大角咀天主教小學(海帆道) - Part 4

LOOLOO

hi wwkiu, 我都見到, 我估是考完試之後就返半日學至暑假!

bowiema, 我估得對嗎?

wwkiu 寫道:
Hello !!

大家有冇發現點解 〝六月份 〞午膳,
最尾個week點解唔使訂飯呢    

Bowiema

LOOLOO,

你bingo lak)))) 考完試係只會返半日學ga jar, 同埋學校會有好多活動!!  

wwkiu

Bowiema :

Thank you so much for you information    

Bowiema

bosze,

唔好甘客氣啦, 有野就大家互相幫忙, 交流一下.

至於書包問題, SPI既書包我就唔多鍾意, 未擺書巳有2lbs, 你諗下擺埋書會點.....同埋d款我又覺得麻麻地. 其實一年級去買學校買書, 買校服時會有好多counter係學校賣, 會有好多唔同既選.

我大仔1, 2年級時用sanrio出既書包都幾好(大概$150-$180, s-m size), 因為真係最輕. 不過洗幾次個型就會無甘好, 可能只會用得1, 2年. 今年3年級走去買咗個澳洲牌子既chiropak書包, 好好用, 揹晒上2邊膊頭真係好輕, 大仔都話好舒服, 好好揹, 我到宜家洗咗3次(通常長假期會洗), 都仲好新淨, 好似新既一樣. 不過價錢會貴d, 我舊年係永安有discount買都要$370, 不過今年一月時返學校攞成績表, 只係$320, 所以我都買咗個bowie小一用了. 你可以自己諗諗.  

暑假班都有好多ga, 不過要抽籤, 我大仔今年就想抽羽毛球班, 睇下抽唔抽到啦.

julianama

AgnesMom,
我嚟報料啦！
廣華一去到會叫你去驗小便，然後換衫，係侯產室要換醫院的拖鞋，但產前房和產後房就要穿自己的拖鞋，我就廢事帶咁多對鞋，所以穿涼鞋入院，在產前房和產後房都係穿果對涼鞋就得。
換好衫就會用機check你陣痛和bb的活動情況。如果未生得就會叫你去坐下健體球和睇下電視，因為我係見紅入院，未咁快生得，我見我周邊d人痛到 ，但我就行得食得走得，醫院俾份lunch我食哂都唔夠，仲要叫julinanba去買嘢我食。不過廣華d嘢食都算ok，唔算難食。
見我咁嘅情况，當然pass咗我去產前房啦！
去到產前房，唔知點解好好彩佢哋俾咗間二人房我，仲要近窗近電視，就係咁我就睇咗成日電視，睇完"溏心"就 一陣， 到半夜一点幾就醒咗，無嘢做又唔可以開電視，怕嘈到人哋，為有走出走廊行下，到兩点幾陣痛嚟料，三点幾痛到嘔，佢哋又pass返我去侯產室，
去到侯產室都仲嘔兩次，我不斷要求"聞氣"(會減輕痛楚果隻)，但我其實已痛到冇力聞，因為聞果d氣要好用力聞先聞到。
d姑娘見我越痛越密就借電話俾我call julianaba，之後連水袋都穿咗就送我去產房，廣華都有好幾間產房，所以julianaba都可以入去陪我。入產房後好快小b就"飛"出來。之後聯針時julianaba就要出去等。
去到產後房，如果你小b冇特別事就會送小b去育嬰室幫你照顧12小時先交回給你自己照顧，如果小b要做特別checking就會送去兒科。產後房和兒科係兩個唔同嘅department，產後房開咗你包尿片兒科係唔會要的，不過醫院都有尿片賣(係地下果層)。至於你自己就最好揾人帶定d薑飯俾你，一生完食d薑飯真係好好多，就算唔係探病時間都可以揾姑娘幫幫手攞入去俾你(當然係一生完果下先得啦，日日係咁就採你都儍啦)。當你一送到去產後房，你老公都可以陪你一陣嫁。
記得帶熱水瓶和水杯，果度只供應熱水，冇凍水，普通膠瓶遇水會溶，有時d水太熱食唔到藥。
當小b返到你身邊你就要餵奶，廣華d奶咀有d問題，佢哋d奶咀係大b奶咀，初生b食唔到咁快，一路食一路漏，都唔知小b食到幾多，攪到小b成日 ，廣華又要定時先肯派奶，小b好慘啊！成日肚餓。我係廣華幾日為一的問題就是奶咀。
我眼見廣華大陸產婦唔算多，香港人多d。
記得如果出得院就上午出院，會平$100嫁。
廣華產後病房係可以用手提電話，我見人人都講(當然果間房係冇人用儀器啦。但病房唔可以充電嫁，一定會俾人 。我就只用手提打出，最重要係揾到julinanba。其他人揾我就留言，我一用完電話就會關機，咁個電話都可以用到幾日嘅。
講住咁多先啦，如果你有其他問題可以問我啦！

