蒙特梭利:專注力問題;家居改革:教具架,閱讀角,書架

miumiu809

原文章由 bzmom 於 08-4-4 03:09 發表
Miumiu,
我沒有買其它教材，只是益智玩具。不過，買了很多書，他們自己閱讀，學會了就會說給我聽。我覺得他們在學校已有足夠的練習。

其實我都覺得自己好懶惰,做得唔夠好...或者應該放鬆D!!
是的,hk孩子是極度醒目,計數又叻, 好多都仲細細個識好多嘢,好老積添!
不過, 相對在hk讀書壓力好大,好大, 唔單止學業上, 就連課外活動都好似要鬥多鬥早學咁...見到我d hk朋友+他們的小朋友就替他們辛苦了! 在hk想比孩子冇壓力地成長, 又怕他學業不好,找不到好學校...好矛盾
在外國地方大d, 比到小朋友的資源很多, 生活質素也好d. 小朋友比較單純,也冇咁易學壞...各有各好啦~~
我只來了幾年, 原本好miss hk, 年年返hk 1-2次. 自從有小朋友以後, 我好慶幸自己小朋友是在夏威夷成長的呢!

JojoB

原文章由 miumiu809 於 08-4-4 04:05 發表

在hk想比孩子冇壓力地成長, 又怕他學業不好,找不到好學校...好矛盾

講得好岩

加上hk教育局既無定向方針..真係百上加斤!

不過, 每個地方都有好既學生出生 亦有唔好 都係果句  最重要父母!

做左母親 更加知 依個擔子好重呢...

miumiu809

原文章由 JojoB 於 08-4-5 07:58 發表
做左母親 更加知 依個擔子好重呢... ...

一直都知做人父母難! 也預咗好辛苦...
但我當mommy之前真係無幻想過可以辛苦到呢個地步~!!

一向都知長憂到99...
真係無幻想過可以咁多嘢"憂"!!

miumiu809

hihi,
經過短短的10天,小b已經改善了很多嘞!! 好開心呢
現在跟她看書她很高興, 看完一本...clean up後又再拿第2本, 如是者...她現在可以乖乖坐在我懷抱連續看10多本書了.

專注力方面也好了一點,她可以自己玩個多小時, 雖然不一定玩同一
樣嘢, 但我(盡量)沒有打擾她.
不過,蒙特梭利教具她還是沒有多大興趣, 是否太易了?!

所以上來BK,不一定要拿到什麼專業意見, 有時跟大家傾吓計,分享吓,總得到一點頭緒!
特別是知道一些成功的例子就是我很大的原動力去做好D... 話比自己聽:多一點耐性,多一點時間陪BB!! 總有一天發覺: 湊BB除了辛苦之餘, 還很開心, 還會有媽咪專屬的幸福心情&成就感呢~! 大家努力呀~~~~~~