2005年出世或~宏福幼兒園媽咪~(PART II)歡迎新朋友加入

onelokgor

你地好~ 我係新手媽媽~ 我係葵芳住, 上網睇到話宏福幼兒園幾好, 但我有問題想問問呀~
1) 宏福幼兒園有無校車到葵芳架?
2) 如果只讀普通班, 即唔係國際班, 可唔可以用到學卷呢? 課程好唔好呀?
3) 有無半日乎課稅?
thanks!

hongmimi

ElainAiolia,
吓...今朝出門口見唔到有隻糭喎 …不過就見到隻糭個老公!

長隆好好玩架，不過我諗應該無咁凍好玩d，因為佢個樂園好大，好多個山頭連埋一齊，而家去好大風實凍C:tongue: … 我地上次去都係跟旅行團，食住都好好，好安全， 放心!

記住要去睇佢個馬戲團激光表演， 超正!! 亦因為個show係黃昏做，做完天都黑，跟團就一行出黎個出口就上車，如果自己去，要搵路走，都行好遠架~

可惜果時匡匡好細個又咁岩訓著左，俾d聲浪嚇親 ，要我同匡爸帶佢出去食雪糕先唔喊 ，我地無得由頭睇到尾。

我都會撩左d肉肉先，係驚有d位太入睇唔到，佢又唔肯刷牙，積埋積埋…爛牙時要請牙醫飲茶。

子聰同同學爭玩具整到眼袋所以先唔願返學，所以總有原因，好彩老師打電話話妳知 ，等妳知點安撫子聰 。子聰大個仔好快明白，仲有靚靚貼紙禮物，好快無事lu~

岩岩先交左第一次學費(二月)，原來下午班係$1,400咋~ (上午$1,680~)，呵呵~ 抵到爛~

雖然返左無幾耐，都覺得佢好似大個左。公公婆婆就多左好多自己時間，可以透下氣 。佢返學so far都無乜問題，我地都好安慰。

咁我又唔知匡匡係咪企係度唔郁，老師先留意佢大大呀?! 婆婆靜靜雞話我知，之後我同匡匡傾計講開今日返學點點點，細細聲係耳仔邊問係咪係學校癩唔唔， 佢又細細聲答我係呀，見佢無唔開心、無尷尬咪繼續問囉，初時我地以為係嬸嬸幫佢洗，但匡匡話唔係， 係老師洗喎~ 用暖水但無毛巾，老師用紙紙抺乾。

hongmimi

hi, onelokgor,
唔好意思，因為我唔太清楚幫唔到妳添 ，不過妳放心，其他媽咪會好快答覆妳既問題~

whatever

626mama,
申請學券form點申請架？
我今日好忙....
你得閒扛電話或email我啦。thanks.

天藍

onelokgor,

好高興認識你, 有時間多d上來傾下計!!!


1) 宏福幼兒園有無校車到葵芳架?
我所知係有, 但我唔知係邊到上車同落車,
因o黎到無坐葵芳既媽媽, 我可比學校個電話
你打去問下, Tel: 2432 2223

2) 如果只讀普通班, 即唔係國際班, 可唔可以用到學卷呢? 課程好唔好呀?
宏福有分國際班同中英文班, 如中英文班k1至k3都可用
學卷, 國際班就唔可以用。
至於你問課程好唔好, 我選得o黎間學校比仔仔讀當然覺
得好先會讀, 老師同課程教學都令我滿意。

3) 有無半日乎課稅?
你係咪想問有無半日班???
係有既因我仔仔都係返半日, 半日同全日都有
你可按需要而報名個陣決定比仔仔返全日定半日。

希望我既解答能幫到你~~~

原文章由 onelokgor 於 08-1-30 15:01 發表
你地好~ 我係新手媽媽~ 我係葵芳住, 上網睇到話宏福幼兒園幾好, 但我有問題想問問呀~
1) 宏福幼兒園有無校車到葵芳架?
2) 如果只讀普通班, 即唔係國際班, 可唔可以用到學卷呢? 課程好唔好呀?
3) 有無半日乎課稅?
tha ...

