論壇新手小學老師報到

Vanadium

其實我唔係淨講條數，條數個老師改得啱定錯，我唔comment，因為我都唔知佢地考緊咩，究竟係考緊個答案，定考緊個表達。

我只係從自己小朋友實際學習中發現，小學老師比分，無論咩科，係有時嚴謹或執著到我內心覺得"嘩"一聲，個人取向大都唔會咁做。

我只係講我點解接受，因我當對我小朋友一個follow the procedures既訓練，老實點....我甚至樂意我小朋友有呢啲訓練，因我小朋友都幾傾向自由發揮，我知咁大個有機會撞板。

跟到個procedure，唔代表日後做野只識跟procedures，但跟唔到呢.....真唔識講。

我教自己仔女計數，從來唔會只跟教科書，我會自己教佢其他可能更好或更快方法，甚至比挑戰題佢玩腦筋訓練遊戲，但我會對佢地講，考試一定要用書或老師既方法，唔好插我點解咁同仔女講，但我知我做緊咩。

shadeslayer

Vanadium 發表於 18-6-27 19:52
其實我唔係淨講條數，條數個老師改得啱定錯，我唔comment，因為我都唔知佢地考緊咩，究竟係考緊個答案，定 ...

唔係講笑嗎，依家重問呢條加數的「數學題」係考「數學」定表達/follow procedure?

數學題唔係考數學，考 penmanship 嗎？

Vanadium

shadeslayer 發表於 18-6-27 20:04
本帖最後由 shadeslayer 於 18-6-27 20:06 編輯

數學題唔係考數學，考 penmanship 嗎？

你呢個真講得好，我個小朋友試過考常識寫字唔太靚少少走左樣，都一樣扣分。

不過我無學你選擇國際學校，我身邊朋友都甚少，大家傾開都接受呢個係訓練嚴謹，做人嚴謹啲好呀.......老師幫我做好過我自己做，自己做傷感情。

yovin

Vanadium 發表於 18-6-27 17:03
大家討論其中一個焦點，就係一定要人跟某個規範既答案，係是非不分，扼殺創意 ，有機會令叻既學生天才被埋 ...

請教！請教！

文科A咁出，當然答A，但有時佢轉左題且@咁出，而小朋友答BCDE，竟然大X→O分，我覺得如果BCDE也是對的，唔俾滿分可以，起碼一半呀！合理不合理？

Vanadium

yovin 發表於 18-6-27 21:16
請教！請教！

文科A咁出，當然答A，但有時佢轉左題且@咁出，而小朋友答BCDE，竟然大X→O分，我覺得如果BC ...

就當我個人老套，好肯定咁評價係要睇上文下理，得一件問題就講答案係咩，純街坊答下就得，但專業啲係應該睇條問係咩場合咩環境下問。如好多高中數學問題，大堆equations後，突然問: Find a，咁唔通真係答a=?? 就攞足分咩， 然後拗你題目只係叫我find a，我而家講左a等於咩，點解扣我分咁咩。

所有考試既人都會自動寫steps，咁題目有無講要寫steps呀? 無嘛，咁點解個個都識寫? 因為做過、老師教過知要寫嘛。

講返條數，咁得條文字題，條式應該點寫? 係街執上黎計，就任你點計，但若係一件學校考試題目，講真....我真係第一時間會問間學校點教去計呢條數喎，可能佢地考試前已同學生講一定要用A方法計呢? 或一直學校比分都只係以學校教過既野去比分呢? 又或題目第一頁指示講明係要用學校教既方法計呢?

以上所有問題我都唔知，我真唔識評論點解答案30-10+30係唔得。

講多少少等死，其實即使去到高中既公開考試，評分都唔係話你計得啱就得，有機會答案係應要根據個課程syllabus既內容去答，若將大學既野寫落黎，就算啱，都唔係一定要比分。

其實我係咪講得好唔清楚呢? 個人覺得跟明規則或潛規則考試個道理好顯淺，但感嘆好似好難明。

最後答你，若我係個旁觀者，條數30-10+30我會覺得無咩問題，但肯定....呢個只係一個旁觀者答案。

kwunpa

haihaimom 發表於 18-6-27 19:00
依啲比喻真係有點似是而非，考車牌梗係要規範，唔止駕駛技術，駕駛態度都緊要，個司機唔止危害自己，仲有 ...

用佢 ge 比喻，而家ge 情況系學生用推拉手（正確方法），但教車師傅話錯，師傅仲要話：唔好問點解，跟我教的手勢就得。

甘有問題的系唔系個教車師傅？

rulerL

shadeslayer 發表於 18-6-27 20:04
本帖最後由 shadeslayer 於 18-6-27 20:06 編輯

唔係講笑嗎，依家重問呢條加數的「數學題」係考「數學 ...

