富安威寶的家長, 入黎交流吓啦

ktmama

Giann728
最緊要都喺均衡營養.  如果平時有煲開湯, 可以加幾片淮山, 但淮山要洗同浸軟先放入水度煲. 因為淮山補腸胃.  所以我次次煲湯都有加幾片 gar.

你記得叫你朋友幫你買埋個筆刨喎. 因為普通筆刨唔夠濶 gar.

我今日接亞仔放學, 見到你女女喺車度向我同亞仔揮手拜拜 呀.  佢後黎仲將隻手指 "禁" 住自己個鼻添喎     你今晚返去記得睇吓佢個鼻仔有無扁到喎  

giann728

ktmama,
等我試吓煲先，不過好頭痛，我女女唔肯飲湯，可能煲左都係我飲﹗

有呀，一包鉛筆會包埋個筆刨架，朋友話教協買好平，所以我就托佢買囉﹗

係呀??  我女女同你地bye bye呀??  等我今晚問吓佢先﹗

係喎，Fun English仲有2堂，你會唔會再同仔仔報名呀??  唔知幾時有得報呢??

ktmama

Giann728
你可以將 d 湯用黎煮麵或者通粉俾女女食, . 我都喺咁 gar. 亞仔都幾鐘意 gar, 因為咁樣煮出黎 D 麵同通粉都有味 GAR.  同埋試吓氹佢飲湯, 或者氹吓氹吓佢會鐘意呢.  

喺呀, 出面文具舖都買得幾貴 gar.  D 三角鉛筆都要 $7.5 一支呀.

會呀, 我會再幫仔仔報名呀. 因為佢好鐘意返呀. 我諗可能過完年先再報名 lu. 因為今期最後一堂好似喺三月頭呀.  我諗心怡都會繼續報 gar.  聽佢媽媽講佢都好鐘意返 gar.  

ktmama

QKHUI,  GIANN728
時間真喺過得好快呀, 話咁快農曆年又過咗一半啦.  亞仔呢幾晚都夜咗先睡. 攪到呢幾日朝朝都 8 點幾先起身. 所以都喺時候同佢較番 D 時間先得啦.

我今日仔仔都做晒 D 功課啦. 不過, 佢寫字始終都唔喺咁用心.  真喺要慢慢再氹吓佢先得.

qkhui

HI 你們好, 祝大家心想事成, 小朋友健健康康, 精乖伶俐  

我依家唸緊要比亞仔返全日, 唔知好唔好..
你們知唔知讀全日幾多錢AR? 學卷會資助幾多AR?

ktmama

HI, QKHUI
大家咁話, 小朋友最緊要身體健康

讀全日都有資助 GAR.  如果全年學費唔過 4 萬 8, 聽講有 2 萬資助 GAR.  但喺全日學費我又唔知要幾多錢喎.

GIANN728
記得聽日要帶廁紙筒返學喎. 記得寫名喎.  

giann728

各位 新年快樂﹗

ktmama,
我今日同女女帶左啦，我都唔見左張通告，所以唔記得邊日帶，帶左隱陣d﹗

ktmama

Giann728
今日收到 fun english 同體操既報名表啦.  fun english 我會照樣同佢報.  因為仔仔話佢好鐘意喎  

其實我都好想幫仔仔報埋體操 gar.  但又驚佢連續上二個興趣班會好攰, 所以都喺算把啦.

qkhui

HI, 我都會幫仔仔報體操+fun english.
原來k2下學期開始要默書ka la...... 一個week 中, 一個week 英.. 唔知亞仔o 唔 o k ?
不過我覺得好似早佐o的, 同其他朋友講, 佢地又話噉樣佢地上到小一又無噉辛苦, 都唔知真定假, 佢地話, 幼稚園慢慢幫佢地提升, 會好o的wor, 你們話le ?

giann728

Hi,
我都同女女報翻體操同fun english呀﹗  我女女話鐘意上喎﹗

嘩，qkhui，唔好嚇我喎，k2就要默書﹗

ktmama

HI, QKHUI
喺呀, 我聽 K3 D 家長話 K2 下學期會開始有默書啦.   

