啟發很深的特輯 - 「世襲教育」

thomasha

可是，家長在跟著這個時間巨輪走的時候，有沒有想過這個巨輪會引領孩子到成功還是失敗？是羊群心理還是真心選擇？

原帖由 JoeyyeoJ 於 10-10-19 11:09 發表
對, 有時候是社會風氣形成

當身邊家長的子女都在奧數, 拼音班, 游水, 彈琴, 小提琴, 記憶班, Eng drama, 畫畫, Orchestra, 普通話, 辯論隊, 面試班...

作為家長, 好難唔跟著時代巨輪跑... :cry: ...

traeh

揀男拔唔揀鮮魚行，好多時唔單止係名校問題，仲有係學校同小朋友與家長，係咪配合。例如當同學仔都需要學校在多方面支援，包括物質同生活所需，而你唔駛，會唔會好難融入？例如普通中等家庭，比個小朋友學下小提琴，放暑假去東南亞日本旅行，但對申領緊綜援嘅家庭而言，可能已經好奢侈，咁家長間係咪有少少難分享？甚至係咪唔應該提？

原帖由 dong-dong 於 10-10-19 09:25 發表
家長啊家長﹐有些錢的﹐有幾個會選鮮魚行而棄男拔﹖為什么﹖不外乎男拔是名校﹐學生背景好﹐人脈廣﹐課程深等﹐所以盡管心裡痛恨﹐還是一邊罵﹐一邊又拼命催谷自已的小朋友以踏入名校之門。 ...

traeh

個節目好thought provoking，但係佢想表達乜嘢？係咪想指責現有教育制度，出現直資學校，因為要交學費，搞到無錢無得讀，因為有收生權，所以益晒世襲生？

其實幾十年前雖然無直資，但學校有絕對收生權，只要學校鍾意，一樣可以收返晒有關係有背景學生，係名校亦好多時會出現咁情況，唔係今時今日至有。

政府都規定直資要提供學費減免，所以無錢其實都可以讀，不過無人會一早諗住要申請減免去報名就真。如果要計埋學課外活動，咁你讀邊間學校，呢筆錢都一樣要比。

無論乜嘢教育制度，人人都只會想仔女向上流動（即係入名校），但越來越多人都已經係中上層，向上位置不多時，就實會有人叫唔公平。大家點睇？

hui3328

我認為這個電視節目刻意誇大貧困家庭在子女教育方面遇到的不公平待遇. 其實在香港做窮人, 可以住公屋, 雖然入名牌直資學校比較困難, 但仲有唔少一線名校沒有轉直資. 小學讀一般的官津校, 可以免學費, 仲有書本津貼. 只要讀得書, 中學一樣可考入一線官津校.

另外, 幾間名牌直資也提供學費減免,  如SPCC的減免計劃便非常寬鬆, 家庭月人3-4萬都可以申請. 很多中產家庭因為面子問題而唔願意申請.

至於世襲問題, 受影響的唔單止窮人, 富人及中產, 只要你無關係, 都不能受惠.

總之, 在香港無人會因為冇錢而讀唔到書! 有錢亦唔一定入讀名版直資!

原帖由 traeh 於 10-10-19 12:48 發表
個節目好thought provoking，但係佢想表達乜嘢？係咪想指責現有教育制度，出現直資學校，因為要交學費，搞到無錢無得讀，因為有收生權，所以益晒世襲生？

其實幾十年前雖然無直資，但學校有絕對收生權，只要學校鍾意，一樣可以收返晒有關 ...

scbhongkong

原帖由 hui3328 於 10-10-19 14:14 發表
我認為這個電視節目刻意誇大貧困家庭在子女教育方面遇到的不公平待遇. 其實在香港做窮人, 可以住公屋, 雖然入名牌直資學校比較困難, 但仲有唔少一線名校沒有轉直資. 小學讀一般的官津校, 可以免學費, 仲有書本津貼.  ...

節目裹的小女孩不是住公屋的!

mat媽

「世襲教育」！津校更世襲啦！最好冇左old boy/girl 的分！

hui3328

而家輪候公屋, 除非你太揀擇, 唔想去偏遠地區, 否則基本上三年內可以上樓. 政府說, 唔會俾人無屋住, 無書讀.

節目中的小女孩一家點解唔住公屋, 節目無交待.

