富安威寶的家長, 入黎交流吓啦

qkhui

ktmama, 當然唔好擦佢la, 除非真係好差, 下學期真係要寫字ka la, 你小朋友係細仔or大仔ar? 如果係細仔就會辛苦o的, 不過多o的鼓勵佢地, 佢通常瞓醒幾多點ka ? 其實如果佢瞓醒後想玩一陣先做功課你都可以比佢玩一陣, e.g比佢玩30mins, 跟住就要做功課, 試下會唔會好o的. 我仔仔通常都係噉, 佢地多數一瞓醒會無咩心機做功課.
昨天派佐成績表la wor, 覺得小朋友考成點ar? 滿唔滿意le ? 我都幾滿意la, 不過有o的係佢自己唔小心錯, 不過都ok la, 我們都唔係點同佢溫書...   

giann728

ktmama,
我女女尋日都同我講鄧博文攞獎，仲有朗朗呀，不過朗朗無翻學﹗

我女女又係數學題錯左囉，不過算啦，希望佢記得下次唔好錯啦﹗

ktmama

QKHUI
我個仔仔喺大仔黎 gar.  佢依家唔瞓晏覺啦.  但夜晚就會 7:30左右瞓囉, 到第二朝未夠 7:00 起身囉.  我會試吓俾佢食完飯玩一陣先做功課, 因為唔想晏先俾佢做, 驚到時佢扭眼瞓會無心機做.

其實都好滿意啦.  喺數學佢自己唔小心錯咗一題 law.  佢知道之後仲喊喊. 攪到要婆婆氹翻佢囉  

Giann728
我今日去接仔仔放學, 好好彩俾我見到仔仔喺 playground 度玩車車呀, 但可惜部相機壞咗, 所以無得影呀.  , 佢哋課室今日無開窗呀, 所以都裝唔到佢哋上堂    .

我見你女女帶口罩呀, 聽亞珽講話佢咳咳喎.  有無睇醫生呢?  希望佢快 d 好番啦.

giann728

ktmama,
可能天氣凍，課室無開窗喎﹗  其實我女女都無咩野，尋晚都無聽佢咳過，不過我尋晚都同左佢去吳醫生度攞定d藥﹗  

你快d去買相機啦，就黎新年，要同仔仔影吓相架，你個blog都好耐無相睇啦﹗

qkhui

ktmama, 你仔仔係大仔來ka... 佢7:30幾瞓好好wor.... 我仔仔依家都仲有瞓晏覺ka.. 佢多數都11點幾先肯瞓, 如果唔瞓晏覺就會早o的, 10點幾la...

噉你仔仔未差唔多科科100分.. 佢好叻wor....

ktmama

QKHUI
咁佢又唔算話好叻, 因為佢上年有讀過 nursery, 所以會比較著數咋.  

唉 ........ 弊在老師俾佢 中文同英文 writing 都喺攞 C 呢. 我睇到佢份卷寫得都算好 LA, 如果喺屋企做嗰 D 呀, 可能喺攞 D 添呀.  真喺頭痛.  唯有令佢比多 D 耐性去做功課啦


GIANN728
你女女星期四嗰晚喺咪好夜瞓呀, 我見佢又喺校車度瞓咗 LA.  

littleppooo

我想問0下呢...
幼稚園係咪有學劵制呀...!?

但好似幼兒園0個邊係國際學校...
好似冇得申請學劵...

我囡囡兩歲喇...
我會幫佢報8月入幼兒園...
佢3歲0既時候...
究竟應該留0係幼兒園好定係去幼稚園度呢!?
但幼兒園好似每班都有外國老師...
咁樣囡囡咪可以成日講英文...
但就冇得申請學劵喎...
咁應該點好呢!?

各位家長...請問有冇咩意見俾到我呀!?

qkhui

Hi ktmama, 我仔仔都有讀nursery ka, 寫字都唔緊要la, 佢依家仲寫, 不過你覺得佢寫字有無力ar? 我仔仔寫字都ok, 佢讀k1時, 係會差少少o既, 不用擔心, 不過你可以比佢得閒寫下線, 畫下圖噉la.. 等佢o的手力好o的, 噉寫得會好o的, 我仔仔今年寫字進步佐好多, 中英都係A ar..佢寫字好少雖要改ka, 可能佢比較有力.

ktmama & Giann728, 我仔仔出水豆ar.. 可能在學校轉染返來, 你們留意下小朋友wor..

ktmama

Hi, Littleppooo
學券只喺幼稚園有, 幼兒園 (nursery ) 喺無學券喎.

你囡囡喺幾月出世架?  好似我仔仔咁, 因為佢喺一月出世, 所以我俾佢讀咗一年幼兒園 (nursery), 我無喺佢 3 歲時即刻幫佢轉 k1.  因為課程同程度都唔同, 唔想影响到佢的自信心同學習情緒.  

