香港創價幼稚園~Part II

mariachn

Sandy媽 :

好好保重呀！天氣太反覆！


鈞鈞好喜歡聽盧巧音首－垃圾！！！ 仲聽得好high!好低ｃ！
  

lofamily

各位.........
想知小朋友要幾點等保母車, 幾點返到. (上下午班)
因為好似頭站上車, 尾站落車. 要坐45mins真慘!!
有冇其他方法?
many tks

龍馬媽媽

我昨天放工回家睇阿囡書包, 點知裏面放滿膠袋, 一大堆係超級市場用個d背心袋, 原來佢自己走去廚房取, 而後放入書包, 佢話學校開鞋店用, 我阿囡就係咁, 唔會話你知, 自己攪掂, 有時真係唔知好定唔好

另你地有無帶囝囝囡囡去廸士尼, 有嘜遊戲適合佢地? 如果玩全日會唔會好倦? 邊d可以唔去?

liwoodma

mariachn 寫道:
Sandy媽 :

好好保重呀！天氣太反覆！


鈞鈞好喜歡聽盧巧音首－垃圾！！！ 仲聽得好high!好低ｃ！
  

我仔最鍾意"別怪她"...成日跟住唱....

AAl

sandy媽,
唔怪得無見琳琳好幾日, 要好好保重身體.

mariachn,
朗翹就鍾意<愛與成> 同<無賴>, 成日同哥哥, 爹D一齊唱, 我就話佢三個係<無賴>就真.     

Sandy媽

Morning~

醫生話多數要星期日先可以出院，出院後透多1-2日，咁最快要過埋清明4月6日先返得學:-| 昨日托保母車姨姨取功課，老師&同學仔做了一張好靚的慰問咭&一枝神仙棒比琳琳，真有心思，琳琳佢好開心

AAl：朗翹聽的歌對我來講好update

龍馬媽媽：你地幾時去Disneyland?Easter? 會否住酒店？我地上年12月12日(教師發展日) 去左，不過我地1時先入場剛剛巡遊時間，又因時間唔夠冇去未來世界玩唔到巴斯光年   如你玩全日，午餐可食fastfood但晚餐想食舒服d的話，就要一早book定位，在美國小鎮大街有3間餐廳選擇！幻想世界的遊戲都岩佢地玩，winnie the pooh最多人排要取定fastpass，有幾個show都藉得睇(金裝米奇、lion king & 3D)，你留意時間去排隊！ click here for more reference!   

龍馬媽媽

Sandy媽,
多謝你的意見, 無留意到原來琳琳入左醫院, 唔知情況點? 現在天氣又濕又熱, 要小心保重身體, 我囡囡上次入醫院做小手術就好開心, 好似去旅行咁, 重唔想出院, 唔知琳琳慣唔慣, 有無扭計, 相信你都好辛苦, 你也要小心身體!

mariachn

龍馬媽媽
我係上年8月rehersal 時去disneyland,鈞鈞最喜歡玩巴士光年的射槍,仲玩左4,5次連巡遊都無睇!兩兄弟就好開心!我同爸爸就轉到頭都暈埋!初初都覺得無睇巡遊好可惜!但想起佢兩個笑得咁開心都無所謂啦.我自己就覺得winnie the pooh 好靚好好睇,同故事書的情節一模一樣,以山一定好喜歡!在遊阿亞馬遜河時鈞鈞比d火嚇親,仲好似樹x咁要我抱住,真係手都軟!回程未到一半就睡著! 好彩有bb車!

Sandy媽,
有同學仔的慰問!琳琳一定會快D好返!


AAI,
上次聚餐的大魚蛋我在大圍找不到,有時間請再話我知!唔該無賴媽媽!

Imysze

SANDY媽,

俊銘說好掛住琳琳, 很想她可以早日回學校
一起玩.

星期日應該可以出院了, 是嗎?
那好好再休息3天, 就開始再返學.

相信你們一定很辛苦, 晚上是不是
要在醫院陪她? 是住私立或公立
醫院? 在醫院里, 她會不會感到
很悶?


imysze

囡囡媽

多謝各位媽咪對"流行歌"的回應，其實如果囡囡只在家中唱，我都覺得無問題，只係佢經常在街上或巴士上開演唱會，流行歌又比較通俗，又對其他人做成滋擾; 其實我都同佢講過好多次，但到下次佢又唔記得了，又再黎過。  

Sandy媽,
我都有問過囡囡班中有無同學仔無番學，佢都有講琳琳入左醫院，佢仲講d同學仔做左張咭送比佢。起初我想只是同組的同學做，估唔到同班3組都一起做給琳琳，領我覺得創價的老師都係好好呀!
希望琳琳快d好番、快d番學啦! 佢有無掛住番學呀!