天藍

whatever,

我都填左學卷張form, 星期一都寄埋 lu~~
你可上以下網址download表格, 填左再寄去
表格上既地址,網址如下:-

http://www.sfaa.gov.hk/tc/public/index.htm#pevs0809

如你唔明或有其它問題上唔到去我可係公司fax比你
or e-mail比你, 我都pm我電話比你, 你有問題可打電話
比我。
因今日我打過比626mama知佢係公司好忙, 無時間上
來, 所以代佢答左你先!

626mama

真唔好意思搶左答你既回覆
希望你快d忙完, 再上來同我地吹水,
話時話我明天都會好忙, d公司真係
想做C人咩

all,

點解我今日會同626mama通電話o黎個係
秘密我唔會同你地講, 等你地心思思

原文章由 whatever 於 08-1-30 18:07 發表
626mama,
申請學券form點申請架？
我今日好忙....
你得閒扛電話或email我啦。thanks.

天藍

hongmimi,

係lu買左唔好晒, 用埋之前買個d牙膏先再用新貨,
小朋友學刷牙係要慢慢比佢適應同習慣, 昊藍初初
都有小小唔情願, 加上仔仔好早戒奶已開始雜食,
我都好早比佢用牙膏刷牙仔, 所以到以家仔仔d牙
都未有黃牙出現, 都ok, 希望一直保持水準, 因睇
一睇牙真係好貴, 真係要好好保護牙齒。
明天天氣仲凍匡匡出門要著多件衫, 唔好凍親
原來匡匡係學校辦左大事, 咁好仲有老師專人服事
洗pat pat真係好, 間學校既老師真細心又有愛心,
你就好搵到間又平又有好既學校
匡匡或者唔會好似你所講三分鐘熱度, 會長長久久都
係咁鍾意返學, 因匡匡係叻仔

ElainAiolai,

唔該晒你通知我學校無乜特別通告! Thx!!!
子聰同同學仔爭玩具玩整到眼肚位無乜事嘛???
小朋友有時係咁, 昊藍有時同其他小朋友玩都試
個唔like同人爭玩具玩, 我同佢講要同人一齊玩
唔可以爭, 同整到人要同人講"對唔住", 為有慢慢教,
希望同仔仔講下導理會慢慢改善, 子聰同昊藍都要
努力改善, 加油加油~~
明天天氣仲凍你d暖貼要再加碼, 同著多幾件衫出門,
子聰都係返學要著多幾件保暖衣, 好凍! 我以家屋企
都開緊暖爐~~
天氣咁凍明天同後日我都未必比仔仔返學住, 可能下
星期先返學。你買左件中國服未, 我買左啦! 厚身少少
加埋件棉位唔會凍親~~

原文章由 hongmimi 於 08-1-30 12:33 發表
真係好耐未試過咁凍喇~ 大家大人細路要小心身體呀!!


天藍，
今日見唔到626mama,可能佢請左假跟進軒軒返學lu~

匡匡咁抗拒新牙膏 ，我唔迫佢喇! 我同妳一樣， 舊個兩支未用完，唯有遲d先再試 ...

pcdogxx

whatever,
嘩.. toto咪犀利同你用英文對答架?   其實我都好想.. 不過我英文唔好.. 我都要惡補下先得..  唔係都唔知第時點教個女

不過Toto咁細都可以咁樣對答真係好叻,  鈞渝都仲係傻下傻下咁, 問佢學校d野佢都唔係好答到咁.. 不過呢排叫多左d喇..

pcdogxx

天藍,
呢個星期昊藍都冇得返學係屋企咪好悶囉?  不過凍都唔係問題, 係落雨先麻煩嘛..  所以都係留係屋企好d..

今日就有張通告話旅行改3月9日囉.. 如果到時又落雨就冇得改期要取消喇..   同埋淨係退返車費, 入場費冇得退 :;pppp: ..  希望唔好落雨啦...

