一呂現家長 / potential 家長會

candytl

Homama,

恭喜你大囡pass KET.
以你大囡嘅英文程度, 考4級鋼琴不用翻譯我相信冇問題. 我女考2級時冇請翻譯, 5級時有請, 但她考完出來講考官講的英文好簡單, 佢唔使翻譯也可以應付. 不過我想穩陣些, 都係請好啲.
你大女對音樂有興趣真係好, 我都等緊我女可以咁.
佢宜加係咪准備緊樂理試? 打算幾時考? 簞簧管有5級已非常好, 足夠有料寫在升中檔案到喇.

宜加睇到啲小朋友一邊學樂器一邊忙考升級試, 冇樂趣而言, 真係好辛苦啊, 但唔做又騖佢地唔夠競争力渦.

我原本打算借本冰心的<<再寄小讀者>>同阿女一起睇的, 后來佢見到有兩本校園短篇, 就話唔借喇. 結果就借咗這兩本.
其實我女都唔係完全唔識睇簡體字, 我係當當買本<<窗邊的小豆豆>>, 佢大部分都可讀到俾我聽, 關鍵都係本書係咪佢喜歡睇的, 或者我自已睇引吓佢先.

短期我唔打算係dangdang買書喇, 上次係旺角買咗$3xx, 今次又$3xx, 荷包好傷呀!

candytl

Alice,

暑假我冇安排課外功課俾我女, 佢最大的”工作”都係練琴, 每日約1小時, 小提琴就半小時, 再加上参加ywca兩個活動, 一個係圖書義工, 另一個係三天日營. 其余時間就由佢自由控制. 做乜都得, 但就一定唔可以睇電視.  

alicetong

Candy,
我就買左本中文習作同copy book佢每日做兩版,另外學校生本數學同電腦IT都有本習作叫佢地做...暑期作業已經差不多做完晒,訂左份Daily seven報紙叫佢自己預睇下先？晚黑返去再講比佢聽..依然做緊英文每日一篇,練琴叫佢早晚各練半小時...習慣佢睇6點半新聞,另外早晚各半小時睇書.... 有時都做唔晒架？就無強制性唔比佢睇電視..尋晚一家人睇左小孩不笨第一集.暑假參加左游水8月中先開始...

Homama2004

Candy,
佢宜加係咪准備緊樂理試? 打算幾時考? >  唔知! 一切由琴姐姐決定,我想法和你一樣因家姐都拿了5級單簧管,考中學都有交待啦!知佢學嘢慢,我不想為考級而迫佢,免佢失興趣.佢話樂理好好玩喎!我見佢還為單簧管簡譜作伴奏成鋼琴譜,當然係"玩",彈出來笑死人...

Alice,
沒有甚麼特別安排,佢哋兩個這兩星期早上返英基.八月我便放下上午陪佢哋游水去下圖書館咁!有媽咪約去台灣,但我興趣不大.我由佢哋考完試放11點時,已開始每天編了時間表給她們(中+英+數+音+其他),寫低要看/做那本(當然在她們能力範圍內),妹妹慘啲!要跟家姐做6年級的補充,因費事再買5年級,在家中印兩份便可,我現在1-5每天
中文:要佢哋完成一個課室那套寫作練習和作一篇文.做一篇閱讀理解
英文:做一篇閱讀理解,間住啲字要查中英文解釋,寫番落佢哋本index book內
數:做一至兩個練習
音:完成琴老師功課及練樂器
其他:看我指定課外書,如國家地理雜誌那些細英文書,然後用中文寫番報告
最大挑戰係我每晚要花成個鐘改佢哋啲嘢,猶其是作文,都曾想放棄,但我驚我懶又如往年白白浪費了整個暑假,希望這幾個星期可以幫到家姐成績上番少少.如欠做便扣佢哋看課外書/上網的時間,如我媽媽知一定"鬧"死:evil: 六日就不用做,同佢哋周圍去下香港咁!!

見課室寄來的單張,書展時有特價套裝出售,你可以考慮:
http://www.classroom.com.hk/info/activity/wiat048/pdf/6072_p1&2.pdf
我記得去年可以即場入會,拿了會員證便可以八折買補充. 我個人覺得中英文還可以,但數學我就覺得題目比較少.

