聖羅撤小學

wtmaggie

已回覆，CHECK PM.

cameo

各p.2媽咪,
大部份test paper都派左(我差一份英文未派),我女成績我無認真跟學校個計分法去計,但我自己睇大約平均分已退左一個grade,我都唔知係咩原因.因為樣樣有d,一自己少左自己湊女,二真係平時完全無溫習(平時有時間時都要溫默書),三我知個女一向心散,但我最奇怪班主任由開學到現在都係將幾個多咀同學坐埋一齊(我個女都係多咀),而每次調位都只係成組調,即來來去去又係O個幾個一齊坐,我知我個女一定心散到嘔!
但問個女同學仔d分(佢每次都大約講吓),又真係好參差,你地小朋友今次成績有進退嗎????真無奈~

tungtung-mama

cameo,

我個女升上p.2後真是心散咗，做功課又慢吞吞咗，成績就還O.K.，儘管退步了少許。其實現時P2 D 功課比P1時多了那麼多，又要應付默書，平時又怎有時間温習呢！我又不忍廹她太多，害怕她會喪失上學的樂趣。

我都有聽阿囡講今次test 的同學仔成績差距大咗，尤其份reader 有唔少人不合格。可能升了班，長大多一歲，大家的能力差距明顯咗。

cameo

tungtung-mama ,
我女份reading都係咁多份paper之中最低分,不過我自己反而覺得係佢無乜心機做所以差左,因為英文科佢一向都係普通,所以唔多唔少係因為佢自己~
但四科主科我反而覺得數學有d難,唔係d數難計,而係難同佢溫,因為睇番佢d工作紙,其實某d題係教科書未教到反而工作紙要做,例如圖形,日期等等,我開頭都唔太為意,但test前細心睇佢d作業及書,發覺某d課題未教,但工作紙有有關題目,變相好似未教o既都列入左test範圍咁,e.g工作紙問過平年一年有多少日,我都係後期先發覺得上2B冊書的課文內容之一!
我唔記得你小朋友係咪同我女同班,2A ???

Daisy媽咪

我個女成績 (除左中文進步左之外), 所有都退步左 !
不過我睇番d卷, 中文真係深左, 而理解個part 都幾深, 份卷又長, 我個女邊有心機做呀, 所以中文我絕對滿意啦 !

至於英文, 我個女全部都係錯唔小心, 佢又可能成日諗住自己英文ok, 所以咪"求其"溫, 我又真係冇同佢溫, 所以衰左, 都冇計, 當比個教訓佢啦 ! 不過 reader 都有家長同我講係深左同埋好多小朋友唔合格 !

數學 ! 之前佢係最高分, 依家變左最低分 !
不過有d錯得唔抵, 第1題, 佢用中文字寫左個算盤數字, 老師當錯冇左四分 (但我覺得其實佢冇寫清楚, 唔怪得佢地, 因為功課多數係叫寫中文字, 所以都應比番一兩分), 其他就係佢唔小心或者算式唔岩扣分 ! :cry: 至於時鐘個題, 我個女都錯,不過算啦, 都係一題, 如果好多係範圍以外既, 就死硬 !

常識, 我覺得都深, 不過今次見呀女都好左d, 錯都答得有d"普", 同埋佢好多係填充唔識寫個字而扣分 ! 最攪笑係問倒扁d人著乜野色衫, 我覺得有d深, 因為我個女睇電視時都有問我d人係度仲乜, 但我覺得小二都唔會知咁多政治既野, 講左佢都唔明, 所以我冇詳細解比佢聽, 不過好彩都係1分者 !

不過我聽人講, 小二既程度係會比小一深好多, 所以大家努力吧 ! 希望佢地今日旅行玩得開心d啦, 千祁咪再漏底野啦 !

tungtung-mama

cameo,

Yes, 2A班。

tungtung-mama

Daisy,

你真細心，我都冇詳細睇D卷。

Daisy媽咪

tungtung-mama 寫道:
Daisy,

你真細心，我都冇詳細睇D卷。

我當然唔係啦, 我主要係睇下呀女錯d乜咋 !
近日又忙緊幫細佬搵幼稚園, 都好忙呀 ! :-x

cameo

tung tung ma,
我想問問你小朋友平時d數點啊???因今年我覺得個女數學一知半解咁,經另一家長報料及自己再細問個女,發覺老師教書唔多,,,,但功課多多...唉!!而家數學我跟得好足(其實我女上年數學完全無問題,因為test或exam只要佢小心做就好高分),功課亦唔洗我理,但今年日常功課真係都好多唔識!
daisy媽咪,
我都覺得d卷深呀,好似英文reader其中一題我以為係問sunday係咪11點開門,原來題目意思係sunday 11點係咪開左門,咁就錯,俾我答都係錯...haha,不過英文科上年已經係深,所以今年無特別覺得佢再深左,haha~
tung tung ma,daisy mami,
經過今次test,我決定逢sun下午帶個女去圖書館溫習,平時實在完全無時間,希望呢個辦法可以有改善~

tungtung-mama

cameo,

數学是深咗，但好在佢都明。不过就有很多careless mistakes，如進位及數角。我督都觉得今年的數学多了很多功課，但如果佢吾主動問我，我就無特别理佢。

Daisy媽咪

cameo,
我冇仔細睇卷的內容, 但一定比小一深 ! 至於數學, 我問過亞女佢話老師上堂都有教, 但教得好快 ! 而我覺得今年數學真係多左好多功課 !

