“元朗區"小六升中交流區

ikenmak

草原 發表於 18-12-21 22:31
回覆 小肥朱 的帖子

羅中不是英中。兩班英文班，兩班雙語班（ IS用中文）。

羅中比較似雞肋（說笑）,適合Band1C-2A 學生，但統一填表超頭痛，究竟當B1填定B2填？

題外話：羅中1月6日有升中講座（不過各位家長屆時都已確定邊間，甚至已交表）

piglet0529

ikenmak 發表於 18-12-22 09:42
羅中比較似雞肋（說笑）,適合Band1C-2A 學生，但統一填表超頭痛，究竟當B1填定B2填？

題外話：羅中1月6日 ...

適合邊沿人？

ikenmak

piglet0529 發表於 18-12-22 09:53
適合邊沿人？

因為羅中和基元處境差不多，都會收少量B2生（統一派位）,分別係基元全英中，羅中係半英中。

而且好多街坊仍覺得羅中係B2校，深入民心，卻忽略羅中成績不斷進步，其他同級中學就停留。

之前羅中仍是邊沿人首選，今年和往後幾年好大機會九成以上都係b1生。

加上元朗有好多間B1中學，天水圍得1間（不計李兆基）,羅中升格都好合理。

以上純個人看法。

草原

回覆 ikenmak 的帖子

對邊緣人嚟講，當B1填萬一原來係B2會比B1抽晒，碌咗去後面（有人試過），B2填佢的話又要等B1抽哂至有機會抽，不過有位都唔會多，睇彩數。我囝舊年嗰級派入去嘅全部係band 1生。因為好多堅B1已經放羅中喺好前嚟抽。

交咗表嘅1月6號更加要去，到時會講解面試題目同注意地方，我最記得校長嗰句:“我呢度唔係happy school”

草原

回覆 piglet0529 的帖子

忠告: 邊緣人揀佢乙一的話乙二要好小心填。

草原

回覆 ikenmak 的帖子

直頭升值潛力高，校長自己都話由天水圍開荒band 3做到依家咁嘅成績。入面啲主任，老師等有啲教咗好耐，喺入面識埋另一半啲囝囡都入埋U。我係欣賞嘅，所以我將佢放保險線（第五志願），當時已經同囝講，底線係呢間，派到就去註册，唔會再叩門。

ikenmak

草原 發表於 18-12-22 10:29
回覆 piglet0529 的帖子

忠告: 邊緣人揀佢乙一的話乙二要好小心填。

同意同意！邊沿人乙一選羅中，乙二不能選基朗（要選次一級）,因為乙一入唔到羅中，即表示你子女係B2,B2放第二志願在基朗只係浪費機會。
所以我和你看法相同，邊沿人係超難選校，乙一進取後，乙二便要非常保守，否則派去B2C校都唔出奇。（到時就要四處叩門）

草原

回覆 ikenmak 的帖子

講開叩門，放榜後我啲friend撲學校撲到喊，等消息嗰晚直頭瞓唔倒。世事難料，今年我可能都要撲，

ikenmak

草原 發表於 18-12-22 10:53
回覆 ikenmak 的帖子

講開叩門，放榜後我啲friend撲學校撲到喊，等消息嗰晚直頭瞓唔倒。世事難料，今年我 ...

其實今年和往後幾年，家長需叩門的機會會增加，因為今年學位欠200個（元朗區，所以借屯門位,某中學校長說的）。

不過你有經驗就鎮定得多，好多家長得一個寶貝就非常緊張了。

其實叩門都有些要點注意，不過現在講太早了，到七月再提下各位家長都未遲。

祝各位家長如願以償，子女入讀合適學校，唔駛叩門。

草原

回覆 ikenmak 的帖子

我冇叩門經驗㗎，講嚟聽吓唔該……

ikenmak

草原 發表於 18-12-22 11:12
回覆 ikenmak 的帖子

我冇叩門經驗㗎，講嚟聽吓唔該……

以下純個人看法：
人係望高處，自行會睇高一線，到統一時會降低至睇高半線，如果派位好差，作為父母就面對現實搵間最最最適合子女的學校。
以B1C-2A邊沿學生為例，自行會選b1c校，統一也同樣選，最後派去B2C校。

