迦南K1會

pmjleung

唔通我表達得唔好 個專注力課程係for小朋友喎,即冬冬,謙謙同梓翀呢.......

今日梓翀開始coby dance完就即刻走去學英文....不過如果睇佢真係太辛苦,都唔學住喇~

BNTYA01

joyce,

個專注力課程當然係for小朋友啦，但上堂時要有一位家長陪同小朋友上，咁即係=大人上，大人小啲專注力都唔得，返唔齊又唔抵。

咁24號你帶唔帶你老公出嚟亮下相？我都希望我老公可以忙裡抽閑參加旅行。

BNTYA01

謙媽：

冬冬做護士？唔係呱？！你知嗎？做護士係：前世做錯事，今世做護士。咁辛苦！不過，如果佢鐘意做，都冇辦法，由她啦！
我唔知護協有嘢攞呀，咁荀！

pmjleung

ANNIE,

你地報晒2個我跟住你地都報2個喇~所以我老公會去....但你都見過佢啦

前日媽咪個朋友教左一個止咳方法,好方便,就係用果皮+一粒冰糖煲水飲,尋日煲左一次俾老公,佢話好ok喎,舒服好多

下學期都開始緊,梓翀仲好baby.....唔g重讀多一年好唔好   

TIFFANYC

joyce,

你表達能力無問題, 我知道專注力課程係比小朋友,我係想睇吓專家點教小朋友專注力,自己可以係屋企,訓練謙謙做事專心d!就係咁!     不過,我都未對老公講,所以要過幾日之答覆你!現在你有朋友,有興趣學嗎

另外,我都覺得同一日學coby dance又學英文,都幾辛苦,所以我選擇學coby dance 先,遲d至學英文.謙謙上完第一堂話好玩不過跳舞...跳咁耐好倦  .係咁佢返到屋企未食飯就訓咗   
     

pmjleung

我同朋友個仔專注力都唔好,我地都搵左好耐先搵到有course係for3歲,所以好希望報到~

初頭我都諗佢會好辛苦,但星期五coby dance完接佢,佢見到去學英文個袋就一支箭走去center到,佢又唔攰咁....不過coby dance學埋今學期唔再學lu.....

TIFFANYC

ANNIE,

你唔好咁講, 做護士都幾好呀!係輪流值班辛苦D!
星期五謙謙上COBY DANCE ,只見梓翀唔見冬冬.....佢無事嗎  

TIFFANYC

yanyanbee,

謝謝你的意見!

BNTYA01

謙媽：

Fri嗰日冬冬請咗假，之前割眼瘡，所以嗰日去follow-up，本來唔想去，但割咗之後，好似仲有少少，睇多次穩陣啲，原來嗰少少係啲scar，不用再搽抗生素，咁都好啲。
Fri你放假咩？

我唸住k2先比冬冬学畫畫，佢爸爸話佢應該都有啲興趣，我都信我老公，因佢畫畫都掂，之前有幅佢畫的素描掛了係屋企，裝修後反而冇掛。係柏斯学音樂，個老師又叫我同佢參加畫班，唔知迦南畫班好唔好？真係要問下joyce。

BNTYA01

joyce,
咁都好的，唔学coby，咪放咗学返去食个飯，先再出嚟学英文，梓翀冇咁辛苦。我已經交哂coby学費till 8月份，冇得縮沙。

TIFFANYC

annie,

星期五我無放假,係我問謙謙上跳舞堂見到冬冬嗎,佢話無見到冬冬,所以我知道冬冬無上堂.我都想放假湊仔,因為,謙謙講過想我病 ,可以接佢放學.佢真係傻仔....  

謙謙就無興趣畫畫,反而喜歡扮老師彈琴,我唸緊暑期比佢學彈琴,不過唔知去什麼地方學,聽講學琴學費好貴  

kelly820

請問有無人d仔仔或囡囡讀九龍城迦南幼稚園架?

pmjleung

柏斯都有得學琴,但佢地咁細個,好似要上左啟蒙班先,學費好似唔算好貴~

梓翀屋企有電子琴,但佢都冇咩興趣,所以我唔俾佢學住

綠苗畫苑ok,主要近,不過我見好多唔係cannan讀既會黎學畫畫~

pmjleung

annie,你咁攪笑,俾晒學費 又一証明你係一個富婆仔

BNTYA01

joyce & 謙媽，

好麻煩，個個月入１次，好似M come咁，咪索性1次過。

喺呀！問我啦！冬冬逢星期六喺柏斯学小小莫札特啓蒙班，初初我会同佢上，(要一个家長陪同)，整整下，我就叫个工人同佢上，因我懶，我要瞓覺 学咩？初初認高低音、琴鍵和豆豉的名稱，課堂上亦会跳下舞，等小朋友活動下，不致於咁悶，学費大概$160/堂，另買書。第二年学兒童鋼琴班，都係繼續認識琴鍵。如比她一對一学琴，我諗咁細个未必適合，一group人学会比較好啲。第二年兒童班(9月)，叫埋謙謙同冬冬一齊学，兒童班不用家長陪，暑期班試下先啦！

BNTYA01

你哋問下梓翀同謙謙，喺咪学校已經教咗寫A-Z，但又唔見有功課練習，今日同冬冬玩時，佢好似自己識寫大部份的英文大楷，當然唔靚，同斜斜地，我問邊个教，佢話係老師？！佢平時冇咩寫過copy write。

BNTYA01

你哋問下梓翀同謙謙，喺咪学校已經教咗寫A-Z，但又唔見有功課練習，今日同冬冬玩時，佢好似自己識寫大部份的英文大楷，當然唔靚，同斜斜地，我問邊个教，佢話係老師？！佢平時冇咩寫過copy write。

pmjleung

我問左不過梓翀冇答我 但話時話,梓翀依排都成日係屋企寫字,a-z,1-10.....佢唔識就叫我地教囉~

pmjleung

暑假想俾梓翀學游水,你地有冇興趣~