究竟小三TSA/BCA為咩?

Vanadium

palmchristy 發表於 17-2-12 01:23
另外, 所謂無壓力低風險, 諸如唔記錄學校資料, 明顯同改善個別學校教與學呢個原意不同.  我想唔明點樣可以唔記錄學校但又可以將學校在個別題目的表現回饋返學校去改善教學.

講到呢點咁神聖，咁比份卷學校自己去考又如何? 學校改完就知學生識D咩唔識D咩，最好教育局出埋一個全港抽樣統計，比學校自行參考，有咩困難?

講黎講去，教育局一定要知你成績，要知你表現，完。

palmchristy

Vanadium 發表於 17-2-12 01:09
回覆 palmchristy 的帖子

你講既野我當然知道，但請不要強迫我相信政府。

你話: 話時話，你口吻令我覺得你有D似教育局官員。

我答你: 我唔係教育局官員. 只不過有見坊間有唔少不盡不實的說法, 我自己花左唔少時間去了解過教育局交俾立法會教育事務委員會的文件啫.

我接受唔到某些人在連基本事實都未了解清楚下就作出不實言論呢種粗疏做法. 要批評, 都要基於事實, 否則只會自暴其短.


話時話, 於討論中扣帽子, 唔係使人敬重的行為. 對增加說服力沒有幫助.

palmchristy

Vanadium 發表於 17-2-12 01:32
講到呢點咁神聖，咁比份卷學校自己去考又如何? 學校改完就知學生識D咩唔識D咩，最好教育局出埋一個全港抽樣 ...

我唔明乜野叫做比份卷學校自己去考. 你意思是在唔考TSA情況下, 由教育局出一份卷要求學校俾學生做嗎? 咁咪又係要學校的學生考多一份卷? 有乜好處?

你要表達你的想法: "講黎講去，教育局一定要知你成績，要知你表現。", 當然無問題, 只不過好難令人信服呢個意見係基於事實.

Vanadium

回覆 palmchristy 的帖子

老實講，你D回覆奇奇怪怪，講左一大堆野，講到教育局點想為學校好，但就無留意無論有咩更好替代，都無可能唔經教育局去知道學校成績下去考。

你不如真係認真解釋下，若教育局真係只想學校知自己學生水平，又覺得佢地自己出D卷做唔到，咁比份TSA卷佢地自己做有咩問題? 佢地做完改完，就會知邊題學生答得差，邊題答得好，有咩分析一定要教育局先識做?

MASAYA

palmchristy 發表於 17-2-12 00:19
如果你有睇開我之前的留言, 應該知道我係唔會認為教育局無問題的.

只不過以我了解, 一個小小教育局, 要兼 ...

呢個時候變成小小教育局... 就算唔完全因TSA而殺校，但有生死大權都唔叫小小嘛...
成績至上未必可以怪晒教育局，公道d講，社會主流意見，多數家長意向，都係成績先決，但教育局樂見呢個情況，對教育局既意義，係容易控制，只睇數字，只睇標籤，最容易講到似是而非，而家開始失控，係因為開始多人唔只睇數字表面，開始去諗數字背後

palmchristy

Vanadium 發表於 17-2-12 01:42
回覆 palmchristy 的帖子

老實講，你D回覆奇奇怪怪，講左一大堆野，講到教育局點想為學校好，但就無留意無 ...

或者咁啦, 我希望你明白, 我並無講到教育局點想為學校好. 只不過TSA的原意, 就係讓全港學校參與下, 俾返個別學校相關題目分析, 讓學校機會改善教與學. 呢點係我一直回應緊你題目: "究竟小三TSA/BCA為咩?".

我睇唔到呢個回饋機制, 點解會令一些人咁反感.  或者你可以講多少少個機制令人擔心的地方.

我始終睇唔明, 你話: "比份TSA卷佢地自改做"同現時俾份TSA卷所有學校俾學生做有乜野分別.

palmchristy

MASAYA 發表於 17-2-12 01:46
呢個時候變成小小教育局... 就算唔完全因TSA而殺校，但有生死大權都唔叫小小嘛...
成績至上未必可以怪晒教 ...