其實長隆真係唔驚治安唔好.. 好多香港人, 我地上次上大陸係租祈福渡假屋, 然係租埋架車架.. 所以點到點好安全.. 仲去左一間叫四海一家, 裡面d野食多到都唔知食邊樣好.. 好鬼正..  係buffet黎架..   上次我就玩左動物園, 水上樂園同埋馬戲, 不過鈞渝好驚馬戲, 成程攬到實, 仲要幫佢遮住隻耳仔, 因為實在太噪..   自己去就鍾意玩到幾點都得囉..   跟團我係驚佢帶埋去d咩購物團..  

哈.. 今次到你同我客氣?  我見咁抵.. 大家分享下嘛..  好想快d收到貨..

嘩.. 咁犀利自家整呀?  你教下我點整吖, 出面果d我嫌佢太咸又冇料..  細細隻方便呀..   

呢排鈞渝夜晚返黎冇發癲喇.. 仲好好心情..  又唱歌..  問佢咩都答..   佢仲識同我講返學唔好喊, 要笑, 但係一到第二日返學, 佢又係喊既...    不過老師話佢入到去一陣就冇喊喇..   咁都好d, 上個星期嚇到連Ms. Ng 發夢都見到佢..  哈哈..

你咁有效率學券填完寄埋添喇..   我仲放埋係一邊咋..   都係等放假得閒先拎出黎睇lu..  反正申請左都唔知有冇得用添..  希望有突赦啦..

你同626mama 有咩秘密, 好招供喇喎....     講d唔講d係咪想俾我地打呀?  

[ 本文章最後由 pcdogxx 於 08-1-31 01:01 編輯 ]

pcdogxx

Hongmimi,
匡匡咁叻識講自己會嘔架?   都好吖..  你可以做定預防俾定個桶佢先..  究竟鈞渝幾時先好似匡匡咁乜都識呢.......又識隻字不漏咁話你聽學校玩左d乜..  連報串做八公仔都識..   又話女仔快d講野既..     

你果間學校超正啦.. 學費又平, 又服務周到..   仲有外籍老師日日教英文..   真係抵到爛...  

ElainAiolia,
今日真係好凍呀.. 仲要落埋雨...  鈞渝爸仲要返夜呀.. 真陰公..  星期六仲要上山添呀..   俾定幾個暖貼佢旁身先....  

子聰整到個眼袋冇乜野呀嘛?  唔..   佢都好送貼紙俾佢就滿足, 鈞渝呢招係唔work架..  

我睇佢本全日班紀錄簿就話佢食得好好, 識得自己食, 按餐桌禮儀進食仲拎到滿分添呀.. 之前都得兩個笑咋..   不過唔知用咩作準既呢..  上個星期心情唔好..  能投入活動就冇圈到..  呢幾日都有圈返喇.. 所以我諗佢應該返到去就冇乜事喇.. 係入門口果陣唔知做乜咁驚..  不過我問佢鍾唔鍾意Ms. Ng, 佢話唔鍾意, 曳曳喎..  唔知係咪掉轉黎講呢.. 佢曳曳 Ms. Ng唔鍾意佢..  

pcdogxx

Onelokgor,

歡迎你上黎, 得閒入黎傾下..

補充:
1)宏福係有校車去葵芳架..  不過我都唔知佢係邊度停, 你可以直接打俾校車叔叔問架. 電話係 94114414  
車費如果唔加既.  葵芳應該單程288, 雙程就480

原文章由 onelokgor 於 08-1-30 15:01 發表
你地好~ 我係新手媽媽~ 我係葵芳住, 上網睇到話宏福幼兒園幾好, 但我有問題想問問呀~
1) 宏福幼兒園有無校車到葵芳架?
2) 如果只讀普通班, 即唔係國際班, 可唔可以用到學卷呢? 課程好唔好呀?
3) 有無半日乎課稅?
tha ...

pcdogxx

各位,
我今日去左葵興Kids buster開倉, d鞋真係好抵呀..   全部$50,
皮鞋, 白波鞋, disney鞋, 不過開左好多日, 好多都冇晒碼喇..
我真係冇本事拎, 唔係真係想幫你地買埋..  
你地睇下我既戰利品...  
http://www.babyhome.com.tw/album.php?op=album&mid=212686&folderid=1763585

豪華工業大廈20樓B
12:30 - 2:00
17:00 - 18:30
星期六日唔開, 到2月5日..

