發展遲緩B媽媽(part 1)

may123

原帖由 kennistong 於 08-12-5 11:41 發表
may123

呢d 係我最擔心既地方, 我有問過社工, 如果我覺得兼收老師既能力有問題, 可唔可以complaint or 點反映. 當然, 官官相護既情形下, 佢就冇正面回應我, 只係同我講, 同學校反映.

不過, 又咁講, 我有問過評估 ...

係呀,呢點我好明白呀
另外,兼收老師的質素其實真係好重要,所以惟有自己留意多一些,溝通多一些,沒法,我仔的選擇真係唔太多

atty

BB 依家只有上PT, 已經照左MRI, 仲未約到期睇報告, 不過都預左搵唔到遲緩原因啦!!

老公同我講, 不如唔做野湊B喎....

雖然父母湊對BB最好,但錢就無左一半, 以後就無多餘錢使啦mouth:" />mouth:" />

[ 本帖最後由 atty 於 08-12-8 11:16 編輯 ]

kennistong

Annanna

其實你可以寫信去投訴的, 有d rules  係 SQS19, 我係聽另一d 導師講既, 如果要投訴, 可以透過SQS 19,不過, 我仲未知係麥東東, 等我有時間先可以研究下.

May123
我覺得小朋友係最重要既, 如果你覺得要投訴or 爭取, 一定要用盡力, 你知唔知我點同社工講?? 我同佢講,”我依家係要爭取返我要既野, 作為一個母親, 我一定會用盡一切辦法, 如果你地要見到有悲劇發生才可以有行動, 我唔介意為小朋友作出任何代價”, 佢聽完后勁驚, 因為佢知我係講得出做得到既人, 仲有係道理係我到, 一定係我羸. (當然, 真係佢地攪錯左一d野, 差d令我個小朋友冇左個I 位, 我先會咁講).  最后咪又係可以有返, 佢地係社工,如果再有悲劇發生, 佢地勁大獲, 我重新, 我唔係叫係你地去做任何野去傷害自己, 講下冇所謂, 做就唔好拉, 講真, 到時真係講完都唔得, 就再想其他方法, 包括搵議員同media, 起碼做盡左力.

我也同社工講, 如果學校到時做唔到每日有半個小時既training, 我一定會投訴, 佢其實係勁驚, 因為佢都擔心, 所以佢又再打電話去問學校, 同學校 confirm.


Atty
你係自費做MRi?? 我就冇拉, 因為我知照左真係有問題都係冇用, 當然如果係政府既唔洗比$$ 就冇所謂.
我都有考慮過唔做, 不過, 我唔想老公一個人太大負擔, 而且, 如果我日日對住佢, 我擔心我會有病, 因為我係一個悲觀型, 太多時間對住佢, 只會令我想牛角尖, 而且, 就冇training 可以比佢拉.  但自己照顧真係唔同, 好似我新工人走左佬, 呢3個星期都係我同我老公照顧, 佢既講野skill 好左好多, 而且係smart 左, 呢一方面我係agree 既 (自己照顧會好d).

Ndw
Welcome!! 正如 valmom 咁講, 一定要做training, 我地永遠都唔會知道幾時同什麼東西對佢有幫助.

事實已經係咁, 大家都唔想, 我地要積極d 去面對.

Valmom
下次有呢d talk, 通知我呀, 我都有興趣! 我看完了一些書, 都對感統加強了認識.

weiwai

真係過份
d人分明係撩交鬧
http://forum.edu-kingdom.com/viewthread.php?tid=1689557&extra=page%3D1&page=1

atty

kennistong

係政府做, 唔知係咪一定要做左MRI才可以做評估呢!!
重之佢地做BB有MRI 報告才做評估見社工,排E/S/I位, 依家我都未起步, 要好似你咁有位上學, 真係唔知等到幾時。

kikiboy

weiwai,

我幫你post條link出來click入去就睇到.
乜你有兩個小朋友o架? 我糊塗晒啦, 果個樓主係咪呢個樓主?

http://forum.edu-kingdom.com/viewthread.php?tid=1689557&extra=page%3D1&page=1

原帖由 weiwai 於 08-12-8 14:32 發表
真係過份
d人分明係撩交鬧
http://forum.edu-kingdom.com/viewthread.php?tid=1689557&extra=page%3D1&page=1

