讀下午班時間無咁好用,小朋友無時間學嘢? 有無家長俾到意.

irene_the_pooh

somafa 發表於 12-7-4 15:10
真係好， 見到呢個post, 我個囡9月會返K1下午班， 我呢期就係好煩， 因為佢PN 係讀上午班， 慣左放學食完lu ...

我個囝ok呀！
佢平時8:00am食一支奶，然後9:30am左右我會比少少野佢食 (例如生果 + 乳酪 / 麥皮之類)，然後11:30am就食午飯，佢都會食得晒！

如果你怕你個女食唔落，你初頭可以試下比少d先，佢唔夠自然會問你再攞啦！

chrisncy

我都係返下晝，感覺良好，又可以遲d訓，又唔會塞車，冬天冇噤凍，老師又warm up 完，少d 機會遲到，等，好處多過壞處

MamaRabbit

chowhui97 發表於 12-6-29 23:55
其實都要睇下學校近唔近同小朋友的習慣。以前PN我女返樓下上午班，無事都自己六七點起身，八點半落樓，大把 ...

請問你是working mum嗎? 你囡囡放學瞓到５點幾６點，然後要食晚飯沖涼，９時開始就準備瞓咁快手既？

我有個疑問，想請問囡囡做功課時間如何安排？仲有親子閱讀呢？黎緊我囡囡9月都要返pm k1,我還是很擔心時間唔夠用同囡囡唔夠休息！

chowhui97

回復 MamaRabbit 的帖子

我係WORKING MUM....

我個女個SCHEDULE:

4:00PM 放學
4:30PM 左右開始訓, 通常佢要訓WITHIN 5MIN會訓著
5:55PM 工人叫佢起身, 休息一陣
6:30PM 食晚飯
7:00PM 我地返屋企
約8:00PM OR 8:00PM我地食完飯, 就同佢玩一陣, 睇書, 對/做功課等
9:00PM 左右開始沖涼, 飲奶, 講故事
10:00PM 訓覺

chubbychu

Cindyjasper 發表於 12-7-5 13:21
我個仔N班開始已經係返下晝, 依家讀K1, 佢通常瞓到十點幾, 十一點都有架, 跟住要食支奶,
大概十二點就要 ...

食咁多, 好乖仔呀!

MamaRabbit

chowhui97 發表於 12-7-6 10:31
回復 MamaRabbit 的帖子

我係WORKING MUM....

你就好,PM可以放4點,我個女果間放4:30,校車下車時間係5:30,坐成粒鐘,救命!
我希望亞女可以係校車眠一眠吧~
至於亞女實際既生活時間都表仲未PLAN好

yantabo

原帖由 flopsybunnies 於 12-07-02 發表
回復 Gabumama 的帖子

可能怕吃完午飯會飯氣攻心吧？午餐係咪唔好食太飽會好D？？ ...

搭完程車，到咗學校都冇咗啦！

麥兜MaMa

以前都會覺得am好d, 下午時間好用d. 不過自從呢道有個post講pm既好處之後, 我地發現pm合我地需要多d. 因為我們都是晚回家, 阿仔am+搭校車早會無咩親子時間.

麥兜MaMa

而阿仔有番早上(10am) & 下午 (4pm) 既pg, 不同日期, 但已經早上既成日唔想起床, 攪到遲到....呢樣野, 媽咪細個都試過, 因為成日搭唔到校車, 改左自己行番學...

c-wong

My kid studied in am and pm before. Am is better but pm also ok. My girl is flexible in her sleeping schedule. If she attends am class she wld take nap after she finishes lunch at around 1.30pm. If she attends pm class she will sleep again at 10.30am-12pm, so after she comes home at 5 pm she doesn't need to sleep again, arranged her eca like ballet class near home at 6 pm.

yushbaby123

回復 MamaRabbit 的帖子

my daughter will attend K1 PM class on coming Sep., and her class will finish up at 4:30 pm and will be home at around 5:30.