幼兒園 (nursery) 同幼稚園的英文堂同樣都喺由外籍老師教. 所以小朋友可以日日都接觸到英文. 而幼稚園每星期會有二堂普通話堂.

個人黎講, 我覺得應該先考慮小朋友的利益, 有無學券都喺其次.

ktmama

Hi, QKHUI
好多謝你的提示呀.  咁你仔仔依家好番 D 未.  儘量提佢唔好 "R" 呀.  記得唔好俾佢吹風呀.

qkhui

Ktmama, 佢好返好多la, 都退佐好多ka la, 我們都成日提佢叫佢唔好"r", 不過我唸都等下星期一先比佢返學, 等佢真係清晒先, 唔係一陣傳染比其他小朋友就唔好

ktmama

QKHUI
真喺好快呀, 下星期日就喺年初一啦. 咁又一年, 人又老一歲.   . 睇手冊好似 16/2 開始放年假. 下星期佢哋應該會開 party. 到時最開心既喺 D 小朋友囉.

GIANN728
聽仔仔講, 你女女發燒無返二日啦. 希望你女女快 D 好番啦. 我哋琴日已經開始寫字啦.  喺寫個 ( 一 ) 字呀.  你同女女喺屋企練習吓啦.

ktmama

HI, Qkhui & Giann728
我好開心呀, 仔仔呢幾日做功課好乖呀, 我叫佢做功課佢都肯即刻做呀.  我問佢要唔要我幫佢油吓顏色, 佢仲且講話唔得架, 要自已油架    我諗老師應該有同佢哋講過要做功課, 所以仔仔聽聽話話做功課囉.

原來真喺用三角型筆, 小朋友比較容易掌握到點樣 "渣" 筆 gar.   

qkhui

Hi Ktmama, 噉未好lo, 仔仔噉乖, 你要keep 住佢ar..

係ar. 用三角筆係好好ka,

ktmama

HI, QKHUI
我都想呀.  但喺佢哋今日寫個 " I " 字, 亞仔已經話好難寫, 結果要氹佢分開二次做, 先做完.

下個星期四 (15/02 ) 學校有 PARTY 開呀.  到時你會俾仔仔帶 D 咩賀年食品呀?

qkhui

Hi ktmama, 慢慢來la, 做做下就ok ka la...:)

未知ar, 不過會著賀年衫返學..

giann728

ktmama,
係呀，我女女上星期一燒到脫水，其實唔高燒，不過佢又痾又嘔，所以入左院呀﹗  上星期四已經出左院，不過聽你地講學校呢排好多菌，所以我打算比佢休息埋今日，聽日先翻學呀﹗

Miss Wong都打左幾次比我，佢話會上堂時同我女女做翻d worksheet喎，至於功課簿，就叫我響屋企同佢做翻﹗

Qkhui,
你仔仔好d嗎??  之前有無打水豆針呀??  不過，好似話打左都會野到架﹗

ktmama

Giann728
之前見你女女無返咁多日都有 D 擔心, 後黎知道你女女入咗院, 真喺嚇咗一跳呀, 真喺估唔到咁大件事呀.  記得要好好同佢調理番個身體呀.

如果買鉛筆, 真喺買三角型鉛筆好 d gar.  小朋友會比較容易掌握到 "渣" 筆的正確姿勢嘛.

放心啦, D 寫字練習好容易做, 暫時最難寫既都喺個 " I " 字, 其他都好容易寫. 慢慢黎, 唔駛心急.

星期四開 PARTY 啦, 你會俾女女帶嘜返學校呀? 我諗我都喺俾仔仔帶 D 賀年糖果返學校.

qkhui

HI, 我仔仔好返晒ＬＡ，　昨天巳返學, 不過要佢做返晒成個WEEK 功課, 真係好辛苦, 佢都唔肯做...

係AR, 我聽人講, 打佐都會有機會野到, 仲話如果打佐針都野到仲麻煩, 都唔知真定假, 不過佢依家細個出佐都好, 大O的仲麻煩


giann728, 你女女食錯野AR? 真係要小心O的AR.. 比多O的時間佢休息..

giann728

ktmama,
我女女食左成個星期粥水同奶，尋日lunch煮通粉佢食，佢一吓子食左兩大碗呀，真係好似人地放監咁﹗  係呢，應該點同佢調理番個身體呀??  我真係唔係好識架﹗

我叫朋友幫我響教協買左兩排三角鉛筆啦﹗

尋日miss wong都打比我通知我星期四有party，仲要著華服喎﹗  我頭先去買左罐蛋散比女女星期四攞翻學，我女女仲話要攞糖喎，一陣放工去買少少先﹗

qkhui,
你仔仔好翻就好啦，我女女都要pick up翻一星期既功課呀，真係有排佢做﹗

都唔知佢食錯野定係感冒菌引起，因為化驗報告仲未出呀﹗