民生書院小學部家長分享 - (高小集中地)

菲媽

今天是測驗第一天, 剛巧又是琵琶校際比賽, 我們先回校測驗再去比賽, 而比賽結果有少少失望 , 得77分, 第三名81分, 評判比較嚴謹, 但今次最大收獲係評判指出菲菲抱琴姿勢有問題, 影響表現, 其實我一直都覺得有d問題, 但有講唔出咩問題 : , 對日後學習有很大幫助呢!

預祝各位小朋友在測驗有理想成績! 加油努力!

Zoey

菲媽,

希望菲菲唔好唔開心, 分數已不差, 最緊要了解問題所在, 日後可以加以糾正!  其實阿女今年參加過分別朗誦同鋼琴比賽, 都有感覺評審比以往嚴謹一些, 亦多左取不到 proficiency cert. 的    :-|    , 以往真係比較少見的!

Anyway, 阿菲今年鋼琴成績大躍進, 都已經值得賀下佢, 黎緊復活節記得同佢玩到顛          !  

Heidi媽,

希望 Heidi partner 既成績唔會對 Heidi 做成壓力, 最緊要 沉著應戰, 預祝 Heidi 黎緊賽事勇奪錦標          !

菲媽

Heidi媽, Zoey,

多謝你地鼓勵, 其實係我失望多個佢 : , 佢都冇咩野, 話下次再參加law! 不過今次比賽真係學到好多野, 見到有好多家長都帶私人座椅去, 有d又帶膠凳仔去放腳, 又有d放條毛巾, 我就咩都冇準備, 見到佢彈彈下皺哂眉頭, 都知佢有問題, 原來個琴一路滑下來…..又一次好好的經驗law!  

期待著復活假的來臨!

Heidi媽,

你個partner同菲菲彈同一首, 不過佢細菲菲2年 , 真係好叻 , 所以今次佢地兩個都係有實力, 只要臨場發揮的好, 一定能擦出火花, 取得有好成績!

桃子

菲媽,

唔好太失望啦! 我都覺得評判比分好緊, 我地出年齊齊努力吧! 你話評判指出"jar"琴姿勢不大好, 不如下次問清楚吳sir, 叫佢指點下都好
想八卦下, 上次你話那個大熱門人馬有冇入左三甲呀?

桃子

菲媽,

d 家長真係好誇張wor 佢地咪好多人一齊去law. 其實係咪真係有用架 上次阿囡比賽反而係見到好多靚靚的柳琴, 上面鑲有白玉個隻, d 聲真係好唔同.

菲媽 寫道:

不過今次比賽真係學到好多野, 見到有好多家長都帶私人座椅去, 有d又帶膠凳仔去放腳, 又有d放條毛巾, 我就咩都冇準備, 見到佢彈彈下皺哂眉頭, 都知佢有問題, 原來個琴一路滑下來…..又一次好好的經驗law!  

菲媽

桃子, Heidi媽,

我冇誇張架 : , 因為小朋友唔夠高坐大人椅, (仲要係酒樓個隻), 有三四個較細既小朋友真係帶私家座椅, 可能他們家長比較有經驗, 而其中兩位也取得名次, 如果雙腳唔到地個琴很容易滑來滑去, 顧得個琵琶, 又顧唔到彈琴, 也很影響表現, 所以我都有少少後悔冇帶張凳仔去放腳 .

Zoey

菲媽, Heidi媽, 桃子,

帶私家椅比賽都係好平常嫁, 阿女大提琴過往都有唔少比較細既小朋友會用私家椅, 因為椅子高度唔適合佢地會挾唔實個琴.

琵琶還要放係大腿上, 若雙腿唔平, 部琴真係會好容易滑落黎, 所以凳仔必要時都有需要, 我都見過一些大姐姐表演時(獨奏)用過.

菲媽

Zoey,

你解釋得很清楚, 其實我心曾經都有一殺那想過需唔需要凳仔, 但又怕煩又驚得我帶 ....我真係唔見慣大場面, 要向你多多學習!  

星期一測常識, 我地班唔記得派作業 , 好彩星期六要番中樂, 如果唔係.....

Zoey

菲媽 寫道:

. . . 但又怕煩又驚得我帶 ....我真係唔見慣大場面, 要向你多多學習!    . . .

菲媽,

咁下次邀請妳地去睇 concert 就唔好托我手踭 law wor     :     !  上次小交同兒童合唱團個 show 好正呀         , 當中還有一個大概 10 歲既小男高音獨唱左一首 "Somewhere Out There" (老鼠也移民首主打歌), 真係唱得好好, 音域好靚, 真係 choir 手一定要學下野, 同場仲每個小朋友一個熊 bearbear, 我地都睇得好開心呀        .

菲媽

Zoey,

今次真係走寶, 以後唔感托你手

Zoey

菲媽,

下次阿菲比賽拉丁, 時間啱地點近都比阿女去捧下場         , 等佢又可以出去見下世面          !

Zoey

測驗終於又過去喇, 真係飲得杯落          !   雖然暫時派番既成績都唔係太滿意, 仲有 d 勞氣 tim, 不過都算喇, 考完可以放番個真正 relax 既假期, 真係乜都唔諗 lu         !  黎緊兩星期既假期節目都已排得密密麻麻        , 希望大家都有個 Happy Happy Easter        !~

Zoey

Heidi媽,

我都想係我自己要求高         , 可惜唔係 . . . (不過都係唔講喇        )

係呢, 妳地諗住 Easter 去 澳門, book 左邊間酒店呀        ?  去幾多日呀        ?  有冇 book 觀光塔食 buffet? . . . .

ak25

各位前輩
請問考完大考14-20/6, 但到13/7先開始暑假, 咁中間仲使唔使返學? 如要, 咁返去做咩? 通常要返幾耐(2-3小時)?
謝謝.

Zoey

Heidi媽,

入場費要嫁, 但我覺得值得, 因為澳門其實唔太多境點, 觀光塔係我同阿女覺得最得意既地方, 因為會有人跳降傘 (多數外國人, 自已比 $ 跳), 所以我地坐係度睇, 一邊食雪糕, 一邊睇, 都睇左成個下午         ;  妳試下 book 入面頂樓旋轉餐廳既 tea buffet 啦 (要快手呀, 好容易 full, 在 hk book 定), 因為平過 dinner buffet 好多, 好似 book buffet 仲係連埋觀光塔入場費嫁, 所以真係好抵好抵食, d 野唔差, 仲要睇到超靚景, 真係一定要去!~

Zoey

另外, 賽車博物館, 漁人碼頭, 海事博物館 (啱路既話), 議事亭, 大沙巴, . . . (主教山比較隔涉一點, 看景既成份較多, 若入觀光塔的話都可以不去         )