請大家評評理

點算好

torunpoland 發表於 12-8-21 05:19
Daniel-Florence說: 如果真系有必要, 我會出手幫小朋友做功課.

其必要程度, 只有父母在實際情況下才知道.  ...

對!! 助的意思是協助非替代, 這完全是兩回事!  如果這麼年紀已教他走捷徑, 不做好本份實非小孩之福

mummy0910

torunpoland 發表於 12-8-21 05:19
Daniel-Florence說: 如果真系有必要, 我會出手幫小朋友做功課.

其必要程度, 只有父母在實際情況下才知道.  ...

我明白你的意思,但係幫助都只在於協助完成而不是幫他去完成,
若果習慣成自然,那麼小朋友養成有事所求必有人出手相助的習慣
那怕日後成長遇到問題也會用相同方法去求助!!!

mummy0910

Daniel-Florence 發表於 12-8-20 23:01
我講一個故事比大家聽...
以前有一個富有智者, 有2個兒子(兒子A, 兒子B), 這個智者知道自己不久於人世, 想 ...

我覺得功課係門而唔係鎖匙...
鎖匙同石頭只係學生運用佢所學既野黎解決的方法
如果你的孩子是a, 你只會同他說等我幫你打開佢而不是教導他可利用其他的方法.
如果你的孩子是b,你也跟他說同一樣的說話嗎?

LyNeC

我很喜歡拜讀大家的論據。能引發我深切思考。
雖然小女未到有功課的階段，但討論也令我感到兩難！
我看。。。很難一概而論。。。要視乎每次情況！
總之，幫與不幫、幫的形式、轉校與否、與老師硏究與否，實在有太多考慮。還有家庭背景、價值觀等等。老師質素–即是否求助對象。。。
希望每次個別情況衡量，大家不會給自己太大壓力，因為其實我們也是和小孩一起成長、學習。

HaYi

Daniel-Florence 發表於 12-8-20 16:38
1. 學校比功課, 我相信只當一個工具比小朋友學習.
家長最了解小朋友, 這個工具是否適合小朋友? 是否太多?  ...

我覺得你的經驗是在幫一個能力不足的小朋友突破樽頸,  雖最後好似都冇成果 (他仍是band 2), 但當時的處理為師長認可算是不錯.    但樓主的case 并不是如此, 他的小朋友欠做功課相信不是能力問題做得慢造成, 而是不小心, 或憤左i次次有人提, 偏偏今次冇人提之下漏左, 家長是否需要為小朋友去做而避免小朋友受罰, 是有關個人品格教育 (做個負責任而事事上心的小朋友), 幫他做了今次并不能改善或突破啥,  反之如大部份家長認為, 會助長小朋友的憤性依賴,  2兩件事在本質上不同. 相信不可混為一談.

ah-ho

個仔唔識做功課，就幫佢做....最緊要佢識，做功課係浪費時間
個仔唔識考試，幫佢考...最緊要佢平時識，考試都係浪費時間
個仔搵工時唔識填自己屋企英文地址（最近報紙有報過），幫佢填...，最緊要佢識返屋企，唔識英文地址又有乜問題，填表都係浪費時間，電腦印出黎咪得囉
個仔唔識搵老婆，幫佢搵...舊時都係相睇架啦....使鬼拍拖...係浪費時間
個仔唔識生仔，幫佢生埋....科技進步，使乜花時間做愛....浪費時間
個仔唔識死，幫佢.......照顧兒女終老，係父母終生既責任...

唔合理既既搵理由合理化....very good monster parent.... LOL !!

Daniel-Florence

hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學補習. 升上中四, 學校一般會比好多功課, 測驗給學生應付會考, 或幫學校爭光!
這位同學被學校重點培訓, 參加好多比賽(如問答比賽), 取了全港冠軍.
成功的背後當然是更多功課, 操練.
有一日, 他自己一個人沒有目的行, 行到了碼頭, 座系碼頭到, 頭腦一片空白, 突然眼前一黑, (好似電腦突然斷電, 畫面黑矖), 跟住趺在落海....
妳們看完, 有什麼感想....?
Anyway, 當故事聽了就好了...

mummy0910

Daniel-Florence 發表於 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學 ...

你講咁多個故事其實都同小朋友有冇責任去完成功課毫無關係....
今次呢個故事同功課更加無關,個中學生之所以會有呢個事件發生,
只係學校本身對呢位中學同學既過份要求所至,而佢自己本身又唔識得同學校反映
更加唔清楚佢父母有冇協助佢或者因為要名利所以給與她更大壓力所至.....

yokomo139

mummy0910 發表於 12-8-22 13:09
你講咁多個故事其實都同小朋友有冇責任去完成功課毫無關係....
今次呢個故事同功課更加無關,個中學生之所 ...