[ 本帖最後由 kikiboy 於 08-12-8 16:00 編輯 ]

kennistong

Atty
我覺得不用做MRI 之后才評估, 我應為你可以同醫生講, 叫佢先寫紙做評估, 如果佢唔肯, 你去健康院,佢地肯既, 再唔得, 好似weiwai 咁講, 去搵個普通兒科兒生寫紙去評估中心, 因為單單做評估都要等6個月, 唔好浪費你個小朋友既時間.
都係果句, 小朋友係自己既, 你唔緊張佢, 就冇人緊張拉, 知冇??

如果你經濟上可以, 去仁安做評估都可以, it cost around 6K, or 之前有mama 講, 遇步都可以做評估,而且平d, 咁你就可以save 左等待評估既時間, 直接排 ,e/s/I 位. 當然拉, 政府既評估都一路排,

weiwai

唔米你糊塗，係我冇提過姐。
樓主係我，我開topic問野，點知比個"freshman"係到發顛攪事

原帖由 kikiboy 於 08-12-8 15:52 發表
weiwai,

我幫你post條link出來click入去就睇到.
乜你有兩個小朋友o架? 我糊塗晒啦, 果個樓主係咪呢個樓主?

http://forum.edu-kingdom.com/viewthread.php?tid=1689557&extra=page%3D1&page=1

...

olima

weiwai,

pls check pm.

原帖由 weiwai 於 08-12-8 18:23 發表
唔米你糊塗，係我冇提過姐。
樓主係我，我開topic問野，點知比個"freshman"係到發顛攪事

atty

kennistong,

其實, 政府位陳醫生已經好快架啦, 可能我BB比較嚴重, 所以佢已經安排BB見左 3T 先, 等埋個MRI報告就可以評估。

如果佢地12月中仲唔俾期我, 我就會出聲!!

valmom

kennistong,
因為阿女上左好多協康會唔同既playgroups, 所以有好多講座都會寄D資料黎, 而且我間中都上去個websites睇下有咩岩家長聽既, 咁先知有呢個talk.

遲D 1月10號會有個關於口肌既講座, 我又報左喇, 你都上去協康會個website睇下喇~~
不過你個小朋友可能冇我阿女既問題咁嚴重...
因為我個女由佢3個月大開始係咁流口水, 到岩岩9月我先帶佢睇ST, 佢睇左ST 3個星期多D開始已經好明顯吞口水好左, 都成個月冇用過口水肩. 佢D口肌係鬆到不得了... 同佢全身既肌肉岩岩相反.

kikiboy

原帖由 valmom 於 08-12-10 22:59 發表
kennistong,
因為阿女上左好多協康會唔同既playgroups, 所以有好多講座都會寄D資料黎, 而且我間中都上去個websites睇下有咩岩家長聽既, 咁先知有呢個talk.

遲D 1月10號會有個關於口肌既講座, 我又報左喇, 你都上去 ...

http://www.heephong.org/chi/training/parent_training_list.php

kennistong

Atty

係呀, 一定要爭取!!

Valmom
我囝囝就同你囡囡相反, 口肌冇大問題, 反而係身體既背肌, 手腳肌的張力唔夠, 我都唔知點同佢加強, 腳會比手好d, 因為我地會逼佢行, 但手仔好似好難train.

valmom

kennistong,

我阿女D手腳同背肌都係好緊, 緊到不得了. 依家私家物理資料幫佢整鬆晒就好好多, 都係因為整鬆左佢先可以爬到同扶住家私行.... 手呢方面都係難架... 不過好幾個治療師都建議我地同佢玩扮人力車, 即係大人捉住佢雙腳, 逼佢用手代替腳去行, 當然, 要佢行去做D簡單既野, 例如掂下某D擺得遠D既家私, 如果情況容許, 可以叫佢係一個地方拎住D野去另一個地方咁...
我地小朋友咁細, 當然呢個活動要係軟墊上進行...

