金巴倫家長會

hohan

mickeywinnie3,
其實我屋企都有巴士去學校,但係個站係太子道的,行入去又係行好耐,我又好擔心亞仔會喊,真係頭都大.
咁你地咪要請成個月假,我放唔到咁多呀,我都想join埋你地一齊,等我諗諗先.

其實係唔係所有K1學校都唔准陪呢,你地知唔知呀.

vvmakyy

Hohna,

上年我朋友的囡囡係黃大仙-竹園的屋村讀k1, 家長都可以伴小朋友一齊上堂, 重影video, 而 St. Catherine 的家長可以同小朋友一齊上堂, 不過就企課室的後面, 冇椅子坐, 總之都好啦!

開學日可唔可以同小朋友一齊坐校巴返學o架?


vvmakyy

hohan

vvmakyy,
係啦,都唔明點解頭幾日唔可以陪,咁細個小朋友去到一個陌生環境實驚架.
亞仔正式讀書都唔可以影低片段留紀念.

我問過校巴話唔比大人一同坐校車的.

mickeywinnie3

剛剛打去校務處, 佢地好強硬, 堅決不比家長陪一兩天, 我話會嚇到小朋友, 日後不肯返學, 她說不會, 此情況好少發生, 老師會有辦法, 除非小朋友喊到嘔! 就會通知家長。
ESTHER: 妳地以前係點呢??? 請教路!!
  

vvmakyy

陪小朋友一兩天都唔得, 學校做事作風真的好死辦,  都唔接受依家普遍的幼稚園做法, 都唔理家長的感受

vvmakyy

mickeywinnie3

如果好多家長反對, 妳估學校會唔會聽呢?? :evil:  :evil:

vvmakyy

mickeywinnie3

我諗反對就唔好啦, 反影意見就冇問題, 學校可能會覺得我地的家長太多意見, 到時影響到自己的小朋友就麻煩

vvmakyy

chandy

Hi 大家好呀﹕
學校派位出左啦~~，如有問題而我答到我好樂意解答。

點解學校唔俾家長陪上學，我之前亦好擔心亦有問過，學校答覆話，因怕小朋友見到家長會有依賴，更加難適應。

而我原本打算自己送小朋友上學，但學校建議小朋友坐校車，等小朋友獨立的。

我仔仔第一天上學亦是坐校車，好搞笑~~佢死人都拉住我老公件衫唔放，結果校車保母叫咪我老公上車一齊到學校，在落車時學校各老師早有準備，在小朋友下車時未有反應之下，已好似趕鴨仔咁入好快趕到班房，連講拜拜機會都無。

在這方面我覺得學校安排得幾好，反應幾快，如自己帶上學，小朋友未必會聽話入學校。

上堂時如小朋友哭，老師會帶小朋友離開課室，以免影響其他小朋友心情，帶佢地去另外一課室睇卡通片，等佢地心情平覆再帶返原有課室。

而學校方面亦有個別致電家長，通知小朋友第一天上學情況((因人數太多有的可能要等2-3天才知道，如心急想知道可致電學校查詢))。因我仔仔第一天亦要睇卡通片，所以咪知囉，哈...哈...聽完我覺得幾好笑、幾開心架。

結果第二天上學，我仔仔已肯自己上學，仲同我地拜拜。

(可自行報上資料! thank you1)

vvmakyy : N1A (Tiffany, 麥愷婷 july,2001)
hohan : N1B (Cyprian, April 2001)
mickeywinnie: N1B (noddy, 栢謙 may,2001)
hihi : N1D (Harriet's , sept,2001)
TszchingDad : N1D (Tsz Ching, Nov 2001)
mchoi : N1E
天使媽媽 : N1E (MACKO MAK)
angusmum : N1E (ANGUS)
eling_yeung : ??
jerryma : ??
esther : 2003-2004年度( N1E), 2004-2005未知
chandy : 2003-2004年度( N1E), 2004-2005 L2C

天使媽媽

Hi hihi, winniemickey, vvmakyy, hohan ...

我決定陪囝囝1個月, 9月份搭校車.我可以join你們去又一城行街.我覺得學校話有兩星期適應期, 甚麼叫適應期, 叫小朋友自己適應, 其實好多學校都可以陪. 我同事囡今年9月讀St. Rosa 都有三天陪上堂啦. St. Rosa 出名紀律嚴厲, 都可以陪.
如果小朋友哭, 老師帶佢去隔離課室冷靜, 好似係可以控制一段時間, 但我覺得小朋友係害怕去令一個咁寧靜地方,又一個陌生課室, 又沒有其他小朋友所以控制收聲.不過我知道我囝一定哭哭啼啼.現在我話比囝囝聽下個月返學, 佢話好, 媽媽要係到, 唔會走.我聽到都唔識答.

Jerryma

各位媽咪,
我仔仔讀N1D 呀 ! (2001年3月)

Jerryma

hohan,

其實我仔仔之前己經Interview咗同被取錄咗, 但我無交留位費,因為我同仔仔報咗好幾間幼稚園,亦都取錄咗, 本來決定咗讀另外一間,校服同書都買咗, 但最後諗諗吓,都係讀返金巴倫,所以咪咁遲囉 。你又係啱啱報名呀 ?