LOOLOO

julianama, 一路睇住你份詳細報告, 一路我就回想當日生兩個仔的情況.  廣華真的唔錯, 幾年都無變!   

不過當時我兩個都是餵人奶, 所以連一個不滿也沒有  


想問下, 點解陣痛時會嘔嘅

julianama

LOOLOO,
我有鼻敏感，平時成日鼻塞，習慣咗要用口呼吸，當陣痛時我又用口去呼吸，但這樣就會令空氣去晒個胃度咁就嘔囉。
之前生阿女時都有嘔嫁。雖然知道点解會嘔，但陣痛起上嚟乜都唔理得咁多，都痛到癲咗囉！
我其實人奶和奶粉都餵，但最初起醫院唔上奶，奶粉就變得好緊要，再加上阿仔話要食就要，遲d都 到發癲，咁嘅情況人奶根本滿足唔到阿仔，況且我係working mum，餵人奶都唔餵得耐，冇需要迫自己一定要餵到，咁係一種壓力嗎！不過回家後我都上到奶，只是用奶pump pump出來姐，都冇所畏啦，阿仔有得食就得啦！

不過總的來說廣華真的好好，我完全唔會後悔係廣華生。

julianama

Edmami,
你仔仔真係好叻，今日我阿女病咗冇返學，miss chan 話我知你仔仔主動話幫我個女攞功課。你幫我thank you你仔仔啊！放學我會叫工人姐姐去落校車處揾你仔仔啦！
你知啦，我坐緊月唔放便出來。
thank you!

Edmami

julianama,

你唔駛咁客氣, 我問過阿仔, 其實係佢返學時謝太問邊個同你囡囡一班, 阿仔舉手, 咁謝太就叫阿仔幫手問老師攞功課, 放學時交俾佢, 好彩阿仔都算有交帶!

julianama

今日小孩們開始考普通話口試，大家要努力。
今個星期五仲要背默聲母韻母tim！

Ansonhei

julianama,

恭喜晒!bb仔出

julianama

thank you Ansonhei.
bb 好好，不過我同julianaba都覺得家姐細時聽話d，現在小b成日 ，好彩我多人幫手，又陪月又工人又99仲有julianaba，如果唔係我就慘啦，現在總算有d時問幫個女温考試，今日背古詩應該冇問題。

LOOLOO

報告報告 :  tvb news 訪問我地麥校長呀

Bowiema

係呀, atv 同radio都有呀.....   

julianama

Bowiema 寫道:
係呀, atv 同radio都有呀.....   

關於d乜？我錯過咗tim！

另外想問一問普通話筆試除咗會考四声之外仲會考d乜？
今次係小一生第一次考普通話筆試。
thank you！

Bowiema

Julianama,

我地果年小一only考四聲, 不過我見係地今年巳經要默聲母, 韻母, 有可能都要考ga bor.....最緊要睇下佢地做果張worksheets, 應該都係差唔多果d野.

julianama

Bowiema 寫道:
Julianama,

我地果年小一only考四聲, 不過我見係地今年巳經要默聲母, 韻母, 有可能都要考ga bor.....最緊要睇下佢地做果張worksheets, 應該都係差唔多果d野.

thank you Bowiema     

julianama

報告：各位前多默宝宝有相攞啦！
正話嚴老師致電告知的。話時話，嚴老師一嚟就恭喜我，佢話有其他人話俾佢知我生咗，d消息真係靈通！
我應該星期六阿女上完公文式就去攞相，星期六滿月，可以出街啦，悶咗好耐。     

LOOLOO

眨下眼就滿月, 恭喜恭喜!   除了相片, 仲有VCD架

Edmami

julianama,

恭喜哂! BB仔明天滿月啦! 祝BB身體健康! 精靈活潑! 快高長大!

我都攞左相啦! 因為阿女重係度讀緊, 所以學校一早已經將D相交比阿女攞返來了.