馬頭涌官立小學家長請入來傾吓

多利是

今天開始考試week了...大家安排成點呀??    

26/1 家長天地, 你們去嗎??

Leolonglongma

請問各位家長, 如果囝囝考試當天早上突然發燒, 是否應讓他回校考試?  但記得學校提過不設補考, 如果缺席該科(今天是中作和數學)是否完全是="零分".  自己無經驗又不知對他有甚麼影響, 今早掙扎了很久, 給了退燒藥, 讓他回床多睡15分鐘, 不乘校車, 坐的士回校(可在的士上再睡20-25分鐘), 到校是精神了一點, 但仍不斷喊頭痛, 自覺頗殘忍, 但不知缺席考試影響有多大, 可以就你們所知/經驗分享一下嗎? :cry:  :cry:

ngyanting2000

Leolonglongma,

你的情況我就未試過, 我諗我都會好似你咁帶囝囝返學考試, 我會叫囝囝盡力去做, 識幾多做幾多, 我覺得你咁做都係正常做法, 唔好再問自己咁做啱唔啱, 事情都已經發生咗, 小朋友都已經為考試作好準備, 除非囝囝真係病到連床都起唔到, 走路時都無力, 咁我就真係唔忍心要囝囝返學考試啦, 囝囝放學返到屋企未? 帶囝囝去睇醫生未呀? 記住準時叫囝囝食藥, 咁先至會快D好, 祝你囝囝”早日康復", 你自己都要好好保護身體, 唔好咁夜瞓

ngyanting2000

多利是,

26/1 家長天地, 我同老公都會一齊去, 你呢?

Leolonglongma

ngyanting2000,

多謝你o既關心, 過了今天終於捱完考試, 我同囝囝都鬆一口氣, 有覺好瞓 lu!   囝囝已回家, 要放工才可帶他看醫生; 但真的俾工人激死, 叫佢到學校通知校務處, 等囝囝考完試即接佢走, 工人竟然去到只係在學校等佢放學(考試後仍要上一堂課), 囝囝告訴老師有工人接, 但老師話校務處無叫咪, 不可以自己下去!! 放學後打電話俾我喊住話:"好辛苦, 個頭好痛, 頭暈, 但仍要等多一堂先可以離開!" 唉! 工人有時真的不可以信賴, 你同佢講, 佢不斷答:"yes, mum"! 但原來唔知要做 乜  

你們這個星期考試, 相比下仲慘, 因為無一個weekend 在考試中隔住, 給你們和小朋友多一點時間去溫, 仲弊....  我們這邊4次中有3次考試中間都有個break, 可以多點時間.  無論點, 大家都要努力, 同保重身體呀!

YUNG媽

26/1 我倆公婆都會去.

leolonglongma,
考試期間, 常常提醒囝囝和自己唔好食熱氣野, 唔好冷親, 唔好病呀, 否則會更辛苦. 我覺得你處理得好好, 係工人唔生性啫.
去年六月, 我個仔小一面試最關鍵果個星期發燒入院, 好彩正曰朝早退左燒, 係醫院請假出來帶佢去面試, 我咪重殘忍.  但係客觀環境係咁就係咁, 要跟遊戲規則.  

Leolonglongma

Yung 媽:

係呀! 其實平時都唔敢俾熱氣o野佢食, 因為佢鼻敏感, 好易喉嚨痛, 但夜晚反瞓就真係無計, 又唔可以成日同佢瞓幫佢蓋被, 始終要佢自己學習成長.
小朋友如果發燒到入醫院, 做媽媽o既真係既擔心又辛苦...., 像你所說, 人在江湖, 身不由己, 我們只能跟隨遊戲規則!
昨晚帶囝囝看醫生, 醫生提醒最近是水痘高峰期, 呌我留意囝囝的變化, 佢未出過, 好幾次同學仔, 表妹出佢都無被感染, 只係小朋友開始大, 反而仲擔心, 驚現在出會更辛苦!  聽有些家長說, 過了6歲打針已經唔係太有用, 問醫生, 反而俾佢閙, 話我迷信
   , 話應該等小朋友自己抵抗力去對抗病毒而唔係刻意注射病毒入佢體內.  無辜辜俾醫生"醒" :cry:

helenting

Leolonglongma~~

我囝囝今朝起身都話有d唔舒服, 我都係好似你一樣比囝囝食咗一次退燒藥就叫佢返學考試
其實我都覺得自己好殘忍, 但又真係唔想佢缺席考試, 所以點都要佢返學, 見佢一路行入學校都無理精神, 我都好心痛, 但又無辨法, 真係驚缺席咗唔知會點, 為由叫囝囝盡力去考, 真係好辛苦就叫老師打電話比媽咪啦~~
囝囝考完試仲要去補習社繼續溫埋聽日考嘅數學科, 我諗我仲殘忍, 我又唔想話比我媽咪知, 叫囝囝返屋企, 我怕佢會係婆婆度更加無心機溫書, 只好打電話去補習社留意下佢有無事, 我今朝到依家都覺得自己好衰, 點解咁對個囝~~

