究竟小三TSA/BCA為咩?

shadeslayer

MrBeast 發表於 17-2-11 15:53
好的員工會自動自覺，無需太多監管無心做的監管作用也不大，都係hea 做
工廠式的員工會是最適合監管的工種 ...

工廠工才要監察？說笑？CE0也要被股東監察。政府也要被議員監察。有權利接受資源薪水, 然後同人講只要自律？

shadeslayer

Vanadium 發表於 17-2-11 14:37
回覆 shadeslayer 的帖子

切勿誤會，EK咁多大人物，我相信9成多人交稅多過我，6位數字濕碎，7位、8位數字 ...

咦, 你對教育認識咁深, 尤如一個老師, 都答唔到我的操守問題, A, B 0r 其他?

Vanadium

shadeslayer 發表於 17-2-11 16:12
咦, 你對教育認識咁深, 尤如一個老師, 都答唔到我的操守問題, A, B 0r 其他?
...

我只可說我現係大學執頭執尾...........的確認識好多教育界不同崗位人士。

其實你講操守果個問題，早前我已答左你，操練不涉及操守問題。

教育好似有個教師操守議會，你若然覺得操練係違反教師操守，你可以試下去投訴相關操練既學校同老師。

同你之間之交談到此為止吧，呢個討論亦應該到此為止，有D野即使大家唔同意大家，知下對方諗法都無妨，亦無必要改變別人。

Doray

shadeslayer 發表於 17-2-11 00:13
你有心定無意無講我最大的批評。不是TSA，是老師操守。

Xxxxxx

其實人地答過哂你不同的質詢，係你選擇唔接受，又重覆又重覆咁question你地，我真係好佩服你呢種態度，其實你係咪公務員嚟嘅呢？
什麼A and B, 老師唔去改課程咪乜事都冇囉？！我知，但之前已有網友講過囚徒困境啦，又get 唔到，分清現實未？

我都要利申吓，我都日日involve 不同監管呀監察呀，所以見到啲人亂咁講呢個topic 真係頂唔著。不過我都回夠，就此打住，bye!!

wan_sosin

Doray 發表於 17-2-11 16:52
其實人地答過哂你不同的質詢，係你選擇唔接受，又重覆又重覆咁question你地，我真係好佩服你呢種態度，其 ...

佢只能處理單一個回帖的內容，並不能綜合所有回過的內容去理解，你睇開少少!
你嘅意見好寶貴，你唔講晒咗。

MASAYA

shadeslayer 發表於 17-2-11 13:51
IS 也一樣有 TSA equivalent.  只是人地不是操練為主的教育。

用官津小三TSA個數據？

Vanadium

回覆 MASAYA 的帖子

如果IS行香港果套，仲係叫IS? 莫講家長同學生，教師都個個走頭。
講開國際先搞笑，人地外國教育部門做TSA，目的係監察自己教育制度成效，成績差係檢討自己個教育制度，從而改善，所以佢地係抽樣不記名去做。數據教授或教育局偷換概念，黎到香港變監學校交唔交到成績，成績差叫人捽數，捽到數就話自己教育改革成功，超正既管理學。

而家比人踢爆，就話調返淺個考試，咁又一樣交到數。同一目的既試，可深亦可淺，隨心所欲，究竟佢地做政策，想知個效果，有無指標架? 個龍門任搬既。

MASAYA

Vanadium 發表於 17-2-11 18:28
回覆 MASAYA 的帖子

如果IS行香港果套，仲係叫IS? 莫講家長同學生，教師都個個走頭。

支持既人相信教育局，反對既人唔相信教育局，其實永遠講唔埋，你會唔會相信吳克儉有心有力改善香港教育？我真係唔信，除非，d官既子女讀官津學校，我就覺得佢地會改變

shadeslayer

Vanadium 發表於 17-2-11 16:46
我只可說我現係大學執頭執尾...........的確認識好多教育界不同崗位人士。

其實你講操守果個問題，早前我 ...