我覺得你個朋友講得好啱呀.  俾佢哋慢慢習慣吓都好.  等佢哋上到小學時可以容易 D 應付.  雖然依家默書可能對 D 小朋友黎講真喺會有少少壓力, 但我覺得 D 小朋友應該應付到 GAR.

qkhui

Hi Ktmama,

佢今日就會默中文，　在home 佢都ok, 不過唔知返到學校得唔得, 慢慢la

今個week就要讀英文, 有時覺得串英文好似仲易, 因為得閒都可以問佢點串.. 依家真係想懶o的都唔得

ktmama

HI, QKHUI, GIANN728

咁又喺喎, 英文會溫過中文 gar,  英文可以得閒問吓佢點串同點讀,  但中文就唔同, 真喺要寫出黎先知佢啱唔啱. 因為有太多同音字啦.

我依家每日都會同仔仔溫字咭,  起碼到評估週時唔駛同佢溫得咁辛苦嘛.

不過最慘都喺寫字, 雖然佢肯做功課, 但無耐性, 有時又唔認真寫   , 寫到好肉酸,  不過如果佢肯認真寫, 又寫得幾靚喎. 所以我要一路鼓勵佢等佢寫靚 d  

天氣凍翻好多, 大家大人細路都要小心身體.

giann728

ktmama,
今日係唔係要帶電芯呀??  我臨急臨忙拆左電視搖控果粒比佢咋﹗

你就好啦，可以有好多時間同仔仔溫書，我每晚得兩個鐘頭，佢食飯要食半個鐘，做功課又做得耐，溫得書黎，我都無時間同佢玩吓，呢幾日連故事書都唔得閒睇呀﹗

qkhui

giann728, 你係放工先返去同小朋友做功課ａｒ？　我亞仔係都要等我返去先做, 真係比佢激死, 我返到去食完飯都成9點, 成日叫佢早o的做, 佢又唔肯, 都唔知點算好... 佢讀k1時唔係噉ka.. 唔知why 依家會噉le ?

ktmama

HI, GIANN728
喺呀, 亞仔話要帶 D 電池返去, 話喺普嗰 D 就得啦. 所以我俾咗一粒 2A, 1 粒 3A 同一粒中電俾仔仔帶返學校, 結果老師收咗粒 2A 電池囉.

點解你唔叫個工人姐姐同佢做咗功課先? 等你返到去時先同佢 CHECK吓?   或者你可以喺星期六日抽 D 時間同佢溫, 又或者用玩遊戲方式去同佢溫書.

giann728

qkhui,
我女女一時時啦，有時佢會好乖，下晝就做晒d功課架啦﹗  有時佢就做一半，留一半同我一齊做﹗  有時就一個字都未寫過 (呢個通常係因為佢要翻興趣班，無時間做)，嘩，如果係呢個case，果一晚就真係咩都唔駛同佢做，因為佢寫得好慢架﹗

咁你同仔仔做完功課，溫吓書都夠鐘訓覺囉喎，米無咩其他親子時間囉??  平時係唔係工人姐姐睇住你仔仔架??  可唔可以叫姐姐下晝抽小小時間同你仔仔一齊做左先呢?? 我覺得佢地想人倍住佢地做﹗

giann728

ktmama,
原來尋日得你仔仔同我女女記得帶電心咋，我女女好開心同我講ms wong讚佢地兩個叻叻呀﹗

因為有時女女要翻興趣班，佢3:30出門口架啦，佢食飯又係好勞氣，一點開始食，食成個鐘，食完換吓衫，有時會沖埋涼，攪吓呢樣攪吓果樣都夠鐘出門口﹗  所以果兩日，佢會留翻d功課等我翻黎同佢做﹗  咁有時姐姐唔識睇題目，又唔敢同佢一齊做果d worksheet，咁我女女只好寫左本練薄，張worksheet等我翻黎做囉﹗  

其實係可能因為我女女之前skip左成個幾星期無翻學，佢呢排d功課真係好多呀，前兩日佢一次過要寫三版字呀，有兩版係absent補翻架，睇見佢真係辛苦﹗ :cry:

qkhui

giann728, 佢依家唔肯中午做, 成日都要捱到我們返, 食完飯先做, 因為佢都係比較夜瞓, 11點12點先瞓, 噉同佢返到home, 刷完牙,其實都好少溫書, 但瞓覺前點都會睇/講一陣書, 因為佢成日都要我地講比佢聽. 佢中午一定要瞓覺, 起碼2-3個hrs, 佢一瞓佐就真係無晒時間.....

ktmama

QKHUI
你仔仔通常幾點瞓晏覺 GAR? 不過瞓完晏覺起身都差唔多到夜晚, 真喺無嘜時間淨.

最緊要喺佢哋肯做功課同溫書, 唔喺到時仲頭痛呀.