.

CrabPincers

原帖由 Geni 於 11-7-23 09:46 發表
就數學來講，明白同理解遠比一早識背乘數表重要好多！！俾你背到幾熟都好，唔識用又有乜嘢用！我覺得，如果小朋友有能力，幼稚園時可以多教佢數學概念，到小學先背乘數表自然好易上手，而且識運用。

我個仔間學，所有科目都冇教深，升中派 ...

exactly
我女間學校都吾會教深一年
依家上到中學
一樣可以應付到
就算小學教深一年又點? 上到中學, 未又係學埋同一樣野.............
除非, 上到中學, 果間中學又係教深一年
BUT, 佢學快人地一年既野, 我個女遲早都會識
只係遲識同早識既分別
考公開試, 吾會考'深一年'卦,................
打好基礎還好
與其操卷, 不如看多D 課外書
我個女當年, 都無試過操TSA

dad1234

教深一年只係學校迎合家長口味,覺得間學校好似好勁咁,家長同朋友吹水又可以威D,真係辛苦讀果個

小新媽媽

原帖由 CrabPincers 於 11-7-25 10:22 發表

exactly
我女間學校都吾會教深一年
依家上到中學
一樣可以應付到
就算小學教深一年又點? 上到中學, 未又係學埋同一樣野.............
除非, 上到中學, 果間中學又係教深一年
BUT, 佢學快人地一年既野, 我個女遲早都 ...

完全同意!

小學學深一級, 到中學又係一樣. 有咩意思呢?

不過身邊都有朋友同事沾沾自喜, 覺得小朋友學深一級就係叻過人.

一味要求"深深深". 有市場就有供應既.

謙仔媽咪

原帖由 stccmc 於 11-7-25 13:07 發表
就是這種「人地做，我唔做咪好執輸！」的心態迫瘋孩子，迫瘋家長。

六個月座也未座好就要閃咭，一歲要DWE，兩歲識二百中英文字，K2 要默書，K3 要背乘數表，小一要中英數全科補習，小二要操TSA，等等。有人揸支鎗迫家長嗎？是自己攞來的，還 ...

其實對比我地以前既課程, 現在算是輕鬆了, 活動又多元化.
只係呢代好多家長比以前要求高, 卻希望付出少, "外判教仔"乜都比$出去學, 怕孩子輸在"起跑線上"
我會選一間不淺不深既學校比個仔, 讓佢有成功感, 建立自信心, 而額外既知識會由父母傳授, 另外多陪佢看書, 做運動就好了.

judy

原帖由 talknwrite 於 11-7-23 22:46 發表
tsa 無用架, 唔怪得教育界強烈要求取消, 咁教育局無啦拉整個考試出來玩咩?

tsa是一項評估，教育和学校可從中得知学生的程度和不足，以做改善。学校拚命操tsa，不錯，能令學生熟練評估形式，但浪費正常教學時間，反而影响学生的学業。

学校出於愚蠢和邪惡(例如傳說tsa和殺校有關，操咗至算)，當然可不理会学生之学業和身心健康。但做為家長，不反對校方之惡行，不奇怪麽？

judy

原帖由 stccmc 於 11-7-25 13:07 發表
就是這種「人地做，我唔做咪好執輸！」的心態迫瘋孩子，迫瘋家長。

六個月座也未座好就要閃咭，一歲要DWE，兩歲識二百中英文字，K2 要默書，K3 要背乘數表，小一要中英數全科補習，小二要操TSA，等等。有人揸支鎗迫家長嗎？是自己攞來的，還 ...

阿仔細個時，我得知stccmc教女有方。我向他請教怎樣学好英文，佢話，每日讀半小時書得啦。我於是堅持日日和阿仔讀半小時書。由每半小時讀3、4本至現在好幾天才讀一本。我見好多4、5年級嘅學生都讀唔到阿仔嘅書。又何需去操呢？

happysmileha

原帖由 judy 於 11-7-25 15:19 發表


阿仔細個時，我得知stccmc教女有方。我向他請教怎樣学好英文，佢話，每日讀半小時書得啦。我於是堅持日日和阿仔讀半小時書。由每半小時讀3、4本至現在好幾天才讀一本。我見好多4、5年級嘅學生都讀唔到阿仔嘅書。又何需去 ...

想請問就咁讀就得架喇? 需唔需要問佢書本內容好等我知道佢明唔明白故事內容?

judy

想請問就咁讀就得架喇? 需唔需要問佢書本內容好等我知道佢明唔明白故事內容?

