溜冰

choleliu

溜大場更係差好遠啦，咁先學到野，亞囡都係咁樣練返黎。講真，溜冰真係好晒時間﹗

原帖由 Smiile 於 11-1-13 09:44 發表


初學時教練都會畫圓給她，我上次見就不會了，都是叫她在冰場內行大圈 (forward/backward crossover stroking，最近又加了少少就是backward crossover去到中間時做個3 turn繼續，又教她用8字方法行大圈-可能沒有那麼悶)，我很 ...

Smiile

Smiile

大場的好處真的可以train到foot work，不過有時太多人，要行backward stroking都難，要小心一d啦 !

我都覺得溜冰真係要付出好多時間，因為始終要去練而且不是人人都咁 "橋"住在溜冰場的屋苑吧 !

do-re-me

愈來愈覺得一堂半個鐘真係唔夠, 如果教練得閒我會叫佢上一個鐘, 但學費就好貴, 5堂好快就上晒, 兩三個禮拜又'look'一次卡. 其實唔係我女有興趣, 而係我有興趣. 我好享受睇住我女上堂, 我老公成日問我坐係度唔悶嫁咩? 我坐左兩年仲未覺得悶, 不過我仲未識倒好似你地咁健談的媽媽. 我女就識倒朋友仔.

我女單腳轉終於有D進步, 但隻腳依然唔直, 佢話已經最直, 真係激死我!

我用熱水浸'林'對鞋, 但我無注意到塊刀片唔應該浸, 搞到塊刀片生左'秀'. 我用沙紙磨番'令'佢, 再攞對鞋去磨刀, 但溜的時候都仲係好'鞋', 點算好? 請指教. 謝謝.

Smiile

一堂半個鐘真係唔係好夠 所以之前都試過一堂上一個鐘，但就好貴

有時要一次過交2期學費，但1個月就用晒lu ! 但我個case係個女有興趣，所以貴都要交 佢玩得/學得開心就得啦 !

其實學溜冰的投資路真的很貴 ~~ 首先上堂、平時練習入場、買鞋換鞋、買鞋套等等用品...最貴就係比賽，若要去到外地比賽，要比學費教練也要幫教練買機票酒店，咁除了自己小朋友去，我都要去，即係又要機票酒店還有向公司請假 !

我又沒有想過她能夠做溜冰教練 "回本"，只要她學得開心、又學到，貴都無辦法

我都識唔到健談家長喎，可能我習慣自己靜靜坐在一邊看，不過和你一樣我好享受看女女溜冰架 !

你對鞋可不可以拿去溜冰學校，他們有機磨刀可能好過你自己拿去磨架 !

alljodesign

如果係學生磨刀, 有無優惠?

Smiile

你小朋友在西九學 ? 跟你小朋友個教練好唔好 ? 如果佢平時好可以問下去佢等佢同學校講，可能會平d。西九學生練習有優惠，磨鞋都有掛 ?

choleliu

所以去都好鬼煩，屋企果佢無MTR﹗

原帖由 Smiile 於 11-1-17 09:55 發表
大場的好處真的可以train到foot work，不過有時太多人，要行backward stroking都難，要小心一d啦 ! mouth:" />

我都覺得溜冰真係要付出好多時間，因為始終要去練而且不是人人都咁 "橋"住在溜冰場的屋苑吧 ! ...

choleliu

我就鍾意分開幾日上半個鐘，等佢自己練下，又可以FREE入場，練習都好緊要，令願晒D時間都要﹗

原帖由 Smiile 於 11-1-19 14:54 發表
一堂半個鐘真係唔係好夠mouth:" /> 所以之前都試過一堂上一個鐘，但就好貴mouth:" />

有時要一次過交2期學費，但1個月就用晒lu ! 但我個case係個女有興趣，所以貴都要交 佢玩得/學得開心就得啦 !
...

choleliu

可作參考﹕
我會拍底比亞囡睇，佢自己唔會知道錯在那裏，佢自己睇完會覺得核突就會改，兼且話佢又會傷感情，所以影底就最好。

我囡囡呢期練緊AXEL，空中已經夠圈(一週半)，但都係雙腳落地，我都地拍比佢睇有咩唔岩，等佢自己改。

原帖由 do-re-me 於 11-1-19 05:33 發表
愈來愈覺得一堂半個鐘真係唔夠, 如果教練得閒我會叫佢上一個鐘, 但學費就好貴, 5堂好快就上晒, 兩三個禮拜又'look'一次卡. 其實唔係我女有興趣, 而係我有興趣. 我好享受睇住我女上堂, 我老公成日問我坐係度唔悶嫁咩? ...

choleliu

溜冰場真係人生百態，當你個囡囡高級DD時，自然會有好多小朋友呀、家長呀...連教練都會同你打招呼。遲D就會識到其他家長ga la...我係過來人﹗

原帖由 Smiile 於 11-1-19 14:54 發表
一堂半個鐘真係唔係好夠mouth:" /> 所以之前都試過一堂上一個鐘，但就好貴mouth:" />

有時要一次過交2期學費，但1個月就用晒lu ! 但我個case係個女有興趣，所以貴都要交 佢玩得/學得開心就得啦 !
...

