取消中小學考試名次制度

beastiebistro

Yanamami 發表於 22-11-4 15:45
我成日諗，如果香港唔係有地產霸權，好似星加坡同德國咁，人人有affordable housing, 咁會唔會解決左人生一 ...

死要面都係一大問題...

天外之人

beastiebistro 發表於 22-11-4 09:18
係㗎係㗎，所以我先會有我嘅睇法，正係shadeslayer兄所謂嘅唔同體驗引致唔同睇法。

一般香港家長以為考入 ...

開頭幾段正正講出中學之前既學習階段出問題,冇好基礎底做成,且那些孩子肯定都係以所謂合理念去入中學.........為何都咁?現在香港真係好多呢類高不成低不就能力既人,大部份香港老闆係開心架,因為同類型工種大把人選,唔需要高工資去招聘.貧富差距衹會不停擴大,工資冇加,但衣食住行樣樣加,真係要唱呀SAM既"加價熱潮"歌......

beastiebistro

天外之人 發表於 22-11-4 16:19
所以呢個睇開啲,其實應該係由幼稚園就已經開始,唔係等到中學冇結果既時候先睇開啲. 若然有咁稔法,小學六年, ...

呢樣根本唔work。如果考試係咁唔重要，咁使乜考小一同中一呢，不如連嗰啲試都取消埋？

如果唔分流，唔通一年5萬個學生全部都考醫生？唔好咁誇張喇，一年5千個學生考醫生喇，係咪收晒？收唔晒咁點？收邊個唔收邊個？唔評估點知邊個適合邊個唔適合？定係求其邊個想做醫生就俾佢做，「希望」佢有潛能發揮可以做到？

根本就唔係制度問題，考核亦係必須嘅。咁可以改嘅就係人嘅心態囉？唔適合做醫生就係唔適合囉，唔係個制度唔公平，係天生唔公平。適合揸巴士就開開心心揸巴士囉，點解讀書應該開開心心，結果揸巴士就係制度不公，社會虧欠呢？

beastiebistro

天外之人 發表於 22-11-4 16:33
開頭幾段正正講出中學之前既學習階段出問題,冇好基礎底做成,且那些孩子肯定都係以所謂合理念去入中學...... ...

我諗你又唔理解我嘅意思喇，我嘅意思就係嗰啲入學嘅正正就係「以為」合理念，其實根本唔合。未必係佢嘅幼稚園小學根基唔夠扎實，根本可能係佢能力都唔適合讀Band 1學校，勉強入嚟結果就錯配囉。如果好好哋有個升中考試，大家知道能力喺邊，考band 1讀band 1，考band 3讀band 3就唔會有錯配...
所以考核分流係更重要...

Radiomama

shadeslayer 發表於 22-11-4 12:59
中西文化差異

究竟要融入文化，定保持自我

都唔算中西文化差異，因為中國古代習武、又或學戲、雜耍等同門師弟情誼都接近這種frat 文化，不過我仔唔接受這種交往啫。

ok_ko

天外之人 發表於 22-11-4 16:09
可能你睇到既方向停留咗喺中學階段會發生,但其實你唔覺得,好多你所講家長控制咗方向既重點已經喺幼稚園開始 ...

我咁睇。假如你唔係最草根，條路你係可以選擇嘅。哪怕你是草根，現在的制度，就算你無讀幼稚園，只要小孩夠歲數，都可以參加派位。到了小六，一樣可以升中學。然後，大家都一樣可以參加一個公開試。先唔好討論個公開試好唔好，但起碼公平。咁多年，好像蕭源的例子其實很少了。

問題係家長了解個游戲規則後，有人選擇催谷，谷得唔好，抱怨；唔想谷的又抱怨。又有人選擇改跑道，無辦法改的，又抱怨。

其實，現在個玩法（小一入學試，升中試都沒有了）；大學學位，點都比我地以前好。不過，以前D人可能窮D，細路又多D，選擇又少D。多數都等班細路自生自滅。點知自生自滅生長嘅，似乎變得特別强壯。當時，入唔到大學的，很多人自己想辦法轉跑道。嗰份向上嘅精神，夠香港繁榮二三十年。