我見朗文今年終於都出了TSA的補充,可以看看,但我未見實物所以未決定買不買. 聽沙呂那邊中文測考已改和TSA的format 一樣,我都想我哋學校會改,因家姐在重組句子&排句成段時常失分,但閱讀理解還可以.如改了可能對佢中文成績有利.

再次多謝你的書展入場票!

我還未出動買書呀! 等去完書展才買,很多書都好似未出.在暑假時不能看定先.

至於dangdang成語動畫廊,你要等等,我買前再問問你.

Homama2004

Candy,

再加上参加ywca兩個活動, 一個係圖書義工
> 請問還可以參加嗎?在何處拿資料???

candytl

homama,

你打26919170問下, 活動編號#37110340

candytl

alice,

如果我女每日冇我的"追魂call", 日日都唔能夠完成練琴任務 , 其他佢喜歡做的, 例如畫畫, 你唔叫佢做, 日日都同妹妹交幾張俾你.

Homama2004

Candy,
謝謝!打去問過,已滿! 要等到明年暑期才有.

Homama2004

Candy,
想問你好耐,你張大頭相是否你囡囡畫?很生動有趣!!
我兩個囡都很喜歡畫畫,好彩office多recycle紙比佢哋畫.

alicetong

Homama,
多謝妳0既寶貴意見呀...我會去書展睇下課室教材,另外留意下longman出0個套TSA的補充..
至於dangdang的成語動畫廊真係多謝妳幫忙呀？
唔好客氣..借花敬佛0者？哈哈！

Homama,Candy,
我未又係要打電話比個仔提佢做野...時間表係編左,無寫定時間佢就成日古古惑惑係度推..咁0岩我窗台滲水搭左棚整野？Daddy要睇住工人做野就更加free啦...
暑假我會放早4點呀？...

candytl

homama,

"想問你好耐,你張大頭相是否你囡囡畫?很生動有趣!!"----唔係, 我偶然係綱上見到副畫, 覺得幾得意就用來就大頭相.
Ywca暑期好多人報架, 要抽簽排隊, 我今年有兩個參觀活動都抽唔到.
可能因為學畫畫冇壓力, 上完堂回來唔使練習, 我又冇要求, 所以家姐好enjoy畫畫, 宜加搞到妹妹也很喜歡,
上星期送佢返學, 見到學校壁報板貼住佢係學校畫的一幅畫, 書中媽咪拖住姐姐同佢, 我問爹哋呢? 佢大大聲答: 爹哋唔係屋企! 搞到老師忍唔住笑.   

alice,

嘩.......收四點, 我都想呀!

Homama2004

Candy,
係呀!無壓力學嘢係好開心,所以我唔比大囡考級住,佢話要考才考.

Alice,
暑假我會放早4點呀？...>
4點放工就真令人羨慕呀!!我同你同樣性質的工作,但發夢就會...

candytl

今早唔記得講, 潯日我哋去咗科學館玩, 兩個女係第二次去, 但仍然好興奮, 玩到唔捨得走, 我做咗張全年家庭証. 今個禮拜日可能會再去.

放暑假大人小朋友都咁開心

Homama2004

Candy,  如我通常去完科學館便會去埋星光的商務.我囡囡對到科學館仍然樂此不疲.
昨天她們返英基話好好玩,1對8.隔離班2-3年級組更少人1對4 .她們非常羨慕那間學校有咁大的空間,設備又好,我便對佢哋話沙呂都很大,為何聽不到你們有同樣的讚賞,妹妹話沙田小學沒有沙呂咁刻意,好似化了粧,卸(<-識用這個字喎! )了粧的原貌唔知係怎樣.攪笑!! 咁獨特見解都有
聽家姐同學妹妹想入沙田小學但英基拒絕申請,話妹妹的兄姐都讀local school所以不收.那位媽咪都很失望呀! 這間學校很多reading,功課就極少.

candytl

homama,

我大鄉俚一名, 出咗沙田, 就唔知定架喇.
下次去開行下先. 不過除咗書, 我好少係書局買文具, 覺得書局文具貴過出面好多, 我係大眾見同一款15色水彩賣$75, 我有95折卡, 都要$71.30, 係我公司附近文具鋪只賣$65咋.