原帖由 scbhongkong 於 10-10-19 14:27 發表


節目裹的小女孩不是住公屋的!

traeh

我覺得個小朋友好乖巧，但屋企真係窮，令佢少咗某啲機會，不過呢個情況，唔係今時今日至有，幾十年幾百年前都一樣，同今日教育制度關係不大。

而且，佢爸爸年紀真係唔細，家境亦唔係突然轉差（起碼無係節目交代過），老來仲要北上娶妻生女，唔係話窮人唔可以生仔女，只係佢都應該預計到唔可能比到好多資源小朋友，無理由而家來投訴（咁佢地都唔係投訴，只係話自己無辦法支援個女）。

咁個節目想表達邊方面呢？

原帖由 scbhongkong 於 10-10-19 14:27 發表
節目裹的小女孩不是住公屋的!

hui3328

我覺得節目的著重點有問題. 應該反映一下中產家庭面對的困境 -- 競爭直資學校的壓力, 功課的壓力, 課外活動的壓力, 供樓/租樓壓力, 子女升學的壓力, 夫婦的工作壓力, 經濟壓力, 但又享受唔到政府任何福利.

窮人反而唔會有壓力, 因為可以食, 住, 讀書等, 都可以向政府伸手. 搭車又有交通津貼, 連上網都有上網費.

傳媒刻意誇大咗在身港所謂窮人的處境.

原帖由 traeh 於 10-10-19 14:40 發表
我覺得個小朋友好乖巧，但屋企真係窮，令佢少咗某啲機會，不過呢個情況，唔係今時今日至有，幾十年幾百年前都一樣，同今日教育制度關係不大。

而且，佢爸爸年紀真係唔細，家境亦唔係突然轉差（起碼無係節目交代過），老來仲要北上娶妻生女 ...

Mrs_U

我睇完part II都眼濕濕, 好坦白講, 鮮魚行小妹妹好無辜, 身在香港競爭那麼大的香港,對於她求學的心基於父母能力下只有自己發奮!

但有感而發, 香港貧窮戶好多都是輸入貧窮, 爸爸都是年老的, 而媽媽都是大陸人, 這樣的錯配令到這種小朋友有這種生活, 奈何?

雖然我不是大富大貴, 但我跟另一半都是土生土長的香港人, 我都想用自己辛勞賺回來的錢去換來孩子好的點的教育, 這想法應該沒有問題吧!所以這個節目想帶出的, 究竟是世襲?還是貧富愚殊?還是現代香港孩子的教育問題?我都唔係好明!

如果是"世襲", 不應是直資名校,津校更大問題!

總之做現今父母....唉~好難!

hui3328

其實香港係咪真係咁多窮人? 好多住公屋的其實一D都唔窮. 起碼我哋唔會見得有人無屋進, 無書讀, 或餓死街頭.

很多電視節目訪問的家庭, 都是年長的男性, 在香港搵唔到老婆, 北上娶妻. 來到香港後兩夫妻都無嘢做, 生埋成竇, 從而影響到仔女. 但這並非香港普遍現像, 只集中於一小部份新移民.

原帖由 Mrs_U 於 10-10-19 15:07 發表
我睇完part II都眼濕濕, 好坦白講, 鮮魚行小妹妹好無辜, 身在香港競爭那麼大的香港,對於她求學的心基於父母能力下只有自己發奮!

但有感而發, 香港貧窮戶好多都是輸入貧窮, 爸爸都是年老的, 而媽媽都是大陸人, 這樣 ...

vaga

作為家長, 都大概知道宜家既教育制道係點, 所以睇完條片, 都冇乜太大感覺。

反而最印象深刻.....就係片段入面有個parent佢接受interview時talk好多English, 但當中又use左好多Chinese既conjunction同埋phrase, 真係聽得好un-耳....

Spidermum

其實每個制度之下都會有人覺得不公平。世襲存在於所有受歡迎的官津校，不獨直資。其實所謂“世襲”，真係有唔公平咩?　試想想如果自己畢業於一間好學校（不一定什麼超級名校），也會想自己子女可以入讀，而且學校也樂見了解學校、有歸屬感及支持學校的家長；如有兄姊在該校，就更應照顧到家庭方面的需要。這些不也是學校收生的考慮因素?
我只覺得此節目重點不明，hui3328說的對，“在香港無人會因為冇錢而讀唔到書! 有錢亦唔一定入讀名牌直資!”。 直資某程度上為低收入家庭設了門檻，但也支持了一些學校把教育辦得更好．而普通家庭在可負擔的範圍內多了選擇，把辛苦賺來的錢給子女好一點的教育（已沒有福利），亦無可厚非。總之在香港，冇錢也有機會讀好學校（大抽獎），有錢亦唔一定入到名牌直資。

[ 本帖最後由 Spidermum 於 10-10-19 16:13 編輯 ]

judy

其實，將鏡頭對準名津校，一樣有很深嘅啓發性。

直資咁好，生鱼行又點解唔轉直資呢？直資唔收錢唔得麽？

wanlucky

原帖由 traeh 於 10-10-19 14:40 發表
我覺得個小朋友好乖巧，但屋企真係窮，令佢少咗某啲機會，不過呢個情況，唔係今時今日至有，幾十年幾百年前都一樣，同今日教育制度關係不大。

而且，佢爸爸年紀真係唔細，家境亦唔係突然轉差（起碼無係節目交代過），老來仲要北上娶妻生女 ...