根據我觀察小兒的數學科功課、測驗等，數學科真係並不是淨係考數學，當中係考埋你表達能力、句子組成的。你整體做啱，即係列式、答案正確都好，你答句出現有minor mistake，係一樣會扣你分的。咁樣我會理解為：學數學的同時，係一樣要正確運用所牽涉到的中文/英文知識。換言之，你識計條數，都要識正確、流暢咁表達出來。

shadeslayer

Vanadium 發表於 18-6-27 20:36
你呢個真講得好，我個小朋友試過考常識寫字唔太靚少少走左樣，都一樣扣分。

不過我無學你選擇國際學校， ...

yorky 係全條無分，唔係扣一D分。只係扣一D分，不用講幾版。

講左咁耐，仍然分不開應要的嚴謹，和不必要無謂的「就」老師式嚴謹。。。

算把喇。

shadeslayer

rulerL 發表於 18-6-27 22:08
根據我觀察小兒的數學科功課、測驗等，數學科真係並不是淨係考數學，當中係考埋你表達能力、句子組成的。 ...

數學科不只考數學，可接受。但數學科「主要」考數學。即非數學有關的技術缺失扣分不能多過一半。

不因為數學理由，老師打個大交叉，係教坏學生。

Vanadium

有時睇睇下大家回應就會會心微笑.....好似某場合開大會講邊度應該比分，邊度唔應該比分，其實....考試點先應該比分，好多時連學校/評卷果啲都會拗餐死。

其實，大家會唔會反過黎太緊張個分數呢? 唔係求學不是求分數嗎? 我個人從來只會留意小朋友做成點，而真係好少理個分數，欣賞小朋友既努力就okay啦。

最後講下講下又話0分，又話老師打大X，但Yoky只係話式錯，都無講其實老師有無比答案分，又無講個老師對條式打大X...……

大家網上傾下當彼此交換下意見，太認真真係會走錯晒位。

kwunpa

Vanadium 發表於 18-6-27 19:52
其實我唔係淨講條數，條數個老師改得啱定錯，我唔comment，因為我都唔知佢地考緊咩，究竟係考緊個答案，定 ...

唔講數學住。

訓練衹懂跟procedure, 跟上級指示，而唔理系咪真正解決問題的學生，系19，20世紀學校的目的：提供大量聽話而不會發問、思考的工廠工人，以及衹聽上級指令的死板公務員。

真正會思考的人，幾時要跟procedure, 幾時唔使跟procedure, 系會自己想，唔使事事聽人講。衹懂跟 procedure, 點創新？

21 世紀要求的人才，創新、分析力及解決問題的能力系最重要。要跟procedure 做的野，留比機械人及電腦做。AI 都唔會跟固定 procedure.

Vanadium

kwunpa 發表於 18-6-27 23:04
唔講數學住。

訓練衹懂跟procedure, 跟上級指示，而唔理系咪真正解決問題的學生，系19，20世紀學校的目的 ...

但我都講左，係我見既smart學生，係好識係咩時候跟procedure，咩時候講創新。佢地答問題，唔會執著用自己方法，會根據考試要求去答，但係處理自己問題，或玩奧數時，佢地係咩方法都攞出黎用。

我完全明你諗緊咩，但真心唔認同你咁誇張講到依家係罐頭式教育，罐頭可能係個考試，但教育唔係淨係考試啊。有學生或家長將教育完全委身去考試，我係呢個討論區另一個咩天才post都表明反對，日操夜操考得好又如何，個學生只係有考試成績，唔代表真係對知識有深入認知或思考，係我見識中，最有potential既人都唔係考試成績最好既人，事實社會成功既人都係咁吧。

係考試都有所謂model ans，全世界考試都係咁，但若然跳出個考試，老師會唔會同學生玩下啲非考試既野，做下啲唔係為考試成績既活動，睇下啲唔係考試相關既資料，唔係都好重要咩?

若然只係講考試，然後話教育扼殺創意，可能家長自己都要諗下，自己選校時係考試為本定教育為本，點解淨用個考試黎睇間學校做教育做得好唔好。

黎緊暑假又有書展，又大堆家長搶購補充練習，比我.....買本百科全書比仔女睇下好過吧。

kwunpa

Vanadium 發表於 18-6-27 23:00
有時睇睇下大家回應就會會心微笑.....好似某場合開大會講邊度應該比分，邊度唔應該比分，其實....考試點先 ...

我地著眼的，正正唔系分數，系老師打擊學生的學習熱情，學習態度。

本來一個學生，用自己方法解決到個題目，好開心，好有滿足感，對數學充滿熱情。但系明明岩，老師話唔岩，老師又解唔明，剩系叫學生跟佢就得。一盤冷水照頭淋！甘學生以後就唔敢有自己想法，衹跟老師教的辦法做，學生慢慢就變成不敢嘗試、無自信、依賴、衹信權威、無好奇心，細細個就問系咪 out syllabus, out C 的就唔理。學生本來喜歡數學，都變唔喜歡...