So, i wonder how to adjust her schedule?

bibi0608

我個女日日都係瞓到十一點幾十二點先自然醒，　下午４點瞓午覺，　６點起身玩同學野，晚上食完飯同爸爸玩到十一點幾十二點先瞓。　本來我都打算調整佢作息時間明年９月返上午校，　依家見到大家既意見原來下午校都不是想像中甘差！！　我係咪應該幫個女報讀下午校好Ｄ？　會唔會第時返小學仲辛苦？請問依家Ｄ小學係咪全都係全日制啦？？

happycandy

未返學時，朝八晚十，一至四瞓晏覺，very good.
返pn〈pm〉，朝十晚十二，六至八瞓晏覺，還可以！
返K1&K2〈am〉，朝八晚十，唔肯瞓晏覺，朝早唔願起，六點開始發脾氣⋯唉！
如果爸爸遲收工，反而八點半瞓，跟著第二朝一叫就醒⋯
下學期返K3𡿨pm〉，期待中！

dreamshan

想問各位意見，我個仔其實習慣了6點幾就起床，但將會讀pm , 如要調節時間，應預早幾耐？還是到時自己可以調節到？

MamaRabbit

dreamshan 發表於 12-7-15 23:35
想問各位意見，我個仔其實習慣了6點幾就起床，但將會讀pm , 如要調節時間，應預早幾耐？還是到時自己可以調 ...

你囝囝真係好早起喎,係咪好早就瞓? 其實早睡早起係健康既,佢平時有冇午睡?但是返pm又冇得睡午覺,唯有嘗試早上叫佢眠一眠(都唔易), or晚上遲一點瞓?

其實只要一遲睡,佢自然就遲一點才起身,我一放假d小朋友一夜d瞓,很快第朝就睡晏左至起身!

MamaRabbit

yushbaby123 發表於 12-7-13 21:46
回復 MamaRabbit 的帖子

my daughter will attend K1 PM class on coming Sep., and her class will finis ...

我都是類似case,實際情況唯有到時才知道,但見各位家長所講,小孩都是很易適應的,或許到時會發覺pm的好處未定!

我有點擔心,佢放學在校車上睡著了,到我接佢下車要抱佢行呢>.<

twllc

我孖仔都係6點多起身，本來稔住返pm可以令佢地瞓晏d，點知唔得... 返左pn pm班半年，變左下面schedule

6:30am 起床
10:30am 瞓晏覺
12:00 noon 起床
8:30 pm 瞓覺

我大仔仲好少少，晏覺可以瞓得著；但細仔成日瞓唔到，返學冇精神，放學返黎多數瞓唔到(因為大仔落公園玩，佢又想去)。試過拖到10pm先俾佢地瞓，結果都係6點起身，好難攪。

黎緊k1返新學校，又係pm，希望可以轉到am啦。

aaronmok

amywong9

我仔都係下晏班 (k1), 我中意下晏, 我2公婆要返工, 放工食完飯都8點幾, 如果返上晏, 要好早趕佢瞓, 會無哂親子時間, 而家阿仔通常10:xx 幾至11:xx 瞓, 日日由佢自然醒 (通常9:xx, 佢瞓到10:xx 己經好叻...)  佢無瞓晏覺, 不過佢放學都係要坐成粒鐘中, 我知佢會瞓左.  返到屋企唔會比佢再瞓, (本身我仔都唔係好瞓得果d)

返下晏, 咪上午去興趣班, 都好多, 仲好似樓止講, 成日有私人教授, 好抵的.  阿仔學phonics, 個班原本是6人, 而家佢一人獨上, 都不知幾好.  仲有, 星期六日有時帶佢去街, 佢又唔會一早好眼瞓, 可以現多一陣, 我見過有d小朋友慣左9:00小朋友要瞓, 去街只可去到7:30 就要返屋企, 好似好無隱咁........

cc.leung

我女本身K1 都係上午班. 黎緊K2 轉左校要返下午班. , 佢今個星期開始放暑假, 日日都成10點半先訓. 第日8點-8點半先起身. 因我們平時收工返到屋企開飯都7點半. 食到8點幾. 玩一陣睇陣電視傾一陣計. 就要上床訓.
不過我個人都想我小朋友9點半上床. 但有時真係好難. 屋企家人未訓. 個小朋友都好難肯上床. 但我們個個上哂床. 佢就好快訓了.