2010~2011 小一家長請進!

ElizabethLAI

原帖由 magiccandy 於 10-11-12 08:59 發表
昨天派了中文卷，是考得最差的一份，只有五十幾分。我個女都是大意，例如:答"對不起"只答了個"對"字。閱讀理解也有很多錯，我說她考得不好她就開始哭了。份卷要求都幾高，我們已溫書溫了很多次，上次pre_test也考得比較好，沒想到 ...

我兒子也是不合格,只有四十幾分.我覺得份卷根本不是小一程度,尤其是那些閱讀理解非常間接,我懷疑有幾多人能答到第一篇的第三題.究竟全班拿最高分的是大概是幾多分?

昨天悲觀起上嚟,諗緊下年係唔係要轉校呢?

loveAM

唔緊要la！我個仔都考得麻麻地，pre-test都幾好，but今次差左，份卷都幾深，跟住落來要操多d課外野，唔可以c讀書，我地一齊努力，寄望下次考好d，我都忍住冇話佢，淨係同佢講，中文真係要花多好多時間做多d la。

l_law

我就覺得份卷好長, 英文成8頁, 中文有43題(好似係).我個仔睇到都心都急、急,所以大意和唔小心的錯係可以理解和同情的,始終係第一次面對測驗戰場!

bb200

Hi,
我女都係中文科係測得最差，不過睇完份卷後都完全接受。因為真係深，尤其係第二篇閱讀理解，問題完全唔關文章內容事，是需要從文章選出詞語回答另外的問題(即係話要完全明白文章並了解詞語的意思及懂得運用)。這樣的出發點是非常好，但對第一次測驗的小一生來說真係有點深。所以我都無鬧她，因為當中我亦看到她盡了力，這已足夠。

loveAM

根據大家的意見，中文測驗真係比較深，but應該都有小朋友好高分，我地大家再努力d la！

bb200

我上次見到pre-test的成績都好灰，亦有你的諗法，每天做完功課都無時間溫習，更加完全無電視，無得玩，我同佢都好吃力，仲睇埋有無得留班。但之後諗返測驗考試只是學習的過程，最重要係學到知識。
我朋友仲嘔血，都係循小，測驗3星期前開始溫習做好準備，結果0分返嚟!
所以唔好咁灰，小朋友都唔開心，始終讀書仲有漫長的路!

小鄧

loveAM,
我去旅行呀, 我今日會去買d小食俾佢帶去旅行, 我會買多少少, 等佢可以同同學仔分享, 仔仔問我去唔去, 我問返佢想唔想帶我去, 佢就話好, 我當然話去啦, 佢就好開心話叫我照顧埋某某同學, 因為佢爸媽唔得閒去, 我又答佢好啦。仔仔好攪笑。

小鄧

關於中文測驗卷, 我仔仔都考得唔好, 計落有成10分係抄錯字, 一係欠一劃, 一係多左個剔, 一係寫得唔好, 一係有左邊冇左右邊, 好多0.5分扣扣扣。作句兩題放棄, 一個字都冇填。唔知係唔係句句子抄得太長, 又係抄到尾來錯。
閱讀理解可以用一敗塗地來形容, 我以為得一篇, 點知係兩篇, 仲要第二篇係咁樣出, 當然錯晒。


死啦, 我有鬧佢添, 初初改正時我都冇理佢, 接受佢錯的, 嘗試找地方讚下佢.有d part 都可以啱晒。但因為佢昨晚唔知仲咩失常, 做完功課後, 畫畫唔靚又喊, 練琴又喊, 結果我起火罵他, 仲罵佢測驗唔好......，反而之後冇再失常。人忙起來又唔夠睡係火d, 今個星期公司忙完, 我要調整下自己, 唔好再罵仔。

轉校? 唔使啦, 天下烏鴉是一樣的, 好好努力現在吧, 找出小朋友的弱項, 針對性溫習, it's work but need time。

仲有常識未派, 好驚呀, 千萬唔好好似中文咁啦。

小鄧

第二篇第三題, 我昨晚好眼睏, 找不到, 今早睡醒, 我再試下, 找到了。我會理解到如果小朋友好疲倦, 不在狀態時, 係咩都會唔識答的, 所以下次我其中一個準備係俾佢休息多d。

hellokitty2002

我雖然未收到份中文測驗卷.  但我都估應該幾深.  因為測完當天囝囝話有好多地方都空左冇做.  再加上聽完大家講之後...我相信唔合格居多了.

