迦南K1會

BNTYA01

joyce,

僖仔瞓得唔好，都係呼吸時好辛苦，你試下瞓時，用個高啲的枕頭，拯托住佢由頭至腰部都形成一個好似坐的姿勢，10至20度角都得，等佢個肺擴張得好啲，臨睡前同佢搽啲薄荷膏於背脊和胸口，及鼻下(i.e人中)，試下啦！
幫佢拍下痰啦！

冬冬帶咗個上錬謢士公仔返去講，不如你問下梓翀，冬冬有冇講到嘢？

牙醫係蕪葫街，鄭健医生，he may come from mainland china.

pmjleung

annie,

到梓翀返返下學發高燒,102度,同佢睇左醫生,醫生都話如聽日都再有燒要入院照肺,佢個肺都有雜聲,開左抗生素俾佢,但餵唔到梓翀食,佢一食嘔番晒出黎.....

細佬果度我試下啦......

我尋晚問左梓翀,但佢竟然話冬冬帶左雀仔返去

pmjleung

謙媽,

你都帶返個mask唔好傳染俾謙謙呀

BNTYA01

謙媽，
我老公今日去揍放學見到你，原來你唔舒服？sick leave today？有冇吃藥？

BNTYA01

joyce,

嘜咁大劑嘢，2個病哂，你自己都小心啲，唔好只掛住佢哋你食唔夠、又瞓唔夠。咁梓翀明天都唔返學啦，唔知冬冬會唔會掛住佢呢？

冬冬昨晚半夜喺咁狂咳，擺明寒咳，我摸下佢背脊，凍冰冰，好似啱啱瞓完喺個開咗冷氣啲地下上，原來寒咳個背脊會凍，咁我咪幫佢搽蔓受london薄荷膏，搽咗之後，背脊暖番就真喺冇咳。

pmjleung

annie,

梓翀依兩日都冇返學,星期日覆診胗下佢個肺清晒未先再決定星期一返唔返,因佢都係肺炎(個肺有好多痰)

話說前日燒到103度食左藥退左燒,尋日體溫得35.7,嚇c我,我地帶左佢去qe睇急症(諗住要照肺),但竟然要等160分鐘    於是乎我地去左法國睇,不過好在唔洗照

今早同僖仔返qe覆診,我係一個路痴,佢要我先去e座俾$$,再返急症,急症話叫我去h座照x-ray,再去急症搵護士站,見完醫生又要我返e座會計俾$$,再返去攞藥.....

BNTYA01

joyce,
咁僖仔照咗肺後，有冇好啲？你臨去QE前，有冇睇診所啲醫生？去qe睇，真係浪費好多時间，最近我覺得陳少儒医生幾好，即黃鍚偉隔離，因黃等得太耐我先轉睇陳，其实發高燒未必一定即刻去睇急症，睇陳都ok，佢開啲氣管藥都幾好。
冬冬前2日睇陳，因咳咗好耐，食咗余仁生2个礼拜都唔得，食咗佢啲藥2次，好咗好多，好得8成。
你試下佢！

pmjleung

annie,

僖仔個肺冇事,梓翀都係~
我去qe之前有打俾診所醫生,我地一搬黎就睇佢,雖然佢唔係兒科,但好細心,同我地成家都好合~就係果日佢放假,我帶僖仔去dr.kwok到睇,佢話係支氣管炎 仲有d退燒藥退唔到燒,qe d醫生睇左d藥叩我地唔好食

仲有,我打算做激光矯視,你知唔知邊間好d??
我日日唔夠瞓,帶contact lenses好辛苦,因我太深近視帶眼鏡唔出得街......