Smiile

我女學那兒是在荃灣，還要完全不近地鐵呀 !mouth:" />mouth:" /> (不過我們屋苑有一架小巴10分鐘去到，都好 !)最近也有去西九龍 (但佢覺得荃灣才是她的溜冰"正校" )，西九龍就相對方便少少，不過個場就... 勝在個教練真係好好 雖然個場好 ，我都唔捨得CUT那一邊，唯有呀女只在那兒學，主力在荃灣練和學LAW

[ 本帖最後由 Smiile 於 11-1-21 09:29 編輯 ]

Smiile

我都係咁諗呀，因為學那天是free入場 ，又可以慳返少少，而且一次過上一小時，其實小朋友都可能累，又未必吸收得晒，學半小時再留在冰場練1小時會較好。

我女都係1個星期學1-2天，我覺得好貴呀 !

Smiile

你好有心機 !

Smiile

真係人生百態...其實我都見過有些家長，走去笑一些大小小的小朋友的動作，又告訴自己的小朋友(指住)個哥哥/姐姐就係因為沒有練所以做得好核突，雖然不是話我個女，但我都覺得唔係咁好

當然如果小朋友溜得好，在溜冰場真係好受歡迎。

[ 本帖最後由 Smiile 於 11-1-20 19:11 編輯 ]

小豆媽

原帖由 Smiile 於 11-1-6 10:03 發表
今次輪到我想要大家一點意見，換轉是你你們會點選擇 ?

我的孩子最近在某個溜冰場學溜冰，昨天她去練習，有一位男教練問她幾歲、說她不是溜是行。(但女女不是他的學生)因為我一早聽說有一位教練口多多，所以我真的 ...

我"估".....你講果個場, 就係我女初初學skating, 在九龍好旺地段果個場.

我可以share我的經驗.
我轉場原因,
1. 唔想個女(2個女)太早接觸呢d粗口, 金毛文化, 連coach都係金毛 (我個人唔like).
2. 我親眼見有某男coach對女學生態度好有問題(個人覺得)
3. 我大女(果時5歲)試過在場邊比一個中童無lala企在椅上, 用刀踩到手, 佢個家長一句sorry都冇, 個場的職員都當睇唔到.

我轉左2個場, 舊年年初, 先settle左在依家呢個場.
轉場就要轉coach, 唔轉過, 又唔知邊個好.
而且轉過coach, 就會知個女在唔同人的角度之下, 可以紏正唔同問題.
我個大女只係FS2, 我又唔識figuring skating, 我只係以平常人角落去睇佢學得好唔好.

小豆媽

原帖由 do-re-me 於 11-1-19 05:33 發表

愈來愈覺得一堂半個鐘真係唔夠, 如果教練得閒我會叫佢上一個鐘, 但學費就好貴, 5堂好快就上晒, 兩三個禮拜又'look'一次卡. 其實唔係我女有興趣, 而係我有興趣. 我好享受睇住我女上堂, 我老公成日問我坐係度唔悶嫁咩? 我坐左兩年仲未覺得悶, 不過我仲未識倒好似你地咁健談的媽媽. 我女就識倒朋友仔.

我女單腳轉終於有D進步, 但隻腳依然唔直, 佢話已經最直, 真係激死我!

...

唉 ! 我都覺.
30min, 真係好唔夠, 不過d $ 真係倒水咁.
仲要唔只一樣課外活動丫麻.

我個大女, 學FS2都有9個月了.
不過佢個1-FOOT spin, 真係得人驚, 轉左大大話話真係有8個月啦, 都仲係唔見得人.
coach同我講, spin係冇得呃人的, 一定成日要轉轉轉, 轉得多就自然會順 (當然大前提係方法要對)
咁亞小姐成日話驚暈, 我都冇符.
我大女係jump 好過spin的. FS3的jumps佢都學左, 不過就係1-foot轉唔惦, 冇得考.

我同佢講, 亞妹都就來 DELTA了, 你仲係升唔到班真係唔知點算.

小豆媽

原帖由 choleliu 於 11-1-20 15:51 發表
溜冰場真係人生百態，當你個囡囡高級DD時，自然會有好多小朋友呀、家長呀...連教練都會同你打招呼。遲D就會識到其他家長ga la...我係過來人﹗

哈哈哈 !
人就係好現實.
我自己見到果d姐姐轉2周axel, double toe walley, 我都想同佢friend啦.

Smiile

小豆媽, give me five

那個場真係好恐怖，因為d街客學生甚至coach都有粗口金毛...不過我個女有個同學的head coach是親戚，佢想一起去玩，我才急急找walk in，其實她是在荃灣學的。

後來在西九walk in的教練真係好好，我諗已經係全場最好那一個，呀女覺得好我都覺得好，所以便轉正式課law (兩邊交學費好貴呀 !)

多謝你的分享，那個場什麼人都有，粗口不進口煙不離手，眼見d學生因為一些coach(男coach)說粗口笑，我在外面聽到真係唔識笑


我好同意，唔同教練會有唔同方法亦會糾正學生唔同問題，現在在荃灣及西九那個都好好，好幫到呀女，但我個女學了幾個月，好初學jar ! (暑假突然說想學) 你兩個女女都有學，而且大女都FS2，好好呀 ! 我個女連DELTA都未有呀 ! (不過教練都開始教下她Two foot spin, forward pivot)

我雖然識溜冰，但我都係放手交給教練... 再次謝謝你分享的經驗，果然大家是媽媽級，都係驚同類的問題 !