一個細路，父母整天告訴他制度點唔公平；努力咗都無用。聽聽埋埋，你估有無影響呀？

stillgood20

shadeslayer 發表於 22-11-4 13:24
科科 stream，遠好於精英班

教育界比較理想．總想,製造'全人'．
綜合能力高的．

天外之人

beastiebistro 發表於 22-11-4 16:35
呢樣根本唔work。如果考試係咁唔重要，咁使乜考小一同中一呢，不如連嗰啲試都取消埋？

如果唔分流，唔通一 ...

我所指最後既考核係需要,其實升小一同升中一,等於現今一般人所講既接龍學校意思,且一定都會有分流到唔同能力範疇既學生,,唔會全都去晒學醫學律師一邊,衹係香港太細,同區住既學生未必可以入晒同區既學校,所以才需要有升小一升中一考試分類, 當社會冇咗階級學校過早出現,會否如你所講人既心態會容易改變多.孩子學習能力因而會否更用心多呢?  新加坡同中國新既教育改法,都唔知最終效果係點,但.....敢去嘗試,大家唔係高官決策人,冇呢啲改制能力都係討論一下.

Radiomama

這個帖一開始，我曾分享在香港的國際學校由小學至初中不設考試，
但，
有持續評核、有持續評核、有持續評核。
有成績表、有家長日、也有在不同科目行streaming/set/pathway的制度。

好處是沒有「考試週」的溫書壓力，唔好係，孩子全年都可以好努力，又或者全年都好唔努力。

當學生人數下降、香港又話耍培育人才，我覚得依家有空間去諗一諗。

beastiebistro

天外之人 發表於 22-11-4 17:20
我所指最後既考核係需要,其實升小一同升中一,等於現今一般人所講既接龍學校意思,且一定都會有分流到唔同能 ...

咩為之「階級」學校呢？其實坊間所謂嘅「神」校都係家長封俾佢㗎咋喎？啲學校自己從來冇話過自己要做神校㗎喎？咁如果學校管理層校長老師努力做好啲，一個唔覺意變咗神校咪階級主意？莫非所有小學校長老師應該hea教，等階級唔存在？取消晒所有考試，留番個升中試好喇，咁每年送最多學生入好中學嘅小學又變咗神校？莫非要每年將全港老師校長調來調去，全部唔俾喺一間學校教多過一年？執晒啲辦得好嘅私校／國際學校？

世界大同係比較左膠嘅理念，正正就係我之前講過嘅追求equality in result。就算你係愛因斯坦都冇用㗎喇，因為你叻過我就變咗有階級。咁唯有取消晒所有考試，最好大家去到小六都齊齊葺葺，個個都咁高咁大。

其實呢樣就係拖垮美國普及教育嘅做法。小布殊因為要得民心，所以實行no child left behind計劃，係非常之受草根階層歡迎。理論上係增加資源補底，但錢喺邊度嚟呢？結果就係cut拔尖嘅budget。後果就係連之前基層學生可以拔尖嘅資優學校都要關門大吉，反而係減少咗讀得書嘅基層學生發圍嘅機會。而美國整體嘅普及教育係退化咗，因為有能力嘅反而被冇能力嘅拖低咗好多。美國有段時間連「資優」都唔俾講，因為會令「普通」學生感覺被貶低。結果十幾年過去知道唔掂，而家咪大筆大筆錢攞去起Academy起Magnet school，快快重開嗰啲資優／或者重點培訓學校囉。

當然都係討論下，又係嗰句，唔會有咩結論，大家都唔會convince到大家去改變想法。

shadeslayer

Radiomama 發表於 22-11-4 17:38
這個帖一開始，我曾分享在香港的國際學校由小學至初中不設考試，
但，
有持續評核、有持續評核、有持續評核 ...

