閱讀派的完勝、練習派的潰敗、未來香港語文的大躍進

sarahdad

Vanadium 發表於 17-1-8 17:04
哈哈....多謝你寫了這麼多。

我不是上來EK吹水的，回得很少post，只見這個post內容觸動了我對香港新一代教 ...

//會海量閱讀的人，感覺都有/或被建立一個頗明顯的特質，從而簡接連繫到日後的發展，至少...我認識的大都是女孩子、文科人為主。//

Vanadium兄:

         可能你過份擔心了。以我身邊的親人及朋友的經歷告訴我，喜歡大量閱讀的人，會從知識的大海中找到自己的興趣，我有一位親人自小大量閱讀課外書，考到了世界一線大學，成了會計師，在全球排名第一的會計師樓工作，近年還自學法律，考到了律師牌。

         我也認識一位朋友的兒子常常書不離手，考到了美國的Stanford，讀資訊科技，前幾年已完成博士後，現在是一名大學教授。

         培養良好的語文能力是便於知識的吸收，如入讀英國牛津及劍橋的IELTS最低要求為7.5分(等於DSE5**)。語文能力不好，發展難免會受到局限。

Christi

我覺得海量閱讀與文科和女孩子沾不上關係,不過倒是要小心過份沉迷閱讀(是,真的見過有小朋友太沉迷而完全忽略身邊事)是將書本當成自己的避風港.有避風港不是不好,但如果因此而與外界脫節或成了逃避之所,那就不太好了.

過猶不及. 閱讀好重要,但其他發展也一樣重要. (離題了)

siden

Christi 發表於 17-1-8 19:24
我覺得海量閱讀與文科和女孩子沾不上關係,不過倒是要小心過份沉迷閱讀(是,真的見過有小朋友太沉迷而完全忽 ...

係。

將來大咗都係要出去社會工作面對社會。

如果太極端太封閉沉迷書海而忽略其他人生經驗，只怕適得其反。

若有此傾向，父母要及早引導。

Vanadium

Personality traits同喜愛活動肯定有關既，但雞先還是蛋先我就未有時間研究。

其中Personality traits之大分類為introversion及extraversion，唔知係咪照譯做內向與外向，而根據一D研究，introverts較喜歡看書(sorry，只能quote wiki，一D學術文章有版權，亦無link提供):

"Introverts often take pleasure in solitary activities such as reading, writing, using computers, hiking and fishing. "
( https://en.wikipedia.org/wiki/Extraversion_and_introversion )

而大部份研究都指出，外向型的人(extravert)較開心、sociable，甚至較容易成功，有興趣大家可自己搵下資料。

但請大家不用過份敏感，我唔係否定閱讀，我肯定外向型，但都叫鐘意睇書，但鐘意睇書既外向型，估計佢地一定有一D外向型活動平衡，況且內向定外向，或先天成份都唔少。

不過見大家都有提到小心小朋友睇書睇到走火入魔，我想呢D睇書睇到純內向型(定因內向先咁鐘意睇書?)，都唔會發生係你地身上，但我的確見唔少。

Vanadium

Christi 發表於 17-1-8 19:24
我覺得海量閱讀與文科和女孩子沾不上關係..... ...

應有關的，特別理科的人，大量閱讀傾向大都比文科的人少，或很喜歡閱讀散文小說的(特別愛情小說)，大都理科成績麻麻，最後選讀文科，但當然不是絕對，肯定有例外。

這方面有資料証明的。有不同大學做過研究，發現personality traits同intelligence，同喜歡的閱讀題材有密切關係。如這關係是雙向(但沒有資料確定)，我想小朋友在閱讀甚麼題材，亦可能會對他/她的特質與智能發展有不同影響。

little_yolky

jumphigh 發表於 17-1-6 18:29
好難相信。我自己也是讀屋村小學，學校依家仲拆埋，但學校也有小型圖書櫃。印象中課文亦有提過要多看書， ...