通常係佢問我。

CrabPincers

原帖由 happysmileha 於 11-7-25 16:53 發表


想請問就咁讀就得架喇? 需唔需要問佢書本內容好等我知道佢明唔明白故事內容?

其實, 細細個, 係看PICTURES BOOK, 有埋圖, 甘小朋友可以看住D PICTURES 去估到故事內容講乜

到再大D, 再叻D, 就看小D 圖
識的生字又多左
看英文書, 吾需要查字典, 要成本查晒字典, 就=本書程度吾岩佢, 揀過本由淺入深再慢慢黎

我個仔, 依家都開始看緊英文COMIC
儲緊VOCAB

babybear

唔知所知既資料有冇錯，如有請更正！

據聞小三既TSA 成績係用黎定小學既排位，而每區排位愈頭既學校，到升中派位時，佢既band 1學生係會優先派先。之後先輪到排第二位既band 1學生。

而小六既TSA 成績，和係用黎定每位學生既banding. 定佢地係band 幾學生。

judy

原帖由 babybear 於 11-7-25 17:49 發表
唔知所知既資料有冇錯，如有請更正！

據聞小三既TSA 成績係用黎定小學既排位，而每區排位愈頭既學校，到升中派位時，佢既band 1學生係會優先派先。之後先輪到排第二位既band 1學生。

而小六既TSA 成績，和係用黎定每位學生既ba ...

学校嘅banding比例，是每两年根据中一編班試而重新訂定。

學生嘅banding，是根据三次評分試而定。

1234ats

原帖由 happysmileha 於 11-7-25 16:53 發表


想請問就咁讀就得架喇? 需唔需要問佢書本內容好等我知道佢明唔明白故事內容?

小儿两三岁开始便每个星期到图书馆借21本书（我，老婆与他各七本，中英都有），养成读书习惯，他说自己是书痴。有段时间他经常看百科全书。但现在却稍多看漫画。
他看书的范围很广，很多时他看书也不一定明白内容。记得他六岁时他自己借了一本关于世界各地大水垻的英文书，内容初中学生不一定看得懂，但他却仔细阅读，看得津津有味。我知道他其实大部分内容都不懂，特别是关于水坝结构与发电的部分。不知他究竟在读什么。
我一向都不管他懂不懂，最重要他有兴趣读课外书。到他长大后如对任何题材有兴趣他自会寻求答案。
听英文和普通话一样。我鼓励他有空便上网多听英文或普通话节目，不用管他懂不懂，也不用他坐定留心听，有时一开电脑听故事便是一两小时，经常听听力自然会慢慢进步， 对发音声调有很大帮助。
总之学习一切以兴趣先行。

1234ats

现时小学数学比几十年前浅很多。成绩好的学生都被学校选去学奥数。
其实小学数学很容易，只要学生能掌握正确的数学观念，便能轻松在测验考试中拿个七八十分。小孩不专心做错一二十分很正常，尤其是男孩。长大后慢慢的自然会专心。
只是香港的大气候是太过重视分数，总希望孩子有一百分。小孩不停的操练其实对数学能力没有多大提升，小学学的很多是算术，算术很高分跟升上中学后的数学能力没有必然的关系。以前有个神童辉能很快算出多位加数，但升中后数学成绩却很差劲。
个人看法，学校应减少无谓操练。要提升学生数学水平，应让学生多参与其他数学活动，如科学馆的益智游戏， 又例如下棋，建3D模型，玩魔方， 或画几何图形等。学生如有能力时间，学深一点东西绝无问题。但最好不用考试。
一向认为，学习时摆脱分数羁绊，海阔天空。

[ 本帖最後由 1234ats 於 11-8-2 01:51 編輯 ]

20020116

我仔仔程度比同級都高，但不是操回來，而是他喜歡閱讀讀回來，亦沒有強迫成分。學高一級程度不一定是痛苦的！

mymelody2003

非常同意這句說話!

囝囝升小三, 每次測/考後, 我都會問他: 下次測/考你想取哪種成續呢? (他讀書成績是不錯的, 是全級十名內) , 他說想保持於全級十名內, 但我沒有強迫他的, 因為迫他只會迫c佢, 所以由他自己告訴我他想怎樣, 我才去幫助他, 因為我常警惕自己不要做一個瘋癲的家長, 要小朋友明白而去努力讀書才是最重要的.

原帖由 小新媽媽 於 11-7-22 17:58 發表
"父母往往希望子女贏在起跑線上, 卻不知往往令子女累死在終點上"