論壇新手小學老師報到

Vanadium

kwunpa 發表於 18-6-27 17:49
你講呢D要跟老師框框，否則岩都當錯，咪系奴性教育囉！政權最開心，用黎培訓順民。
...

我唔知考車牌時，考牌官既要求係奴性教育? 縱然個牌個個都要跟標準咁考返黎，但事實周街都見賽車手，奴性教育明顯失敗。

不過去到呢啲位唔爭論，得個拗字，反正每個家庭都可選擇用自己既價值觀教導孩子，孩子最終係跟父母。

MrBeast

yovin 發表於 18-6-27 17:48
兩個老人家嗰套呀！

記得la，仲以為去戲院睇個d

MrBeast

Vanadium 發表於 18-6-27 17:03
大家討論其中一個焦點，就係一定要人跟某個規範既答案，係是非不分，扼殺創意 ，有機會令叻既學生天才被埋 ...

我中學數學啟蒙老師就是教我們數學可以有不同方法，integration 若題目冇講明，數格仔都得，不過可惜這類老師唔多

Vanadium

MrBeast 發表於 18-6-27 18:04
我中學數學啟蒙老師就是教我們數學可以有不同方法，integration 若題目冇講明，數格仔都得，不過可惜這類老 ...

中學甚少指定用咩方法，但都有時會有一定規則，特別公開考試，事實有啲未改過卷既老師未必知，我見唔少學生都寫啲野係唔係錯，但人地都唔比分既，而教佢地既老師係無指正佢地。

我自己有時都唔明規則點解要鎖到咁死，但我會體會"跟規則"都係一種技能，就算講到明，都唔係個個跟到。

至於小學點解要捉到咁緊，實情係要問下伍sir先知，我只會教我小朋友要知個規則，適時要跟規則去做，唔係自己覺得okay就okay。

MrBeast

Vanadium 發表於 18-6-27 17:54
我唔知考車牌時，考牌官既要求係奴性教育? 縱然個牌個個都要跟標準咁考返黎，但事實周街都見賽車手，奴性 ...

香港有個現象，唔知是老師唔講清楚，定學生冇留意去聽，變成學生唔知一些規則背後的用意。你的eg 中，我在外國學車，老師有講点解要唔可以交叉手，因為遇到意外或危急情況時會panic ，兩隻手kick 住摟唔到駄。當然只有好似我地呢d以為自己係車神先會明白不聽老師言，吃虧在眼前

Vanadium

MrBeast 發表於 18-6-27 18:12
香港有個現象，唔知是老師唔講清楚，定學生冇留意去聽，變成學生唔知一些規則背後的用意。你的eg 中，我在 ...

有時理解一件野點解係咁，比使用一件野係難好多。如E=MC^2，代式計小學生都代到，佢點黎、點解係咁就唔係個個可以理解到。

果啲除數被除數慨念我自問真係無點考究，但可能討論個概念點解係咁，仲深過我記左佢點用多多聲。有啲老師可能好認真咁想啲學生明，結果啲學生可能反映老師教極唔明，反而唔講咁多只叫學生跟住做，啲學生可能開開心心咁話....都唔難做啫，所以無親身體會過，有啲野係唔會知道點解最後係咁。

做父母無試過教仔女教到發晒火，發覺要仔女明白一件事係如何難?

kwunpa

Vanadium 發表於 18-6-27 17:02
再用我既經驗回應下呢個討論，希望唔好又被批評為好為人師，只係見大家諗法同我多年觀察有少少出入，純分享 ...

你講呢D，系基本功，系有公認的正確手勢，正如打波，教練教初學者一定要由正確手勢開始。
但系個條數，老師的標準系無聊，唔系數學基本功，唔系教數學的正確方法。相反，老師系將岩的做法當佐錯，系教錯！

數學唔同其他科，數學系好嚴謹，岩就岩，錯就錯。老師把岩的做法當佐做錯，就系老師錯！S 網友平時講野我都唔like , 但系佢講加法系commutative 呢樣野系好重要，因爲唔系所有operator （算子）系符合交換律（commutative)。上到高中、大學，讀高階數學，commutative 呢個概念系好重要。小學生當然唔駛識呢D野，但係個老師做法若然令到學生以爲加法要分先後次序，甘就大大鑊。

呢D就正正系不學無術的老師，教錯基本功的例子。
我講呢D，同創意，同守唔守規矩無關，剩系講數學個老師已經系教錯。
最初，我以爲小學英文老師好多系教得差，後來發覺中文老師都好多唔掂，而家就連數學老師好多都......

shadeslayer

Vanadium 發表於 18-6-27 17:02
再用我既經驗回應下呢個討論，希望唔好又被批評為好為人師，只係見大家諗法同我多年觀察有少少出入，純分享 ...

講左咁耐仲用個錯誤例子。

考車牌

1。不交差手，係有科學原因。即不交差手，係揸車的科學方法一部份。並不是技術缺失。

2。不交差手，機乎 universally accepted as a safer method.