我小學都有圖書角, 不過, 老師無乜鼓勵去借書睇, 都係操練習多, 小朋友鐘意可以借, 唔借無人理。我最記得當時睇好多科學星球既書, 好好睇。
我家附近無圖書館, 要去到培正對面果間, 要坐車, 細個無人帶我去, 女仔嘛, 唔可以自己出街。去到高中, 可以自己出街就經常去了, 我就鐘意睇偵探小說。不過都係果句, 知道睇書好, 但更鐘意畫畫, 反正睇課外書考試唔考, 應付到考試就得, 所以咪無乜睇囉。

至於剪報, 當年真係無乜做, 讀書報告咪睇交功課果本囉。

little_yolky

jumphigh 發表於 17-1-6 18:34
你連大學都讀埋仲話唔知阅讀的好處，得罪講句，係非常离譜，但我肯定绝大绝大部分香港学生唔会唔知
...

唔係唔知, 係唔會做。因為我哋讀書係以考試為本, 夠就得。讀大學都係必須要既readings先會睇, 建議睇既100%唔會睇。

little_yolky

MrBeast 發表於 17-1-6 20:13
你都知我是問題爸爸，just curious，教主通常都是用ort + audio book 這eg，何解先中後英呢？ ...

當年我睇佢個帖, 唔知邊個, 但無留意到係講英文喎, 只係話閱讀既好處而已。至於我當年點解無睇ORT, 因為我stubborn囉, 見到ORT啲公仔真係肉酸, 我忍受唔到, 咪無買佢寶寶睇囉。

至於點解先中後英? 無既, 自自然然就發展成咁喇, 可能因為好既中文書實在太多了, 所以好易揀書。

poonseelai

Vanadium 發表於 17-1-8 22:51
Personality traits同喜愛活動肯定有關既，但雞先還是蛋先我就未有時間研究。

其中Personality traits之大 ...

亦有很多成功人士是introvert， Steve Job 是其中之一

little_yolky

jumphigh 發表於 17-1-9 09:23
「唔知」同「知而唔做」完全唔同。如果eviepa出的帖有魔力令你由「知而唔做」变成「知而去做」，咁你真是 ...

你無知我响不同既地方已經多謝過eviepa好多好多次了。

我間學校係出名催谷的, 功課好多。我印象都無買過練習做, 但就唔知D老師點樣可以變出咁多功課出嚟。不過, 想當年係返半日, 所以無問題。而且, 我為咗睇電視, 做功課好快手的。

MrBeast

little_yolky 發表於 17-1-9 09:07
當年我睇佢個帖, 唔知邊個, 但無留意到係講英文喎, 只係話閱讀既好處而已。至於我當年點解無睇ORT, 因為我s ...

起初我都覺得ort好低B，因為我從我的角度去看，直至到要deal w 小朋友phonics 的問題，才發現這套書設計上花了很多心思，真是不可以judge a book by its pictures ga

MASAYA

little_yolky 發表於 17-1-9 09:28
你無知我响不同既地方已經多謝過eviepa好多好多次了。

我間學校係出名催谷的, 功課好多。我印象都無買過練 ...

以前妳話個女為左玩做功課好快手，話態度唔正確，妳自己咪一樣

little_yolky

MASAYA 發表於 17-1-9 09:57
以前妳話個女為左玩做功課好快手，話態度唔正確，妳自己咪一樣

近來, 我發現阿妹可能唔係懶, 佢係堅唔識！

你知啦, 就考試丫嘛, 忍唔住去書局買咗幾本練習佢做。佢最憎既英文練習, 因為都幾淺下, 佢「居然」識做, 叫佢做一個練習, 佢做咗兩個, 仲話好好玩, 問可唔可以做多一個。做中文閱讀理解, 無端端有排比(排比佢學校係小三教), 唔識, 無心機, 唔想做........

shadeslayer

MASAYA 發表於 17-1-9 09:57
以前妳話個女為左玩做功課好快手，話態度唔正確，妳自己咪一樣

唔知幾時開始, 家長忘記了孩子本性貪玩, 要他們有大人的自控能力, 分配時間能力, 又要生性識為將來打算, 是過分要求。不少廿幾歲也未必自控能力, 分配時間能力, 又要生性識為將來打算。

I am guilty of the same sometimes. Can we not take their childhood away and let children be children?

torunpoland

MrBeast 發表於 17-1-9 09:52
起初我都覺得ort好低B，因為我從我的角度去看，直至到要deal w 小朋友phonics 的問題，才發現這套書設計上 ...