最衰遲發現啦..  其實我等佢開倉等左好耐喇..  唉..
唯有等下年再黎過..  

唔知我將要讀果間學校使唔使著白皮鞋既呢..

626mama

Onelokgor,

歡迎妳呀，得閒多D入來計計啦，
唔係宏福讀書都可以入來傾計嫁。

天藍,

唔該晒妳就真，有乜唔好意思喎，邊個回復都冇
所為啦，我昨天打了電話比佢喇。

PCDOGXX,

開倉我都好有與趣，妳買左好多對鞋喎，對對都好
靚呀，女仔真係好多撰擇。

各位,

學卷昨晚終於齊晒資料喇，今早寄埋LU。

公司真係勁多野做，這幾天都要OT，我幾年都冇OT喇。
我本來返埋星期五放假，而家星期一都要返工打單。
打唔晒星期二都要返呀，希望返埋星期一唔洗返啦。

我又要繼續工作喇.......

onelokgor

好多謝你地既回答呀~ 我bb仲好細個, 但我開始搵定d幼兒園資料啦, 我想bb上 N1 先~ 如果OK, 再跟住讀幼稚園~ 仲有, 宏福通常派邊間小學呢?

whatever

天藍，
唔該晒你既資料。我陣間睇下先。
不過唔知國際部有冇得申請呢？

626mama,
你好忙呀？都估到架啦，平時你好少咁耐唔浦頭。

Pcdogxx,
其實我英文都唔好。點解阿仔講英文呢，是因為姐姐(Helper)同佢講英文。佢對姐姐既時間多過我好多,所以講英文。
上次我去長隆樂園都系住祈福酒店,跟住租酒店車出去。很正。

whatever

Onelokgor，
我個女以前讀宏福，依家我個仔又讀。我個人當然覺得佢好啦。
如果講環境，我覺得麻麻地。除此之外,一切都好滿意。我個女三年前系度讀，依家D老師仲記得佢。
陳校長都好好人喎，很關心小朋友喎。
吓,點解宏福唔轉個好D既校舍呢？

626mama

各位,

我老爺前一排都有對住我講，得閒點都要帶個"靚仔"上
大陸見下D親人，我答佢，硬係要啦，不過大D先啦，
冇咁凍先啦，要反學丫嗎?帶埋小朋友上去，有咩事會好煩。
上到去間屋度，撫咩都凍嫁，連張坡都凍呀，凍到有D想死。

今日太凍，我冇比軒軒返學，因為回校佢又嘔，好怕佢凍親。

HONGMIMI, PCDOGXX, 天藍,

妳地都係青衣讀中學，我讀F1才入青衣住，我屋企望到
八三果間學校嫁。妳地三個間學校都係好學校。

ELAINAIOLIA,
我都想睇下妳成隻糭個樣，貼D暖包係身，妳真係好怕凍喎。
係咪要出戶外所以貼D暖包係身呢?

PCDOGXX,
以前我好以妳咁，一過條橋個心就會自已好驚，上次幾次就
唔怕，不過而家內冇上去，我估而家又好以以前一樣咁驚。
始於感覺陌生同治安唔好。
我都確得係呀，凍得來又下雨，對手硬晒又凍到痛。

第時夾埋一齊再上長隆都幾好喎，好以得我一個未上過去。

多謝妳話返比我知睇到軒軒的程況，都唔知佢點降成日要嘔。

HONGMIMI,
葉XX暑學校晚上BBQ晚會可能係D舊生同學會攪活動，早排
我見我最細個妹都有去，只要係舊生就去得嫁喇。

軒軒第一次用支小熊維尼牙都有話好"拿"我自已都有試下，
D未真係好大味，我就感覺唔係幾好，我同軒軒講，唔係"拿"
係糖糖味，跟住佢就講係糖糖味，但係個樣就唔知點咁，用
多幾次就冇野喇。我都係呀，買咩都要買兩分，因為兩頭住家。
匡匡好叻呀，一返學就識應。