學生的心智，就系甘一步一步比呢D學校、老師磨滅掉！大家睇下國際學校的學生同香港主流學校的學生，就知道主流教育的“成果”。

再睇下小學一年級的學生，同六年級畢業時比較下，又知道學校教育令學生變成點。正所謂：精精靈靈入去，癡癡呆呆出來！

shadeslayer

Vanadium 發表於 18-6-27 23:25
但我都講左，係我見既smart學生，係好識係咩時候跟procedure，咩時候講創新。佢地答問題，唔會執著用自己方 ...

係考試有 model answer 正確，但改卷的人如何用 model answer，如何分析五花百門的答案，才見真章。

Vanadium

kwunpa 發表於 18-6-27 23:33
學生的心智，就系甘一步一步比呢D學校、老師磨滅掉！大家睇下國際學校的學生同香港主流學校的學生，就知道主流教育的“成果”。

就同你辯論下: 國際學校學生教育成果比香港傳統學校好?

如果normalize個SES，讓賽唔使normalize學校/老師資源，以國際公開評估既標準(PISA/TIMSS)，我好大理據話你咁講係錯。

當然可以爭論下"好"既定義係咩........如果講自信心，國際學校的確會比到傳統學校更高自信，但若然講capability，睇下measure啲咩啦，10項我估7項國際學校學生會輸。

香港好多創意、科學、科技比賽，有少數國際學校都有參與，你有機會去現場睇下，國際學校學生係咪真係好win?

kwunpa

Vanadium 發表於 18-6-27 23:25
但我都講左，係我見既smart學生，係好識係咩時候跟procedure，咩時候講創新。佢地答問題，唔會執著用自己 ...

系DSE，高考，跟model ans 改卷，無問題，呢D系必要之惡（不過 IB 又考得靈活好多喔!). 所以，臨考試前要操卷，呢D系考DSE 的權宜之計，無奈！

但系在小學，不論系做功課、測驗或考試，都唔應該出現果條數的批改情況。

kwunpa

Vanadium 發表於 18-6-27 23:41
就同你辯論下: 國際學校學生教育成果比香港傳統學校好?

如果normalize個SES，讓賽唔使normalize學校/老師 ...

你欏主流學校最top 果 1%學生同國際學校比？系香港，主流學校學生人數系國際學校學生人數十幾倍，最勁果1%（參加得呢D 科技大賽，應該系最top 的 0.1% 添) 贏過國際學校有嘜甘出奇？而且，而家最top 的學生，大部分系家長培養的成果，唔系學校。

要比就比中間80%的學生。我觀察到（有錯請指正）的情況系：
1. 演説能力：國際學校完勝
2. 溝通能力：國際勝
3. 好奇心： 國際完勝（主流學生，就算最勁個批都無嘜好奇心）
4. 批判能力：國際勝
5. 寫作能力：國際大勝（好多12 歲就可以寫幾千字的文章）
6. 閲讀能力：國際勝（主流會閲讀的多系靠家長培養）
7. 做卷考試能力：主流勝（所以PISA 香港高分，但PISA 同時指出，香港學生閲讀動機系全球最尾）
8. 厭惡學習能力：主流完勝
9. 自我學習能力：國際勝
10. 聽話能力：主流勝（可能系好事，反正以後孩子的老闆好大機會系大陸人）

Vanadium

kwunpa 發表於 18-6-28 00:09
你欏主流學校最top 果 1%學生同國際學校比？系香港，主流學校學生人數系國際學校學生人數十幾倍，最勁果1% ...

你攞傳統中間果80%係唔得架，除非你係同美國(或類以國際學校教育模式國家)既學校比。

我先講係要normalize個SES，原因SES對成績係好大影響，係大過個學校本身。而香港國際學校學生，大都黎自香港最上階層，父母係專業或機構高層人士，或外國派黎既企業管理層，點可能同香港既中間80%比?

同SPCC或DB/DG學生比啦，公平啲。

我算留意比賽，就算各比賽，國際學校好少贏，講talk有英文辯論比賽，有國際學校參與，都唔係經常冠軍既 。以下英文辯論，最近兩次勝出都係屯門百周年李兆忠中學，一間屋邨學校，學生大都經過小學殘酷罐頭教育既洗禮。

http://www.stheadline.com/mkt/debate/index_c01_01.html

shadeslayer

Vanadium 發表於 18-6-28 01:09
你攞傳統中間果80%係唔得架，除非你係同美國(或類以國際學校教育模式國家)既學校比。

我先講係要normaliz ...

你真係唔好笑死人，叻辯論的國際學校玩星島？有一間，辯論隊入面有不少港隊成員，入選唔到辯論隊的學生，也可以赢得到成為亞洲代表之一去劍橋比賽。

今年香9個傑出學生，四個國際。