論壇新手小學老師報到

little_yolky

haihaimom 發表於 18-6-28 18:59
本帖最後由 haihaimom 於 18-6-28 19:00 編輯

本帖最後由 haihaimom 於 18-6-28 19:00 編輯

但伍sir話加數都有分加數同被加數喎。本書無寫, 我都真係唔知。

kwunpa

little_yolky 發表於 18-6-28 19:06
但伍sir話加數都有分加數同被加數喎。本書無寫, 我都真係唔知。

加數同被加數呢D系無聊定義。

Sorry 伍sir, 你講的大部分我都贊同，但被加數呢D定義真系無聊兼無用。

Vanadium

kwunpa 發表於 18-6-28 19:12
加數同被加數呢D系無聊定義。

Sorry 伍sir, 你講的大部分我都贊同，但被加數呢D定義真系無聊兼無用。

不如你上網check下伍sir啱定你啱?

Vanadium

多謝伍sir同Yolky帶出呢個討論，原來上網一check資料，就完全明白晒，唔使討論咁多版。

S版友好強調30-10+30係無問題，因加數係commutative，但commutative呢個概念，堅決係可應用係乘數。但好奇怪，有人會接受乘數與被乘數，但就唔接受有加數同被加數，若用commutative呢個概念，根本連乘數與被乘數都不正確。

然而，據網上由各地老師既教學討論整合，commutative呢個概念，應只用係純符號計算，如3+2=2+3，3X2=2X3，但當涉及文字題列式，commutative概念not applicable，而文字題涉及按文字表達既正確觀念去列式。

究竟按正文字去列式係咪真係重要? 如3個蘋果加2個蘋果，3+2寫2+3係咪一樣? 一上網check下，原來真係唔一樣，當中涉及幼童既基礎數學理解，搞錯會影響日後數學既概念或運算，係有理論支持!

我一直覺得小學老師大學畢業，並唔會成日咁無聊去挑剔，果然我信心無放錯，係自己認識太少!

Vanadium

呢個討論用左我唔少時間，不過都算值得，我自己要stop一stop。

我經常覺得我地對自己唔熟悉範疇既批評，好多時係出於無知與誤解，今次又再証明，大家做家長其實應小心，否則學校教A，做家長就同小朋友話A錯，然後B都得，係好好容易令小朋友無所適從，得出反效果，更何況萬一真係自己搞錯，一再強調既身教就會失左見証。

離開中學校園時我已與年青人接觸近30年，真可以講見盡各款式既學生，band 1至band 5都有，係度衷心建議各家長一句: 不要讓小朋友做"差不多先生/小姐"，band 1至band 5學生既分別，未必係智能，甚至未必係家庭，而係對事物既差不多程度。Band 1學生大都係細節上都執得或跟得好好，唔係計條數，係做咩都四四正正，認認真真，清清楚楚，而Band 5果啲就大都粗糙到不得了，咩都只係做到差不多。 Band 1同band 5最大分別係個態度而唔係能力。

「細節決定成敗」，係我幾10年觀察中最認同既一句，我有興趣討論30-10+30與30+30-10之分別，就因為相當確定當中既細節可能係好重要。

以上唔係講讀書，相信小朋友長大、工作、做任何自己想做既野，要做得好，態度與細節都同樣有重要角色。

伍sir

little_yolky 發表於 18-6-28 19:06
但伍sir話加數都有分加數同被加數喎。本書無寫, 我都真係唔知。

可看#67樓解說

haihaimom

little_yolky 發表於 18-6-28 19:06
但伍sir話加數都有分加數同被加數喎。本書無寫, 我都真係唔知。

我哋學校無理既。

Vanadium

haihaimom 發表於 18-6-28 20:21
我哋學校無理既。

建議上網搵下資料。

伍sir

Vanadium 發表於 18-6-28 19:56
多謝伍sir同Yolky帶出呢個討論，原來上網一check資料，就完全明白晒，唔使討論咁多版。

S版友好強調30-10+ ...

其實要多謝你地討論深化大家對數學的理解，我自己都獲益良多，不過重點係唔好隨便話小朋友錯，其實可以欣賞佢列到式，如可以解釋當中意思可能效果更好。

伍sir

MNIF 發表於 18-6-28 20:16
唔好嫐我，我覺得妳在這題文字應用題上有無心誤導之誤，過份強調咗公式方面而忽畧咗文字方面給予嘅資訊。
...