天藍,

妳地識得自制燸米雞好勁呀，需然有食到，
感覺都好開好，多謝晒。

昊藍同馬騮仔影左好多張相，正。

我同事這幾天沒有開窗，因為佢先已都定唔順喇。
我老細凍到問我地好唔好買暇盧，我當然答有好過冇啦。
日本人怕凍D。

WHATEVER,

TOTO好叻呀，識得英文對答，仲識話妳喜歡MISS WAI多D。

CANDYHUI77,
妳同我一樣仲好忙呀。怏放年假喇。

hongmimi

pcdogxx,
擒日又凍又落雨，婆婆要帶埋士的車落去接放學，真係好狼狽!

天氣差左咁耐，到3月應該好天喇~ :loveliness:

有關學券表格，匡匡學校都有派，我無睇就擺埋一邊，諗住唔關自己事~ 妳地個個都有填?? 學校叫? 咁上面要唔要填讀邊間KG?

妳d相我係公司睇唔到，返屋企先，開倉真係幾平~ 佢d鞋幾好，多謝報料~

鈞渝近排心情靚靚，識講返學唔好喊要笑，有進步呀~

鈞渝只係唔鍾意好似匡匡一樣做八婆仔成日咀啫啫。男仔同女仔都有唔同性格，我見鈞渝好細個就識唱歌跳舞，識得對住人表演，鬼咁叻(幾羨慕呀)，匡匡係最近返左學先哼歌有d節奏，但跳舞仍然似耕田。

人地話女仔大d就日日把口唔收會好煩，咁妳當難得清靜一下先，遲d佢想講會講好多。

匡匡會講自己嘔跟本就考我反應同速度，當中只有1-2秒時間，10次有7次係攞唔切個桶，有2次係隨手攞左第樣野，例如：玩具、食緊飯隻碗、我雙手…

佢間學校校長同老師都好好，老師有經驗又有愛心，校長成日為我地荷包著想，叫我地唔好浪費，好似買校褸咁，話反正一入學校都除，叫我唔好洗錢買可以著自己褸。:D

最近課程學緊”冬天”，學校叫小朋友每人帶一樣食物返去玩”打邊爐”，都話驚浪費食物，只限選擇帶其中一樣：(1) 3粒丸丸 (2) 2塊蘿蔔 (3) 1件豆腐 (4) 2片栗米…匡匡就揀左1條翔(腸)仔~

hongmimi

626mama,
妳慢慢，有時間先上黎~


聽妳咁講，可能小熊維尼果支味道好過反斗車王，等匡匡試埋睇下點先

ElainAiolia

Dear all mami,
其實我無咁快去長隆住，只不過諗o下先 ，多謝各位比o左咁多意見我 。

hongmimi,
隻糭邊有咁易比你見到呀 ，唯有比隻糭o既另一半比你見la:;pppp: ！

匡匡間學校真係抵到爛 ，D老師同校長又咁好，總算好好彩喇 。

張學卷表格我今日都填o左，我覺得申請o左無壞o既，上面只係填父、母及要申請學卷個小朋友D資料o乍，唔使填邊間學校o既資料，到時間學校o岩用先比張學卷比學校o羅。我諗住聽日寄la 。

匡匡嘔o既速度我可以幻想到 ，因子聰細個都係咁，但佢係唔識講嘔o既，每次我o地見佢表情有D唔妥或縮縮膊 ，就知佢會o黎料，就會好快脆攞o野比佢嘔，所攞o既架生都同你一樣 ……….

天藍,
多謝關心，子聰個眼肚只係瘀o左 ，無乜特別。

子聰件中國服仲未買，你就好la，搞掂o左，但今日我放工係荃灣見到大約100蚊以下，厚度一般，所以諗住今個星期六帶埋子聰去買o羅 。