ORT 我喜歡到一個地步，恨不得每個level 的每一本都買回來收藏。因為入面的角色陪住我小朋友成長，記下了他們從目不識丁到讀到一句半句到現在大仔可以看chapters books的神奇過程，更在字裡行間收藏了親子閱讀的美妙珍貴的時刻。

eviepa

//Junphigh: 「唔知」同「知而唔做」完全唔同。如果eviepa出的帖有魔力令你由「知而唔做」变成「知而去做」，咁你真是要多謝佢。
回想那些年的小學，除了小六臨考學能測驗前，其實根本唔興操練喎，只温書本作業便可，我和其他同學小六前就未買过任何補充練習，好得闲喎


little_yolky: 你無知我响不同既地方已經多謝過eviepa好多好多次了。//

==========================================

得人恩惠千年記，是我的行事準則。但對人家並不太花功夫的幫忙，我一般不放在心上。

其實我已經忘了little_yolky曾經在不同既地方多謝過我。在過去十二年，有一定數量的網友在不同地方多謝過我，但一般來說，我見到就算，不會放在心裡，更會像囝囝爸一般，將所有東西做記錄。

有五六年網齡活躍的網友都應該見過不少在網上公開對閱讀派致謝的留言。

在這個論題出現過的網友，Serinac、變了慈母的虎媽、sarahdad三人我記得比較清楚。Serinac幾年前和我在網上及PM都切磋了一些、虎媽很戲劇化地變慈母、sarahdad多謝時力度特別大。

我自已的PM中，儲有不少網友對閱讀的詢問及我的回覆，要找起來毫不費勁。不過，PM內容不能公開。

今次想和大家分享的，是多年之有兩個和我相熟的網友網友相似的個案，兩人都是公開地對我的留言作反應的。

Ntefamily幾年前在網上公開分享過她的兒子的培養。她認同愉快學習，所以送了兒子進入一間直資學校。不過學校沒有甚麼指引，到頭來，各科都不如理想。但有一次，她看過我的文章後，馬上開始閱讀。幾年後，語文程度不錯，尤其是英文，有了閱讀興趣後，英文程度比我女兒更高很多，可謂青山於藍。在學校英文成績當然名列前茅了。

Nlau的女兒是我女兒的小學同級學。情形和ntefamily相似，認同愉快學習，所以送了兒子進入臻美這間直資學校。學校沒有甚麼指引，天都只是愉快學習，但有沒有效就不甚了了。但有一次，她看過我的文章後，馬上開始閱讀。到中學時，中英文語文程度不錯，算是各科中的強項。

在這個題目內，有很多網友很強烈反對我發出這樣的文章。但想一想，十年人事幾番新，這十二年來，網友不斷更新。像ntefamily、虎媽、nlau都已經不見蹤影了，不會再次發言了。看過閱讀派文章而作出閱讀行動而穫得重大好處、甚至像虎媽般改變命運的有多少？

另外，看過了閱讀派的文章，不吭一聲，回家開展閱讀而取得重大效果的有多少？

如果我及其他閱讀派的網友都在壓力下不再言語，Serinac、變了慈母的虎媽、sarahdad、ntefamily、nlau以及曾經致謝但我已經記不起，甚至得到好處但從來不認識的網友的福祉又誰來顧及呢？

有人說，閱讀是學習語文最佳方法，只要有基本學識就懂得，不需要我們大力推廣。現實是，根本絕少家長將閱讀放在學習語文的第一位。要不然的語，我女兒怎可以在中一時以半小時讀完一本Roald Dahl就能稱霸？上述跟著我的方法的網友，除了nlau的女兒和虎媽的女兒我不敢肯定外，無論Serinac、ntefamily及sarahdad的孩子在/到中一時的閱讀速度，都比我女兒好得多，就是閱讀為本帶給他們的好處了。