Crabtree

我係小二的家長, 其實小一係有老師讀卷的, 但可能老師限了某一部份的時間, 如果小朋友不能在這段時間完成, 就要skip咗, 因老師會讀下一部份的問題. 有時間多, 才可以做番之前未做的問題.  所以總括而言, 係要小朋友識多啲字, 寫快啲字, 才可以幫助他們考得更理想. 當然課文內的詞語, 他們要理解. 另外, 還有重組句子, 排句成段, 標點符號, 詞語造句也要幫他們重溫.

小鄧

Crabtree,
多謝你的提點, 仔仔都有話老師會讀題目, 但係好快, 做唔切, 返轉頭做就唔記得老師講過咩, 佢話再問老師唔彩好佢, 我估要公平, 唔可以再講呢, 短時間內又學唔切咁多中文字, 所以我今次同佢重點溫習係凡事靠自己, 同埋凡事靠估。日後真係要多d認字。

我想問下點樣可以幫到小朋友唔好成日抄錯字? 對住抄都係抄少一點、一劃等等...。到底佢抄錯的原因是什麼?

Crabtree

我個囡都有此問題, 所有詞語明知有得抄的, 一律我都要佢識默, 咁樣第一版詞語就會少出錯, 除非不明詞語意思. 或者係用左手指住個字, 右手跟住寫. 不知能否幫到你. 但工作紙係要溫的, 因會出啲類似的題目.

hellokitty2002

昨天終於收到中測卷.  睇完份卷及成績後.  成績不過不失.  覺得囝囝有咁既分數.  都可以接受.  仲有常識科唔知幾時會派?

loveAM

測完驗完全放鬆晒，玩足幾日啊！
中文就來有默書LA!!!每次兩課，努力啊!

aquarius828

各位早晨丫!

係丫, e幾日都好relax了! 你地提到測卷, 仔仔d成績都叫ok啦, 但我唔滿意都係科中文, 因為係最低分的, 仔仔都有同我講, 老師講得好快, 所以佢要寫得好快, 所以我見佢中間會miss咗d字(係照抄都食miss的) 過多個幾月又要考試啦, 大家要再加把勁啦!

轉校?! 我都覺無咁嘅必要啦, 剛剛先小一咋喎, 又係第一次測驗, 大家都要比d時間出嚟適應, 遲d會好d架啦, 唔好睇到咁灰啦!

星期五旅行啦, 大家一定要見個面丫!

aquarius828

Crabtree,

多謝指教丫! 係呢, 測驗老師會讀卷, 咁考試呢? 都一樣會讀的嗎?

原帖由 Crabtree 於 10-11-13 00:26 發表
我係小二的家長, 其實小一係有老師讀卷的, 但可能老師限了某一部份的時間, 如果小朋友不能在這段時間完成, 就要skip咗, 因老師會讀下一部份的問題. 有時間多, 才可以做番之前未做的問題.  所以總括而言, 係要小朋友 ...

小鄧

咁快問定考試, 唔好咁啦, 放鬆d。
我返而想問中文默書, 得寫住第幾課, 咁即係溫句字定詞語, 我只知道會用普通話讀一次, 中文奚讀一次囉。

你地有冇同學會參加1月2日跆拳道的活動, 仔仔剛剛學, 係咪唔參加好d呢?

l_law

嘩!你哋咁勁,已知中默d料嘅.....出咗通告咩????我又唔覺wor????

aquarius828

各位早晨丫!

我今日叫仔仔問下中文老師默書會係點默, 句字定詞語, 點知我仔仔都未問, 就一口答我應該兩樣都會有架啦, 笑c
另外, 跆拳果度, 因為仔仔之前都叫學過下, 所以我就比佢試下, 但你初初學, 你不如直接問下教練啦!

常識測卷派了, 係4科最高分的一科 份卷係一樣的, 我見果兩題係問脅拎人質係邊個國家同埋登革熱係經咩傳播

原帖由 小鄧 於 10-11-15 11:01 發表
咁快問定考試, 唔好咁啦, 放鬆d。
我返而想問中文默書, 得寫住第幾課, 咁即係溫句字定詞語, 我只知道會用普通話讀一次, 中文奚讀一次囉。

你地有冇同學會參加1月2日跆拳道的活動, 仔仔剛剛學, 係咪唔參加好d呢? ...

[ 本帖最後由 aquarius828 於 10-11-16 08:27 編輯 ]