Totally agree !

scbhongkong

如果比較其它地區，香港不會無屋進, 無書讀, 或餓死街頭!

但是看完Now的節目圍城和新移民，香港真是很多窮人!

原帖由 hui3328 於 10-10-19 15:19 發表
其實香港係咪真係咁多窮人? 好多住公屋的其實一D都唔窮. 起碼我哋唔會見得有人無屋進, 無書讀, 或餓死街頭.

很多電視節目訪問的家庭, 都是年長的男性, 在香港搵唔到老婆, 北上娶妻. 來到香港後兩夫妻都無嘢做, 生埋 ...

traeh

我唔知有無理解錯，有錯請各位高人指教。

學校接受資助模式某程度反映學校辦學理念，而每間學校都有佢特點同強項，所以間間唔同，無話邊款好，最緊要適合個小朋友同家長。

直資係行精英制，相信精益求精（如傳統名校），又或者想行一條新路，為某類學生提供另一種學習模式（如新派直資），所以寧願收少啲政府資助，收返學費補數（或者唔止"補數"），都要有收生權，有較多辦學上話事權。

鮮魚行根本唔係走呢條路，學校能夠起死回生，當然靠梁校長夠勁，亦同佢懂得針對社會（市場）需要，打正旗號專照顧低下層學生有關，呢班學生肯定唔係寧願比學費想再上一層樓（可能係硬件或軟件）嘅一群，咁鮮魚行梗係應該繼續做津貼學校，收足政府資助。

津貼名校唔轉直資，有啲話因為要有教無類，唔想收咁多學費補貼學校少收嘅資助，但亦有啲因為轉直資，受教師、家長同舊生反對，壓力重重，於是放棄。當然亦有啲如果要比學費，就未必夠吸引力，驚收生不足。

所以就算相信精英制，都唔係間間都轉得直資。

原帖由 judy 於 10-10-19 16:41 發表
其實，將鏡頭對準名津校，一樣有很深嘅啓發性。

直資咁好，生鱼行又點解唔轉直資呢？直資唔收錢唔得麽？

thomasha

Remember some years ago, a documentary made by Stephen Chan of TVB said there were more than 1.3 million people living below the poverty line.  Even though our income may sound high compared to many developing countries, our cost of living is even higher!

原帖由 scbhongkong 於 10-10-19 16:59 發表
如果比較其它地區，香港不會無屋進, 無書讀, 或餓死街頭!

但是看完Now的節目圍城和新移民，香港真是很多窮人!

traeh

我成日想知，香港有無人做過調查，呢百幾萬貧窮線下生活人士，其實貧窮成因係乜？我相信有一部分係本身有殘障病患引起，或者遭逢不幸，生活突變，無法短時間跨過困難，好值得同情與援助，不過，又有幾多係努力經年但社會無比佢機會？有幾多係輸入貧窮？有幾多係原本都無能力照顧自己，仲仍然要結婚生仔，一心靠政府幫？佢地係咪真係無得揀？淨係一個數字，真係好難睇到實情。

原帖由 thomasha 於 10-10-19 17:16 發表
Remember some years ago, a documentary made by Stephen Chan of TVB said there were more than 1.3 million people living below the poverty line.  Even though our income may sound high compared to many d ...

[ 本帖最後由 traeh 於 10-10-19 17:30 編輯 ]

fongyuen

原帖由 thomasha 於 10-10-19 17:16 發表
Remember some years ago, a documentary made by Stephen Chan of TVB said there were more than 1.3 million people living below the poverty line.  Even though our income may sound high compared to many d ...

很有同感。

不少中產想當然，以為窮人理所當然地有政府「照住」，例如可以好容易有公屋住，尚不知輪候公屋時間長，才會令為數可觀的窮人仍要住在板間房、方寸之地，這群中產的想法，跟晉惠帝「何不食肉糜」沒有兩樣。

話得說回來，人望高處、望子成龍是很多香港人的特性，為的是有更好的生活，實無可厚非。

最要不得的，是現今學校、家長為達目的，不擇手段，把教育的精神扭曲：學生只集中時間操練考試、默書，公開試仍著重答案的背誦和考試技巧的鍛鍊，不斷要求學校教得愈深愈好，重理、商而輕文，德育、通識教育支離破碎，人脈關係比真正友誼更重要，競賽重點在贏而不在參與，學生功課、補習填滿時間連玩的時間也沒有，就算玩也只流於打機、網遊這些低級玩樂，學生連目標也沒有，因為目標早已由大人訂定，學生不用也不准有任何意見。

可悲﹗罪魁禍首是誰？