完全同意 mummy0910既意見, Daniel-Florence所提到的故事與這帖子所討論的主題明顯不符....未免撐得太遠了...

lestat

Daniel-Florence 發表於 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學 ...

認同你既理念, 但絶不認同你既手法.

冇錯, 學生學習最重要係理解同訓練思考, 如果因為功課多到足以影響學習, 我寧願欠交功課但都唔會"幫"小朋友做功課, 最多同老師解釋, 學習固然重要, 但培養小朋友既責任心亦同樣咁重要.

另一點, 我個人認為小學, 中學同大學既教育重點係唔同, 小學係着重基礎訓練, 同中學,大學追求知識,  鍛鍊獨立思考同判斷能力係唔一樣, 根基要穩固先可更上一層樓, 要根基穩固, 重復既練習某程度上係須要.

Daniel-Florence

唔緊要, 箇中道理不是人人明白.
唔同人有不同際遇, 會有不同想法.
或許, 有一日, 您們會感受到, 了解到故事中背後的寓意.
Anyway, 就當我是怪獸家長好了, 或許, think outside the box 好了

w_y

如果認為功課幫唔到個小朋友學習, 解決之道是和校方老師商討, 甚至轉校. 總之作業寫的是小朋友名字, 完成與否, 小朋友的事情. 代為完成=說謊!

如果份功課有問題, 我寧願交"吉" 都唔會講大話.

mummy0910

Daniel-Florence 發表於 12-8-22 14:32
唔緊要, 箇中道理不是人人明白.
唔同人有不同際遇, 會有不同想法.
或許, 有一日, 您們會感受到, 了解到故 ...

我想問下你,其實你都有返過學讀過書,
咁當時你又為咩要做功課同考試測驗呢?
如果你唔鐘意但又會做又為左咩原因呢?

newbaba

Daniel-Florence 發表於 12-8-22 12:31
hm...我再講一個故事比大家聽:
有一位中學生(屋村Brand 1), 佢讀書好叻, 中三時, 佢已經幫一位中五的同學 ...

呢個故事未免太偏激了吧.....
第一個故事入面，個老豆見2個仔用鎖匙開唔到門，就立即幫佢地推開道門，跟本就冇俾時間 2個仔去思考.....

小朋友做功課，遇到困難時，家長應該了解小朋友唔明d乜，再點明佢地，呢d叫協助完成！
家長識做功課，但唔等如識教細路做，與其浪費時間又點唔明個細路，就要求助於人 — 補習！ 並不是要幫佢做....

maybo224

w_y 說得對極了！遇到困難時，應用正確的方法去面對和解決;從小就教小孩子說謊，長大後會變成怎樣的人？用說謊作弊來追求學問？？？？？？究竟是什麼"歪理"呀！

Geni

老實講，我諗真係好難明白“幫小朋友做功課係啱“嘅呢個道理.....

我又講個故事俾你聽下：有個小朋友，學校要求每人作篇文章參加比賽，小朋友嘅爸爸覺得個小朋友唔會作得好，又覺得浪費時間，但又唔想佢欠交，所以幫佢作。最後，“小朋友“篇文得咗獎，爸爸好開心，仲沾沾自喜，但小朋友就唔想去領獎....

參加作文比賽明顯唔係"對成績有幫助或可增進知識"吧，如用你嘅準則，爸爸代作應該冇問題啦！但點解小朋友會唔想領獎，你又明唔明白點解？

Lingcheung

你想引用"think out of the box!"對嗎?

chanwendy

趕得切朝早做咪朝早做囉, 趕唔切咪由得佢冇交囉, 等佢經歷一下欠交功課的後果都好呀.  但一定唔贊成幫佢做囉.

longandhong

原來真係有市場 :

【on.cc 東方互動 專訊】 暑假快將結束，但不少學生的暑期作業仍隻字未動，便索性上網搵「槍手」代勞。而網上「槍手」充斥，部分「槍手」自稱是名校中學生或大學生，亦有在職人士。為爭生意部分割價搶客，低至每頁收費僅數角。《太陽報》直擊一名女槍手，以50元報酬代做一本升小六的暑期練習，她用5小時完成，平均時薪只有10元！教育界人士更指出，部分學校將暑期功課也列為計分項目，不少家長為了子女成績，竟主動代為「請槍」。

http://news.on.cc/cnt/news/20120 ... 0823_00822_001.html

HTLT

longandhong 發表於 12-8-23 14:09
原來真係有市場 :

【on.cc 東方互動 專訊】 暑假快將結束，但不少學生的暑期作業仍隻字未動，便索性上網搵 ...

變態家長
受害者最終是自己仔女.