考試成績唔好, 父母個心好難受

mattsmum

thank you for this site's information.

黃巴士

原帖由 do-re-me 於 10-2-25 23:14 發表
我就係想佢體諒下我, 比下面. 可惜佢仲未知咩係體諒.

慢慢來, 始終都係細, 未完全懂事, 所以咪要我們家長勞氣去教囉.
學習體諒別人, 有同理之心, 除了是小朋友要學, 大人都要不斷反思&體諒.

LS+MCS

原帖由 overview 於 10-2-25 13:00 發表
其實可唔可以同大家分享小朋友由尾四, 點係幾年間可以爭入前十幾名呢? (我相信要成為你講既band 1生, 係39人中都必定要考頭10-13), 其中既學習過程係點呢? or 係小朋友突然開hill? 是否要out晒所有學校或課外活動呢? ...

話就話係幾年，其實真係整整鬥爭咗六年：

1) 補習 - 因我係working mom，其中幫倒我buy time嘅方法就係送佢去補習社，但一對一補習實在太貴啦！我send阿仔去嗰D係一班小朋友一齊補，只係make sure佢完成當日嘅功課，至於温習都係自已搞掂，所以每日都好趕好辛苦好疲勞。到阿仔四年級，就真係送咗佢去操paper嘅補習班，因為好現實，真係' 求學只為求分數'。

2) 活動 - 我冇特別去cut晒所有activities，因為就算cut咗所多出嘅時間都唔可能完全用番黎温習。我反而最錯係小一叫阿仔參加太多活動。我見其他家長好肯洗錢俾小朋友學嘢，所以自已心理上覺得參加得唔夠人多就一定蝕底，簡直係super stupid，搞到阿仔完全冇focus，自已又浪費時間同金錢。

3) 開竅 - 其實開竅嘅係自已。我記得之前自己喺公司出哂名緊張阿仔，一到考試又要請假又要早走。有一次，我公司嘅同事叫我唔好太緊張阿仔功課嘅時候問咗我一句：妳生阿仔出黎覺得最緊要係mud ? 我答當然係希望佢開開心心做人啦 ! 當下自己好似突然醒咗一醒，心裡面諗令到阿仔最唔開心就係自己，因為每晚番屋都係趕温習，有時重搞到家嘈屋閉，大家唔開心。自此，我慢慢調節自已。我每日打電話番屋企，再唔係趨阿仔做功課或者問佢默書幾多分，而係問佢 : 你今日開心嗎 ?

時間同自己嘅鬥心、耐心係令阿仔進步嘅主要因素，我係過來人，完全明白大家嘅感受！唔好俾自己同小朋友太大壓力！

[ 本帖最後由 LS+MCS 於 10-2-26 11:29 編輯 ]

Terry280905

原帖由 LS+MCS 於 10-2-26 11:28 發表


話就話係幾年，其實真係整整鬥爭咗六年：

1) 補習 - 因我係working mom，其中幫倒我buy time嘅方法就係送佢去補習社，但一對一補習實在太貴啦！我send阿仔去嗰D係一班小朋友一齊補，只係make sure佢完成當日嘅功課，至於温習都 ...

看完您的POST, 我都係會問阿仔:
今日有幾多功課 ?
或者問佢默書幾多分.
等我由今日開始改啦.

ALAL

mayc,

小兒小五,如果是數學解難的能力不足,應怎辦?

原帖由 mayc 於 10-2-24 14:32 發表
eviepa:
多謝你的分享! 我也分享下我大仔的情況!我大仔小學時數學也是馬馬,粗心大意,我也試過做公文數,但起色不大, 而且他做功課速度慢,學校功課也不少,再做公文就百上加斤,所以他做到乘數便停了,:s ...

brian61950

一次的成敗不要太在意啦,學習是超級馬拉松,明白問題所在,針對並改進或用其他強項追囉.

do-re-me

LS+MCS,
thx 你的分享.


我女每日放學由落校車開始到晚上睡覺都不停同我講今日在學校點點點, 阿邊個邊個又點點點搞笑......
一路做功課都繼續講......
我都好enjoy和珍惜這些親子對話, 但都耍同佢講無時間了, 快d寫.

happyvalley

無言，有時都唔知自己緊張 d 乜野！總知好緊張，無 la la 搵 d 野比自己，我真係想知點解。

搞到係地鐵失控，同人吵架， 。