關於教育局樂見呢個(成績先決)情況呢種講法... 我唔知有幾咁真實. 但每間津貼學校都係接受政府資助的情況下, 俾個數據學校睇吓自己學生在個別題目的表現如何, 以此鼓勵學校改善教與學, 相信係一個回饋的途徑. 如果用緊公家錢的學校, 無機會知道自己教成點去改善的話, 納稅人的錢是否駛得洽當, 對讀緊呢間學校的學生是否公平, 就是疑問了.

另外, 社會上未有成績以外更通用的指標下, 我唔知教育局可以做到乜野.  當然, 呢個唔應該成為教育局不思進取的藉口. 但當教育政策有變, 就等於大大加重教師的壓力. 如果政策根本未有社會共悉卻又要教師出力, 也並非好事. 這就是我經常講要先做好教育政策研究的原因.

Vanadium

回覆 palmchristy 的帖子

唔知你真唔知定假唔知.....

比份卷學校自己做，然後自己分析結果，即教育局唔會知你考成點，完全無誘因去操，更無誘因去用課程去調適或去作假，反而更令學校用最真實、最自然既效果去做，就如參與PISA一樣，教育成果既可檢視，又自己先知，完全無作假誘因。

同一份卷，由教育局記名下去做，當然就唔係純分析自己教學成效既卷，而係同時教育局會知你成績既測試。

就如做一份心理測驗或意見調查或涉及個人私隱既研究，如問你有無情婦，記名同不記名效果極大分別，所有想人答真話既研究，都知要匿名去做。一記名.....就算點講記名係唔係用黎追究你，都一定唔同答案。

教育局由始至終唔想解決記名留記錄呢個問題，明明佢所講既目標，都一樣可以不記名做到晒，但都一定要記名去考，咁目的係咩，仲唔清楚?

palmchristy

Vanadium 發表於 17-2-12 02:06
回覆 palmchristy 的帖子

唔知你真唔知定假唔知.....

你既意思係唔係: 將份TSA卷比學校啲學生考, 然後由學校自己改返, 之後學校可以由此睇到佢學生的表現如何, 但又唔駛俾返個資料俾教育局睇, 免得教育局拿到這個資料去作比較甚至殺校用途? 咁學校可以用呢份佢自己先知道的結果改善教學, 因而無左操練誘因?
我見到有以下問題.

1. 每間學校都唔俾返個資料教育局知的話, 咁學校本身都唔會知個別題目下, 佢自己學生相比全港學校平均做成點.  話說題目總會有深有淺. 如果同一條題目, 一般學校平均只得一半學生做得正確, 可能代表呢條題目出深左, 咁假設你自己學校有六成學生做得正確就已經係超水準. 調返轉, 原來某題目出淺左, 全港同學有八九成做到, 但你學校只係得六成同學做啱, 咁你學校就明顯要響呢個課題上加強講解時數. 在沒有各學校的資訊作比較下, 自己學校的學生答啱六成, 校方根本唔會知學生表現叫做好唔好, 限制了回饋教學的用處.

2. 如果沒有第三者改卷, 單靠學校自己改返下, 點都會俾人懷疑學校有無做假. 萬一原來真係有某校本身教學不佳卻又做假的話, 成個機制根本幫唔到學生. (呢個有得解決的)

睇來呢種你所講由自己學校改返教育局出的TSA卷而不作上報的模式, 係有佢執行上的弱點, 其回饋亦不充份.

MASAYA

palmchristy 發表於 17-2-12 02:01
關於教育局樂見呢個(成績先決)情況呢種講法... 我唔知有幾咁真實. 但每間津貼學校都係接受政府資助的情況 ...