囝囝爸

回覆 eviepa 的帖子

你寫每一篇文，幾乎容易自暴其短，背裡與社會義理違背，待己寬，律人嚴，以成績掛帥，口是心非。

你真唔好彩，我從來沒有把冇用的東西作為紀錄，但同你講咗十年嘅嘢，如何唔記得。EK 有度好，把我發文回文記錄齊全，千幾篇文章，以我用電腦經驗，唔係咁難。尤其你一路的無力堅持，講正經嘢，次次都被人群攻，時時最後都無言以對，情何以堪！

我相信少人能恩惠你，因長期以來，你極少有接受人家真實意見。

對人家感謝，你話唔在意，你又立即自打嘴巴啦！ 其實你十分在意人點睇你，這篇文章就足作證。你講咗幾多個，十個丶二十個丶十年夠唔夠一佰個？ 就係這些累死你，你推銷閱讀，有少少甜頭，就自我作大，極度宣揚，搞到依家咁田地，又係重複又重複講你的功績，仲死唔肯收科。

我十多年來，在 EK 我多謝人或人多謝我，都唔太少。  相比你的多年極力推動，當然不以為然。 但我多年發文回文，反對我的人也比你少啩？  如果你重複得未夠，或者我同你找一兩篇你的舊文貼上來，免你攪咗十日八日先寫倒咁嘅文章出嚟！

囝囝爸

sarahdad 發表於 16-12-19 16:08
我之前都有看阿女D書, 但最近她越看越深, 她能看懂九成, 剩翻一成都可以靠猜. 最敗我只能看懂六至七成, 不 ...

Saradad:
你女兒讀一二年級，佢睇到的書你睇倒六至七成，咁我勸下你，問下 Eviepa 有乜辦法大量閱讀，追番過女嘅水準。 好過街邊賣武，在旁邊一味叫好，唔知仲以為你做「妹」。

eviepa

英文程度的大踴進

事實一：

在十年前的討論，普遍《小學雜談》的家長都認為，升英中中一時，如果學生能夠在上課後不用字典就可以看懂教科書，是件非常難達到的事。

估計一：

我女兒小中一時半小時可以看完一本Roald Dahl的Magic Finger，就算她當年是讀英文中學，上課後根本不用字典就可以看懂教科書學。估計現在《小學雜談》的常客都認為，只要從小開始每天半小時英語閱讀，我女兒這種英語能力，根本是應有之義，不值一晒。

估計二：

今天的小學生，只要有我女兒小學畢業時的英文程度，如果進入我女兒的中學（教育微調後是全英中）後，英文程度也可以名列前茅。


很明顯，《小學雜談》常客在看過無數大量閱讀個案後，都認識到英文閱讀是學習英文最佳的方法。但《小學雜談》的焦點卻是補習及補充練習，因為散客遠多於常客。

補習及補充練習是傳統上認為最佳的方法，傳統方法培養下的孩子，升英中中一時，如果「學生能夠在上課後不用字典就可以看懂教科書」是件非常難達到的事。

《小學雜談》常客是幸福的，有一個平台可以見到無數家長第一身分享教育方法及成果，當然容易培養孩子成材。你們的孩子，普遍都會在中一時，很輕鬆的過渡。

成功的個案是有感染性的，《小學雜談》常客手中掌握著普羅不曾掌握的資訊，你們成功的例子都會成為普羅的參考，一步一步，參與閱讀為本的家長越來越多，就會好像滾雪球一樣，越滾越大。之後，升英中中一時，如果學生能夠在上課後不用字典就可以看懂教科書，就會是一件稀疏平常的事。

一隻手掌拍不響，只有閱讀派自言自語是不夠的，還是要有反對聲音衝擊才會有最大效果。這題目已有二萬多views，當中《小學雜談》散客當然佔絕大多數。這些散客，絕大部分認為「補習與補充練習是最佳學習語文的方法」。但當他們詳細看過這題目不同網友的言論後，就會深深感受到，原來有不少人確信「閱讀是最佳學習語文的方法」，而且他們的子女語文程度非常好。很自然又有部分人開始研究閱讀是否真的如《小學雜談》常客所講的效果。

當閱衝出EK，成為全港的主流後，香港的英語就會大踴進了。

在此，我向各位表達，你們的意見，無論甚麼立場，都會稍稍促進香港整體語文程度的進步。