家,我都只係係氣路嘅起點!所以大家努力呀!

pollybell

wan_sosin 發表於 13-5-17 23:13
聽聞有d話有support嘅學校,都係無乜support!是嗎?我諗真係要有家長話間學校ok,先係真嘅.真係要查清楚! ...

呢個當然啦，有總好過無，問題間學校收幾多要支援既人，同老師比例係咪合理，一對幾好重要。

wan_sosin

回復 pollybell 的帖子

多謝你的見解!咁點樣可以得到這些資料?

pollybell

wan_sosin 發表於 13-5-20 10:03
回復 pollybell 的帖子

多謝你的見解!咁點樣可以得到這些資料?

學校網頁，討論區睇下。

BrianHoHoHo

pollybell 發表於 13-5-20 14:28
學校網頁，討論區睇下。

真係多得有呢個平台, 令我開始有初步概念, 最緊要係有好多媽媽傾訴打氣, 大家加油呀!!!!

BrianHoHoHo

wan_sosin 發表於 13-5-18 16:12
加油呀!唔好迫自己咁緊要,影響唔大嘅問題,有時隻眼開,隻眼閉,小朋友一次過你要佢樣樣都好,唔多可以,處理問 ...

AGREE, 迫得自己辛苦,對自己同小朋友都冇好處, 我反而當學校同姑娘話懷疑之時, 我對佢平日的行為有時可理解, 反而冇以前咁不停打罵, 同佢講, 盡量令佢冷靜, 雖然自己身心都好攰.....

家希媽媽

回復 wan_sosin 的帖子

其實我仔由細個都已經好動，不過可能幼稚園生活比較輕鬆同活動教學，所以問題無咁明顯。有時我又怕佢依家7歲才開始治療會太遲。又怕佢要長期食藥，好多問題響我腦...

家希媽媽

回復 BrianHoHoHo 的帖子

我同你一樣，未知道時真係唔明點解佢會咁曳；但當知道佢有咁嘅問題時，反而體諒多左，雖然都係好勞氣，甚至會自己忟自己(因為知道佢自己都唔想咁)