大角咀天主教小學(海帆道) - Part 4

julianama

忙咗3個月，明天終於搬新屋。終於見到製成品，間屋整完真係好靚，直頭想即刻就入去住TIM。     

不過到現在仲未PACK完箱，今晚睇怕都有排攪啦！

今日去廣華睇醫生，原來小B已經調咗頭啦！

明天阿女好似要默普通話聲母，我都冇乜同佢溫啦，不過阿女好似好有信心咁，可能因為公文式都學咗啦。
不過我都覺得聲母係容易記過韻母嘅！

Ansonhei

Hello~好耐無來打招呼添~

julianama, 我剛才睇番你篇post已經係假期前的,
你生

Bowiema

放完假, 小朋友們明天精精神神, 開開心心上學去....

LOOLOO

[size=x-large]good morning !

放完了悠長假期, 今早見好多學生都有點懶洋洋的.  快d重拾心情, 話咁快又來測驗架啦  

julianama

thank you Ansonhei,
小b仲未出世，我估佢會比預產期早兩個星期出世，因為之前阿女都早兩個星期。我同公司攞前2後8，其實心裏預計前0後10。     
搬咗屋但都仲未執好d嘢，好多嘢仲放咗係小b房。啱啱昨日先煲咗30斤薑醋，攪到成12点。攪点d薑醋先可以繼續執屋，如果唔係我怕小b等唔切啦。
昨日幫個女check功課發現唔見咗本英文workbook，都唔知係未因為搬屋整唔見，真頭痛。

Ansonhei

julianama,

早晨呀!預祝你 順利生產, 放足前0後10啦!
我呢兩個星期日都有得食薑醋,
昨日個朋友既姑姐仲打包好一大碗比我回家吃,
嘩~好味道,
反而幾年前自己生果時又唔係好鍾意食喎?!
宜家講起都好似聞到d薑醋味咁~     

你再搵下啦...你阿女本薄, 今日再返學,
我都驚我阿女漏帶呢樣漏帶果樣啊~

julianama

Ansonhei,
今年金豬好多人大肚，應該好多薑醋食。
我昨日叫個陪月嚟幫我煲，其實我自己都識煲，不過人哋係專業嘅就當然要係佢度學吓嘢啦！
現在我間屋成地都係薑皮，都幾壯觀嫁！
阿女本workbook正話同miss chan講咗，但如果再揾唔到就要去買過本啦！

最近這裏又好靜、靜、靜啦！

Edmami

我呢排都好少上來啊!    一來多左出街, 二來部電腦又short short地, 成日上網唔夠十分鐘就斷線, 連阿仔都好耐無做每日一篇了....  

julianama, 都未曾恭喜你新居入伙! 我地第日可能會好多時碰到面啦! 小B就快出世了, 祝你順順利利放個前0後10啦!  

LOOLOO

哈哈, 我都係喎, 噚晚臨瞓我都double check 佢書包及功課袋.

Ansonhei 寫道:
我都驚我阿女漏帶呢樣漏帶果樣啊~

julianama, 係呀! 我都食過我同事金豬bb既薑醋, yummy yummy     如果你是想順產, 太遲放價唔係咁好喎. 總之祝你順順利利啦~

julianama

LOOLOO,
其實前2後8都唔算太遲，只係我預咗小B會早出嚟姐！
我之前生阿女時(第一胎)都唔算生得太耐，十点入院五点生咗啦，所以我都唔太擔心。

Edmami,
'上網唔夠十分鐘就斷線'會唔會係網絡供應商嘅問題？你試下打去問下啦！不過我個女都都好耐無做每日一篇了。
遲D我D細路同你D仔仔囡囡可以係會所一齊玩啦！

話時話，之前個大假期大家有冇同小孩溫書阿？我就真係抽唔到時間啦！

Edmami

julianama,

我部電腦真係short short地，今日又好似無咩事，我老公話之前中左毒，我地又用緊無線上網，所以有時得有時又唔得，等我老公遲Ｄ得閒就upgrade過部機。

自從會所個兒童房裝修過之後，我地都好少去玩啦！佢地比較鐘意去二期的OPEN PLAYGROUND玩。

我都未同阿仔溫習呀！我諗都要下個星期先開始，佢要到DEADLINE先可以迫到佢溫書嫁！

LOOLOO

[size=medium]good morning !