而家跟哂公開考試標準，單位可以晌答句先出現。而家都係考試話事多

Vanadium

伍sir 發表於 18-6-28 20:35
其實要多謝你地討論深化大家對數學的理解，我自己都獲益良多，不過重點係唔好隨便話小朋友錯，其實可以欣 ...

無錯，點樣指正同教導小朋友係另一個好重要問題。

Vanadium

伍sir，你個post本來我都無諗過回，但估唔到最後討論左咁多。

我之前係中學做左好耐，深深感受小學既基礎好重要，學生上到去中一，啲唔好既習慣或錯誤既觀念建立左就唔容易改，你地做小學老師真係更任重道遠，更需要高超既技巧同知識。依家做小學老師唔易，我相信比中學更難，特別家長好多要求，小朋友又更被寵更難教導。

支持你地，希望教育局對你地更好。

little_yolky

MNIF 發表於 18-6-28 20:16
唔好嫐我，我覺得妳在這題文字應用題上有無心誤導之誤，過份強調咗公式方面而忽畧咗文字方面給予嘅資訊。
...

唔係呀, 响上面第N層樓, 我有講(張)架, 我成條文字題寫晒出嚟架。
當然, 如果要按文字既流程列式, 就一定係老師啱, 但因為我阿女為人古怪, 佢覺得黃色紙係要計咗先有個完整數, 先可以加埋紅色紙, 所以佢個腦會focus落計咗先果度, 所以先會調轉頭列式。如果佢係上面JM所講既按文字一步步思考列式, 就無咁既問題, 但佢個腦係咁, 無辦法。我只係覺得, 調轉似乎都合乎邏輯, 唔明點解唔啱啫。上面有JM解咗, 係可能初小老師想小朋友按題目文字思考列式。

仲有, 自古以來, 只有兩個男人加一個女人至會出現 "嬲" 既情況, 兩個女人加一個男人, 我覺得男人唔會嬲既, 應該好開心至係。

shadeslayer

Vanadium 發表於 18-6-28 19:56
多謝伍sir同Yolky帶出呢個討論，原來上網一check資料，就完全明白晒，唔使討論咁多版。

S版友好強調30-10+ ...

數學係數學，無分用口講，文字寫，定算式。其他撑老師的人也承認扣分不是數學原因。你之前也提出數學題不只學數學。

咦，立場有轉移。。。。

shadeslayer

Vanadium 發表於 18-6-28 20:10
呢個討論用左我唔少時間，不過都算值得，我自己要stop一stop。

我經常覺得我地對自己唔熟悉範疇既批評，好 ...

你寫左萬字言，就係講不出寫 30-10+30， 同寫 30+30-10 中數學原則上的分別。

little_yolky

Vanadium 發表於 18-6-28 19:56
多謝伍sir同Yolky帶出呢個討論，原來上網一check資料，就完全明白晒，唔使討論咁多版。

S版友好強調30-10+ ...

我唔係話老師挑剔, 我係自己唔明白啫。其實你第一次回覆時, 我已經明白了。

shadeslayer

伍sir 發表於 18-6-28 20:35
其實要多謝你地討論深化大家對數學的理解，我自己都獲益良多，不過重點係唔好隨便話小朋友錯，其實可以欣 ...

大家意見一致與否，都係你正路D。

eviepa

回覆 little_yolky 的帖子

//自古以來, 只有兩個男人加一個女人至會出現 "嬲" 既情況, 兩個女人加一個男人, 我覺得男人唔會嬲既, 應該好開心至係。//

幾十年前睇報紙，有個專欄講解過兩個女字夾住一個男字，係梳乎咁解。

Vanadium

shadeslayer 發表於 18-6-28 21:11
你寫左萬字言，就係講不出寫 30-10+30， 同寫 30+30-10 中數學原則上的分別。
...

不如你自己上網搵下有無分別，試下打加數互換性，或加數與被加數。

每個人都會傾向選自己啱聽既文章睇，我比links可能都有bias。

我上網發現個老師原來係數學概念上都啱，因原來文字題係有規則，同我講既教育副作用係無衝突，但數學的確唔係純數學，當中涉及好多步驟訓練，就如彈琴都唔係純音樂，學彈琴可訓練小朋友好多非音樂既能力，如專注力。

仲有，你尋晚笑個星島辯論比賽，個比賽可謂全港最大型，所有神校都派學生參加，女拔協恩喇沙SP等，決賽係伊館對住幾千人進行，你笑個比賽，不單如你一貫睇唔起香港主流教育，更連香港最頂尖既學校同學生都唔尊重 。