尋日專登拎左一日AL去聽個感統講座part 2. 個section係專講發展遲緩既小朋友既... 睇到有個真實個案.. 個小朋友係個video入面係6歲... 個感覺都幾難受, 因為好似見到自己個小朋友4年後個樣, 個刻好擔心阿女第日點讀書... 如果佢既同學仔唔夠包容... 咁點算... 更加心急想做D野幫阿女..

kennistong

valmom

扮人力車真係好多人介紹, 不過, 我囝囝唔肯, 逼了很多次, 只可以慢慢來.

你可唔可以講多D關於果個case?  我都想知多D, 其實感統呢樣野真係有D抽象, 我到依家都唔係太明.
sigh.............

icookies1

我而家幫個囡掛緊政府, 但要等半年, 所以先排去左協康會做評估, 佢話我囡d體能好弱. 想問下咩叫做E/S/I位呀. 其實我真係唔係好知咩係發展遲緩, 係咪有好多後遺症架, 咁我個囡係咪即係弱智呀, 真係好擔心. Thanks!

annaanna

感統係咩我都仲未get到..... 不過上次見治療師，佢話唔係個個小朋友都適合做感統訓練，有需要先做，要黎tune番o岩個台... 而本身冇需要又做，會有反效果喎~ 其實我都唔太明，不過佢話我阿仔唔駛做喎~

原帖由 kennistong 於 08-12-13 01:50 發表
valmom

扮人力車真係好多人介紹, 不過, 我囝囝唔肯, 逼了很多次, 只可以慢慢來.

你可唔可以講多D關於果個case?  我都想知多D, 其實感統呢樣野真係有D抽象, 我到依家都唔係太明.
sigh............. ...

kennistong

Annaanna
我冇聽過冇需要又做，會有反效果喎??? 只係有聽過做左係加強!!!

Icookies1
唔好擔心得太多拉, 我地係要努力去面.
E 早 期 教 育 及 訓 練 中 心
S特 殊 幼 兒 中 心
I幼 稚 園 暨 幼 兒 中 心 兼 收 弱 能 兒 童 計 劃

Detail 可以去社署看看.
http://www.swd.gov.hk/tc/index/s ... fserv/id_serpresch/

valmom

感統其實唔係個個發展遲緩既小朋友都有, 有呢個問題既亦唔一定係發展有問題...
簡單D... 有D小朋友可能唔知點解好驚玩韆鞦, 好唔鐘意著某類質地既衫, 又話者有D小朋友係玩刺激遊戲玩到過晒火位, 成日調轉個頭.... 呢D都可能係一D跡象.. 不過都係要經過專業評估先知係咪有問題. 如果係既話, 經過訓練, 情況係會改善, 湊都湊得易D...

感統即係我地既觸覺, 前庭 (即係負責平衡既), 同本體感 (即係知自己既身體位置, 亦知自己要俾幾多力去做一D野) 呢幾方面出現左問題. 可能係過敏, 亦可能係過弱.

我個女因為係職業治療度做過當中一D既訓練, 所以我想知自己個小朋友有冇呢方面既問題, 先至去上course.

有一D訓練係有冇事既小朋友都可以做, 例如人力車, 大力攬攬小朋友, 有一D, 如果個小朋友係冇事, 或者唔係個方面有問題, 係會有反效果既.
都係個句, 最好搵個治療師評估左小朋友既問題先

kennistong,
個個6歲既小朋友... 因為我都只係睇片, 都好難完全形容到佢係點... 一句講晒, 樣樣都慢... 反應都係慢人幾拍咁

一般而言, 發展遲緩既小朋友係某方面或各方面比同齡小朋友慢, 但係智力可以係正常既.

不過, 我有時都擔心自己個個小朋友會唔會智力都慢D... 咁係咪即係弱智??? 我從來都唔敢問呢個問題, 因為好驚聽到個我唔想聽既答案...
醫生方面一直都係話小朋友要6歲先可以真係做到一個正統既測試, 睇智力..
under 6歲只係睇大小肌肉, 認知同言語方面跟唔跟到大隊....

kennistong

Valmom
你去做評估時, 佢地有冇同你講你小朋友既智齡?? 其實智齡又係點?? 我小朋友當時做係around 23個月大, 而智齡係1歲半……….., 我知道之后好唔開心, 不過, 都冇法拉, 唯一係希望佢可以追得返!

之從返左樂X 之后, 囝囝真係進步左好多,特別係在學校的時候.
下個月開始返PN 班了, 希望佢OK 拉!