Leolonglongma

Helenting,

我今日發表咗3次, 打完又打 (而且幾長), 但preview 時無故被delete, 好忟憎, 亦無心機再打.  原先只想問o下有無俾退燒藥俾小朋友跟身, 待補習社幫手餵藥等小朋友唔好咁辛苦.  因為發燒真係令佢地沒精打采, 無晒心機架.  如果明天考數學, 我會放鬆少少, 因為數學明就明, 唔係不斷做題目可以解決, 而且頭腦清醒更緊要.  何況小朋友大意/唔小心o既問題唔係不斷溫習可以解決的.   我會俾佢返屋企午睡, 抖足精神, 晚上待你回家再重點溫習, 睇佢弱項係邊, 花時間在弱項上.  再向佢提醒某些文字題重要字眼, 我估佢地會更入腦一點. 況且他們還要捱到星期五, (是嗎?)  如果攪不好, 仲燒的話, 咁點算?!

不過學 Yung媽/ngyanting2000 所說, 唔好再自責, 凡事向前看, 我想經過今次, 我會致電老師, 問清楚遇有同類情況 (又無八折補考的話), 家長應怎麼辦, 對小朋友成績影響有多大??

你們都要休息多點, 陪小朋友捱多一兩天, 下星期大家就可以抖抖氣喇, 大家努力啦!

ngyanting2000

helenting,

今日囝囝退咗燒未呀? 叫囝囝忍多半日, 辛苦多二個鐘, 今次個考試就完結, 可以輕輕鬆鬆咁休息同玩吓啦    , 只要囝囝盡力去做, 成績係點都唔緊要, 祝你囝囝"早日康復"。

helenting

ngyanting2000 & Leolonglongma~~

多謝關心~~
琴日下晝補習社打比我話囝囝面青青, 所以叫咗婆婆去接佢放學, 之後婆婆話佢咳得都幾勁, 咁就帶咗佢去睇醫生, 可惜個醫生鬼死咁遠, 但又只係得佢先睇得好囝囝喎, 所以無法啦, 遠一遠都要去~~  
琴晚無同佢溫啦, 正如你哋所講數學識就識架啦, 粗心大意嘅野唔會因為做得多工作紙而唔會發生, 所以囝囝今日都係打天材波架啦, 好在囝囝對呢科特別有信心, 只要佢小心d做份卷, 應該唔會太差嘅~~

多利是

我唸如果囝囝捱得住, 都會叫佢去考試既    

不過我覺得如果小朋友真係好辛苦, 我就5會比佢返學, 考試都係咁話...esp. 一年班, 成積暫時不太重要...大個d就難講囉    

26/1家長會我原本係唸住去, 但我忘記左原來個日要上堂, 而家仲心大心細, 未知點    

ngyanting2000

[size=x-large]終於考完試啦

大家可以同小朋友一齊輕鬆吓 ^u^

ngyanting2000

yung媽,

你囝囝好叻      , 派咗三份卷成績都係全班第一, [size=large]恭喜恭喜     

囡囡媽

唔好意思! 想打擾各位媽咪一下，想請問馬頭涌官立小學有無校車去馬鞍山呢?

囡囡媽

YUNG媽

哈哈! 一考完試我們一家人星期六日去左大陸江門玩.  那處的逸豪酒店真係好靚好正. 不過都係長隆好玩d.
ngyanting,
囝囝常識真係全班第一, 其他科唔係.  其他同學仔成績都唔錯.
家長日在班房見到同學的壁佈, 覺得好好笑好得意.

ngyanting2000

YUNG媽,

你係跟旅行團還是自由行, 如果係跟團的話, 可以PM的資料比我嗎?

helenting

YUNG媽~

我都想同囝囝去長隆呀, 請問你係邊間旅行社買架
聽人講話好難book位喎, 你幾耐之前book定呀
   好多問題添...唔好意思, 因為我想去好耐架啦~~

YUNG媽

囡囡媽,
睇過資料, 校車好似無去馬鞍山.  但保母車有.

囡囡媽

YUNG媽,

好多謝你回應我呀! 我想請問校車與保母車有什麼分別呢? 唔該你呀!

囡囡媽