到時家長會降低要求，面對現實，只求一間普通B2A校算了。

叩門至合適學校，根據觀察是好大機會收的。叩門有如音樂椅遊戲（EK某些版主形容十分貼切）,家長一定要去派位校註冊，同時去叩1-2間校。

假設17/7註冊，你叩門後要等（係要有耐性咁等，在10/8前如合適就會來電通知）升萬別寄望21/7左右就有結果，因為音樂椅需要時間。B1A...B1C...B2A輪住轉，期間你別急於買書買校服。

ikenmak

ikenmak 發表於 18-12-22 11:38
以下純個人看法：
人係望高處，自行會睇高一線，到統一時會降低至睇高半線，如果派位好差，作為父母就面對 ...

B2A校一定收到些B1生，這批會叩門，待成功後自然騰出學位。

b2a校唔會有b1生叩門，只有B2A生叩，只有家長保守叩門，不再進取，入番相應程度學校不難。

最重要的係：耐性（等到8月中）

以上係個人觀察，身邊真有例子，奈何買晒書校服而放棄叩門位。

ikenmak

ikenmak 發表於 18-12-22 11:46
B2A校一定收到些B1生，這批會叩門，待成功後自然騰出學位。

b2a校唔會有b1生叩門，只有B2A生叩，只有家長 ...

不過都係果句：叩門係非常痛苦的事，成功率不高，建議家長按子女能力選校，別相信太多“睇高一線”。

ikenmak

birdbird522 發表於 18-12-21 10:42
回覆 ikenmak 的帖子

基朗，鄧佩瓊，我都識人讀緊，學術就一定唔係好叻，入到精英班讀書風氣就比較好，基 ...

我都想分享一下一間好神奇的本區中學，她盡收B2B3龍校生（估計大部份B1生跳船），但六年中學教育之後，學生成績近乎B1C。

如子女B2A左右,其實可考慮一下這校（雖然學位較少，但應申請人數也相對較少），值博率相當高。

elderberry

ikenmak 發表於 18-12-22 12:48
我都想分享一下一間好神奇的本區中學，她盡收B2B3龍校生（估計大部份B1生跳船），但六年中學教育之後，學 ...

有興趣知邊間？

ikenmak

elderberry 發表於 18-12-22 12:56
有興趣知邊間？

相比其他龍校，這校很神奇。
伊中中盡收B2龍校生，6年教育後都係B2A
耀道、天循更不用說啦。
這校在屯門果兩間同集團更是很熱門中學，所以不得不佩服這集團的管理。

你知道這校是什麼卦？嘻嘻...

elderberry

ikenmak 發表於 18-12-22 13:09
本帖最後由 ikenmak 於 18-12-22 13:11 編輯

相比其他龍校，這校很神奇。

翁x？我唔知佢係咪龍校，對呢間學校唔多熟悉，只識上年有個小學全级第二，都唔跳船而直升，中學留得住啲叻學生

草原

回覆 ikenmak 的帖子

結龍焗住要收，冇計，所以谷唔起。
青中都講明少咗收青小的學生，不達標不會直升。
耀道好似啱啱嗰年多咗科目用英文教。

草原

回覆 elderberry 的帖子

有日文讀，DSE容易拎5＊＊，大學某啲學系當分計，但奇怪我囝學校唔太推介呢間，又唔見多人揀，將佢列入band 3，情願叫人去屯門玩。
不過又有好多人話佢ok，呢間得16個位抽咋噃。

草原

回覆 ikenmak 的帖子

去過佢集團屯門嗰間聽簡介會，我覺得好有壓迫感，雨天操場放曬啲獎盃成行成列，但吸引唔倒我