自閉症兒童升小一評估,請過來人分享情況

tin_tin

joey媽媽,
我要返工啊~~ 20号大仔學校有function.  :-| 26 或 27 ok 嗎?
心理學家的評價似乎冇乜幫助, 讀特殊小學就不能轉返主流, 你考慮成點啊? 讀主流的小班教學小學又如何? 有兼收位嗎? 我想文軒會追上來的!  

joey媽媽

各位
   我又等了成晚都上不到來,好無心機, :-x 哈哈 終於今早再試下又得喎 好似以前一樣好快好順利咁上到來 好喇!繼續我的分享
     2月1 日晚上,好少好少呀仔好順利係10:30咁早瞓覺了,到2月2日早上9:15分才起身,亦是好少好少見到佢我可以瞓咁耐,心諗今日有運行了 評估那天, 11:00-1:00見言語治療師,我兩公都有陪同入去,呀仔表現一般啦,有時答有時唔識答,終於結果是得2歲頭到的語言程度,亦是我預計內的結果 當時我問言語治療師,已你的經驗當中有否呢d小朋友係４歲先真正開聲講野，會否係６歲能追到６　歲水平呢？她說：一定不會．所以我即時反應話呀仔這年先得到真正訓練，係呢年零內佢有現在的表現我是可理解到的，而且都算有好大進步了． :wink: 言語治療師的評語：叫我再多訓練比佢，她知我兩公婆都好有心機教導他，叫我們多訓練佢聽指示及專注，以便日後升小學． 她會稍後同心理學家商討內容

到了２:００－４:００見心理學家了,首先佢接見了我們10分鍾左右,內容是初步了解呀仔生活上同埋學校情況,跟住又問我兩公婆想點計劃05年9月,我給她的回應是 我心都予盾,不知讀多年高班好,或是顫特殊小學好,個心緊係想佢融合同主流啦,但又不知佢可否應付到 心理學家沒有即時回答,只是說現在要同呀仔做評估後先知 :idea:過了5 分鐘,呀仔不合作關係需要陪同 評估,我老公入了去大約40分鐘到出來,老公反應:呀仔專注唔好有些做不到,做到好慢,問答理解題,呀仔完全唔識答 [size=x-small]過了5 分鐘再接見我們.
心理學家評語:攞三角形圖解釋,呀仔認知是高或中等智能,但各方面就評為輕度及有限智能中間,(但我偷看到分數,有11,10,6,4...共71分到,不知是否這結果)專注好弱,聽指示未穩定,說話能力未發展到,唯一是他認知方面肯定知佢識好多,不過因佢專注影響下表達不出來.
我問她的建議下如何升讀或是留班好.她就說都明白我現在心情不知選那途徑好,原因:如讀高班的話,來年一定要確保幼稚園老師嚴格執佢規距及說話表達同專注,否則對佢讀多年都無用,因佢係高班課程都已掌握,無謂浪費多一年,至於如何選擇主流同特殊呢 :idea: 如佢能力係認知及及抄寫都弱的話,她不會猶疑一定要佢去特殊小學,但現在看來佢入去的話應是最叻o個個,但又去主流小學的話又擔心佢的專注程度及學校程序運作上佢跟不上,所以佢諗法同我一樣的擔心.後來佢寫紙建議比呀仔試讀主流先,看看學校那邊有否資源給他,看他可否應付到時再跟進吧![size=medium]所以今次評估批了是可試讀主流但看呢個下學佢有否改善,如一d都無就要係４月中致電給她跟進，看看有否需要讀了特殊先才去主流 :idea:  

[size=large]各位媽咪：呢件事點睇呀？應如何選擇呢？

mrsphcheung

Dear mamee,
My son currently attends the 說話技巧訓練班 taught by Miss Wong, an experienced primary teacher in inclusive programme, of Fanling Centre.  As the centre is so far the only one offering speech training course in small groups, I just travel from island east to Fanling every Saturday.  It is worth the hard work as my son has shown remarkable improvement in expression and conversation.  Miss Wong also conducts P.1 preparation course.  Her dedicated working attitude has greatly impressed me.   

joey媽媽

tin_tin
　26一定唔得，２７未知，稍後覆！
小學有兼收位嗎?是否融合教育意思，我知讀特殊小學就可能好難轉返主流,但真不知點決定，你看我長篇的結果再給我一些意見啦 :-| ，他會吾跟得上嗎 :-|
細仔去大口環做評估, 佢而家幾多歲？你家族有A仔,是ＤＡＤＤＹ或是ＭＵＭＭＹ那邊

chanchanboy
我仔同你仔一樣都是專注同溝通意慾都無mug, 語言都未能做到有問有答, 但評估升小一時都可能可試讀主流呢？  我都好明白你心惰  :-| 一樣咁濟

kmwun

joey媽媽

小學係無兼收位的，而家實行的是全面融合教育，即是如果派位派到間小學一定要收我地嘅小朋友，教署只會每年撥津貼俾學校，至於津貼用途由學校全權處理．我覺得入主流小學都要小心選擇，我有打電話到心儀的學校，嘗試同校長溝通仔仔的情況，有機會就參加學校的簡介會，多D了解．我而家幫仔仔選的是曾經主動參與以前融合教育的小學，而校長及主任亦表示接受仔仔的情況．學校比較多用電腦教學，仔仔應該掌握得較好．另外我認為小班對我地的小朋友亦應該較好．不過我都等緊統一派位．

cottontail

joey媽媽,
我唸俾文軒試下主流先, 學kmwun話齋搵間小班教學既, 學校課程冇咁緊既, 咁我唸比較好d 。

tin_tin,
咁你有冇排早期訓練呀?