阿女學校，何上小學不考試，直接小學不設家課。

考試到 Year 10正式入IGCSE 課程才有

shadeslayer

stillgood20 發表於 22-11-4 17:15
教育界比較理想．總想,製造'全人'．
綜合能力高的．

精英班唔一定綜合能力高，相反我覺得綜合能力好可能不高，因為全是以分數為本，一分不能少。

shadeslayer

Yanamami 發表於 22-11-4 15:14
唔係囉。我同bestie可以話你知，正常中學一間。老師唔會兇你，自由發揮。我同女都唔介意有精英班，因為我 ...

我只道聽塗說，多謝更正。

Yanamami

Radiomama 發表於 22-11-4 17:38
這個帖一開始，我曾分享在香港的國際學校由小學至初中不設考試，
但，
有持續評核、有持續評核、有持續評核 ...

咁唔知香港家長buy唔buy。有時你初中教育果邊，就見到有帖話個女剛升中一，學校好似好hea,無乜功課、測考默，問人地啲學校係咪咁。我心諗，辛苦左呈分試兩年，俾人透下都唔得嘅？真係。

Yanamami

shadeslayer 發表於 22-11-4 18:23
我只道聽塗說，多謝更正。

唔好話更正咁嚴重。我女初初入，自己係校外生唔知該校文化，我自己個心都有少少戰戰兢兢，係入左去先感受到同坊間形容既不一樣。坊間夠話佢地同學間傾偈都用英文啦，可能有啲會，但唔係大部份吖。亦都唔係寸寸共，有兩次幾個上我屋企，練習家政考試菜式，好有禮貌吖，又乖。

shadeslayer

beastiebistro 發表於 22-11-4 15:29
整體成績好，自然就會惹嚟非議。梗有家長覺得我個女係出面啲學校讀到死死下，連掹車邊嘅資格都冇，呢間學 ...

有兩三個識得的佐敦女校家長，佢哋自己都高度競爭。當佢知道我女讀國際，其中一個兜口兜面同一大班人講，比說話我老婆聽，話講甚讀唔掂本地的學生，才轉國際。

你同Y 都唔係呢啲家長。

shadeslayer

天外之人 發表於 22-11-4 16:19
所以呢個睇開啲,其實應該係由幼稚園就已經開始,唔係等到中學冇結果既時候先睇開啲. 若然有咁稔法,小學六年, ...

對，乜成績都冇用，如果和孩子關係唔好。

shadeslayer

beastiebistro 發表於 22-11-4 16:23
死要面都係一大問題...

做水喉，扎鐵，洗玻璃幕幅搵錢應該好過最少三分一大學生（粗略估計），但講出來無體面，中國人更甚。

Yanamami

shadeslayer 發表於 22-11-4 18:31
有兩三個識得的佐敦女校家長，佢哋自己都高度競爭。當佢知道我女讀國際，其中一個兜口兜面同一大班人講， ...

我估物以類聚，細Y身邊既朋友都好好，如果佢聞到呢陣除既同學，佢會彈開。

我不知幾羨慕國際學校學生。不過我過唔到自己果關，無乜功課同考試，否則老早果時大Y考到CKY同當年仲存在既玫瑰街英基我就俾佢讀左。

Radiomama

Yanamami 發表於 22-11-4 18:47
我估物以類聚，細Y身邊既朋友都好好，如果佢聞到呢陣除既同學，佢會彈開。我不知幾羨慕國際學校學 ...

我估主要因為幼小的大Y與細Y都是乖乖女，因此點都會行local條路。至於我個J,是正宗trouble two份子，可幸讀幼稚園嗰陣class teacher話佢讀傳統學校一定被「罰死」，所以即改變跑道，最後發現好彩。