Jerryma

mickeywinnie3,

我仔仔讀N1D。

清楚啦,唔該晒。報名嗰日我剩係攞咗書包, 交學費同報校車, 書,校服同名牌就要8月7日家長會先有得攞喎。

mickeywinnie3

(可自行報上資料! thank you1)

vvmakyy : N1A (Tiffany, 麥愷婷 july,2001)
hohan : N1B (Cyprian, April 2001)
mickeywinnie: N1B (noddy, 栢謙 may,2001)
hihi : N1D (Harriet's , sept,2001)
TszchingDad : N1D (Tsz Ching, Nov 2001)
jerryma : N1D (jerry)
mchoi : N1E
天使媽媽 : N1E (MACKO MAK)
angusmum : N1E (ANGUS)
eling_yeung : ??
jerryma : N1D (jerry)
esther : 2003-2004年度( N1E), 2004-2005未知
chandy : 2003-2004年度( N1E), 2004-2005 L2C

chandy ,
thank you!!聽妳講完學校又好似好有道理!!安心d了!!
其實個個小朋友點都要學習適應! 想問升小學妳有心水未呀????

  

jerry:
咁妳之前考了邊間呀?  金巴倫是否心水呢?? :  :

vvmakyy

Hi all mon,

其實, 我唔係質疑學校不准家長陪上學的做法, 當然, 小朋友適應學校的生活是遲早的事, 只不過做父母的都希望能夠見到自己的囝囡一生人每件事第一次, 學行路, 學講話... 特別是開學的第一天, 留下美好的回憶, 你地話係唔係?

vvmakyy

天使媽媽

Hi vvmakyy:

我支持你講法. 每個父母都緊張自己小朋友每一件學到事件, 可以加心了解.陪佢成長.

hohan

Jerryma,
係呀,我都係早你少少報名咋,我係因為留左位果幾間都唔合心水,最後見係bk金巴倫的資料,而且好多家長都話唔錯,所以決定讀金巴倫.
你點解又係最後都揀金巴倫,你之前揀邊間呀.

Chandy,
見你咁講我亦覺得放心左,以金巴倫咁多年經驗,佢地應該知道點樣照顧喊的小朋友,不過好似vvmakyy話齋,想影低佢地返學第一日的情境都唔可以,比較失望.
另外想問你係唔係有佢地今年派位的list,可唔可講講有咩學校,我果日睇完都唔係好記得,或者你方唔方便fax一份比我呀,如果唔方便唔緊要架,謝謝.

Jerryma

hohan & mickeywinnie3,

我同仔仔考咗5間, 其中包括九龍塘宣道及保良局譚歐陽少芳, 九龍塘宣道係我哋首選, 因九龍塘宣道有小學嘛, 而且聽聞成績出來都唔錯, 但係仔仔間間都收佢, 就係宣道唔收佢, 我同老公都好失望。所以後來咪揀保良局譚歐陽少芳囉, 因為佢係全英文幼稚園, 同一般保良局幼稚園唔同, 我朋友嗰女讀緊, 我見佢啲書都幾深,全部都係英文, 只有一本中文科書係中文, 朋友話佢囡囡真係學咗好多英文, 因為小朋友喺一個英文嘅environment學習,而且佢哋啲老師都係用英文同家長communicate, 好似Interview嗰日, 其實除咗問小朋友, 亦都問家長 (全部用英文), 好似我去Inerview咁, haha.....所以咪諗住比仔仔讀囉, 校服同書, 所有費用都交晒啦。

不過後來睇吓啲網頁同其它家長嘅comment, 金巴倫都唔錯, 因為譚歐陽少芳係Hunghom,我仔仔報咗下午班, 但係要10:30上車, 連lunch都食唔到, 因仔仔好多時都唔食breakfast, 所以如果連lunch都食唔到, 咁就有問題, 所以最後咪决定報返金巴倫。唔知金巴倫多唔多功課呢 ? 譚歐陽少芳就好多功課。

最後, 我都想要一份今年小學排位list, 請問有無家長有呀 ?

vvmakyy

Jerryma,

我都有幫我囡囡報保良局譚歐陽少芳上午班, 但係佢地唔收我囡囡, 如果佢地收我囡囡都不知幾頭痛, 到時都唔知選邊間好, 其實保良局譚歐陽少芳非常注重英文, 這是我報考的原因, 但係如果讀下午班就一定唔讀啦, 佢地安排上車的時間十分唔好, 小朋友都唔知食早餐定午餐好?

vvmakyy

chandy

hohan & mickeywinnie3 ﹕

學校派位表沒有提供俾家長呀，所以我都無呀，我亦是到學校取書時睇下喳，不過我睇到好多派位圴是派返同區，上年度只有2位學生派喇沙、培正，而大多數都是官立小學居多。

所以我亦唔敢抱太大的希望可入到什麼名校，一來現在小朋友未定性，二來仲有兩年時間再學習下，不過這間學校英文不錯，現在等佢打好個底，到讀小學時唔使追到咁辛苦。

而且時不時有其他家長教路，小學反而不用太擔心，而係佢小學成績如果好，可以讀到"精英班"，昇中派位才是最重要的。

我本身比例喜歡一條龍學校﹕浸會、培正、民生等，不過全部是跨區，如到時擇唔到，唯有擇返同區官立小學，都唔錯架。

係唔係睇我好輕鬆呢 :  : 其實我自己亦好緊張小朋友的，只不過我覺得如果俾小朋友太太的壓力，可能會適得其反，亦令到小朋友反而難以適應，不如輕鬆的，妳地話呢 :        

Jerryma

Esther Cheng,

我想問K1多唔多功課架? 咁你仔仔讀得開唔開心呀?仲有教學方式係咪用英語教學定用中文教學架?