你細囡嘅比喻有創意, 好好笑
佢地係英基上幾堂, 每堂幾$$?
係火炭有間基督教國際小學(唔知我有冇寫錯), 今年會搬去石門新校址. 我隔離屋個小朋友讀緊, 聽佢媽咪話係全英教學, 冇中文學的, 所以佢課余要俾個女補中文.

alicetong

大家早晨！
妳地講到科學館咁吸引..呢個星期都想同仔女去行下...其實有d乜野玩架？

暑假放4點算bonus 0黎架..以前其實福利仲更加好？大假都多幾日？當然好景不常啦..哈哈！

我聽日同仔仔去書展0拿？一定要忍得手..鎖定目標先買...一於感受下平日去係未真係舒服d先？
尋日放工借左隻DVD叮噹─ 惑星...(唔記得添..),吩咐哥哥朝早做完我交帶4樣野同妹妹一齊睇？等Daddy透下...

Homama2004

Candy,
哈哈!講開大鄉俚.上星期六一位移了民到加拿大的舊同事回來聚舊.共四人約了到紅磡火車站旁的都會廣場某酒樓傾計,那酒樓在8/F,我們行到商場見有指示牌去8/F便跟著行升了一層電梯然後行去乘升降機,我們三人(都係沙田鄉俚)其中一人按8/F見不"著燈",我們其餘兩人繼續按都無反應.後來一對母女進升降機按9/F,門便關上上去,那位媽媽見我哋按8/F,終於忍不住話你們入升降機那層便就是8/F囉!!        .我們三人笑到碌地,真係失禮!!好彩我哋老公不在身旁,一定有排"笑"我哋這班無知女人呀....後來住紅磡的朋友得悉後都笑到我哋三人面黃.

你去完科學館,可以在玫瑰堂對面巴士站,乘5C/??等巴士(兩三個站)到天星碼頭,那間商務有兒童閣,都幾多座位給小朋友/大人打書釘的,就算坐地下職員大多都沒有干涉.如你拿了全年証:可以免費去埋太空館,藝術館,我自己就很喜歡去藝術館,一進去便覺遠離煩囂,靜靜地賞畫.那次無意有幸看到黃永玉八十藝展,真是印象深刻,那些畫的豐富內涵和畫味到現在我還是回味無窮.那個景界真令人嚮往.你囡囡那麼喜歡畫畫一定要去看看,一定有少少得著的.

買文具當然要上去教協.我張証借了給同學媽咪長用,我會用我老公那張,而Alice都有証.可以找次星期六約埋Alice去買嘢!!

嘩!現在的水彩賣得咁貴,其實你可以買中國顏料來試用,都有水彩的效果,$20頭到一盒.沙田大眾的文具偏貴,樓下商務平啲,你下次可以樓上樓下格下價才買.幾師奶!! 但大家知養兩名係幾大開支,師奶的智慧不容忽視呀!

英基堂很貴呀! $2100/一星期五天,9:30-12:30
[url=ESF Summer Camp]http://english.esf.org.hk/esfenglish/pdf/ESF_summercamp2006.pdf[/url]
今年預算暑假去旅行的錢便咁用了.

Homama2004

哈哈! 我入錯了咗link添:
ESF Summer Course

candytl

Alice,

科學館宜加有個專題”基因革命”, 里面有好多圖片, 道具及文字講述好多關於基因的科學, 但我兩個女無心機睇黎啲, 佢哋一心想去玩其他嘢, 女仔對科學冇乜興趣? 我見有幾個同大女差不多大的男仔就興致勃勃,
科學館有不同場地, 包括氣象, 挑戰體能, 力學, 電磁場, 聲音傳播…..等等. 足夠玩半日架. 佢對面間歷史博物館都好值得去, 上次我同我女跟館內的導賞員行, 一路聽佢講香港的歷史發展, 等於上咗一堂歷史堂, 好有收獲. 導賞員服務是免費的, 入場時可以留意時間.
你去時不妨花$200做張家庭証, 可以去埋其他6個館, 大圍過間文化博物館都得, 抵好多.

candytl

"尋日放工借左隻DVD叮噹─ 惑星...(唔記得添..),吩咐哥哥朝早做完我交帶4樣野同妹妹一齊睇"------係呀, 我都係好想趁放暑假, 多啲俾佢哋做自已想做的事, 睇卡通片, 上綱玩game, 我女潯晚叫我攞付鋪晒塵的羽毛球拍出來落樓陪佢玩. 我話夜麻麻睇唔到波渦.