YIYIKO

Hi 囡囡媽:
我囝囝又是和妳囡囡一樣經常在街上或商場內開演唱會，他會哼一些無厘頭的曲子或是唱學校的歌，音量有時都幾大聲，會吸引到別人的注視，我都有叫他不要唱，但他又不理會，其實他們是否想引人注意呢？我都覺得幾頭痛

Sandy媽：
妳囡囡好番未呀，現時的天氣時冷時熱很容易病，各位要小心身體呀，祝妳囡囡早日康復

另外請問各位媽咪有無比維他命丸小朋友食，因為囝囝之前吃開的牌子很甜，有無邊隻牌子是無咁甜呢？可否介紹給我呀，唔該。

Sandy媽

Hi All：多謝各位媽咪對琳琳的關心，她昨日已出院，返到屋好雀躍剿玩具玩，又攬住隻好耐冇玩的bear bear熊訓覺她在醫院的一個星期都冇乜扭計，夜晚菲傭留夜陪佢，我剩係放工探佢&上星期六陪過夜，如果晚晚陪過夜我都病埋一份，因夜晚冇覺好訓！

Imysze：佢入住St Teresa Hospital，同房有個2歲幾&10歲小朋友都係肺炎，開頭同個2歲小朋友一齊玩，但醫生叫唔好玩得太埋以免互相感染唯有分開佢地！

YIYIKO：我有比開kawaii肝油丸 &一隻澳洲brand的羊奶片，食完羊奶片而家比另一隻牛初乳片 (在工展會買的，唔記得牌子遲d話你知) ，但亞女唔鍾意食新野，激死   

wing_BB

我計劃今年尾幫囡囡考創價，唔知佢地會唔會收細b呢？因為我囡囡係10月出世，同埋各位媽咪可否比d考試tips我呀？真係萬二分感激。謝謝！

龍馬媽媽

創價係會收細b, 我個女都係10月出生, 佢係直入不需waiting, 老師話我知, 同班都有人細過佢! 考試無特別, 最緊要平常心, 媽咪唔好緊張, 因為你心情都影響小朋友表現!

wing_BB 寫道:
我計劃今年尾幫囡囡考創價，唔知佢地會唔會收細b呢？因為我囡囡係10月出世，同埋各位媽咪可否比d考試tips我呀？真係萬二分感激。謝謝！

Imysze

SANDY 媽,

等我告訴俊銘, 琳琳已出院, 他經常問我
知不知琳琳幾時會返學? 那麼4月6日會
正式返學了? 他們又可以一起玩啦!



imysze

Sandy媽

Imysze：我明早會同琳琳覆診，好大機會星期四返學喇 我要教佢多謝各位老師/同學仔的關心，唔知佢識唔識講呢

billysim

Imysze 寫道:
我覺得現時不是換夏季校服的時候,
為什麼那麼早要換夏季校服?

今天我還是幫小朋友穿冬季校服
我認為在這下雨天, 穿冬季校服會較保暖,
始終小朋友抵抗力較差, 要小心受涼.
不知其他學校是否也在現在換夏季校服?
還是創價較早更換?

其實一直以來我覺得對校服有些疑惑,
冬季校服為什麼要穿短褲, 而不改為穿
長褲? 這一個冬季以來, 因為怕小朋友
不夠暖, 幾乎整個星期都是穿運動服,
變成冬季校服好少機會穿. 好像很
浪費. 然後運動服日日洗, 洗到起晒
毛粒.

不知大家有沒相同的問題?

校服是學校自己規定, 或是跟服裝供應商
的款式來選擇?

imysze

我囝仔9/06都會入讀創價K1, 學校樣樣都好係套校服就    真係差咗D, 而男仔要穿短褲我估是因為日本文化D男仔都係穿短褲.

billysim

hello各位

噚日我老公話撞到樓下個太太咁arm講開阿仔讀創價, 佢話都有聽過呢間學校都幾好既, 不過佢話擔唔擔心第時考小學時會入唔到d天主教&基督教學校(我諗佢係講自行投考o個d), 因為佢話佢個仔就係讀咗間佛教幼稚園讀入唔到d天主教小學    

龍馬媽媽

UP 返上來

香氛園BBQ一日遊：
日期：17/4 (Monday)
時間 : 10:00am在粉嶺火車站集合
截止報名日期：7/4

Sandy (3大1小)
Virginia (2大1小)
龍馬媽媽 (2大2小)
TSUNTINGMA ((2大1小)
mariachn (2大2小)
珍珠媽咪(2大1小)"多數係1大1小

BBQ or not?

Sandy媽

Hi All: 仲有冇人有興趣join香氛園一日遊呀(而家可能係半日遊 )？明日截止報名！

龍馬媽媽：你想唔想bbq呀，琳琳剛剛好返我都no bbq喇！

Virginia/TSUNTINGMA：你地會否繼續BBQ？

其它已報名媽咪：如不bbq，園內只有些小食供應e.g. 豆腐花、即食腸仔等。你地講下想玩上午or下午食完lunch先來

香氛園一日遊：
日期：17/4 (Monday)
時間 : 10:00am在粉嶺火車站集合
截止報名日期：7/4

Sandy (3大1小) - no bbq
Virginia (2大1小)
龍馬媽媽 (2大2小)
TSUNTINGMA ((2大1小)
mariachn (2大2小) - no bbq
珍珠媽咪(2大1小)"多數係1大1小 - no bbq