joey媽媽

cottontail
   我係另一邊TOPIC看到有位媽咪話自己個仔的進度,我看了之後覺得佢個仔好似叻D喎！但佢的報告要佢去特殊學校，而我呀仔無咁叻反而可試讀主流，我有Ｄ　擔心唔同心理學家有唔同準則評估，這樣看來，呀仔要無險了
你方便用ＰＭ比多次ＴＥＬ　我嗎，我要搵你呢個專家研究研究   

kmwun
我都等緊統一派位．第一志願學校沒小班教學是１：３３，遲ｄ我會係３月跟協康去參觀，順便會直接查詢我們的兒童每年撥津貼俾學校用途我們小朋友可直接受惠嗎？到時看學校回應了．因我都知有些學校津貼用途不是落在自己小朋友身上）
第二志願學校有小班教學是１：２３，但呢間是未有特殊經驗．
我們呢區無小班教學了，只得一間，仲係試驗兩年ｏ個隻
:cry:

mcc88

joey媽媽

請問升小一評估是否只是給自閉症兒童及應該幾時做, 是否要由學校轉介.  我兒子K2有學習障礙, 正考慮是否要重讀, 因怕他跟不上.

HelenMrs.Lau

cottontail, Joey媽媽, chanchanboy, mamee & tintin,

Hi~~~Still remember me     
Nice to see you all again

joey媽媽

HelenMrs.Lau
  hi,我梗記得你啦,你仲係特殊教育topic活躍份子tim.
我仲而為你不記得我們就真,點呀!你仔仔進步如何!

mcc88
升小一評估不是只是給自閉症兒童,是如你的小朋友曾有政府的智能評估中心跟進或有服務,他就會係k3 時候亦係升小一前會約見任何障礙兒童而作出建議給你應如何選擇甚麼類型學校.
你的小朋友有評估嗎?現在有否服務支援呢?

mamee

joey媽媽

我(&我先生)都覺得, 可以俾仔仔試讀主流學校, 不過真係要找間課程淺啲會較好啲.

mamee

joey媽媽

mamee
[size=x-small]我(&我先生)即是你同老公一齊幫我諗,嘩 我真開心呀,你咁細心同我再考慮,多謝你先
我都會搵間課程淺啲比佢讀,不過佢地學校中文課是用普通話授課,到時又係頭痛,因佢廣東話都未得.
今晚我用了呀仔同我對坐方式,我做老師咁教佢野,佢好留心喎,佢想走但又叫到佢坐好d，所以今晚我都有個決定，就係唔理三七二十一去左主流先算，最多我現在再積極ｄ同佢係屋企多模擬小一適應,我已初步有d 計劃了
我老公都話齋有d 家長唔知小朋友出現問題都盲縱縱都上了小一啦!到時看看學校如何處理才算,比呀仔一個融合環境機會生活.看看學校可否攪掂咁話
我希望呀仔遇到有心人啦!

chanchanboy

joey媽媽

仔仔試讀主流學校, 係好消息呀!
同埋個心理學家都好好人喎!

tin_tin

joey媽媽,

你仔仔高班課程都已掌握, 認知及及抄寫都 ok, 我都覺得俾佢試讀主流學校會較好。 特殊小學課程淺, 佢可能重難專注woh。

cottontail,
冇排早期訓練呀. 細仔返緊private st, 進步了. 而我打算幫佢轉全日pre-nursery, 减少佢睇電視的機會. 佢係超級電視精嚟ga! :-x

chanchanboy,
仔仔近况如何?

mcc88

joey媽媽

多謝你回應, 我兒子已做了評估, 主要是身體動作協調問題. 這方面發展慢了半年至一年, 正做緊物理及職業治療.

仲想問下, 因有些朋友話已完成了第一階段的派位, 現在才評估, 會否太遲可否要求早些做呢.

HelenMrs.Lau

joey媽媽 寫道:
HelenMrs.Lau
  hi,我梗記得你啦,你仲係特殊教育topic活躍份子tim.
我仲而為你不記得我們就真,點呀!你仔仔進步如何!

阿仔04年8月開始返S位，哩幾個月進步左好多。
自理同講

hinhinmummy

tin_tin

軒軒由歲半開始就做左電視精, 工人日開夜開, 我們又不得閒留意, 到發現有問題的時侯, 就斬釘切鐵甘cut左電視, 插蘇鎖住去, 工人想開都無得開, 初頭軒軒都不肯的, 後尾都接受左現實, 依家可以不看啦, 如果可以的話, 真係不好比佢看, 不過大人就慘d, 我連新聞都無得看law.

但無左電視之後, 軒軒真係專注左, 不會再沉迷係電視度.

678

hinhinmummy
咁你大女不會嚷著要看tv架咩, 我大女會架!

hinhinmummy

678

不會wor!

678

hinhinmummy
你大女咁乖既, 真乖!