其實你講操守果個問題，早前我已答左你，操練不涉及操守問題。

Xxxxx

我之前問你，既然適當操練係正常，依你看TSA有無引起過份操練？

你唔答，答唔到也好正常。

palmchristy

Doray 發表於 17-2-10 18:49
好心唔好再神化監察嘅作用啦，我講過好多次，真係明就明，唔明就算。你講的工程監察有好多種，但最重要係擺 ...

平心而論, 叫做監管機制, 我都覺得怪怪地, 因為覺得TSA比較似係提供額外資料俾學校, 等佢地多一個資訊作自我檢討, 改善教學.

如果叫得做監管機制, 應該會有制衡, 之前最令人不滿就係話教育局俾壓力學校, 但現在唔係呢回事了.

palmchristy

MrBeast 發表於 17-2-10 20:15
我不嬲覺得只是p3 tsa要取消，p6 tsa merge w pre s1，其他against tsa 的網友是否和我一樣想法呢？ ...

小三TSA其實有啲似係Mid-year review.  你話佢唔太重要都得, 因為與升職無關.  但從表現管現來說, 係有作用的.

小六呈分試, 相對就係Annual Appraisal, 到時一切已經定晒, 無彎轉了.

palmchristy

Vanadium 發表於 17-2-11 00:43
你太誇張了，操練又點會叫"毒害"呢?

操練係短時間應付考試黎講，我就已講過係高效。

你話: "教育局無個TSA，咁咪無操練TSA既事。我作為家長....就係想無操TSA呢件事。"

TSA本身唔應該操練. 但難保以前有學校用呢個名義, 去操練學生. 原因好簡單, 在正常學年, 根本教唔晒咁多課程內容, 加上學習差異等因素, 學校用自己資源想幫學生打好基礎, 本身未必係壞事. 但如果有個別學生或家長因此有壓力或唔想去, 亦都可以理解. 呢種情況下, 咪睇吓校方點樣用智慧處理囉. 最衰就係學校大石壓死蟹而家長唔鍾意啫.  呢個情況某些家長會好反感, 但如終係學校問題. 依家係有不滿的家長係同校方溝通唔成功之下, 向社會發聲.

佢地向社會發聲無問題, 但如果意圖令全香港的學校都陪佢一齊, 為左個別學校的問題而提升到要求全港去就佢地, 無視個制度其實對其他學校有一定價值, 咁就有啲過份囉.

去到今時今日, 教育局出埋指引話唔應該操TSA, 如果再有學校因此名義作操練, 係違規. 如有違規, 舉報就是.

MASAYA

palmchristy 發表於 17-2-11 23:02
你話: "教育局無個TSA，咁咪無操練TSA既事。我作為家長....就係想無操TSA呢件事。"

TSA本身唔應該操練.  ...

//原因好簡單, 在正常學年, 根本教唔晒咁多課程內容, 加上學習差異等因素// <-- 你講得出呢句，都認為教育局冇問題，我都唔知再點溝通落去... 一. 課程臃腫。二. 學習差異，教「好學生」容易，教好「學生」難，教好「學生」學習臃腫課程難上加難，咁點？都要教，但教開「好學生」個d唔會理解，更加唔駛講體諒你
p.s. 點為之好學生係見仁見智，但對教育局黎講，好成績就等如好學生，因為跟到佢個path

Vanadium

唔引用教協既野，知有人對教協有敵意。教聯會親政府，調查下大比數覺得TSA增加功課壓力、要操練之餘，亦只有3成幾教師話TSA可改善教學。
http://std.stheadline.com/yesterday/edu/1106go01.html

田北辰:「TSA」試卷不記名，只記學校及學生編碼
(最尾一段笑死人......無睇過真係要睇睇)
https://www.youtube.com/watch?v=WWteOOriJww

石禮謙: 教育要有愛心，不要為利益而死唔停「TSA」
https://www.youtube.com/watch?v=jmqS-DY2Uik

鏗鏘集：功課奴隸 - TSA常伴學生 (最尾有老師分享TSA點影響教學)
https://www.youtube.com/watch?v=OXykBVkjfBQ

不快樂童年1 - 新聞透視2014  (睇到想喊.....怪不得咁多學生自殺，連小學雜談都連續兩個學生自殺討論)
https://www.youtube.com/watch?v=ajrmH6TNmcI

