分享:囡囡開始了第一次髗骶骨治療的感受

lambk

另外想請問有否同時做針灸？
因小兒將做針灸，不知可否同時做

wingwing2009

嘻嘻 發表於 12-3-18 15:07
唔係想潑冷水,我自己小朋友都有問題,亦四處尋找方法醫治,唯髗骶骨治療唔會試,因為我有親人既生意上有接觸到 ...

um...我亦知道每一樣治療冇100%一定得, 但我囡囡做左第5次, 效果又真係好好...(唔知係佢大個左, 定係真係有幫助), 佢呢幾日仲會學人八卦, 仲自己作左一D歌仔係度唱, 我同daddy 都覺得佢唔同左....

同埋學校老師都覺得佢定左好多, 脾氣好左...所以我地都會繼續比佢試...

個人覺得, 每一樣野都總有人會混水摸魚, 我地係控制唔到.  

但係髗骶骨治療係唔係就咁講就可以, 我上網睇過D 資料, 要專業治療師先可以做....而協康亦好buy 呢種治療, 覺得對小朋友好有幫助.

FeiG

作為父母,我地為咗小孩就咩都會試,只要係自己能力做得到,和對小孩有用,我亦想信髗骶骨有一定的功效,由於自閉症的小朋友的頭骨是很硬的,會影響腦部發育,這是治療治師講的.因此家長可以試試,但必須做其他行為治療。

iuman

回復 lambk 的帖子

already pm u

lambk

Thanks very much, iuman

hcily

想問做髗骶骨對專注力不足有幫助嗎？

iuman

回復 lambk 的帖子

冇做針灸啊。

iuman

回復 wingwing2009 的帖子

今日帶阿仔做咗第二次治療。話出發帶巨去銅鑼灣巨就扭扭擰擰，（因為幾日前曾經話過幾日要帶巨去按摩）。忽然間話唔好去銅鑼灣，不如去西環（因為有playtown）。我話去銅鑼灣維多利亞公園呀，巨就勉為其難跟住去。落車行過去，經過公園，巨就話去公園呀，宜家去邊啊？一路問，我話晚些去公園玩啦，“甘宜家做乜嘢先啊？”，終於我話帶你去瞓一陣，巨已經知道真系去治療就喊啦。不過今次只系開頭喊小小，雖然好唔情願都做到完，好多痰。跟住去玩，下午返學。老師話巨好興奮，不受管教，其實巨早上7點起身未瞓晏覺，治療師話過做咗幾次系會特別百厭，情緒差，及精神好好，話系正常，幾個禮拜后會看到改善，且持續改善。我暫且相信巨，做多幾個禮拜先。事關呢兩個禮拜情緒差咗，脾氣大咗。之前唔會亂發脾氣ge。唔知系大咗定其他問題。

hcily

iuman,
麻煩你也pm治療師的名字及資料給我好嗎，謝。

BKVIP

我上星期都帶阿仔去做第一次髗骶骨，好奇怪我個位治療師只係摸住佢個肚，合埋眼hold 住差唔多半個鐘，隻手無郁過，間中問我問題，又係出世有無咩唔妥個d。我見佢hold 咁耐都係個肚仔，問佢係咪做緊，佢話做緊架啦 -_-" 跟住就轉位用對手一隻放在佢頸上面，一隻手放頸背，直至做完都只係呢2個動作喳   佢話我仔唔係自閉，因為佢問我仔要唔要xx，我仔答佢，佢話自閉係唔會答到喎   我好懷疑呢50分鐘既治療.... 究竟係咪咁就做左？

做完後2日內，發現阿仔講嘢係好左，eg. 我放工返黎，佢問︰媽咪你頭先去左邊呀？ /  又會話︰媽咪一齊玩煮飯仔丫 / 食晚飯我分飯菜，佢走黎指住話︰呢個細佬嘅…呢個媽咪嘅…

不過佢一樣會無啦啦講車no. 仲有佢做完後成日大叫，好似好high咁。

FeiG

我都有差唔多情況,個治療治又係按住我個女個肚好耐,話佢啲腸胃好差,又話佢個頭骨唔似自閉症個頭,我個女做完之後又好hyper,你可唔可以話俾我知你喺邊度做療程,請pm我交流下

陳爸爸

BKVIP 發表於 12-3-27 13:58
我上星期都帶阿仔去做第一次髗骶骨，好奇怪我個位治療師只係摸住佢個肚，合埋眼hold 住差唔多半個鐘，隻手 ...

Hi BKVIP,
睇完你的描述, 真的有啲滴汗...., 因我都幫我兒約了今星期五第一次做此治療,  請問你兒在那裡做治療呢, 真想知是否同一間...我驚如果到時情況同你兒的情況一樣時, 我會忍不住問佢到底有冇認真做.....

可否pm你做髗骶骨那裡的contact address 給我呢?

BKVIP

陳爸爸 發表於 12-3-28 00:09
Hi BKVIP,
睇完你的描述, 真的有啲滴汗...., 因我都幫我兒約了今星期五第一次做此治療,  請問你兒在 ...

我個間在銅鑼灣。但佢好有信心話6-7堂都無改善可以唔駛黎，但呢2日又真係覺得阿仔講嘢有進度，唔知係咪心理作用。都會俾佢再試。

FeiG

BKVIP

似乎你個治療師好好,可pm 我個聯絡方式嗎?

陳爸爸

BKVIP 發表於 12-3-28 13:37
我個間在銅鑼灣。但佢好有信心話6-7堂都無改善可以唔駛黎，但呢2日又真係覺得阿仔講嘢有進度，唔知係咪心 ...

Hi BKVIP,
我諗我兒做那間同你係同一間, 是否近保良局呢? 請問你兒的治療師係男定女呀? 我兒是女的

陳爸爸

我仔上星期第一次按, 因治療師大部分時間都係伸手指入口內按壓, 我個仔哭左大半粒鐘, 最後十五分瞓著左(我相信係因為哭得太耐無哂力), 有些安慰的係, 治療師話我個仔雖未有任何單字, 但自閉程度並不嚴重, 做二十至三十次就應ok, 佢話做一兩次我仔就會明顯發多好多唔同的音, 所以我同太太都會密切留意阿仔BB話的變化..

BKVIP

我仔做左第2次，同上次一樣都只係摸肚同頸。但今次做完唔覺有咩進步，甚至有D退步...

陳爸爸

BKVIP 發表於 12-4-3 14:08
我仔做左第2次，同上次一樣都只係摸肚同頸。但今次做完唔覺有咩進步，甚至有D退步... ...

咁驚, 我仔都剛做第二次, 可能因病喉嚨唔妥, 所以無做口, 只做頸位, 同你所講的差唔多, 一個鐘裏面只有三至四次移動位, 都圍繞在後頸同頭, 每次放好位置後治療師會合上眼(好似閉目養神般), 我同我太太望住阿仔瞓係治療床上的眼神都有啲忍不住笑(因阿仔又唔敢陏, 隻眼又間唔中斜望過治療師, 好似說"請問你做乜鬼呀, 又合埋眼好似瞓, 又好似定左形咁"), 都後來我同太太都頂唔住, 一齊同佢一樣閉目養神直至夠鐘....
治療師話做一兩次後會明顯多左好多唔同的音發出, 不過我就仲未睇同聽到...不過做左第一次後就明顯玩眼多左好多.....真係有啲驚....但跟著就有燒同流鼻水病了, 希望係因為作病才玩眼玩得咁多啦......