今早現場直擊報導 :  今早我帶住鴨仔搭的士返學, 約0750落車時剛開始逛大風, 我地有兩把遮都吹反了, 非常狼狽呀! 好彩唔係好大雨, 所以沒有點濕身. 約8點就橫風橫雨啦, 站在有蓋操場都撇濕身呀, 學校便取消早會, 安排所有學生排隊上課室嘞! 最大雨(約0815)時有幾部校車可駛入校內落車, 更有嬸嬸為學生擔遮tim      
真的希望小朋友們唔好冷親, 因為好大風時吹到我都起雞皮呀!    亦希望放學時千祈千祈唔好咁既天氣, 因為學校果邊真係好'應'風架!   

另外, 我見有學生的書包, 有一個雨套, 罩住整個書包, 有無人知邊樹有得賣呢?  幾好喎, 通常小朋友擔遮都遮唔到個書包.

Bowiema

LOOLOO,

書包既雨套, 我舊年暑假時係反斗城見過有得賣, 唔係好貴, 都係$30甘上下.

julianama

救命啊！大家可唔可以話俾我聽今個星期五中默默邊課，要唔要背默？
阿女上個星期抄手冊又冇抄到，問佢今個星期要唔要默書又話唔洗，知佢手冊抄漏嘢又唔知佢漏乜，為有叫佢今日問同學抄返，点知今日再睇手冊先知佢抄漏嘅就係默書，再問佢默邊課，佢一時又話老師冇講，一時又話唔記得。
佢今次真係激得我好緊要，都唔知佢上乜堂，就算抄唔齊手冊都應該記得老師講既嘢啦，最火滾就係佢小息大息有時間都唔抄好手冊，走去用八達通表買野食(一日五次咁多)，佢就快激死我，都唔知佢今個星期点默書，下個星点測驗。我真係覺得我冇本事教佢啦！我太多野做，乜都係我，仲要俾佢咁激！           

LOOLOO

julianama, 放鬆d, 你唔好激氣住, 抄漏野週不時都會有, 唔係只有你個囡! 小朋友掛住玩, 就咩都唔記得! 有陣時你個囡都好生性, 諗下佢d優點, 你就唔會咁慶啦!

本週五中默 : 讀默第七課(學校生活樂趣多) 及 89頁詞語四個(彈琴, 舉行, 拍手, 打鼓)  

julianama

THANK YOU LOOLOO,
你有所不知啦，我個女生性嘅嘢全部都得把口講，做又係另一回事。你聽果時就會覺得高興嘅，但事後就會有受騙既感覺，因佢明知係唔啱都會去做！
唉，為有慢慢教啦！

Edmami

julianama,

我呢排少左上黎, 咁遲先睇到你的求救 , 如果下次你對測驗默書D範圍有疑問, 可以直接打電話比我呀! 咁樣可以快D回覆到你 ! 你都就快生得啦, 唔好咁激氣, 保持心境輕鬆D去迎接小B的來臨啦! 我諗你生左之後都會好攰同埋好忙, 或者無時間上黎, 有咩都可以直接CALL我問吓!  :wink:

julianama

thank you 你 Edmami,
我都知如果call你會快d解決問題，但我每次知道有問題時都已經好夜，實在已唔放便打電話俾你，為有在這兒留低幾隻字求救囉。
唉！我啱啱先發現原來早幾日有張通告話去旅行，julianaba只簽了個名就算數，連去邊樹旅行同幾時都唔知道，又唔俾錢個女交，都今日先問我攞錢。睇嚟明早都要call miss chan攞返張通告嚟睇。
julianaba咁樣我都唔知我去生小b時阿女点算！小b應該好快出世啦！
我3/5都開始放假啦！

LOOLOO

julianama,
唔駛緊張, 那個旅行在8/may(二) 去參觀動植物公園, 是在返學時間內去的, 無咩要準備.  有需要(pm我)夜晚我可 fax 份通告比你睇.  妳都係放鬆d好嘞, 唔見妳個人, 淨係睇都知你辛苦嘞, 又教囡又搬屋.  
過來人話你知小心囡囡的心理, 因為家庭多了一個成員, 對咁細的小朋友來說跟大人是不一樣, 雖然口裡或會說好鐘意好期待細佬/妹, 但當佢唔開心被鬧時, 好容易聯想到媽媽點解會咁咁咁.....
當年我生細佬, 哥哥原來好擔心我入醫院生bb會好痛而唔開心, 但我沒有察覺到, 是幼稚園老師告訴我才知道咋.  後來老師叫全班同學仔幫佢為我一齊祈禱, 佢才放鬆少少.  所以如果囡囡或屋企人有咩閃失, 都可能因為快有一新成員加入而緊張. 希望幫到妳啦.

julianama

THANK YOU LOOLOO,
正話MISS CHAN話會派過一張通告俾我啦！
希望小B出世後會好一点啦！
話時話聖多默D老師真係幾好嫁！