TSA 2014年英文科: 留意寫作部份，若有家長子女讀基層學校、能力較低者，睇下minimally acceptable level唔操練容唔容易做到(p.24)。但奇怪係題目話用30字去作，best students 用成百幾字，唔扣分仲話作得好(p.33)。
http://www.bca.hkeaa.edu.hk/web/TSA/zh/2014tsaReport/chi/Ch7a_P3_English_TSA2014C.pdf

palmchristy

MASAYA 發表於 17-2-11 23:33
//原因好簡單, 在正常學年, 根本教唔晒咁多課程內容, 加上學習差異等因素//  ...

如果你有睇開我之前的留言, 應該知道我係唔會認為教育局無問題的.

只不過以我了解, 一個小小教育局, 要兼顧全港數百間小學, 數百間中學, 各式各樣的考試同評核, 在咁多行左咁多年的制度下, 面對咁多辦學團體同校長及教師, 咁多關注組織, 咁多唔同學習需要的學生, 究竟點樣可以平衡社會上咁多不同團體不同人士的想法, 去開出一條既符合香港未來發展需要又符合學童身心需要的路, 係一件點樣困難的事.

好似你話齋, 教「好學生」容易，教好「學生」難，究竟應該點樣去幫助身心發展有極大差異（只係年齡相近）的學生？明顯見到讀書成績好的學生在職場未必有優勢，但社會風氣上，成績至上的文化又應如何改變？幾時先至可以及早幫學生發展他們將來真正需要的心智和技能，做到人盡其才，而唔係單單在學問上花工夫去培養出大學教授？

在未有方向之前，可以預見香港未來一段日子，仍然會專注數十年來的模式：就是考試成績至上。咁又可以怪邊個？難道現時的教育局就真係可以扭轉乾坤咩？

香港教育需要對教育有認識, 有承擔的人去認真做政策研究, 睇吓響各個枝節下應該做乜野先至對香港同埋對學童係最有利.

palmchristy

Vanadium 發表於 17-2-12 00:07
唔引用教協既野，知有人對教協有敵意。教聯會親政府，調查下大比數覺得TSA增加功課壓力、要操練之餘，亦只 ...

1. 唔引用教協既野，知有人對教協有敵意。教聯會親政府，調查下大比數覺得TSA增加功課壓力、要操練之餘，亦只有3成幾教師話TSA可改善教學。
http://std.stheadline.com/yesterday/edu/1106go01.html

2. 田北辰:「TSA」試卷不記名，只記學校及學生編碼
(最尾一段笑死人......無睇過真係要睇睇)
https://www.youtube.com/watch?v=WWteOOriJww

3. 石禮謙: 教育要有愛心，不要為利益而死唔停「TSA」
https://www.youtube.com/watch?v=jmqS-DY2Uik

4. 鏗鏘集：功課奴隸 - TSA常伴學生 (最尾有老師分享TSA點影響教學)
https://www.youtube.com/watch?v=OXykBVkjfBQ

5. 不快樂童年1 - 新聞透視2014  (睇到想喊.....怪不得咁多學生自殺，連小學雜談都連續兩個學生自殺討論)
https://www.youtube.com/watch?v=ajrmH6TNmcI

6. TSA 2014年英文科: 留意寫作部份，若有家長子女讀基層學校、能力較低者，睇下minimally acceptable level唔操練容唔容易做到(p.24)。但奇怪係題目話用30字去作，best students 用成百幾字，唔扣分仲話作得好(p.33)。
http://www.bca.hkeaa.edu.hk/web/TSA/zh/2014tsaReport/chi/Ch7a_P3_English_TSA2014C.pdf

***************

首先要讚你有心機, 同我地分享咁多相關資訊. 但我按入去, 睇到呢啲資訊的時間為:

1. 2015年11月
2. 2015年11月
3. 2015年11月
4. 2015年7月
5. 2014年3月
6. 2014年

然而, 由2014年至今, 成件事有左一些發展. 首先, 政府在2014年初已取消"學校報告", 學校之間無機會互相比較, 只保留題目分析, 讓學校看到其學生在個別題目上的表現, 多一個資訊去改善教與學.  其次, 教育局已在2015年尾至2016年初, 推出指引禁止學校就TSA作操練. 加上相關委員會已就TSA已作出檢討, 而TSA亦在上年的部份學校參與版本上修改題目的難度, 得到持份者支持.