加數列式前後大交叉

1。加數列式前後對調，沒有違反數學原則，是違反老師的「個人」原則，而此原則和數學無關。這是技術缺失，和數學無關。

2。伍sir同 其他老師，對扣唔扣分，扣幾多，也末有統一共識。Not universally accepted.

kwunpa

Vanadium 發表於 18-6-27 17:03
大家討論其中一個焦點，就係一定要人跟某個規範既答案，係是非不分，扼殺創意 ，有機會令叻既學生天才被埋 ...

如果ABCDE方法都系岩的話，答E 方法，點解唔比分？

要測驗學生識唔識 A方法，咪出一條題目剩系用 A方法至做到囉！老師甘都唔知？又或者直接系題目講衹可以用 A方法囉！無講明，答岩佐又當錯？呢D咪唔系考學生識唔識答題，系考學生識唔識睇老師眉頭眼額；無錯，長大后出來做野，識唔識睇眉頭眼額系比識唔識數學重要，不過呢D仍然系奴性教育，培訓奴才，而唔系培訓一個心靈自由，獨立自信的孩子。

shadeslayer

Vanadium 發表於 18-6-27 17:03
大家討論其中一個焦點，就係一定要人跟某個規範既答案，係是非不分，扼殺創意 ，有機會令叻既學生天才被埋 ...

不成立，請看我上面的回應。

haihaimom

Vanadium 發表於 18-6-27 17:02
再用我既經驗回應下呢個討論，希望唔好又被批評為好為人師，只係見大家諗法同我多年觀察有少少出入，純分享 ...

依啲比喻真係有點似是而非，考車牌梗係要規範，唔止駕駛技術，駕駛態度都緊要，個司機唔止危害自己，仲有其他道路使用者同行人，好多專業都要規範，機師、醫生、工程師、佢哋出錯會死人㗎，依家講計上面嗰條數咋。

shadeslayer

MrBeast 發表於 18-6-27 17:04
教好學生和教好學生的分別

香港教育，把叻人又好，能力差的人又好，全壓向同一水平，不許有孩子自己的發展時間表，情況好嚴重。

能力差D，發展慢D，迫都死，做都死，補到死，辛苦到死。

能力好的，會當錯，零蛋。(英文例子)

只有學生啱啱撞着剛剛，行為和學術，搭正老師心中條無形的線，就是好學生。其他？麻煩學生。

香港幾時才把教育重心放到孩子身上，不是老師身上，不是學校身上。

shadeslayer

YolandaTam 發表於 18-6-27 17:09
係囉，本來佢好有潛質入辯論隊㗎，四年級學校捉咗佢去選拔，但佢因呢件事嚇怕咗，唔敢講嘢，直到而家升中 ...

好可惜。辯論，係阿女其中一樣明顯幫助佢各方法發展的不可多得活動。

shadeslayer

Vanadium 發表於 18-6-27 18:08
中學甚少指定用咩方法，但都有時會有一定規則，特別公開考試，事實有啲未改過卷既老師未必知，我見唔少學 ...

伍 sir 己講，認為加數咁捉法不贊同。

shadeslayer

Vanadium 發表於 18-6-27 18:25
有時理解一件野點解係咁，比使用一件野係難好多。如E=MC^2，代式計小學生都代到，佢點黎、點解係咁就唔係個 ...

做數學題，要解釋比孩子聽因為一些非數學理由，個答案由啱變成大交叉，的確好難。

shadeslayer

kwunpa 發表於 18-6-27 18:33
你講呢D，系基本功，系有公認的正確手勢，正如打波，教練教初學者一定要由正確手勢開始。
但系個條數，老 ...

我一向D野，道理如何，都好多人唔 like 。今次例外。

我無所謂。

伍sir

IloveJJ 發表於 18-6-27 08:52
我覺得你呢種做法先合理囉！

我晌學校未開始教數前，都見過有老師將低年級學生用高年級方法去做數時當佢錯，我第一個反應係「點解唔得？」
個學生例牌話乜乜老師話乜乜乜，當年我小薯仔一名，當然無得改變，但而家有經驗有認識，只能儘量避免d亂話學生錯的事件發生罷了。

伍sir

little_yolky 發表於 18-6-27 08:55
多謝伍sir, 我終於明白了！
不過, 關於你既體重, 佢哋學校寫2+60, 係100%錯既。

希望我的解答令你有少少釋懷。

未教括號所以唔寫30+(30-10)，但30-10+30就唔得？
咁其實已經反映任教老師其實並非真係咁嚴謹，只係跟自己方式做。

事實上，部份小學數學老師並非咁專業。

伍sir

幾個小時百幾個post，跟唔切，不過老師有時都只能跟規則去扣分，改過tsa卷就知，無一條線去劃定俾定唔俾，咁改卷員會好難處理，不過條線傾向寬鬆，都唔會有太多討論。

shadeslayer

kwunpa 發表於 18-6-27 17:49
你講呢D要跟老師框框，否則岩都當錯，咪系奴性教育囉！政權最開心，用黎培訓順民。
...

奴性，好沈重。

不過我留意到，工作上多下屬不會欣賞我只比指引，留有自主，自發，自己想解決方法的做事方式。全部只想收一個指示，便去做。