有冇家長真係完全唔理小朋友功課?

joeylin1017

我唔會唔理架,
但係一定要教到佢識為止, 唔可以幫佢做,
但係又唔提示佢,不過會同佢講解

好命婆

我想知道其他話吾洗跟功課的囝囡, 現在讀幾年班? 現在的老師是將所有學習問題推落家長到, 如阿囡忘記帶顏色筆, 老師只會說返去叫媽媽幫你拾書包, 功課錯誤了, 回去叫媽媽幫你對好先或叫媽媽幫你搵補習。
老師是只會上堂講課一次, 做一次練習, 然後expect你會學識, 如果仲未完全學識, 父母回家請跟進, 不要防礙其他同學的進度。

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係揾人補習啦！｝ ...

peggy

原帖由 好命婆 於 11-3-4 16:51 發表
我想知道其他話吾洗跟功課的囝囡, 現在讀幾年班? 現在的老師是將所有學習問題推落家長到, 如阿囡忘記帶顏色筆, 老師只會說返去叫媽媽幫你拾書包, 功課錯誤了, 回去叫媽媽幫你對好先或叫媽媽幫你搵補習。
老師是只會 ...

囡囡今年p2, p.1返了2個月學開始, 我就冇再跟功課, 佢唔識先問我, 書包自己收拾 , 咁佢d功課都好少要改正.
溫習都會自動自覺, 做完補充練習, 我會被answer叫佢自己對, 錯了先會同佢解釋 , 基本上我不用操心,
上學期剛派了成績表 , 我十分滿意

skate

我小朋友小一時老師也叫我自己補習, 甚至叫我
請私人補習老師上門. 都唔知而家D 老師點教學,最慘就係仲要比學費.

原帖由 2galma 於 10-2-10 15:48 發表
小一以前都係咁教Ｄ細路，但今個學期家長會，派成績表時個老師話：｛學生邊有可能做到我地學校咁深的家課，你一係自己跟返，一係人補習啦！｝ ...

pretty05

我仔仔小一, 都係好心散, 上學期因初入學我一直有跟功課, 因成日粗心大意, 又求其, 基本上我放工返去係要擦過晒, 重新做過. 一d都唔緊張自己既野, 好像指意晒我去同佢check咁.

  到家長日, 我順便同老師講呢個問題, 老師送 2個字俾我 "放手"  你放手喇, 由今日開始唔洗再同佢跟功課, 無論佢做成點, 做漏功課, d字幾丑,都由佢照交, 唔好理, 老師觀察一段時間後,會同佢傾傾  會話佢知有咩後果, 俾佢明白呢d係邊個既責任.

大傻蛋

我係呀, 完全唔理。

係考試前才會溫一溫, 平時唔會理。

我囝今年3年班..由他幼稚園開始都無理他功課..幼稚園因為延展放7點..會食埋飯同做埋功課(老師會教),小學因為有功輔班放6點半,會做哂功課同溫哂書(老師會幫他檢查功課),平時只係催他每天做公文數及英..最不好就是我囝學校成日要剪報或找有關圖書或習誌野(科科都要,連體育/音樂都有..)..基本上都係我老公幫他做的..他只負責寫讀後感想..每次都係寫我好開心..給他氣死了..