你努力去把TSA以前的問題挖出來, 但又好似無留意事態發展及當中針對性的變化, 讓時間好似仲停留響2015年11月咁, 唔係好明用意係乜.

Vanadium

回覆 palmchristy 的帖子

你講既野我當然知道，但請不要強迫我相信政府。

我引用既野，大都係唔會因時間改變。 田北辰以第一身証明當日TSA原意係檢視個system，唔係學校，今日..即使所謂改良版，繼續保留呢個異化; 石禮謙曾讀過教育，一個認識教育既人，佢就知道教育既主調應係咩，佢提到TSA能否將一個學生由band 3變band 1，佢讀過教育、做過老師，就知咁係唔得。我已強調多次，知道問題唔代表改善到，而更重要，呢D問題，大都唔需要TSA話比老師知，老師平時教學觀察學生、或從測考時學生答案寫成點已知道。

教育局成日將D野講到好有用咁包裝TSA要考，但唔知點解大部份學校又話無咩用(參教聯會調查...呢個唔會因新版TSA有改變)，更甚明明有更好方法做到真係無壓力低風險，如返回原意唔記錄學校及考生資料，但死都唔做，點解仲要相信教育局真係想為學校好?

題目分析? 真傻....你比份卷我自己做，學生答成點自己唔識睇? 咁做就絕無操練誘因啦，但縱然效果更佳，教育局會比份卷你自己考嗎?一定唔會，講到底....佢真心只係想用評核知學校學生水平，然後比較，所有野都係大話。

話時話，你口吻令我覺得你有D似教育局官員。

palmchristy

Vanadium 發表於 17-2-12 01:09
回覆 palmchristy 的帖子

你講既野我當然知道，但請不要強迫我相信政府。

我又唔係教育局的人, 我無意逼你相信政府. 相反, 即使根據你所提供的資訊, 最多都只能說明當日TSA的確有不少問題. 然而, 呢啲問題已獲得教育局的一些針對性回應: 減少操練誘因、出通告禁學校為TSA操練、修正TSA的題目程度等等.  如果再有問題, 可以再行討論, 甚至再要求政府回應.

由始至終, 我都係認為即或有一些人見到TSA的問題, 除非政府我行我素不作回應, 否則在政府一些針對性措施陸續有成效下, 繼續單向地要求取消TSA, 又或者把TSA塑造成操練元兇, 論點並不有力, 也不見得對事情真正有幫助.

至於學校話有用定無用, 似乎未有壓倒性方向.

另外, 所謂無壓力低風險, 諸如唔記錄學校資料, 明顯同改善個別學校教與學呢個原意不同.  我想唔明點樣可以唔記錄學校但又可以將學校在個別題目的表現回饋返學校去改善教學.

shadeslayer

我之前問你，既然適當操練係正常，依你看TSA有無引起過份操練？

Xxxx

唉，咁多疑似教育界知情人士，咁既簡單問題無一人答到。講乜都係假。

palmchristy

Vanadium 發表於 17-2-12 01:09
回覆 palmchristy 的帖子

你講既野我當然知道，但請不要強迫我相信政府。

你話: "題目分析? 真傻....你比份卷我自己做，學生答成點自己唔識睇? 咁做就絕無操練誘因啦，但縱然效果更佳，教育局會比份卷你自己考嗎?一定唔會，講到底....佢真心只係想用評核知學校學生水平，然後比較，所有野都係大話。"

呢段我睇唔明你想寫乜添.  至於你話講到底係想用評核知學校同學生水平然後比較, 似乎係一個唔知基於乜野的猜測.