連德育及國民教育都要獨立成科以分數去計算，先唔提國民教育既爭議，德育成績好等如德育好修養好？我真心唔明點解乜都要打分。再講，TSA英文科要識睇封面搵書名作者名呢d，答到呢d得到分，對英語能力有幾多肯定呀？可能話識呢d對小朋友去圖書館搵書有用，但用黎評核學習進度，真係不敢苟同。

Vanadium

若然P版友講教育局一心只係想學校好去考TSA，但又唔肯比份卷人自己做自己檢視，就令我諗起D色情騙案:

男: 嗱....我為你好，怕你過肥或過瘦，你影張裸照比我，我會分析，然後話比你聽你係咪達標。
女: 不如你比果D標準數據我，我自己度完自己身形自己分析咪仲好。
男: 唔得架....一定要我分析先得架。 (其實只係想要張裸照)
女: 咁好啦....我遲少少比你。 (然後立即去操練，keep到身形夠好睇先發相)

以上情況就係香港既TSA。

Vanadium

回覆 palmchristy 的帖子

你這個我不討論了，第一點早前已講可用抽樣統計方法解決，學校匿名上載成績，或每間學校都只上載隨機指定的部份學生成績便是了，第二點只有校方知結果下，完全無被人懷疑或做假既可能，因除校方無人知成績，懷疑甚麼，做假給誰看? 你想多了。

Doray

palmchristy 發表於 17-2-12 01:37
你話: 話時話，你口吻令我覺得你有D似教育局官員。

我答你: 我唔係教育局官員. 只不過有見坊間有唔少不盡 ...

我倒覺得你口吻仲似教育向啲人，原來係quote官方答案, 睇咗一面之詞啲報告就以為官方啱哂，一聽V網友講嘢就知人地比好多人接近教育呢行，甚至係呢行啦。都多謝V 網友share 佢嘅睇法，令個post 有番的內容。

October.

其實可以簡單d嗎？净睇升中banding分佈及pre S1成績，學校係點己現晒形，家長用腳選校(但無奈好多時家長都冇得搛)，點都精叻過冇乜仔女讀官津校d官員。

Vanadium

說實話，TSA都唔知關唔關我事，不過我仔女要讀小學，我有能力比佢地讀私校或國際學學校，我比到佢地既培育根本無需擔心TSA，但我亦體會好多基層小朋友，面對呢d競爭係幾咁慘，家庭無錢，文化水平低，欠缺支援，只有操練。中產或以上人士有得揀，但好多小朋友係無得揀。

有版友quote救恩英文科點樣活教英文，但我睇到既係若家長英文水平低，莫講配合，連封信講咩都未知。

參小三英文TSA個報告，所謂minimally acceptable既作文，我自己識基層親戚既子女，實情係到中學都未必寫到。我亦高度懷疑，我自己小三時寫唔寫到果堆野。

當然，亦有人覺得TSA好淺，故如我引用的一段新聞片，鬥到細細個學埋法文同俄文，有得去玩下已係獎勵。

教育局想睇自己教育政策既真正果效，就應諗盡方法，讓學校比真實一面佢睇，呢d方法我平民都諗到，國際亦有相似參考，佢地點唔會諗唔到？事實佢地部份調查，都係發比學校不記名去做，學校知自己結果，教育局就淨知全港數據，無人會作假。當你要人記名，學校知你想點，當然學校唔會唔做野，作假操練難免。但教育局亦樂見此現象，因你一操，成績就會好d，咁佢地又交到數據，話教育政策有成果，無大問題。

成個運作，有人以為真係為教育，實際係上市公司公佈業績，係一個造數遊戲。

要有教育成果，唔係考下你逼下你就做到，極少數得，大部份唔得，若做到大都係假象。呢度多中產，有無人唔使花錢或花時間，d仔女自自然然好表現？資源投放幾多係教育成功最關鍵，若有限資源可無限發揮，香港就唔會咁多名校轉私校或直資，而呢d學校大都用埋家長呢d資源。