wtmaggie

數學多咗做簿，AB簿。如果唔做，格式唔對，會扣分的。少d都要扣分呀！

cameo

其實我自己留意到,上年數學個女成績好好,今年唔係因為佢數學成績退步而推負責喺學校度,而係我覺得數學功課量過多,特別教緊加數時,不停咁計數,個女本身已無耐性,對住咁多數學題唔可以話求其,但我相信佢絕對無細心and認真去計囉,我個女亦自己講過話數學好煩......
其實我個女都話老師真係唔多时間教書,咁我自己都計到時間,一日要安排至少三樣數功,重有幾多時間教???o個日做埋速算quiz就直頭只做quiz加安排功課了!
呢排教圖形咪好d囉,因為唔洗計數...hahaha

Daisy媽咪

Cameo
數學真係要做得多至得, 如果係咁, 我睇你係屋企要再同佢溫一下, 或者你都問下其他家長覺得依家你地個老師教法有冇問題, 如果真係好多小朋友都唔明, 不如同班主任, 或者校長傾下, 我估有d野可以大家配合掛  
亞女話2c班琴日有個老師走左喎, 唔知係咪呢 ?
今日好辛苦, 抱住細佬成30磅去跑三間幼稚園interview, 佢仲要唔講野, 真係的士錢都"洩"埋！

tungtung-mama

Daisy媽咪,

努力，加油。忙完个仔後，你就有三年慢慢“嘆世界”啦。

cameo

daisy媽咪,
其實我個女同班同學都有咁情況,而我自己又真係無意思刻意去同學校講呢樣野,始終我自己知自己事,火火地講完更無意思,但我相信,學校唔會因我一人而改變教法,而會以整體成績,若果o個位老師真係教法有問題,我相信唔止我女及個同學仔有問題卦,所以咪改變自己平時喺屋企o既教法囉,以前一年級我同個女講只要專心聽書就會識做功課,所以佢習慣自己攪掂功課,極少問我功課,但可能佢今年唔明都唔去問我,怕我以為佢唔聽書啦,所以就咁....而家我叫佢唔明就問,我自己都有主動去跟,所以而家進度就完全無問題囉!!
and我又無聽過有老師走喎?
聽你講"細佬"去in,我都諗番起個女細個咪又係咁,唔去做多d又唔甘心,做左佢唔爭氣自己又忟,hahaa.....既然己盡力,就輕鬆等好消息!

Daisy媽咪

Tungtungmama,
我唔敢講會"灘"三年, 因為亞女都未攪掂 !

cameo,
算啦, 二年班d野係深d架啦, 你有時就跟緊d啦. 我就慘,公司又多又煩既野, 宦邊有咁多時間呀 !

一亞仔今次INTERVIEW, 我真係FEEL REALLY BAD, 完全係陪跑, 想起當年家姐, 真係相差九萬"仗"遠, 我睇亞仔多數只有家姐之前讀個間可能會收, 其他都............

cameo

daisy媽咪,
你個女2C ??
我問左個2C家長嘞,班主任去左進修,大約五至六星期先返!
亦因為新代課班主任太緊張,攪到旅行當日2C班小朋友玩得好有限制.....聽聞當日d設施已唔係每樣都有得玩,不過其他班可以周圍走,但2c班主任唔俾!
and原來reader份卷我女班有一半人唔及格.

Daisy媽咪

cameo,
我個女2b, 佢話走左個老師姓梁喎 !

我個女旅行當日都話好多地方都玩唔到, 可能地方太大, 學校驚小朋友走散啦, 亞女話有12x個家長義工喎 !

至於reader 份卷, 我冇問亞女, 淨係知深左, 不過算啦, 都考左啦, 留力考試啦 !

cameo

daisy媽咪,
有個旅行義工話因為當日場地d設施唔係壞就維修,所以先好多野無得玩呀,但我估個女o個班自由度都算大,因我識o個個義工媽咪係負責我女o個班,佢話真係有周圍走先執齊人(包括我女,haha~),不過又可以第一架車開車離開喎!!
嚟緊月尾家長會呀,今日先有通告,去就一定去,不過都幾煩,話晒當日我本身要返工,而家又要再安排!!唉,上年小一時又話我地呢一屆整體程度都低左d,講真丫,我都深信今年升左小二第一次test整體成績唔會好好,學生就係同一屆,我覺得雖然我識家長唔多,但以我身邊所識,今年小二真係學生跟得辛苦時,家長想跟都唔夠時間(太多功課)