BNTYA01

joyce,

2個仔冇事就好囉！你都休息多啲。

LASIK喺我準備結婚時已想做，我去咗養和check眼、咩手續已搞妥，但當医生再講做咗LASIK後，35歲以後一定會变老花，到時又係要戴番眼鏡，我之所以冇做到。諗諗下，做親眼科醫生，佢地都戴番眼鏡，甚少做LASIK，你留意下。
不過，如你想做，養和都幾好，不過貴啲，我覺得係醫院做比較有信心，什麼激光矯視中心好似冇咁穩陣，但平。如你唔想变老花，唔好做足哂囉，預留多少少唔駛变老花。

BNTYA01

24號你哋去唔去旅行？我會參加呀！不過嗰日早上6點幾先放工，跟住直落，實眼瞓C我，唔知帶咩食好呢？
聯校旅行咁多人，咪有派爭厠所？我諗冬冬鴨定片穩陣啲。

pmjleung

24號我地未決定呀,因為梓翀要學畫畫.....不過我都係想去既

上年你冇去咩??都ok.唔洗爭厠所   

pmjleung

我諗住去法國醫院,近近地,但我都知養和好,因多d人講,我老公家姐早姆年係法國到做,佢話ok~

我每隻眼有800度+100散光

我覺得做醫生大多數帶眼鏡,我諗主要親番佢地既專業形象啫   

梓翀同我講佢返學唔開心 今早係學校門口仲喊添,幫我問下冬冬老師係咪罰過佢...... 我都會同miss kwok講下佢情緒問題~

BNTYA01

joyce,

我上年冇參加過旅行，你都一齊去啊，還有謙媽！
如學校旅行，畫班會停嗎？我嗰日咁眼瞓都參加，你哋冇理由唔去啦！

我今日1st time 用騰條打冬冬，太曳啦，當我冇到，佢食完lunch，問我可唔可以睇phonics vcd，我話唔得，要瞓完覺才可睇，但佢依然不理會我，自己走去播vcd，咁我咪 嗱嗱声走去攞騰條，叫佢攞隻手掌出嚟，打咗1下，佢驚到c，又cry又驚，我咪打蛇隨棍上，叫佢以後食飯食快啲、要自己攞stool(登仔)爬上厠所vv、自己攞厠紙抹、跟住冲厠所同洗手；佢今日一路cry、一路做，不知幾快，真係耐唔耐要體罰，冇得傾！

pmjleung

annie,

我對兩個仔同不時都體罰,但屋企冇騰條,怕有係度會失控打佢地    梓翀成日都唔聽我話,佢問完我我say no佢都照做,要鬧佢好耐先得~

尋晚僖仔又唔瞓,4點鐘又喊要起身,結果....我眼鏡跌爛左 今日要那那聲配過

梓翀今早係學校門口又喊 唔g咩事

pmjleung

annie,

我對兩個仔同不時都體罰,但屋企冇騰條,怕有係度會失控打佢地    梓翀成日都唔聽我話,佢問完我我say no佢都照做,要鬧佢好耐先得~

尋晚僖仔又唔瞓,4點鐘又喊要起身,結果....我眼鏡跌爛左 今日要那那聲配過

梓翀今早係學校門口又喊 唔g咩事

pmjleung

ANNIE,謙媽,

咁你地老公24號會唔會去呀?如果都唔會,我都叫老公唔好去咯~

仲有,你地有冇興趣上個專注力課程呀:睇下

4月有班,佐我同朋友時間唔啱,想自組一班,4-6人,睇下你地有冇興趣?

BNTYA01

joyce,
24號旅行嗰日，我已報咗2個人名，但我老公也要睇下佢嗰日可唔可以抽時間去，如唔得，就由婆婆參加。

睇嚟個專注力課程，我都要好專注咁逢每星期六上足8堂，我返shift，好難架，所以唔參加，睇下謙媽點？！

TIFFANYC

我都已報咗2個人名，但我老公也要睇下嗰日有無時間去，如果唔得，就由婆婆或姨姨代表。

我都好想學吓專注力，不過要逢星期六上堂，我考慮吓先遲Ｄ答覆你！

tifpat

唔好意思,想問下迦南通常會入哪些小學?而入學的interview是否好難?每年會否有機會給所有學生上台表現?定係只會給最好的幾名學生?因正為仔仔選幼稚園而煩惱,謝謝

TIFFANYC

謙謙今日開始上coby dance , 希望佢跟得上啦!因為,miss ho 話佢平日上英文堂唔集中周圍望,我估原因係聽唔明 miss 講咩就無心機上堂.

annie,

護士細妹話3月份"護協",每日送出不同禮物,你有無攞呀!細妹返學上堂收到2個護士造型"上鏈"公仔,謙謙話兒科護士係冬冬,手術室係健健 ,真攪笑.你有無想過冬冬大個,跟你做護士呢