好了，若純TSA可改善教育，咁大家不用再洗錢補習同上興趣班，想仔女邊樣勁，考多佢幾次，話比佢聽佢邊方面比全港差就得了。不過實情若佢真係要改善追返全港成績，你就要佢補多兩個鐘習，學多兩堂興趣班，不過再實情係你點谷，佢都未必追得到，最後係死比你睇。

Vanadium

或再補充一點，有個S版友成日想講學校好老師勁，自然可提升教育質素，TSA可令唔掂既學校同老師現形，踢走晒呢班人咁香港成績會好好多。

首先，佢呢點唔係錯得晒，但運作上同理念上係有問題。

當一間公司要有新搞作，必然要考慮佢員工質素能否配合，若然要求高要精英先做得好，就要諗清楚新搞作是否可行，無理由先假設自己員工個個精英，或可透過評核令佢地變精英，任何做過管理都知無可能。

就算話做唔掂炒左再請，誓要全公司精英，管理層都要問自己出得起幾多錢去請精英返黎，若出同樣價錢唔係同舊員工差唔多都或係仲衰。

教育政策也如此。鬼唔知若個個老師智商150又24小時工作，成個教育可能唔同境象，但講呢d實際嗎？教育局推政策若然老師配合唔到，佢政策就係失敗，話老師唔夠好係推卸責任，幾萬個老師，實有人好d有人無咁好。

見小學雜談有人出個post: 請到好補習老師好難。若然講好老師係解決教育問題關鍵，咁唔知學校同教育局憑咩可以請到全部好老師，我指課堂教學能力超高果d。

聽過一個笑話: 一個國家點樣可提升人民質素？殺死晒d智商低既咪可以囉。但如此，可能佢國家要少一半人口，並要做埋另一半人d野。

MrBeast

palmchristy 發表於 17-2-11 22:37
小三TSA其實有啲似係Mid-year review.  你話佢唔太重要都得, 因為與升職無關.  但從表現管現來說, 係有作 ...

in theory 我同意，in the tsa case 我覺得有點兒 intangible，校長應有學校banding info，小一自行apply 人數，若果都唔知自己係邊位置，e返都哂藥費。hence 小三tsa only makes sense if 學校本身想further find out improvement area，教局只需每幾年抽樣攞條baseline，然後比有興趣的小學做，分數應是absolute而不是拉curve (as a 網友mentioned)

mcl203

原帖由 Vanadium 於 17-02-12 發表
本帖最後由 Vanadium 於 17-2-12 11:41 編輯

或再補充一點，有個S版友成日想講學校好老師勁，自然可提升 ...

你D道理幾奇怪，你聲稱自己係大學做，同理，大學內所有學系全部要係精英學系?? 學生全部係精英生先可以留校?? 究竟你明唔明乜係有效管理?? 良好管理下要全部係精英人才??

仲有果個Y理，減少一半人口，其他人要做埋另一半人既工作?? 少一半人，即係人口改变，亦即係結構改変，係對每一個人既工作重新分配，對嗎?? 関精英乜事?? 工作量变成2倍 ?? (用殺人去做例子，痴左線乎???)

mcl203

原帖由 Vanadium 於 17-02-12 發表
本帖最後由 Vanadium 於 17-2-12 11:03 編輯

說實話，TSA都唔知關唔關我事，不過我仔女要讀小學，我有能 ...

又可否解釋吓，興趣班 同 中英數(TSA)既成績有乜直接関係?? 咁多網友已經追求中英數補補補，若興趣班有助於改善成績，呢個係盲點既突破，咁可以令佢地重回興趣班系列，唔使只集中 中英數。莫非...學鋼琴 可改变一切 ~~~

b3410

mcl203 發表於 17-2-12 14:04
你D道理幾奇怪，你聲稱自己係大學做，同理，大學內所有學系全部要係精英學系?? 學生全部係精英生先可以留 ...

我都覺得幾奇怪，大學裏做點解會搵色情騙案之類來做例子比喻。大家討論的係學生，教育，學校，舉例子唔該都揀適當的topic